Post: #1
Title: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 11:12 AM
زمن العجايب ..
تغلط فيني انت وبرضو أجيك أطايب..
في عيني شايلك وانت بعيد وغايب..
ليه ناسيني انت وليه جافيني سايب..
حقي غفرتو ليك يوم ما تجيني تايب..
اعمل إيه (وحاتك) ده ما حال الحبايب..
يا زمن العجايب..
داسّيك في جوايا ..ضامّيك في الحنايا..
جاري وفي دمايا.. معاي أو ما معايا ..
يا أجمل حكاية ..ويا ملهم غنايا ..
ما هاميك بكايا .. تنهيدي وشقايا ..
يا أقرب قرايب ..
في زمن العجايب..
حارمني لوصالك ..قول يا حبيبي مالك ..
ما كن أصلو حالك ..تزداد في دلالاك..
كيف يخطر في بالك ..يا الساحر جمالك ..
لا يوصل بريدك .. لا مرسالنا جايب..
يا زمن العجايب..
راجيك يوم تعود .. بالشوق والمحنّة ..
شايل ليك ورود .. عامل ليك جنّة ..
واعزف ليك عود..داخل روضة غنّا..
وتوفيني الوعود ..ويبسم لي زمنّا..
يويكون زمن الحبايب ..
مش زمن العجايب..
|
Post: #2
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 11:29 AM
Parent: #1
قصيدة كفيلة بانو الواحد يرجع ويكتب تانى ..
وعمر الفاروق فى دور (شاعر غنائى) كفيل بانو
نفرد ليهو بوست ..وبعد ان اشبع الاخرين نقدا
فى انتظار الآخرين ليدلو بدلوهم فى تجربته ..
|
Post: #3
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 12:22 PM
Parent: #1
.
|
Post: #4
Title: Re: عمر الفاروق شاعر غنائى ..ماراى السادة النقاد ..؟!
Author: Elmosley
Date: 06-13-2007, 01:15 PM
Parent: #1
الليله ياعمر القال ليك جيب شعرك هنا منو
ياخي القصيده دي تعتبر منتخب القصيده
يعني انا في كل مقطع فيها شايف غنوه
اها وبجيك بالتفاصيل بعدين
|
Post: #6
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 05:21 PM
Parent: #4
يااستاذ ..
تحياتى ..
منتخب عديل كدا يااستاذ ...هى المنتخبات
ذاتا انواع ..فى منتخب برشلونه وفى منتخب
الريال وفى منتخب بلبس احمر واصفر وحارسو
بهاء ..الله يستر من الاخير دا ..
ماعندكم يااستاذ تشجيع للمواهب الناشئة دى ..
هو صاح (شنااااف ) وما(بقتنع) ..لكن برضو
كونو تطلع منو حاجات زى دى دا كلام كويس ..
النقد دا فى ابسط معانيهو تمييز الجيد من الردىء
بس كدا اجتهد لينا فى قصيدة عمر دى وطلع لينا
منها الجيد زى ماحتطلع الردىء ..
فى انتظارك ...ودى
|
Post: #5
Title: Re: عمر الفاروق شاعر غنائى ..ماراى السادة النقاد ..؟!
Author: عمر الفاروق
Date: 06-13-2007, 04:16 PM
Parent: #1
الموسيقار الموصلي:
| Quote: الليله ياعمر القال ليك جيب شعرك هنا منو |
والله يا موصلي انا لا شاعر ولا مستشعر ولا الشعراوي ..
الظاهر محمد عبد الرحمن ده عندو معاي حسابات عايز يصفّيها وانت سيد العارفين التاجر لمن يفلس بيفتش دفاترو القديمة ..
الموضوع ونسة ساي لكن ود أربجي ده رايح ليهو بوست قام عملني كبش فداء ..
Quote: ياخي القصيده دي تعتبر منتخب القصيده
يعني انا في كل مقطع فيها شايف غنوه
اها وبجيك بالتفاصيل بعدين |
يا استاذ والله ما تتعب التفاصيل معروفة وانا براي فصلتها ودي ما قصيدة دي عصيدة 
محمد عبد الرحمن ده خفيف ولفيف وعايز يورطني معاكم ..
وعلى قولك دي كوكتيل قصيدة شي منقة وشي موز وشي طماطم على حبة جزر وعجور..
يعني الشغلانة جايطة ..
تخريمة :
أبسط يا عم أهو جاتك أغنية من السما لي شريط شروق ومن أسة انا ما بقبل إلا بي إسم الألبوم يكون بي إسم زمن العجايب (مسلسل أطفال بس)
|
Post: #7
Title: Re: عمر الفاروق شاعر غنائى ..ماراى السادة النقاد ..؟!
Author: Ahmed Abdallah
Date: 06-13-2007, 05:27 PM
Parent: #5
| Quote: وعلى قولك دي كوكتيل قصيدة شي منقة وشي موز وشي طماطم على حبة جزر وعجور.. |
ناقصة ليمونة تراجي ...
|
Post: #8
Title: Re: عمر الفاروق شاعر غنائى ..ماراى السادة النقاد ..؟!
Author: khaleel
Date: 06-13-2007, 05:33 PM
Parent: #7
محمد عبد الرحمن
القصيدة مش بطالة مكتوبة بطريقة السهل الممتنع وبتشبه حمد الريح
حاول نزل قصيدة تانية عشان ممكن نقتع زيدان ابراهيم اغنيها
|
Post: #13
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 11:39 PM
Parent: #8
احمد عبدالله ..تحياتى ياخى والغيبة طالت ..فى انتظارك ..
ياخليل ..كتر خيرك والله ...اول زول يقول راى ايجابى ..بعدى طبعا ..
اها قوم شوف لينا السمسار صاحبك الشغال فى سوق ليبيا خليهو يروج
للقصيدة دى ..ماعندك مشكلة مستعدين ندفع فيها كمان ..بس تتغنى
وزولك نجيض عارفو مابقصر ..
|
Post: #10
Title: Re: عمر الفاروق شاعر غنائى ..ماراى السادة النقاد ..؟!
Author: Elmosley
Date: 06-13-2007, 06:49 PM
Parent: #5
انا عارفو
بايت ليك بي شيتاً كُتُر
بس قلت اشاغلك تجي تحسم الامر براك
مش كده يامحمد
|
Post: #12
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-13-2007, 11:15 PM
Parent: #5
عمر الفاروق ..
الجرسة ليك شنو ؟...انا ماشاعر وانا ماقلت ليهو ..وهو براهو ..
بس كويس انك القصيدة دى مانكرت انك كتبتها .. بقى ليك حارساكت ..
خفت تجى الناس تسوى فيك البتسوى فى خلق الله دا ..شغال نقد يمين
وشمال ..لاخليت شاعر ولافنان ولاعازف ولاممثل ..الود التقول خريج
المعهد ..من ماتبقى عليك الجرسة ترقد ..الموصلى نزل ليك سطرين
جيت تتبكى وتتعذر ..
ياموصلى الزول دا براهو رمى لى القصيدة دى قال لي اها رايك شنو ..
قلت ليهو راى ... وقلت كمان اشوف راى باقى الناس ..لانو انا بصارتى فى
الشعر ما كبيرة..غايتو انا مابنكر انو هو نجرالمقطع الاول وغلبويواصل
بنفس القافية ..قلت ليهو يازول ابدا قافية جديدة زى غناء عثمان حسين ..
اى مقطع بكون براهو لكن فكرة القصيدة واحدة ..اها قام واصل وطلع لينا
المنتخب دا ..بالمناسبة انا كان مااديتو الفكرة دى ماعارف القصة دى كانت
تطلع كيف ..بعتقد انو عمر دا لما كان بنجر فى القصيدة دى كان فاتح البوست
بتاع مسلسلات الاطفال المفتوح بهناك ولذلك جاء هذا العنوان والله اعلم
|
Post: #9
Title: Re: عمر الفاروق شاعر غنائى ..ماراى السادة النقاد ..؟!
Author: عمر الفاروق
Date: 06-13-2007, 06:43 PM
Parent: #1
يا ابو حميد :
ياخ الحمد لله الزولة دي الما جابت سيرة البطيخ ..
|
Post: #11
Title: Re: عمر الفاروق شاعر غنائى ..ماراى السادة النقاد ..؟!
Author: طارق الأمين
Date: 06-13-2007, 06:59 PM
Parent: #9
همهمهمهمهم
وهمهمهمهم
دي طبعا
للتغكير
والتامل
عشان عدم التسرع
وكده
لسه همهمهمهمهم
|
Post: #14
Title: Re: عمر الفاروق شاعر غنائى ..ماراى السادة النقاد ..؟!
Author: محمد عبدالرحمن
Date: 06-14-2007, 07:39 AM
Parent: #11
طارق الامين ..
طبعا ياطارق اولاد الكار الواحد بيناتهم غيرة
عشان كدا انت ماحاتدعم موقف صاحبنا دا ..
|
|