Post: #1
Title: اخر اخبار الحلفايا
Author: السفير
Date: 08-03-2005, 02:25 AM
بسم الله الرحيم
ما شفتو امبارح حصل شنو
الحلفايا رجالهاعلى نسوانها طلعوا بالعكاكيز والسواطير وطبعا الكلام ده نص الليل قال شنو عايزين يحموا حلتهم ويدقوا الجنوبيين عشان الجنوبيين عملوا شغب وهكذا وهكذا ...
المهم قعدوا لغاية 2 فجر وجزء منهم دقس وجزء تانى كلما يجى يغمد يهز راسو يصحى وحاولوا تتخيلوا المنظر وانا مصارينى اتقطعت من الضحك .
فى النهايه كل زول رجع بيته .
ستيم بااااااااااااااااارد
(( يعنى تم احراجهم لا يعرف هذه المسطلحات التى عمت عاصمة الثقافة العربية مؤخرا ))
احم قصدى السخافة العربية
|
Post: #2
Title: Re: اخر اخبار الحلفايا
Author: محمد امين مبروك
Date: 08-03-2005, 03:16 AM
Parent: #1
ياسفير
صباحاتك ..... كان لازم اعملو كدة
والا كانت صيوانات البكاء تملأ الحلفاية من المزارع حتى تخوم المسيكتاب وغربا حتى البحر لا قدر الله
عصر الاتنين لقيت سيد الحوش بكري جنب سونا ( يقدل) حافي حالق في طريقه للحلفاية راجلا ...
تغريبل لمن وصل بكون انضم للمجموعات العكاكيز
الامر كان خطرا
يا سفيرنا الغالي
|
|