سوف يظل .. بالطول بالعرض ... مريخنا إهز الارض .. شعار و هتاف و نشيد امة على مر العقود ...

بالطول بالعرض مريخنا إهز الارض ...
ماركه مسجله ...

أقول ليك حاجة يا عبدالماجد

ماعندك موضوع ساكت واحرجت نفسك بس - مريخ شنو البهز الأرض دي
هي الأرض دي سايبة ساكت ما عندها أسياد ولا شنو لمن يجي يهزها
المريخ.
والله كلام عجيب


أبوفتحية

Quote: ماعندك موضوع ساكت واحرجت نفسك بس - مريخ شنو البهز الأرض دي هي الأرض دي سايبة ساكت ما عندها أسياد ولا شنو لمن يجي يهزها المريخ.

انت الماعندك موضوع !!!!!
و كان عندك متل العندنا ده ...
امش جيبو ...


اتحداك ...
و اتحدى كل الرشاشات و ( الهلالاب ! )
بمن فيهم ( رئيسك ! ) ( الارباب ! )
و بالطول بالعرض مريخنا اهز الارض ...
عبدالماجد

Quote: [ سوف يظل .. بالطول بالعرض ... مريخنا إهز الارض .. شعار و هتاف و نشيد امة على مر العقود ...

باذن الله

ومادمنا نحمل المريخ العالي و غالي في عروقنا دماء ..

شعار مسروق من المصريين واضح من كلماته ونفسه وكل شئ فيه
كنا نسمعه من جمهور الزمالك ونحن طلبه فى مصر!!
ويبقى الأصيل دائما اصيل !!!

و الله يا خينا كل ما افرا ليك فرمالاتك ديل
بحمد الله إنك وصيفابي
و سودان جديد

لأنو غير كدا كنت حا تحرجنا

ارفع راسك الي السماءو تامل عندما تجد الفرصه فما اجمل النجوم !.

. بالطول بالعرض ... مريخنا إهز الارض

سيظل شعار لكل من رفع اسم السودان عاليا
فالمريخ والهلال وعيرهم من الاندية الرياضية
او الافراد الممثليين للوطن في كل المحافل
الرياضية والاكاديمية او غيرها كلهم
يستحقون التحايا والتقدير
والشعار ليس الا تعبيرا عن مافي الدواخل
وليس كل ما تصدح به الحناجر شعارا...

الاستاذ تاج السر ...
معليش !!!
و الله حالتك تحنن !!!
امش ااااخوى حل نفسك من الورطه و الهباب الدخلت فيو روحك داك فى البوست بتاع :
حبوبه "العجب" سوه العجب .. ورأينا فيهو فى محلو .. وعلى ...حال مبروك للسودان !!

ممكن تكون هلالابى متعصب و بتحب فريقك فهذه محمدة و تنافس شريف فكلنا مريخا كنا ام هلالا مكملين لبعضنا البعض و الا ذهبت المتعة و المنافسة و المناكفة و القفشات الجميلة ! لكن ! ان تقول مثل هذا الكلام و الهباب :

Quote: شعار مسروق من المصريين واضح من كلماته ونفسه وكل شئ فيه كنا نسمعه من جمهور الزمالك ونحن طلبه فى مصر!! ويبقى الأصيل دائما اصيل !!!

فهذا ما لا اسمح لك و لغيرك به ! فشعار ( بالطول بالعرض مريخنا اهز الارض ) هو تراث مريخى سودانى اصيل ( صناعه سودانية ميه الميه و نحن الاصل ! ) نبع من تفاعل جماهير المسطبة الجنوبية التى تلتهب دوما حمما و لهيبا احمر مع فريقها و تيمها و الذى كان يمثله فى ذلك الوقت على سبيل المثال لا الحصر ( بريمه ، سامى ، عادل امين ، وهبه ، على عبدالعزيز ، عمار ، حمورى ، الجيلى ، كمال ... الخ ) فاصبح انشودة على كل لسان فى ارض المليون ميل مربع فتغنى بها الفنان الكبير عبدالوهاب الصادق و هتف بها و تغنى بها شعبنا فى انتفاضة مارس - ابريل ( بالطول بالعرض سودانا اهز الارض ) و لم يخزل المريخ العظيم امته فقد ترجم الامر الى واقع بان اتى بكاس سيكافا ( المحمول جوا الاول ) و قبل ان يمر عاما على ثورة الشعب فى مارس - ابريل .. هذا من جانب ...
الجانب الاخر هل طريقة الرزم الموسيقى المصرى تسمح بذلك ( بالطول بالعرض زمالكنا اهز الارض !!! ) ما بتجى ذاتا ... ضحكتنى يا تاج السر و الله اكون فى عونك .. عمرى ما سمعت حتى من من هو اكثر هلالية منك و درس فى مصر من الاهل و الزملاء بان نسب ذلك الشعار للمصريين !!! جبت الكلام ده من وين ؟ اللهم الا حقدك الاسود على امة المريخ العظيمة !!
اقسم بالله انا بحب الكورة و لو من ارض الصين ! و من ضمنها الدورى المصرى و خاصة اللقاءات التى يكون طرفها الاهلى او الزمالك ! كنت بسمع هتافات مثل .. اهلى ... بيبو .. او يا زمالك يا مدرسة لعب و فن و هندسه ... او حسن شحاته يا معلم خلى الشبكه تتكلم .. با خوى امش كضب بعيد !!!
فانت لم تفرح حتى لتاهل السودان لنهائيات كاس افريقيا بعد غياب دام لاكثر من ثلاثين عاما !
امش ااااخوى !!! بضحكو عليك !!! حتى الرشاشات !!!
عبدالماجد

Quote: و الله يا خينا كل ما افرا ليك فرمالاتك ديل بحمد الله إنك وصيفابي و سودان جديد لأنو غير كدا كنت حا تحرجنا

الحمد لله انو عندى فرماله ! برضو اخير من الزول ( المفنس !!!! )
و مبروك عليكم انتصاركم على ( ام بده ! ) ....
ده من ناحية الكورة ...
لكن اااخوى شايفك كدى بتهبش كم مرة كدا و ( بتلخبت ! ) الكورة بالسياسة ! و شايفك بتطاعنى بانى ... سودانى جديد ... و كنت فى كل مره انا ( بصهين ! ) و اعمل ( اضان الحامل طرشا ! ) ! لكن المره دى ! لا ! بس اكون فى علمك يا محمد البشرى ! لا انت و لا غيرك من ( ال سعود و نهيان او قحطان ! او البشير و الترابى ام على عثمان و من والاهم فى الزندقة ! ) ممكن ان يملى على فى ان انتمى او لا انتمى لاى مجموعة سياسية كانت ام فكرية ( لا بالدسدسه ! ) او الارتزاق و ( تهريب الفلاشا ! ) و لكن اقولها لك مثلما قلتها من قبل و فى وضح النهار ... فانى اتشرف بان انتمى لذلك الموقع الحر ... السودان الجديد ... و عشان اتم ليك الناقصه كمان ! فانى أؤمن بحق اسرائيل و دولة اسرائيل فى الوجود و عاشت جمعية الصداقة السودانية الاسرائيلية ... عجبك و لا غلبك ؟؟
عبدالماجد

Quote: بالطول بالعرض ... مريخنا إهز الارض

فعلا ... اخى شهاب ...
قد سطرها المريخ العظيم فعلا لا تنظيرا و هزم عموم افريقيا !
و ( المفنس ! ) اشوفلو ( فرماله ! ) اتكل عليا !!!
عبدالماجد

إنت زعلت يا دكتور

Quote: و شايفك بتطاعنى

العفو ياخي دي ما مطاعنة
دا رأيي قلتو ليك بالباب

Quote: فانى اتشرف بان انتمى لذلك الموقع الحر

بي جازك إنشاء الله يضوي ليك

Quote: عشان اتم ليك الناقصه كمان ! فانى أؤمن بحق اسرائيل و دولة اسرائيل فى الوجود و عاشت جمعية الصداقة السودانية الاسرائيلية ... عجبك و لا غلبك ؟؟

لا كان كدي إنت زعلت بي جدك يا دكتور
بس إنت ما تضايق

Quote: ( بتلخبت ! ) الكورة بالسياسة

بالله هي دي السياسة
انا كنت فاكرهاعوارة ساي

اسم الهلال ارتبط تاريخيا بالجمال

شوف كده:
بدر سامي علاهو
ما بطولو سماهو
حب شاغل فكري
وكيف أعيش لولاهو


وشوف دي:
لو زار الفيق أو طلا
زي بدر الهلال الهلا

وكمان دي:
الحواجب تقول هلال
و أحسن أحسن نموت حلال

وكمان:
أفكر فيهو واتأمل
أراهو تجلي واتجمل
هلالي الهلا و اتكمل


والبديع الهواك سباني
ياأخا البدر يا مكمل

وكم نظرنا هلال ما شاقنا غير هلالو
وما أظن زلال يروينا غي زلالو


وشفنا الحبيب بنريدو غير عله
أهلا بيهو الهلال هلا

ويا قمر دورين
أنا شفتك وين


و يا البدر الضاوي نورك

وعيييييييييييييييييييييييك


أما النجوم أرتبطت بالبكا و النحيب والسهر ( وصافة أزلية)

شوف جنس ده :
يا نجوم الليل أشهدي
علي لوعتي و تسهدي
علي بكاى و تنهدي

وسوف ده:

نجمة نجمة
الليل نعدو
والسنين يا حليلنا عدو

وناس أشكو للنجوم ما يدوك الدرب







عبد الماجد
والله حنيت عليك من الوصافة الدائمة
تعال للأزرق النشوان لون الحياة و النيل و السماء

Quote: سيظل شعار لكل من رفع اسم السودان عاليا

التحية لك ايها الاخ الكريم وليد صفوت ...
فعلا و ليكن هذا شعار كل سودانى حر ...
بالطول بالعرض مريخا اهز الارض ...
هذا هو الاصل ...
و الزعيم الاعظم المريخ هو اصل الأصول ...
عبدالماجد

Quote: اسم الهلال ارتبط تاريخيا بالجمال

و (فلان! ) حبل الشريط !!!!

بالطول بالعرض مريخنا بهز الأرض

الشعار مريخياً ليس في ذلك شك


ومن غيرنا يعطي لهذا الشعب معنى أن يعيش وينتصر