Post: #1
Title: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: Haytham Abdulaziz
Date: 06-14-2007, 11:42 PM
بعد البوست دة ... بس ما تبكــي يا ولـدنـا ... و الأغنية بتحكي عن الماضي .. و الماضى ولى زمان..
يا ناذر..فكر في كلامي دا كويس قبل ما تعرس.
جلسة رائعة سيف الجامعة و سميرة دنيا ....
في حــياتي قبــلك انت عشته قصة حب قـاسيه
لـسة مازالت في قلبي ذكرياته المره باقـيه
لما هليت في وجودي قلت بيك سعادتي باقية
لكن انت هدمت املي بعد عشره نـبيله سامـيه
*****************************************
قـدر ما حاولت اخاصمك وانسي احـزاني واسايـا
واكتم الغيره الفي قلبي واطوي جرحي في الحنايا
القي اثرك في حواسي وظلك يتبعني في خطـايا
القي كـل الدنيا حولي تهاتي بي اسـمـك معايـا
******************************************
انـا لو عــارف خــصامـك لي ايامـه بـتطـول
كـنت مـا اترددت لحـظه لما حار بي الدلـيل
انسي ظلمك وارجي حلمك وانس كل الراح قبيل
اصـلوا حبك فـوق ارادتي حب يجاوز المستحيل
****************************************
و هنا طلب بإعادة هذا الكوبلي
قـدر ما حاولت اخاصمك وانسي أحـزاني واسايـا
واكتم الغيره الفي قلبي واطوي جرحي في الحنايا
القي اثرك في حواسي وظلك يتبعني في خطـايا
القي كـل الدنيا حولي تهاتي بي اسـمـك معايـا
******************************************
و هنا طلب من إحدى المستمعات بإعادة هذا الكوبلي و قالت "في حياتي قبلك إنت عشت قصة حب فاشلة"
في حـــياتي قبــلك انت عشته قصة حب قـاسيه
لـسة مازالت في قلبي ذكرياته المره باقــيه
لما هليت في وجودي قلت بيك سعادتي باقية
لكن انت هدمت املي بعد عشره نــبيله سامـيه
***************************************
و هنا طلب من أحد المستمعين بإعادة هذا الكوبلي "صوتو جميل"
انـا لو عــارف خــصامـك لي ايامـه بـتطـول
كـنت مـا اترددتـه لحـظه لمي حار بي الدلـيل
انسي ظلمك وارجي حلمك وانس كل الراح قبيل
اصـلوا حبك فـوق ارادتي حب يجاوز المستحيل
******************************************
كل لحظه بتمر عليه انـت في خاطري .. خاطري وعينـيا
انـت في فــني البعــيشـوا في الـمــدي للابــديــه
******************************************
للحفظ
|
Post: #2
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: هاشم أحمد خلف الله
Date: 06-15-2007, 07:17 AM
Parent: #1
يا سلام عليك يا هيثم يا شفيف اهو حاجات زي دي من الصباح تخلي يوم الواحد زي العسل .
تخريمة :-
هيثم انا طبعاً إتولدت في الحلة الجديدة جنب خلوة الفكي عبيد وسكنت القوز ( محطة النيمة ) ودرست الإبتدائي في القوز 2 الإبتدائية واصدقائي في تلك المرحلة ( ضمرة سراج - النوراني - مضؤي صاحب الساق الصناعي ومن القوز 1 ود جيرانا وصديقي اسامة الهادي اخو علم الدين الهادي وكثيرين .
يا سلام عليك يا هيثم رجعت بي لوراء شديد خلاص .
|
Post: #3
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: معاذ حسن
Date: 06-15-2007, 09:07 AM
Parent: #2
Quote: في حــياتي قبــلك انت عشته قصة حب قـاسيه
لـسة مازالت في قلبي ذكرياته المره باقـيه
لما هليت في وجودي قلت بيك سعادتي باقية
لكن انت هدمت املي بعد عشره نـبيله سامـيه |
الصديق هيثم ابو عبد العزيز
أشكرك على الهدية
ومقبولة
ولكن..
هديتك كأن تهدي الى صديقك الاقرع مشط
او تهدي الى صديقك الاعمى لوحة لفان جوخ
او تهدي الى ابن عمك المزارع في البلد ديوان لعاطف خيري
يا ابو عبد العزيز الحاجات دي ما بتجيب نتيجة معاي بعد كشفت اللعبة
كنا قد تناطحنا في بوست سابق حول الانتهازية لدى الانسان في الزواج والانجاب
والان دعنا نتناطح حول الانتهازية في الحب
ايوا الحب انتهازية وانانية وضحك على الدقون
واي انسان في الدنيا دي بحب نفسو وبس
والباقي كلو عبارة عن حلقات صغيرة في نفس الاطار
البحب واحدة قبل ما يحبها هو بحب حبها ليهو وبحب انو يكون في حياتو في حب
وزولك القاعد يبكي ويتجرس دا همو في المقام الاول انو يطلع قصيدة جميلة عشان الناس تحبو.وقاعد يعصر في مشاعرو بطريقة مثيرة للشفقة عشان يطلع حاجة تعجب الناس.
عاين لي اي واحد بتعرفو بحب واحدة وجيبهم ختهم الاتنين قدامك حا تلقي انو في تشابه بيناهم في الشكل يا امافي العيون يا اما في الوجه يا اما في النخرة المهم في حاجة بوحي بشبه,وتاكد صاحبك دا ما حباها الا لانها بتشبهو.
وحتى انواع الحب التانية زي حب الوالدين وحب الاصدقاء والاخوان برضو حلقات في اطار النرجسية المطلقة التي يتمير بها (ابو كراعين)عن سائر المخلوقات.
هذا المخلوق ابو كراعين يتصور كل واحد منهم انه مركز الكون وفي داخل كل واحد مخادع كبير يصور الاشياء على غير حقيقتها ويخدع حتى صاحبه الذي يسكن بداخله.
وعلى طريقة بشاشا..عييييييييييييييك
|
Post: #4
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: NASIR ALI
Date: 06-15-2007, 09:49 AM
Parent: #3
قريبى الرائع كيفك وكيفن الاولادلقيت الايميل حقك لكن قلبنى اردو ليك قايتوا لقايت السبت ....موعود بى حل هوفى يبقى ذى الوماعيد السراب ....وكما تعلم بين البروتاريه والتكنولوجيا ما لم يقوله مالك
ودمنت بخير
ناصر
|
Post: #5
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: ناذر محمد الخليفة
Date: 06-15-2007, 10:34 AM
Parent: #4
ود القوز ..
البوست إهداء لي معاذ حسن لكن ....
أنا أي حتة فيها سيف الجامعة طوالي بعتبرا تبعي وإهداء خالص لي ...
شكرا كتير ..
|
Post: #6
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: Haytham Abdulaziz
Date: 06-15-2007, 11:29 AM
Parent: #5
Quote: ود القوز ..
البوست إهداء لي معاذ حسن لكن ....
أنا أي حتة فيها سيف الجامعة طوالي بعتبرا تبعي وإهداء خالص لي ...
شكرا كتير .. |
يا ولدنا ما دام كدة انا سمحت ليك تشيل الوُد ... أقصد البوست كلو ... و خلي حبيبنا معاذ دة في بيت العزابة ... لمن يقوول ياريتني لو حبيت زمان من بدري... و لو داير عندي قعدة شديدة لسيف الجامعة بس انت أشر يا حبة...
|
Post: #7
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: Haytham Abdulaziz
Date: 06-15-2007, 11:33 AM
Parent: #4
أووو قريبي ناصر علي الرايح من زماااان  و الله شوق إعصار قونو و كدة... وييين إنقطعت من يوم داك .... و كيف الجماعة بهناك ... بلغهم تحياتي... و في إنتظارك ....
|
Post: #8
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: Haytham Abdulaziz
Date: 06-15-2007, 11:40 AM
Parent: #3
Quote: الصديق هيثم ابو عبد العزيز
أشكرك على الهدية
ومقبولة
ولكن..
|
حبيبنا معاذ انا عارف إنه مقبولة و نص و 5 ... و مافي لكــن يا صديقي ... إنت لازم تحاول تتأهل زي صاحبك ناذر عما قريب ... عشان المرة الجاية بوست الحفلة علي انا... و أكثر من ذلك .. بس إنت تدق سدرك ... و تقول...
| Quote: على طريقة بشاشا..عييييييييييييييك |
يا ريت و كتر من تعبت آه آه آه آه
|
Post: #9
Title: Re: إهداء إلى معاذ حسن - في حياتي قبلك إنت ... عشٌت قصة حب قاسيـة - مفاجـأة
Author: Haytham Abdulaziz
Date: 06-15-2007, 11:50 AM
Parent: #2
Quote: يا سلام عليك يا هيثم يا شفيف اهو حاجات زي دي من الصباح تخلي يوم الواحد زي العسل .
|
و تستاهل اكتر يا حبيب ... عسل السدر زااااتووو..
Quote: تخريمة :-
هيثم انا طبعاً إتولدت في الحلة الجديدة جنب خلوة الفكي عبيد وسكنت القوز ( محطة النيمة ) ودرست الإبتدائي في القوز 2 الإبتدائية واصدقائي في تلك المرحلة ( ضمرة سراج - النوراني - مضؤي صاحب الساق الصناعي ومن القوز 1 ود جيرانا وصديقي اسامة الهادي اخو علم الدين الهادي وكثيرين .
يا سلام عليك يا هيثم رجعت بي لوراء شديد خلاص . |
و تخريمة من لفة القوز:
طيب يا ابوهاشم إنت مااا ود الحلة عدييييييييييل و كمان محطة النيمة و جنب مكتبة مضوي الفصيح... و كمان صاحب كابتن أسامة الهادي اخو الباشمهندس علم ... والله إنت ما فضل ليك إلا تقول لي قبل كدة جيت بيتنا لدكتور محمد عبدالعزيز اخوي إديك حقنة و لا حاجـة  معنى كدة إنت يا هاشم أتدردرت في مواصلات الحلة و القوز ... و الله سعيد بالتعرف بيك اكثر و ربنا يجمعنا في ساعة خير و محبة و سرور زي البوست دة... و تسلم يا حبيبو...
|
|