Post: #1
Title: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 06:43 AM
نهاية الخميس وبداية الجمعة صدقوني لم أنام
فالموبايل لم يصمت عن الرنين
فتحت اشوف الحاصل شنو
لقيت رسالة
وش لونك يانورا 00 ارجوك اتصلي حالاً
الرسالة التانية
والله انا بموت فيك يانورا ابغى اسمع صوتك
بعد شوية 00 وصلت رسالة أخرى
جوالي مافيه رصيد وانا في السيارة واليوم لابد نتقابل يانورا في الشقة
انا ادري يانورا انو جوالك يمكن بدون رصيد
لكن اقولك 00 معاي بطاقة زجول اتصلي علي بيها من اقرب تلفون
اها 00 الحيوان دا ارسل لي رقم البطاقة
دقيت الرقم الأول : شركة زجول ترحب بكم 00 للغة العربية اضغط رقم واحد
اها 00 بعد ضغطنا الرقم
رصيدك مائة ريال
عارفين عملت شنو ؟؟؟
طوالي اتصلت بيها السودان
كلمت ست النفر وأمي وجارتنا كلتوم وعمي خير السيد
قال نورا قال
|
Post: #2
Title: Re: ياجماعة 00 نورا دي أعمل ليها شنو ؟؟؟
Author: almulaomar
Date: 04-13-2003, 07:43 AM
Parent: #1
الحمد لله الذي جعل رقم هاتفك مقارب لرقم هاتف نورا أو جعل هذا المفتون أو المفتونه بنورا بكل هذا القدر من الغباء والغباء برئ منه بأن يتصور أبو حراز نورا حتى لو كان مصدر هذا النور لمبة جاز أو قبورة . سمعنا بالمثل القائل ومن الحب ما قتل ، لكنني لم أكن أتصور أن يكون الحب أعمى وأطرش وأبكم بالقدر الذي يمكنك من مهاتفة أهل القرية عن بكرة أبيهم وعلى حساب ناس نورا.
|
Post: #3
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 07:52 AM
Parent: #2
الملا عمر
كمان ازيدك من الشعر بيت
لسه مارجعت ليهو الباقي
تصدق لسه باقي فيها 30 ريال
عملت ليها رقم سري
يعني الأسبوع دا كلو حايكون الإتصال مجان
هذه واحدة من مشاكل العولمة
لاتعرف ابوحراز من نورا ولاتعرف نورا من ابوحراز
قال شقة قال
|
Post: #4
Title: Re: ياجماعة 00 نورا دي أعمل ليها شنو ؟؟؟
Author: james
Date: 04-13-2003, 07:55 AM
Parent: #3
الكلام ده ماصاح يا اب جضيمات
المفروض انك تتصل بالرجال وما تضللو
واااضح
|
Post: #5
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 08:00 AM
Parent: #4
جوليا اسروها في العراق وللا شنو
قال جضيمات قال
عشان تاني مايتصل بالغلط
يمكن الليلة نورا
بكرة سارة
الخطيبة بتاعتي اليومين ديل ريشها منفوخ
قالت عاوزة موبايل
والله دنيا آخر زمن 00 من العواسة والتكل
جابت ليها موبايل
أها في طريقة الواحد يرسلو ليها مع الإتصالات الهاملة دي
يقوم يقع فيها واحد من ناس الإمارات ويخلي خشمنا ملح ملح
|
Post: #6
Title: Re: ياجماعة 00 نورا دي أعمل ليها شنو ؟؟؟
Author: almohndis
Date: 04-13-2003, 10:57 AM
Parent: #5
هوي يا سموك نورا
نورا حلابت اللبينه
تعرف ياابو احراز
حرامى نط لى رجال والمدام
اه بعد اخذ كل الملابس
سال المدام اسمك منو
قالت عشة الحرامى
رجع هدوم الوليه
باقى اسم امه عشه
اه سال الراجل اسمك منو
قال شنو اسمى محمد
لكن تحت تحت بقولى
عشه
اهسع تحت بنقول ليك
نورا
عليك ابو احزار
بريال مدريد
كلمنى على 24915547026
قال 30 ريال
|
Post: #13
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 09:55 PM
Parent: #6
المهندس
ظريفة النكتة
تصدق لو قلت ليك الحادثة دي حاتستغرب جداً
واحد سوداني والده سافر السودان في إجازة سنوية وتركه هنا في السعودية
طبعاً الولد بحب واحدة في الأحفاد
الصباح قبل تمشي الجامعة بيتصل عليها
وبعد ترجع برضو بيتصل
والله الفاتورة وصلتهم بمبلغ 24 الف ريال سعودي خلال 3 أشهر
مع قطع التلفون
طبعاً الرقم واحد
قلت ليه : إنعل ابو دا حب
يا أخي مفروض المبلغ دا تشيلو وتمشي تعرسها وترجع
طبعاً الوالد المسكين رجع والآن بيسدد في المبلغ بالتقسيط
بالله نحن الواحد لمن يتصل على الخطيبة في السودان في الشهرمرة واحدة
العزابة هنا مايخلوك تنوم
يقولوا ليك قروشك كلها مكملها كلام مع البنات
|
Post: #7
Title: Re: ياجماعة 00 نورا دي أعمل ليها شنو ؟؟؟
Author: بت قضيم
Date: 04-13-2003, 11:08 AM
Parent: #1
لووووووووووووووووووووووول
يعني كان قلنا كان متصل بي ست ابوها كان يمكن
لكن نورا؟؟؟
!!!!!!
بالغت شركة الجوال
|
Post: #14
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 09:59 PM
Parent: #7
بت قضيم
لك التحية على المشاركة وخفة الدم
|
Post: #8
Title: Re: ياجماعة 00 نورا دي أعمل ليها شنو ؟؟؟
Author: ود عقاب
Date: 04-13-2003, 01:11 PM
Parent: #1
ابو حراز كيف عامل
اعمل ليها عصير ليمون
بختك لقيت اتصال ملح للسودان نحن تلفونا مشبوك مع خط السلخانه
ودعقاب
|
Post: #15
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 10:01 PM
Parent: #8
ود عقاب
العصير بفك النفخة دي وللا شنو
والله دي شوال ليمون كامل ماينفسها
|
Post: #9
Title: Re: ياجماعة 00 نورا دي أعمل ليها شنو ؟؟؟
Author: Elmosley
Date: 04-13-2003, 01:21 PM
Parent: #1
اخ لو شاف نورا العندها الجوال هسع
يا ابوحراز
|
Post: #16
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 10:04 PM
Parent: #9
الموصلي
لوشاف نورا العندها الجوال والله مايقيف الا في مستشفى التجاني الماحي
ضحكتني معاك
|
Post: #10
Title: Re: ياجماعة 00 نورا دي أعمل ليها شنو ؟؟؟
Author: Abdalla Gaafar
Date: 04-13-2003, 01:22 PM
Parent: #1
ابو حراز
لك السلام
يازول الحمد لله الجوالك بجيب جنس دا
وهذا رزق ساقه الله اليك
لكن ما تعتمد علي الحكاية دي لي قدام لانها بتجيب كفوة
لكن برضو ماكان ترد انشاء بي رسالة عشان شوية تخليها حلوة
يعني انشا الله تخسر منها خمسة ريال في رسالة للزول دا فيها كلام رقيق
والله الحكاية مابتتستحمل
وعلي الطلاق واقعة معاي بالخسارة
سلام
عبدالله جعفر
|
Post: #17
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 10:05 PM
Parent: #10
عبد الله جعفر
مفروض الواحد يطيب خاطره بالكلام المعسول
طبعاً هو بعد ما كشف اللعبة حاول يتصل مرتين
لكن كل ما اشوف الرقم بقفل طوالي
انشاء الله بعد دا كلو يكون قابل نورا
|
Post: #11
Title: Re: ياجماعة 00 نورا دي أعمل ليها شنو ؟؟؟
Author: azza
Date: 04-13-2003, 02:52 PM
Parent: #1
لوووووووووووووووول
هاهاه
الله يجازي محنك يا اب حراز
عسل عدييييييييييييييييييي
اول ما بقرا اتوقعت تقول 10 ريال طبعا ناس عشرة
مية بالغ لكن دي عندنا سبعين الف ماها ا جنا
|
Post: #12
Title: Re: ياجماعة 00 نورا دي أعمل ليها شنو ؟؟؟
Author: جدو
Date: 04-13-2003, 04:08 PM
Parent: #11
[email protected]
لاكن يا ابو حراز معقولة نورا دي بتشبهك للدرجة دي
|
Post: #19
Title: Re: ياجماعة 00 نورا دي أعمل ليها شنو ؟؟؟
Author: ابو يسرا
Date: 04-13-2003, 10:09 PM
Parent: #12
الاخ الظريف ابو حراز تحياتي
والله انا خفت لم شفت اسم نورا في العنوان وخفت انك تكون مهاجم نورا اخونا الشاعر حميد وبعد قريت البوست حمدت الله ان حميد كلماته مثل اللهب ولاتشبه همسات صاحبك بتاع المية ريال فلتسعد اخي بمكالمتك للاهل بالسودان واخوك ابو يسرا شيخ كبير واليك الفتوي بجواز مافعلت وسينالك اجر لاشك في ذلك وتحياتي لست النفر
|
Post: #20
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 10:10 PM
Parent: #12
جدو
والله نورا هنا لوشفتها تقعد تهضرب اليوم كلو 00
أنوارهم هنا غير عادية
|
Post: #18
Title: Re: ياجماعة 00 نورا دي أعمل ليها شنو ؟؟؟
Author: ابوحراز
Date: 04-13-2003, 10:08 PM
Parent: #11
عزه
شكراً يا عسل
الليييييييييييييلة
لو الخطيبة قرأت عسل دي الشكلة بتقوم بالليل دا
|
Post: #21
Title: Re: ياجماعة 00 نورا دي أعمل ليها شنو ؟؟؟
Author: ABUHUSSEIN
Date: 04-13-2003, 10:11 PM
Parent: #1
أبـو مــلــــح عـفــواُ أبـو حـــــــــراز
و المسكينة بت الناس دي ما بتضرب ليها إلا لم تملح
زي ما قال الرباطابي قال لي أملح بي تمساح ؟؟؟؟
أهو إنت بتملح بي زجول
|
Post: #22
Title: Re: ياجماعة 00 نورا دي أعمل ليها شنو ؟؟؟
Author: وجن
Date: 04-13-2003, 11:15 PM
Parent: #21
ابو حراز والله وحشتنا
ووحشتنا مواضيعك الجميله
اسمع انت الصوره دى ماقلت داير تغيره
دايرين اخر موديل بالله
|
Post: #23
Title: RE
Author: AttaAli
Date: 04-14-2003, 00:10 AM
Parent: #1
العزيز ابو حراز
عارق صاحبك ده شكلوا واحد لايوق قابل البت قى مول ولا فى محل وعاوزة تزحلقوا قطعت ليه النمرة من راسهاو لحسن الحظ طلعت نمرتك وبالمناسبة اتذكر واحد من اصحابنا الخفيفين شاف البت وقال الا يكلمه قسالها
لو سمحتى الساعة كم
قردت بمساخة الساعة واقفة
فرد بسرعة عارف واقفة فى كم؟
|
Post: #24
Title: Re: RE
Author: ابوحراز
Date: 04-14-2003, 06:52 AM
Parent: #23
الشيخ / ابويسرا
ماشاء الله على الفتوى
كنت محتار قلت ياجماعة ارجع ليهو الباقي وللا لا
لكن بعد دا خلاص الرماد كال حماد
ابوحسين
قلت لي ملح سااااااااكت
اها انشاء الله الحكاية دي تكون عظة للآخرين
ماتغلط انت تكون عاوز تتصل على واحدة تقع في المدام
وجن
اشكرك
انشاء الله الصورة قريب حا أنزل واحدة غيرها
بس لازم الجديدة دي تكون بمواصفات حديثة
الصور العندي كلهن مشكلة كبيرة جدا
واحدة الجضوم منفخات
والتانية السنون طالعات برة
مرات تجيني فكرة اقول انزل ليكم صورتي لمن كنت في الروضة
قال روضة قال
AttaAli
والله في ناس عكاليت شديد
ودمهم بااااااااااااااااااارد
عندنا واحد شين جداً وعاوز بت عمو 00
طبعاً جميلة جداً
فيها طفولة رزان وتقاطيع فيفي عبدو وابتسامة رولا وعوارة ست النفر
اها عمو ماعاوز يديهو والبت ماعاوزاه 00 ونحن جيرانهم برضو مادايرنو
اها قالوا ليهو البت دي عاوزنها تكمل مرحلة الأساس
قال ليهم : ماعندكم مشكلة بنتظرها
قالوا ليهو : كمان حاتقرا الثانوي
قال ليهم : مافي مشكلة
قالوا ليهو : حاتدرس الجامعة وبعدين حاتحضر الماجستير والدكتوراة
قال ماعندو أي مشكلة
قام عمو قال ليهو : يا أخوي اقول ليك حاجة
ماعاوزين نديك عدييييييييييييييييييل
|
|