دعواتكم معاي .. زميلنا حسام هلالي يواجه امتحانات الجامعة بعد ايام

الاعزاء جميعاً
لكم تحيات الورد
ايام قليلة وبعدها ستواجه امتحانات الشهادة المصرية زميلنا اللذيذ حسام هلالي ، ولكنها المسكينةـ وانا اقصد الامتحانات ـ ستندم كثيرا فحسام هذا النوبي النبيه سيتفز بحول الله كل ما يخطر على العقل من اسئلة.
ومن اليوم لن يرتاح صديقي ونديمي سري هلالي .
اما الام العظيمة احسان هلالي اكيد حا تلخبط الدنيا قياما وقعودا وهي تجفل ما بين مذاكرة حسام ومراقبته حتى يبتعد عن الكيبورد اللعين
تماضر شيخ الدين حلفتك بي الله كان ما اديتي الولد ده العين الحمرا

ويا الشيخ الرباع
اولادك السراع
حسام في حواك
يا حمد ابـ عصاة سيف حسام
في حواك
يا برير
يا النقر
يا الكباشي

يا رجال ام رحي
ندهتكم اجمعين حسام في طرف لسانكم
ينجح
ويفرح
ولكم الحب جميعاً
خالد

خالد

وفق الله الحسام
ويسر عليه الكلام
وأبعد عنه الملام
وعجل بمسك الختام
آمييييييييييييين

كل الدعوات بالنجاح لحسام
وانشاء الله يكون منكرب

عارف يا خالد اظنو حسام حايتمني انو الامتحانات دي اصلو ما تنتهي لانو عارف بعد تنتهي تاني ما عندو فرصة يزوغ ..

عموما يا سيدي الله يكون في عو الامتحانات ونتمني ليها التوفيق معاهو

وبالتوفيق

الابن حسام
تمنياتي بالتوفيق الكامل في الشهادة
والشهادة لله فكرك اكبر من عمرك بكتير وربنا يحفظك

بالتوفيق صديقنا حسام هلالي
وكما قال الاستاذ الموصلي
فعقله أكبر من عمره بكثير
وربنا يحفظ و يزيد




وتحياتي للأسرة العظيمة

شكرا لكم للمؤازرة
وحسام يستحق الكثير
خالد

والله يا الجماعة السمحين أنا آسف جداً جداً أنه ما حأقدر أعتب الغرفة الفيها الكمبيوتر .. عشان كدا ما حأقدر أرد على البوست المرعب ده ولا أخش اقراهو أصلاً .............. واع ! والله دخلتوني في حتة محرجة خلاص ...

كم آخاف عليكم من الخيبة !!

ولكن ... لا ... إنها الحرب الضروس ...

نلتقي في غد أفضل