Post: #1
Title: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Biraima M Adam
Date: 06-13-2007, 02:55 AM
أولاً إعتذارى للأخوة أبناء دارفور جميعاً .. وللأخ مكى والذى لم يترك لى صفحة إلا وردعها ردعاً مبرحاً .. بعد مراجعة دقيقة لما كتبنا وفى أتجاه ما نكتب وجدت حقيقة أن حوارنا مضيعة لوقتنا ووقت القارئ ومضيعة لجهد يجب أن نضعة فى المفيد .. نحن نختلف فى الرؤى ونختلف فى الوسائل ولكن الهم واحد هو إنسان الهامش ..
تمنياتى لكم بإجازة صيفية سعيدة ..
بريمة
|
Post: #2
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Tragie Mustafa
Date: 06-13-2007, 02:59 AM
Parent: #1
الفاضل بريمه
شكرا لكلماتك الطيبه
| Quote: ونختلف فى الوسائل ولكن الهم واحد هو إنسان الهامش .. |
تغالطنا انا والجسور عبد الباقي شحتو حولك كثيرا....
وطبعا ولد ابا شحتو بيحبك كثير
فشكرا لانك اكسبته الرهان...سعيده بكلماتك......تحياتي لاسرتك.
ومرحب بك عضو فاعل في بناء السودان الجديد.
|
Post: #3
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-13-2007, 03:20 AM
Parent: #2
| Quote: .. نحن نختلف فى الرؤى ونختلف فى الوسائل ولكن الهم واحد هو إنسان الهامش .. |
يا مرحبا بالفهم الجميل
اخي اظنك لاحظتني اتحاشى الدخول في المعاوك الجانبية بشكل يوحي بالجبن .. لكن لدي قناعة راسخة بان ابناء الهامش و معهم قوى الخير و الاستنارة من ابناء الوسط و الشمال السوداني همهم واحد الا و هو بناء دولة الاخاء و الحرية و المساواة و التطور
لذا تراني انسحب من النيران الصديقة مستخدما منظاري لمراقبة تحركات (العدو) كما تفضلت في بوست الاخ خالد كودي(اعني بالعدو اعداء الديمقراطية - الحرية - الصدق - والشفافية)
اجازة سعيدة
اوعك تمشي للمحل الجبتا لينا منها الصور ديك
|
Post: #4
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-13-2007, 03:25 AM
Parent: #1
شرد شرد بريمة شرد.
دينق.
|
Post: #5
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: مكي ابراهيم مكي
Date: 06-13-2007, 04:43 AM
Parent: #4
اخي بريمه
كل الود ووصال التسامح واوثر المحبه حبالها ممدوده بيننا مهما كانت الشوائب
نحن معشر الهامشيون وا ن اختلفنا في اشياء كثيره الي ان الهامش هو الرداء
الذي يجمعنا ويشكل عاداتنا وتقاليدنا مهما كان طبيعه الخلاف !!! وكما تعلم اخي
ليس بيني وبينك مايعكر اجواء الود بيننا الا ما تكتبه من مواضيع تمس فيها ثوابت
ولم يتملكنا الصمت عذرا عن الردود عليها , وتلك كانت صفحه وايام قاسيه كتبت علينا
مشيها وخوض غمارها عسي ان لا تتكرر ونتوخي من ذواتنا القاصره ان نلتفت اخي الي
قضييتنا وهموم اهلنا في الهامش ان كانوا في دارفور -كردفان - وكل اجزاء الهامش
السوداني ونوجه اقلامنا للتعبير عن ما يعانيه نازحي دارفور 0 وكرفان 0 جبال النوبه
جنوبنا الحبيب وشرقنا وشمالا وكل انحاء الوطن المهمش ويجب ان تتضامن جهودنا ونبتعد
عن مخافر ودوائر التفرق والسودان وطن يبقي وحصنا يصون !!!!الاعزاء زملائنا في المنبر لكم
العتبي حتي ترضو عنا وبدوري اعتذار علي كل من مسه تراشق مد اخلاتي وكلماتي والتسماح شيمه
الاكرمين
خالص الود ومحبتي
MAKKI MAKKI
|
Post: #6
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Abdelmuhsin Said
Date: 06-13-2007, 04:52 AM
Parent: #1
الأخ مكى
ده من أصلك الطيب ياأصيل
|
Post: #7
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: عمر عبدالجليل البعشي
Date: 06-13-2007, 04:59 AM
Parent: #1
الأخـوان مكـى / بريمـة
والله لـو سـادت مثـل هـذه الـروح أهـل السـوادن لهـزمو الأمـم جميعهـا
بينهـم طيبـة قـل أن توجـد بيـن الشعـوب الأخرى فيهم مروءة معدومـة عند الكثيـرن
ولكنـه وعـد الشيطـان أن يفـرق حتى بيـن المـرء وزوجـه
إعملـو بمثل هـذه الروح وبمثل هذا التسامح ولن يضيـع حـق وراءه مطالـب مهما عظمـت المظالم
ونأمل من أخونا مكـى وبمثل هذا الفهم الراقى أن يكون قدوة للجميع والعتب على دكتورنا برقو الذى يتحاشى النيران الصديقة ولا يسعى لإخمادها
نسأل الله أن يجمع الشمل ويوحد الكلمة ويزيل الفرقة والشتات
|
Post: #8
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-13-2007, 06:10 AM
Parent: #7
اخي عمر عبدالجليل: السلام عليكم ورحمة الله
ياخي مالك مطلعني من الحفلة
| Quote: نسأل الله أن يجمع الشمل ويوحد الكلمة ويزيل الفرقة والشتات |
آمين
| Quote: والله لـو سـادت مثـل هـذه الـروح أهـل السـوادن لهـزمو الأمـم جميعهـا |
نهزم الامم مالا عملت لينا شنو؟ مش احسن نتعايش معاهم...
| Quote: بينهـم طيبـة قـل أن توجـد بيـن الشعـوب الأخرى فيهم مروءة معدومـة عند الكثيـرن . |
* يا اخي ارجو ان نكون صادقين مع انفسنااولا لنتمكن من تصحيح الاخطأ
* صورتنا الحقيقية كالاتي: اننا الشعب الذي لا يتعدى تعداده تعداد سكان مدينة متوسطة في الشرق او الغرب لا يستطيع التعايش في رقعة جغرافية تبلغ المليون ميل مربع يتحالف فيها حكومتها مع بعض الجماعات بدعاوي عرقية وهمية لقتل و اغتصاب و طرد جماعات اخرى من قراهم رغم عدم وجود اي تعارض بل تمايز عرقي او ثقافي بمعناه الحرفي او المنهجي.
* نحن الشعب الذي اكثر من 15% من مواطنيه يسكنون معسكرات النزوح و اللجؤ بتشاد - افريقيا الوسطى و كينيا و اريتريا. يطعمهم الاجنبي و يداوي جراحهم رغم العراقيل التي تضعها حكومتهم( التي تستخرج اكثر من 350 الفا من براميل النفط يوميا دون ان تنفق فلسا واحد من اجلهم .. الا في اطار شراء اسلحة فتاكة لاكمال عمليات القتل الجماعي بحقهم).. كل هذه الامور بمباركة مباشرة وغير مباشرة من قبل شريحة كبيرة من مواطني الدولة بعلمهم و بغير علم.
* المعلومة التي يعلمها عنا العالم اجمع اننا الشعب الذي حكومتهم تدعي الحكم باحدي ديانات السماء و تأمر باغتصاب القاصرات اما اعين ابائهن و اخوانهن.... هذه هي صورتنا ان كنت لا تعلم.
| Quote: ولكنـه وعـد الشيطـان أن يفـرق حتى بيـن المـرء وزوجـه |
صدقت و ما اكثرهم و خاصة شياطين الانس منهم.. اشك في العدد 51 ربما اكثر من هذا
| Quote: إعملـو بمثل هـذه الروح وبمثل هذا التسامح ولن يضيـع حـق وراءه مطالـب مهما عظمـت المظالم |
عليك النور... يا للجمال والروعة.
| Quote: العتب على دكتورنا برقو الذى يتحاشى النيران الصديقة ولا يسعى لإخمادها |
لك العتبى حتى ترضي ..... لكن هل لك ان تعطيني مثالا واحدا
|
Post: #9
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Ahmed Yousif Abu Harira
Date: 06-13-2007, 06:39 AM
Parent: #8
شكرا للأخوين/بريمة ومكي على الروح الطيبة.
وشكرا لصديقي السلطان/حامد برقو على المعقولية والاتزان والنظرة الموضوعية للأمور.
اما الاخت/تراجي فهي أجمل من تختلف معه. تختلف بدون مجاملة وتحب بلا حدود. شكرا ام حازم.
|
Post: #12
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-13-2007, 08:50 AM
Parent: #9
| Quote: وشكرا لصديقي حامد برقو على المعقولية والاتزان والنظرة الموضوعية للأمور |
.
* لا اله الا الله: يا شيخي عبدالجليل الدنماركي ما تجري... يا زول انا سويت ليك شنو؟ ... ياخي ما قلت ليك انا زول الله و جرسة ساااي يعني شايل جرسليني في جركانة... بالعربي الفصيح كدا ما بتحمل الكلام السمح دا
* هسع الواحد بكلامك دا لو مشى ركب ليهو مكنة زول فاهم غلطان منو....؟ والله عشان تنزلوها منو الا تحلفوا حليفة الرئيس ( لو سمحتوا بدون طلاق)
| Quote: تختلف بدون مجاملة وتحب بلا حدود. |
.
يعني علي وزن اطباء بلا حدود... كويس قول في كلاماتك دي لمن تراجي تجيك...
عزيزي جدا: ابوحريرة
السلام عليكم ورحمة الله
* شكرا على كل حرف غالي منك في حقي المتواضع - كلنا هنا لنتعلم من الاخر وخاصة الذين سبقونا نخطي كثيرا ونصيب احيانا الا ان النية تظل سليمة..
* الحبيبة تراجي مثال للصدق ..احبها
كل الحب
|
Post: #27
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Tragie Mustafa
Date: 06-14-2007, 03:39 AM
Parent: #9
Quote:
اما الاخت/تراجي فهي أجمل من تختلف معه. تختلف بدون مجاملة وتحب بلا حدود. شكرا ام حازم. |
شكرا اخي احمد يوسف ابو حريره Ahmed Yousif Abu Harira
|
Post: #10
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: بشير حسـن بشـير
Date: 06-13-2007, 07:14 AM
Parent: #1
الأخ بريمه ، لك التحايا والوداد .
Quote: أولاً إعتذارى للأخوة أبناء دارفور جميعاً .. وللأخ مكى والذى لم يترك لى صفحة إلا وردعها ردعاً مبرحاً .. بعد مراجعة دقيقة لما كتبنا وفى أتجاه ما نكتب وجدت حقيقة أن حوارنا مضيعة لوقتنا ووقت القارئ ومضيعة لجهد يجب أن نضعة فى المفيد .. نحن نختلف فى الرؤى ونختلف فى الوسائل ولكن الهم واحد هو إنسان الهامش ..
تمنياتى لكم بإجازة صيفية سعيدة ..
بريمة |
فعلا أخى بريمه أنت إنسان أصيل وبمعنى الكلمه ، تحياتى لك ، ولكنا سنفتقد كتاباتك ...
|
Post: #11
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: عمر عبدالجليل البعشي
Date: 06-13-2007, 08:00 AM
Parent: #1
الأخ / دكتور حامـد برقـو
مر مجموعو من السوداينين بسحنااتهم المختلفة تتعالى ضحكاتهم على إخوة من بلاد الشام فعلق أحدهم شوف هاى السلطة المشكلة فجاء الرد سريعا أن هذه السلطة المشكلة قلوبها طاهرة لا تعرف حقدا أو تنافرا أو تقاتلا وكانت الجايات دوما يحسوننا لما يرى فينا من صفات
الى أن جاء إبليس فزين لبعضنا وأوقر صدور البعض الآخر
أخى برقو كنا نجوب دارفور باللوارى التجارية وكنا والله نأمن أنفسنا فى الفاشر وفى نيالا ولا نأمنها فى الخرطوم ألم يكن هناك تهميش وقتها؟ الان إذا سلمت على أحد قد يرد التحية وقد ينظر أليك توجسا
أدعوكم أخى برقو وأنتم أهل خيـر إن تحاولو إعادة ما يمكن إصلاحة ما إستطعتم بنبذما يفرق من لفظ أو عمل
|
Post: #13
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-13-2007, 08:57 AM
Parent: #11
عزيزي عمر عبدالجليل
لا يدعو الي الخير الا من فاض قلبه بالخير
نسأل الله تعالى ان يعيد كل الخير على الناس و ينال من المجرمين نيل العزيز المقتدر
كل شبر من السودان ملك السودانيين جميعا
تقبل احترامي
اضيف حرف الباء الي الخير
|
Post: #14
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: shahto
Date: 06-13-2007, 10:01 AM
Parent: #13
انتبهو يا ثوار الهامش ان الكثير من ادعياء الديمقراطية ...الا اذا لبسنا ثوبهم
ولد ابا التور ابو قرن
انا عارفك راجل و ولد راجل
و تغلب مصلحة الاهل فوق المزاج الشخصي ، صدقني ان حربنا في بعضنا يثلج صدور قوم خاسؤن ، و دي المحرية فيك طب ياك بريمة
و قسما ما حنفرج الناس علينا . لكننا سوف نرجع لي وراء و نعود اكثر قوة و صدق بعد التدقق في اختيار المعترك و الادوات ، و تنقية الصف من حثالة البشر
و الانانين و الانتهازين و المرائين و الخونة الذين يتلذوذن في احترابنا مع بعضنا البعص و هم يشاهدون موتانا علي شاشات التلفاز وهم يرتشفون الشاي المنعنع ، كله خصمنا علي قوتنا و و حدتنا
، و نحن دوما نقشر لهم موزة النصر و نقدما لهم علي اسرتهم البيضاء
دون عناء يزكر ، و لربما يلقون علي الارض عظام فضلات كلابهم لكي نقتات منها و نحن ثملون بتمجيد السادة
اخي نحن في زمن انهارت فيه قيم الرجولة و الشهامة مثل الاعتزار و الرجوع للفضيلة انه عهد الفوضي الااخلاقية و ريادة العناصر الفاسدة التي تصداد في عكر المياه
واعلم جيدا ان النخبة تستغلنا بشتي الطرق منها المباشر و غير المباشر ، جيشونا و زجوا بنا في اتون الحروب اللعين بينما تفرغوا هم و سدنتهم في كنز المال و لم ترق منهم دماء
و انتمني من الاخوة في الهامش احترام هذا المنحي الانساني
و هذا يوضح طيب معدنك الذي ادافع عنه بصمت ، ولن ياتي يوم للتخلي عنك يا ولد ابا
العرجاء لمراحها..... و القنطور اصلوا للتراب .... و اخيرا اولي لك فاولي
اخوكم الشحتو
|
Post: #15
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: A.Razek Althalib
Date: 06-13-2007, 10:44 AM
Parent: #14
د. حامد برقو
من بعد التحية..
| Quote: (اعني بالعدو اعداء الديمقراطية - الحرية - الصدق - والشفافية) |
للألماس ثمنه..
لكن النصيحة الجيدة لا ثمن لها..
ياخي حامد وفي غيبة أخونا العزيز بريمة محمد آدم ما تدونا عضوية معاكم..
في حلفكم ده..
--
.
ود أبا..
كم جميلة كلماتكـ..
أمنياتي الطيبة لكم بقضاء إجازة سعيدة..
وفي إنتظار عودتكـ..
|
Post: #16
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-13-2007, 10:47 AM
Parent: #1
دابي التكل
|
Post: #17
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-13-2007, 10:48 AM
Parent: #1
قفا الجاموس.
|
Post: #18
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-13-2007, 10:49 AM
Parent: #1
القوقلي
|
Post: #19
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-13-2007, 10:50 AM
Parent: #1
ممكن زول يشرح لي معنى العبارات دي شنوا؟
1- دابي التكل
2- قفا الجاموس
3- القوقلي
|
Post: #20
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-13-2007, 11:12 AM
Parent: #19
Quote: ياخي حامد وفي غيبة أخونا العزيز بريمة محمد آدم ما تدونا عضوية معاكم..
في حلفكم ده.. |
اخي ود الطالب
لك التحية والتقدير
شخصيا ما عندي حلف ....بس احيانا بلقى الناس شايتين معاي - وانا شايت معاهم في نفس الاتجاه
انت لو :
* تكره اراقة الدماء
* تحب الحرية و الديمقراطية لنفسك و للاخر
* تكره السرقة و لصوص المال العام
* تحترم ادمية الاخر و تعترف باحترام خصوصيته
* تبغض العنصرية والجهوية و تدعو الي المساواة و العدل في كل شئ
حنكون شايتين معاك في نفس الاتجاه
|
Post: #21
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Ahmed Abdallah
Date: 06-13-2007, 04:00 PM
Parent: #20
Quote: انت لو :
* تكره اراقة الدماء
* تحب الحرية و الديمقراطية لنفسك و للاخر
* تكره السرقة و لصوص المال العام
* تحترم ادمية الاخر و تعترف باحترام خصوصيته
* تبغض العنصرية والجهوية و تدعو الي المساواة و العدل في كل شئ
|
اذن فيما الاختلاف بين ابناء الوطن الواحد؟؟؟؟؟؟؟؟؟؟؟
|
Post: #22
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: عبده عبدا لحميد جاد الله
Date: 06-13-2007, 04:16 PM
Parent: #21
الأعزاء
بريمة
مكي
تحية طيبة
شكراً على هذه الروح الطيبة
نتمنى ان تسود هذه الروح بين الجميع مهما كان الإختلاف
|
Post: #23
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Abuelgassim Gor
Date: 06-13-2007, 04:34 PM
Parent: #1
يا أستاذ بريمه
لاحظت من خلال ما تكتب عمق وفكر قليل بين اقرانك. أنا أعرفك ومن أجلك ظللنا فى هذا البورد بل كثيرا ما أضطررت أنا نفسى الى الدخول فى مشحانات ومغالطات ، أنافح وأنهزم كثيرا . أخطأ وأثوب. لكنى وأشهد الله على ما أقول وجدت فى طرحك فكر وأدب.أنت رجل خلوق ولك قراء. أن تكون فى اجازه هذا من حقك وحق نفسك عليك لكن أن تترك البورد تلك مسألة تحتاج لمراجعة. لاحظت دينق وهو يقول هرب ..هرب .. لكنه يعنى يا للحسرة فقدنا زميل وهو يحرضك للعودة . أعلم هذا سطح كمبيوتر ، وفضاء مفتوح للغاشى والماشى لذا يجب أن تحافظ على جمهورك
مخلصك :
ابو القاسم قور حامد
أستاذ مادة النقد المسرحى بكلية الموسيقى والدراما
خبير ثقافة السلام بمركز ثقافة السلام
جامعة السودان للعلوم والتكنلوجيا
الخرطوم – السودان
ص.ب 407
جوال +0123101031 (سودانى)
|
Post: #24
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Kostawi
Date: 06-13-2007, 04:49 PM
Parent: #23
سبحان الله...
أجمل حاجة في المنبر ده إنو فيه إرشيف.
|
Post: #29
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-14-2007, 04:20 AM
Parent: #23
Quote: يا أستاذ بريمه
لاحظت من خلال ما تكتب عمق وفكر قليل بين اقرانك. أنا أعرفك ومن أجلك ظللنا فى هذا البورد بل كثيرا ما أضطررت أنا نفسى الى الدخول فى مشحانات ومغالطات ، أنافح وأنهزم كثيرا . أخطأ وأثوب. لكنى وأشهد الله على ما أقول وجدت فى طرحك فكر وأدب.أنت رجل خلوق ولك قراء. أن تكون فى اجازه هذا من حقك وحق نفسك عليك لكن أن تترك البورد تلك مسألة تحتاج لمراجعة. لاحظت دينق وهو يقول هرب ..هرب .. لكنه يعنى يا للحسرة فقدنا زميل وهو يحرضك للعودة . أعلم هذا سطح كمبيوتر ، وفضاء مفتوح للغاشى والماشى لذا يجب أن تحافظ على جمهورك
مخلصك :
ابو القاسم قور حامد
أستاذ مادة النقد المسرحى بكلية الموسيقى والدراما
خبير ثقافة السلام بمركز ثقافة السلام
جامعة السودان للعلوم والتكنلوجيا
الخرطوم – السودان
ص.ب 407
جوال +0123101031 (سودانى) |
شكرا على رقم الهاتف(بالمناسبة رقمك دا لو كان الصفر قبل الواحد بي 5 مليون)... (مساخة... الناس في شنو و انا في شنو)
الاخ الدكتور ابو القاسم قور
السلام عليكم و رحمة الله
انا اليوم مع الاخ بريمة سادعم نهجه الجديد بكل ما اتيت و اتفهم القديم منه ... لكن ما احترامي لك لم يكن الاخ بريمة كما تفضلت ارجو مراجعة ما كان يكتبه العزيز بريمة. للمنبر ارشيف ..... و لنا ذاكرة
|
Post: #30
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Abuelgassim Gor
Date: 06-16-2007, 05:26 AM
Parent: #29
يا أستا ذ حامد
رايك شنو أقوم أطبخها مع سوداتيل ونقوم نعمل الصفر قبل الواحد بعدين النصف بالنص
شكرا لك ، أى نصيحة مقبوله .لكن يا حامد ان عندى اعتقاد ( عمرو الاختلاف عبر الكتابه ماكان سبب فى الزعل ولا الشقاق والفراق. لاجظ الكتابة التى تكتبوها دى ذاتها فن وأدب ووعى. يا أبنى الناس فى السودان بقت تتحاور بالعكاكيز ، طيب الشكل حيكون كيف) ... كل ما أقوم به وأنا لا زلت أكتب بيد واحده أثر علة أصابتنى منذ شهرين أن تحافظوا على هذا الاختلاف الجميل . أنتو جيل اجترح الكتابة للحوار والاختلاف . ومن قبلكم جيل صنع الحقد والكراهية وعدم الحوار
مودتى وتقديرى
عمك قور
|
Post: #33
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-16-2007, 07:23 AM
Parent: #30
| Quote: رايك شنو أقوم أطبخها مع سوداتيل ونقوم نعمل الصفر قبل الواحد بعدين النصف بالنص |
انا موافق البركة في انك فهمت اللعبة... يعني اليومين ديل لازم تتقاسم بالنص عشان تقدر تشتغل
و العملية برمتا بسموها ابوالقاسم( والله انا مؤدب و بحترمك) بس اسمها كدا
| Quote: كل ما أقوم به وأنا لا زلت أكتب بيد واحده أثر علة أصابتنى منذ شهرين أن تحافظوا على هذا الاختلاف الجميل . أنتو جيل اجترح الكتابة للحوار والاختلاف . ومن قبلكم جيل صنع الحقد والكراهية وعدم الحوار |
عزيزي العم والدكتور قور
السلام عليكم ورحمة الله
كفارة - لا بأس عليك - ابشر بالعافية
بكل صدق وجودكم معنا تمثل بالنسبة لنا قيمة معنوية كبير - ارجو ان نتمسك بالنصيحة القيمة- و نتحاور- يقيني لا وجود للصواب او الخطأ المطلقين
|
Post: #25
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Deng
Date: 06-14-2007, 01:48 AM
Parent: #1
Quote: يا أستاذ بريمه
لاحظت من خلال ما تكتب عمق وفكر قليل بين اقرانك. أنا أعرفك ومن أجلك ظللنا فى هذا البورد بل كثيرا ما أضطررت أنا نفسى الى الدخول فى مشحانات ومغالطات ، أنافح وأنهزم كثيرا . أخطأ وأثوب. لكنى وأشهد الله على ما أقول وجدت فى طرحك فكر وأدب.أنت رجل خلوق ولك قراء. أن تكون فى اجازه هذا من حقك وحق نفسك عليك لكن أن تترك البورد تلك مسألة تحتاج لمراجعة. لاحظت دينق وهو يقول هرب ..هرب .. لكنه يعنى يا للحسرة فقدنا زميل وهو يحرضك للعودة . أعلم هذا سطح كمبيوتر ، وفضاء مفتوح للغاشى والماشى لذا يجب أن تحافظ على جمهورك
مخلصك :
ابو القاسم قور حامد
أستاذ مادة النقد المسرحى بكلية الموسيقى والدراما
خبير ثقافة السلام بمركز ثقافة السلام
جامعة السودان للعلوم والتكنلوجيا
الخرطوم – السودان
ص.ب 407
جوال +0123101031 (سودانى) |
د. قور.
يا راجل.
دينق.
|
Post: #31
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Abuelgassim Gor
Date: 06-16-2007, 05:36 AM
Parent: #25
السيد دينج
فى زيارتك الأخيره للسودان يبدو اننا التقينا فى حفل سودانيز أون لاين بالقرب من الريفيرا
طبع تلك هى المرة الأولى التى نلتقى فيها .
انت كنت جاد .لكن كنت بعاين ليك بهدوء توصلت لحقيقة تخصنى وهى ان شخصيتك شخصية مرحة . وما تعرف الحقد ولا الكراهية. وكمان من الواضح انك راجل عملى جدا. شخصيا سعيد بمعرفتك.الكيزان ديل يطيرو من البلد وتجى الديمقراطية وتعود للسودان . حسب علمى انت مشتت ( من شتات) منذ نحو 15 سنة . يعنى لابد تكون تركت الوطن وأنت فى بداية ومقتبل شبابك . يا للحسرة . ومن انطباعى حاولت أن استنطق تعبيرك هرب...هرب... أحسست انك بتقول فقدنا زميل . أصلا الزميل ليس بالضرورة يكون متفق معك ، فجدلية الحوار الديمقراطى تتطلب زميل يختلف معاك ...مش كده .
عمك / قور
|
Post: #26
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Mahjob Abdalla
Date: 06-14-2007, 02:40 AM
Parent: #1
انا غايتو ممكن اشرح الكوت ده... لكن البقايات خلي للقوقلي...
|
Post: #28
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: معتصم احمد صالح
Date: 06-14-2007, 03:51 AM
Parent: #26
الاخوين مكي وبريمة
شكرا لهذه الروح الطيبة..
مهم جدا ان تسود ثقافة التسامح والمحبة في هذا البورد..
جميل ان تفشوا السلام بينكم..
تحياتي ..معتصم
|
Post: #32
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: Tragie Mustafa
Date: 06-16-2007, 05:49 AM
Parent: #28
بريمه صديقنا محمد الزاهد
يحملني رساله لك....
| Quote: أما ما يثير الإشفاق، ما لخصه بريمة في رده علي مكي. فبريمة وفي حالة سمو وتجلي وهو يطالع نفسه في المرآة بعد حمام سونا ودهان مبيض للبشرة ومصفد للشعر المجعد، خيل له عقله الباطن انه جلابي بل انه عربي مثله مثل سكان الخليج، مشكلة البلد في أن الزنوج ذوي التلاليش طامعين في بنات العرب الأنقياء وليس بنات الحوازمة اللاتي يحملن نفس قسمات مكي. فإذا كانت الحالة الأولي حالة مرضية فان حالة أمثال بريمة وسعد الدين وود الطالب استلابية بل كراهية الذات. فبريمة الثاني بعد حمام السوانا لا يتواني للحظة للتعبير عن كراهيته لبريمة الأول بل إبادته عن الوجود إذا دعت الضرورة. |
وانا نقلته لك من منبر نيو سودان...
|
Post: #34
Title: Re: إعتذار للأخ مكى أبراهيم مكى ولكل من مسه الحوار .. ووداعاً أنا فى إجازة من البورد
Author: hamid brgo
Date: 06-16-2007, 08:11 AM
Parent: #32
| Quote: وانا نقلته لك من منبر نيو سودان... |
ناقلاهو ليييييه
يا جماعة الزول دا حدد موقفو و انحيازو لناشطي دولة المواطنة قبل القبول بقوات العجين ... مالكم مفتشنو
|
|