Post: #1
Title: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 07:14 AM
الأخ الحبيب المثير للجدل معتز القريش حياك الله في هذا الصباح الجميل ..
ما عارف لكن الليلة جاي من البيت عندي نفس أشاغلك..
أشيد بتجربتك الثرة في (التعدد) و أرجو أن تسجل لنا ذات يوم العبر و الدروس حتى نستفيد
و حيث أنك رجل ظلامي و سلفي يعزف الأكورديون و شيخ طريقة في الزواج فما رأيك في البت حنان ترك دي؟؟؟
البت ما شاء الله اتحجبت و تركت التمثيل في السينما و آخر التزام و استقامة و عندها قروش كويسه شديد و مطلقة..
لو وافقت ممكن نسير (وفد مقدمة)من رابطة محبيك و معجبيك البورداب و غيرهم لنقود و ندشن هذه المهمة التاريخية في إطار توطيد العلاقات بين شعبي وادي النيل (خاصة بعد معركة الملايات) و تحقيقاً لبرنامج (نصرة الظلاميين الجدد)الذي تقوده دكتورة بيان..
أنا أعلم أنك رجل مرهف و حساس و لك ذوق عال و صعب الإرضاء لكن أرجو ألا تستعجل في الرد و أن تنزل عند رأي إخوانك و على رأسهم أنا.
و إليك هذا الخبر من موقع قناة العربية لمزيد من الإقناع :
أكدت التقارير أن سبب انفصال الفنانة المصرية التي اعتزلت التمثيل بعد ارتدائها الحجاب منذ ما يقرب من عام، عن زوجها رجل الأعمال خالد الخطاب، يرجع أن حنان ترك استيقظت من نومها في أحد الأيام لتجد كلب زوجها يلهو علي سجادة الصلاة في الغرفة التي تتخذها مكانا للعبادة، الأمر الذي أثار غضب حنان التي انتفضت في وجه زوجها مطالبة إياه بالتخلص من الكلب، إلا أن خالد الخطاب رفض الأمر تماما.
وكانت الممثلة المصرية قد حصلت على فتوي تحرم اقتناء الكلاب داخل المنازل لأنها تفسد الصلاة إذا ما لامست الثياب أو مواضع العبادة. وسعت أمام إصرار زوجها على الإبقاء على كلبه، ورفضه طلاقها، إلى رفع دعوى خلع.
لكن زوجها بعد أن علم بأنها ستقاضيه أمام محكمة الأسرة سارع وطلب من محاميه الخاص أن يسوي الأمر ويصل لاتفاق معها كي يخلي سبيلها.
وقررت حنان، بحسب ما ذكرته صديقة لها لـ"القدس العربي"، التنازل عن مؤخر الصداق لأنها هي التي طلبت الطلاق لكن لم يحسم وضع الشقة التي يقيمان بها حتى الآن، وتنوي حنان شراء فيلا بالتجمع الخامس حي الأثرياء الجدد في القاهرة.
يذكر أن حنان قاطعت السينما إثر قرارها ارتداء الحجاب، الأمر الذي أدخلها في مأزق مع عدد من السينمائيين لارتباطهم بأعمال معها، غير أنها قررت رد ما حصلت عليه من أموال للمنتجين ورفضت الانصياع للضغوط التي تعرضت لها.
كسرة : الموضوع دا كان جاب لي هوا أنا معتذر من هسع
|
Post: #2
Title: Re: يا (القريش) رأيك شنو نعرس ليك (حنان ترك) دي؟؟
Author: عمران حسن صالح
Date: 06-18-2007, 07:26 AM
Parent: #1
| Quote: عندها قروش كويسه شديد و مطلقة.. |
Quote: (خاصة بعد معركة الملايات) و تحقيقاً لبرنامج (نصرة الظلاميين الجدد)الذي تقوده دكتورة بيان..
|
| Quote: حصلت على فتوي تحرم اقتناء الكلاب داخل المنازل لأنها تفسد الصلاة |
| Quote: كسرة : الموضوع دا كان جاب لي هوا أنا معتذر من هسع |
الأخ الواثق الصادق
لك التحية
أهلنا بقولو لسانك حصانك إن صنتوا صانك وإن خنتوا خانك .... مثل غير سري ...
أها يالحبيب لسانك خانك
إلا أنك قدمت إعتذاراً مقدماً ...
فالهواء يا أخي ماليك عديل كدة ...
هسة قريش ده يرد عليك وين
|
Post: #3
Title: Re: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 07:30 AM
Parent: #2
حبيبنا عمران
السلام عليكم
و الله أنا خايف الحكاية تعجب معتز و تأتي الرياح بما يفاجيء كل السفن
منتظرين
|
Post: #4
Title: Re: يا (القريش) رأيك شنو نعرس ليك (حنان ترك) دي؟؟
Author: عماد محمود علي
Date: 06-18-2007, 07:43 AM
Parent: #3
أخي الكريم الواثق الصادق
صباحك زين ، ، ،
بالانابة عن أخي السلفي الظلامي معتز القريش بقول ليك يا أخوي يفتح الله ، الاسلام محلل لينا ( 4 ) فقط وهسه الراجل عنده منهن ( 3 ) يعني الباقية ليهو واحده بس ، وهسه سلوية دي مكسره ليهو ضليعاتو كلهن ، ما شايف كيفن حجبته عن المنبر . الزول ده مساهر الليل كله وجامعه كمان مع النهار قاعد محوكر الانترنيت لحدي ما جاب ليهو أنيميا أكله وشرابه بقى سلوية دي .. هسه يا أخوي سلوية ده ح تكون رقم ( 4 ) يعني خانة شاغرة مافي وطلاق ما بطلق تب وبصراحة بعد سلوية دي صاحبي ده ما أظن بعاينلو لي بنيه تاني ... أها هسه حنان بتاعتك دي نوديها ويييييين . أقول ليك خلاص جيبا لي بي جاي  .
مودتــي وإحتــرامــي ...
|
Post: #5
Title: Re: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 07:48 AM
Parent: #4
حبيبنا عماد
السلام عليكم..
يا أخوي (سلويه) دي منو؟؟؟
| Quote: أها هسه حنان بتاعتك دي نوديها ويييييين . أقول ليك خلاص جيبا لي بي جاي |
يا أخوي كان معتز نط الصف طويييييييييييييييييل...
لكن و الله (الوجيه) معتز مناسب جداً ليها (كسير تلج و صدة استباقية)..
|
Post: #6
Title: Re: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 09:05 AM
Parent: #3
الزول
دا
غاطس
وين
؟
|
Post: #7
Title: Re: يا (القريش) رأيك شنو نعرس ليك (حنان ترك) دي؟؟
Author: غباشي
Date: 06-18-2007, 09:08 AM
Parent: #1
الأخ الصادق (إزيك يا ولدنا )
معتز القريش موقوف و لا يستطيع الدخول هذه الأيام
مودتي
|
Post: #8
Title: Re: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 10:17 AM
Parent: #7
هلا بيك يا غباشي..
Quote: معتز القريش موقوف و لا يستطيع الدخول هذه الأيام
|
يا زول مالو؟؟؟
إن شاء الله خير...
هل للأمر علاقة بمعركة (ذات الملايات) ؟؟؟
خلاص يا القريش رسل لينا رأيك على بريدي [email protected]
عشان لو ما موافق نشوف البعدك منو في الصف
|
Post: #9
Title: Re: يا (القريش) رأيك شنو نعرس ليك (حنان ترك) دي؟؟
Author: Deng
Date: 06-18-2007, 10:38 AM
Parent: #1
| Quote: خاصة بعد معركة الملايات |
الوهابي الواثق الصادق.
يا لك من سلفي منافق.
دينق.
|
Post: #10
Title: Re: يا (القريش) رأيك شنو نعرس ليك (حنان ترك) دي؟؟
Author: الواثق الصادق
Date: 06-18-2007, 10:43 AM
Parent: #9
Quote: الوهابي الواثق الصادق.
يا لك من سلفي منافق.
|
أنا ما فتحت الفرصة للشتائم..
مالك يا دينق؟؟؟
|
Post: #11
Title: Re: يا (القريش) رأيك شنو نعرس ليك (حنان ترك) دي؟؟
Author: Nesta
Date: 06-18-2007, 11:17 AM
Parent: #10
دي ..
|
|