Post: #1
Title: فتاة سودانية : تعبد جمال فرفور
Author: عبد اللطيف بكري أحمد
Date: 06-16-2007, 02:17 PM
Parent: #0
في نص غريب لرسالة إحدى بناتناعن طريق (SMS) تلفزيون
جمهورية السودان تقول بالحرف :
((أنا بعبد جمال فرفور بعد الله طوالي بالله رسلو لي رقمو،،))
هذه الرسالة الغريبة تتسرب من بين أيدي القائمين على تلفزيون
جمهورية السودان مع سيل من الرسائل القبيحة سيئة الصياغة
والمضمون والمؤذية للروح والنظر، والتي يتحمل وزرها من ساعد
على نشرها في هذا الفضاء!!!
هل التلفزيون القومي في حاجة لأن يدعم ميزانيته من هذه الخدمة
التي تطبقها التلفزيونات التجارية ؟؟ وهل التلفزيون الرسالي
كما يسمى يعجز عن الصرف على رسالة مهمه شوه من أجلها برامج
التلفزيون ومزق الأرشيف الرائع للمبدعين ؟؟
كل من هب ودب يكتب ولم أرى أي تلفزيون حكومي به هذه الخدمة
في القنوات العاملة ، فهل تتبنى وزارة الثقافة والأعلام هذا
الإنحطاط أم من أن العائد المادي جعل الناس يتعامون عن كل
شيء؟؟ نعم : كل شيء؟؟
|
Post: #2
Title: Re: فتاة سودانية : تعبد جمال فرفور
Author: خالد عبد الله محمود
Date: 06-16-2007, 02:25 PM
Parent: #1
الأخ عبد اللطيف
تعرف أمس و انا بشاهد في تلفزيون السودان و طبعاً التلفزيون السوداني دة أكتر من دقيقة دقيقتين بعمل للزول طمام عشان كدة ما بزود منو خالص المهم في اللحظة الغيرت فيها المحطة مر الشريط بتاع الكاتبة إنها بتعبد فرفور و بعداك قدر ما رجعت لتلفزيون السودان ما مر نفس الشريط مع إنها كلها كانت رسائل معادة؟؟ فقلت يا ولد أنت بالليل دة بقيت تهضرب و تشوف حاجات مافي زول غيرك بشوفها هي بالله تاري الحكاية طلعت بالجد...؟؟؟؟؟
غايتو طمنتني على عقلي ... الله يبارك فيك
خالد
|
Post: #3
Title: Re: فتاة سودانية : تعبد جمال فرفور
Author: almaskoon
Date: 06-16-2007, 02:28 PM
Parent: #1
ناس التلفزيون ديل لا بسمعو لا بشوفو...الرسائل شكلها بتدخل ساي لا مراقب ولا حارس...من الراسل لي الشاشه...وربنا يجيب العواقب سليمه
|
Post: #6
Title: Re: فتاة سودانية : تعبد جمال فرفور
Author: عبد اللطيف بكري أحمد
Date: 06-16-2007, 02:47 PM
Parent: #3
Quote: ناس التلفزيون ديل لا بسمعو لا بشوفو...الرسائل
شكلها بتدخل ساي لا مراقب ولا حارس...من الراسل لي الشاشه...
وربنا يجيب العواقب سليمه |
المسكون ، إن شاء الله ربك يجيب العواقب سليمة
قاعدين يسمعوا ويعاينوا كدي جرب وقول حاجة في الحكومة
وأكيد حكاية فلتر دي لسه بعيدة شوية،،
|
Post: #4
Title: Re: فتاة سودانية : تعبد جمال فرفور
Author: غباشي
Date: 06-16-2007, 02:37 PM
Parent: #1
| Quote: أنا...... جمال فرفور بعد .... طوالي بالله رسلو لي رقمو |
إن شاء الله يرسلوا ليك/ي طلقة في راسك
عليه العوض و منو العوض
عدَل نتيجة لسوء فهم ... مع الإعتذار
|
Post: #5
Title: Re: فتاة سودانية : تعبد جمال فرفور
Author: عبد اللطيف بكري أحمد
Date: 06-16-2007, 02:42 PM
Parent: #1
Quote: فقلت يا ولد أنت بالليل دة بقيت تهضرب و تشوف
حاجات مافي زول غيرك بشوفها هي بالله تاري الحكاية طلعت بالجد...؟؟؟؟؟ |
العزيز خالد ، تحياتي،،
نعم طلعت بالجد وتم سحبها مباشرة يعني فلتت منهم
مما يؤكد وللأسف أنهم يشرفون على هذه الرسائل ويتعاموا
عنها ،،
يوم الجمعة هو يوم الغداء في البين والكسرة وعالم الرياضة
أما دون ذلك فصعب أن يجبرك برنامج ما على الفرجة،،
وفعلا لشريط الرسائل مؤذي جدا وكثيرا أحاول أن أضع شيء
معتم أسفل الشاشة حتى أتفادي (طمام البطن) ،،
|
Post: #7
Title: Re: فتاة سودانية : تعبد جمال فرفور
Author: khaleel
Date: 06-16-2007, 04:55 PM
Parent: #5
عبد اللطيف
هناك في السودان عصابات منظمة تروج لبعض الفنانين منهم من منح لقب سلطان الطرب
ومن تفتح له الاذاعة والتلفزيون وحتي الحفلات الخاصة
بعضهم كل شانهم انو اشكالهم حلوة وبشبهو ( نعمات ) كما قال الفنان زيدان ابراهيم في
احد الاشرطة الخاصة.
وازمة التلفزيون بداها ( المناضل والمجاهد) الطيب مصطفي بعد ان اباد اجمل الاغاني السودانية
وحتي غناء البلابل ايام ( الماكس)
عشان كدة البلد قدلوا فيها ناس زعيط ومعيط كما قال كمال شداد
|
Post: #8
Title: Re: فتاة سودانية : تعبد جمال فرفور
Author: jini
Date: 06-16-2007, 05:09 PM
Parent: #7
Quote: هذه الرسالة الغريبة تتسرب من بين أيدي القائمين على تلفزيون
جمهورية السودان مع سيل من الرسائل القبيحة سيئة الصياغة
والمضمون والمؤذية للروح والنظر، والتي يتحمل وزرها من ساعد
على نشرها في هذا الفضاء!!!
هل التلفزيون القومي في حاجة لأن يدعم ميزانيته من هذه الخدمة
التي تطبقها التلفزيونات التجارية ؟؟ وهل التلفزيون الرسالي
كما يسمى يعجز عن الصرف على رسالة مهمه شوه من أجلها برامج
التلفزيون ومزق الأرشيف الرائع للمبدعين ؟؟
كل من هب ودب يكتب ولم أرى أي تلفزيون حكومي به هذه الخدمة
في القنوات العاملة ، فهل تتبنى وزارة الثقافة والأعلام هذا
الإنحطاط أم من أن العائد المادي جعل الناس يتعامون عن كل
شيء؟؟ نعم : كل شيء؟؟ |
حيجاهدو فيها جنس جهاد!
وسيتتبعون الموبايل الذى ارسل هذه الرسالة وسيحلقوا ليها صلعة اسوة بمعبودها فرفور وسيجعلون منها عظة وعبرة للقوات الدولية!
جنى
|
Post: #9
Title: Re: فتاة سودانية : تعبد جمال فرفور
Author: mekki
Date: 06-16-2007, 05:24 PM
Parent: #1
| Quote: وهل التلفزيون الرسالي |
يا زول تفها من خشمك...عايز ترجعنا تانى لزمن ضربوا رما...
خلو المجتمع يتنفس...والحاجات دى براها ى تختفى..
كلو مجتمع بعرف كيف يحافظ على نفسو..وبقائه...بس أبعدوا القمع!
|
Post: #10
Title: Re: فتاة سودانية : تعبد جمال فرفور
Author: فرحات عباس
Date: 06-16-2007, 05:27 PM
Parent: #1
سبحان الله ..نستغفره ونتوب إليه .. هذه محنة وبلاء عظيم...
الحاجة الغربية .. جمال فرفور دا بصوتو السخيلي واغنياتو القاطعها من راسو دي يعجبوا بيهو كيف خليك من العبادة ..
لكن خطر ببالي في ناس في الهند قاعدين يعبدو العقارب والفيران وحاجات تانية بايخة ...
" إن ربك أعلم بمن ضل عن سبيله وهو أعلم بالمهتدين " ...
|
Post: #11
Title: Re: فتاة سودانية : تعبد جمال فرفور
Author: Wathig Makki
Date: 06-16-2007, 07:07 PM
Quote: سبحان الله ..نستغفره ونتوب إليه .. هذه محنة وبلاء عظيم...
الحاجة الغربية .. جمال فرفور دا بصوتو السخيلي واغنياتو القاطعها من راسو دي يعجبوا بيهو كيف خليك من العبادة ..
لكن خطر ببالي في ناس في الهند قاعدين يعبدو العقارب والفيران وحاجات تانية بايخة ...
" إن ربك أعلم بمن ضل عن سبيله وهو أعلم بالمهتدين " ... |
والله ما قلت الا الحق ..
والغريبة فرفار ولا فرفور ده مافيه حتة وجاهة ..
|
Post: #12
Title: Re: فتاة سودانية : تعبد جمال فرفور
Author: Elawad Eltayeb
Date: 06-16-2007, 08:34 PM
Parent: #11
نعوذ بالله من غضب الله
ثقافة الكيزان.. والثقافة المضادة.. كلو من جهل التعصب الأعمى!
والله جيل الإنقاذ يرثى لحاله البائس.. بعد برمجة وغسيل دماغ الكيزان يحتاج لعملية Reset.. عشان يستعيد توازنه ويتصالح مع نفسو.
ولو تشوف الأخطاء الإملائية في شاشة تلفزيون السودان تقول المدارس غير الكيزان ما بتخرج زول!
ده حالتو بعد المراجعة وال screening
يا عيني على المراجعين.
طبعاً الكفاءة الوحيدة إنهم كيزان.
وفعلاً ثقافة الكيزان تنتج العنف حتى في العقيدة... وتعمي القلوب.. وتتقرب للماديات.
اللهم لا تفضحنا بالكيزان أكثر مما نحن فيه يا الله وأستر حال الناس في السودان. وأرفع الظلم والظلام ياالله.
|
Post: #13
Title: Re: فتاة سودانية : تعبد جمال فرفور
Author: essam&amal
Date: 06-16-2007, 09:29 PM
Parent: #1
إن شاء الله يرسلوا ليك/ي طلقة في راسك
طلقة واحدة بس ان شاء الله رشاش يا رب
اعوذ بالله من غضب الله
قال فرفور قال
تحياتى اخى عبد اللطيف
ام وضاح
|
Post: #14
Title: Re: فتاة سودانية : تعبد جمال فرفور
Author: أيمن الطيب
Date: 06-16-2007, 09:52 PM
Parent: #1
الأخ الفاضل عبداللطيف البكرى سلامات,
بعد أن رقد الجماعة رقاد القش فقد جهازهم الإعلامى الموجه البوصلة
وبقى رايح و ضهبان ضهب الموت!! ومحاولاتهم لجعله جهاز قومى وطبيعى
ووسطي الوجهة باءت بالفشل المخجل و الذريع,,يعنى أنا بصراحة كدة ما
مستغرب من الموهومة الجاهلة التى تعبد جمال فرفور و الحمد لله من بعد
الله!!!! يا خوانا دة عبارة عن فضيحة كبيرة فى كل ما يقدم وأغلب من
فيه لا يملكون الحد الأدنى من مقومات الإعلامى وكل برامجه محتاجة لكثير
من النظافة و المراجعة !!!!كل البرامج بما فيها الدعايات التجارية
التى تعكس فعلا كم الإسفاف والإفلاس الذى يعانى منه هذا الجهاز.
* لا تكثر من متابعة تلك القناة فهى قادرة على إصابتك بالقرف و الغثيان.
|
Post: #15
Title: Re: فتاة سودانية : تعبد جمال فرفور
Author: ALGARADABI
Date: 06-16-2007, 09:57 PM
Parent: #1
شكرا يا أخ عبداللطيف
والله أديتنا أمل في الحياه
|
Post: #16
Title: Re: فتاة سودانية : تعبد جمال فرفور
Author: عبد اللطيف بكري أحمد
Date: 06-17-2007, 02:01 PM
Parent: #1
تقديري لكل المشاركين ، ونحو حملة
لمحاربة هذا الشريط ((اللافي)) المحشو
أخطاء وونسة فارغة ، ولنوقف إهدار أموال
الأسر في هذا الأسفاف ،،
===
أو إن كان لا محالة من هذه الرسائل
فلكم إنشاء قناة جديدة للشات سموهاtxt
لمراسلات المراهقين ، يعيد ريعها للتلفزيون،،
|
Post: #17
Title: Re: فتاة سودانية :
Author: هاشم نوريت
Date: 06-17-2007, 02:06 PM
Parent: #16
لا استغرب حيث اننى شاهدت شخصا فى الثمانينات وفى مسرح الثغر بورتسودان يسجد لفنان محمد الامين كما يسجد المسلم لله فى صلاته ....
|
Post: #18
Title: Re: فتاة سودانية : تعبد جمال فرفور
Author: عبد اللطيف بكري أحمد
Date: 06-17-2007, 02:40 PM
Parent: #1
Quote: لا استغرب حيث اننى شاهدت شخصا فى الثمانينات
وفى مسرح الثغر بورتسودان يسجد لفنان محمد الامين كما
يسجد المسلم لله فى صلاته .... |
العزيز هاشم ،،
وسمعنا في ذات الفترة (يا دفعة) عن أغنية البعبدها
وأغنية زيدان إبراهيم : (أبقى راهب ليها وأعبدها)،،
والآن ينقلب الدور ،،
|
|