البنيــــــــات سكة القمر الطشــاش

البنيـات المَشـَنْ
أمشاج على حِسَ الفواصل
واحدة مِنهِنْ إشـتكتني
وإنتهـت جواي ريد
خـِدْرَنْ أساريري إهتدن
لى حاسّة مِنها
قد تكـون في روحي
أو منـ ما يكُّن
من كلها وذابت معاي ...
إتخــيَّل ...!!!
الإزميل وقـع
من فكرة التكـوين معاهِن والثــبات
في خطوط الدهشة
كانت تمتحـني وتمْتحــن
وفقدت مقدرة الصمود
في وصفها المجـنون
جــَمالِن
والجمال الفيها
كالضو والحنين
كان لونا مخلوط بالسِـحَّنْ
من طينة ما معروفة
من ضُلعي اليمين
مغيور معاكِ جمالِك المسحور
كمن كانت مُحال
يابنــيَّة ما كُل البنات البشبهَن معنى الخيال والرِيح
شـبابيلن صُــدق
يا بنيـَّة خاطرك
للسـما الفوق
والنجـيمات البِضـون يشلعن
نور من بعـيد
زى بيشبهن طعم الجـميلات
البعرفْن يصدحــن
فى دروب الروح نشيد
مالهِنْ نِسـَنْ
وهج الرقيص في حضور غناي
أدَّنِّي مقسومة النصيب
في الدنيا معروف ....
( الفرح بالكاش
ومجـاني الحـُزن )
ما عاودَّني مع الربيع
في آخر الليل إحتفن
بى طلة القمرا الطشاش
خجلانة منها ..
والبنيَّات .. العزيزات إستحـنْ
من خُدرتا الإنسـانة ..
راحـن مني في أبعاد جنونى
وفي مساماتى إنتهن
لا ودعنى ولا نسـنْ
عِرفن مصبَّات الهُطول
من عيني دمعاتي البَكـنّْ
وفقدت مقدرة الصمود
في وصفها المجـنون

سلامات..

Quote: البنيـات المَشـَنْ أمشاج على حِسَ الفواصل واحدة مِنهِنْ إشـتكتني وإنتهـت جواي ريد خـِدْرَنْ أساريري إهتدن لى حاسّة مِنها قد تكـون في روحي أو منـ ما يكُّن من كلها وذابت معاي ... إتخــيَّل ...!!! الإزميل وقـع من فكرة التكـوين معاهِن والثــبات في خطوط الدهشة كانت تمتحـني وتمْتحــن وفقدت مقدرة الصمود في وصفها المجـنون جــَمالِن والجمال الفيها كالضو والحنين كان لونا مخلوط بالسِـحَّنْ من طينة ما معروفة من ضُلعي اليمين مغيور معاكِ جمالِك المسحور كمن كانت مُحال يابنــيَّة ما كُل البنات البشبهَن معنى الخيال والرِيح شـبابيلن صُــدق يا بنيـَّة خاطرك للسـما الفوق والنجـيمات البِضـون يشلعن نور من بعـيد زى بيشبهن طعم الجـميلات البعرفْن يصدحــن فى دروب الروح نشيد مالهِنْ نِسـَنْ وهج الرقيص في حضور غناي أدَّنِّي مقسومة النصيب في الدنيا معروف .... ( الفرح بالكاش ومجـاني الحـُزن ) ما عاودَّني مع الربيع في آخر الليل إحتفن بى طلة القمرا الطشاش خجلانة منها .. والبنيَّات .. العزيزات إستحـنْ من خُدرتا الإنسـانة .. راحـن مني في أبعاد جنونى وفي مساماتى إنتهن لا ودعنى ولا نسـنْ عِرفن مصبَّات الهُطول من عيني دمعاتي البَكـنّْ وفقدت مقدرة الصمود في وصفها المجـنون>

حالتك فقدت مقدرة الصمود في وصفها المجنون ؟؟
ياسلام علي أوصافك..

رجاء ممكن تغير اللون المرة الجاية متعب شديد في القراية..
وناس كتير تحب تقراك..
مودتي

خنســــاء
العزيزه

تحياتى من هنا هناك

ومنتظركــ
خطاوى تكرفس المده
انا منك
وريدك
كل شرايينك
وريدك

ومنتظرك

تماماً

مع وفير الإحترام

داش...

كيف تنتظر زولاً سكن جوَّاك زمن..
زولاً وهب ترحالو لي عينيك براك..
الفيها كم عاش الشجن..

Quote: كيف تنتظر زولاً سكن جوَّاك زمن.. زولاً وهب ترحالو لي عينيك براك.. الفيها كم عاش الشجن..

كم الشجن مقدار
معادله للدخول
جواكـ هناك
بُعد الزمن
من روح بتشتهى فى الوصول
وتلوح مساحة شوقا
تتحدى المحن

خنســـاء

كيفن معادله كيف تكون ..؟

تعرف تعادل الشوق مع قدرة الجيّات إليك؟؟
ولاغاب عنّك ..إنو التلاقي البين غيومك..
بمنح الأرض الرذاذ!

Quote: تعرف تعادل الشوق مع قدرة الجيّات إليك؟؟ ولاغاب عنّك .. إنو التلاقي البين غيومك.. بمنح الأرض الرذاذ!

جربت مقدرة الوصول
من غير حسابات الملاذ
والدهشــه من نفس القصيد
ساعة قدومكـ إشتهاك
معقــــول !!!
متين بقت السنين
معدوده بالضو
شن أسوى معاك
مشروق من ضياك

راجيكــ
رغم الغيم
مع رشح المطر

أرجاني في موكب بهاك..
متساربة بيناتك حضور..


جربتا مقدرة الوصول؟؟
حدّ الغيوم..حد اكتمال موسم نداك
هل واجهك مرّة الضباب؟؟
وشلتا من أشواقي ليك..
أهديتو من جوّاك ضياك!
عِرِف إحساسي بيك ساعة الوضوح
ساعة تمكُّن مشتهاك.

Quote: أرجاني في موكب بهاك.. متساربة بيناتك حضور.. جربتا مقدرة الوصول؟؟ حدّ الغيوم..حد اكتمال موسم نداك هل واجهك مرّة الضباب؟؟ وشلتا من أشواقي ليك.. أهديتو من جوّاك ضياك! عِرِف إحساسي بيك ساعة الوضوح ساعة تمكُّن مشتهاك.

أرجــاك فى عِـز الغمام
جربت أحترف الوصول
قبال يبـللْنى المطر
والمعنى فى خدركِـ جميل
والإحتمــال.. والُقدره
ســيان / إذ هنـاك
آيــة كثافات الغيوم
بى صــراحه بيشدهنى الضباب
وأنا فى أحـايين من حنين
لسه إشتياقات الوصول
والشوق إذا إحتد الحريق
والموج أذا أحتدم العكــر
من شوقى غايات الوصول

ترجاكـِ
فى رحلة إياب

حد وين
أوافيك إحترام ..؟

وافيني يوم تعدم غياب
تتحكّر اللحظات علي موعد مجيك
أبقى ملهوف ليك كتير
إنتا ياحِس الرباب
شديت رحالي وجاي عليك
ماخفتا من سكة سفر..
فيها إحتمالات العذاب..
لكني خايف يوم أجيك..
وأنا في اكتمالات الوصول..
ألقى الخريف ..موسم سراب..

عبدالله داش الشاعر الجميل شكراً علي القصيدت الجميلة وطالما شاركت معك الخنساء فقد صبغت عليه

التميز مبروك عليك يا شفيف , علي فكرة يا عبدالله انا نازل السودان إنشاء الله في منتصف شهر 7

الجاري فإذا كنت في السودان احب ان التقيك وهذا هو عنواني الصحافة غرب مربع ( 15 ) منزل رقم 132

يا ريت لو تديني عنوانك بواسطة الماسنجر .

وانا اسف علي المقاطعة ...... يلا واصلوا وانا متفرج جيد .

Quote: يا ريت لو تديني عنوانك بواسطة الماسنجر .

يا رحيب

ياااخ إنت زول كريم ونضيف من جواكــ

لذا تجدنى أحبك دائماً

هاشم ما أظن تحتاج عنوانى بعد محادثتكــ
الفرح

شكراً
بآلاء المطر

Quote: وافيني يوم تعدم غياب تتحكّر اللحظات علي موعد مجيك أبقى ملهوف ليك كتير إنتا ياحِس الرباب شديت رحالي وجاي عليك ماخفتا من سكة سفر.. فيها إحتمالات العذاب.. لكني خايف يوم أجيك.. وأنا في اكتمالات الوصول.. ألقى الخريف ..موسم سراب..

عدم الغياب المستحيل
سبر الغياب ما بينتهى
راجيك متوخى الحذر
من أى شئ
من سكه بتودى الودّر
ياملكه شكرا
لإحتمالات الوصول
شوفى القمر
أهداكــ كل الليل
وقت عز الأفول
وكل الخمايل
فى رقيص الفرحه
للورد الندى

وشكراً
أزاهير البريه
عرابين للفرح

إتوخّى برضو الاحتمال
وأعرف كمان إنو الغياب
مشدود علي وتر ارتحال
مرَّات بصادفني وبجيك
ومرَّات تفوت مواعيدك تمِش
وأنا حالي لسع مندهش
لسه مستطعم مجيك
في حلقي..حسّك..مرتعش
وإتسرّبي..
يالحظة شالت صوتي ليك
إتسرّبي..جوّة المسامات وأدخلي
وإتمكّني..من الموانع ..وأخطري..
جوّة الشرايين..حومي ياخي إتدفقي
ماتبقي زي لمحة عتاب
مابية التواصل ..وأفرحي
أنا أصلي لو بسمع عتابك
ماكان مواعيدك ..رحيل..
لا كان براحاتك أنا.

Quote: إتوخّى برضو الاحتمال وأعرف كمان إنو الغياب مشدود علي وتر ارتحال مرَّات بصادفني وبجيك ومرَّات تفوت مواعيدك تمِش وأنا حالي لسع مندهش لسه مستطعم مجيك في حلقي..حسّك..مرتعش وإتسرّبي.. يالحظة شالت صوتي ليك إتسرّبي..جوّة المسامات وأدخلي وإتمكّني..من الموانع ..وأخطري.. جوّة الشرايين..حومي ياخي إتدفقي ماتبقي زي لمحة عتاب مابية التواصل ..وأفرحي أنا أصلي لو بسمع عتابك ماكان مواعيدك ..رحيل.. لا كان براحاتك أنا.

وهج الشمــش ..
يا قدره فاقت إحتمال الإحتمال
وإتســربت ...
زى طيف شفيف
قالت : تعال ..
مالينى نغمِــكـ
شوفــتى كيف ..؟
من بين مداخل الشوق
زحام كل الخـٌـطا
حال إنتظارك فى المسام
الحر لهيب ما بينهبش
مــين مندهـــش ..؟
أنا ولا إنت الإكتمال
أرجوكــ ما تتأخرى
ما الليل سدل جفن المنام
كحّـــل عيونو
بيصحى بيكــ سِــر الغنا
إتمــددّى ...
وأمــلى الفراغات الهناكـ
بتشابى ليك
بتنادى طيفكــ بإحترام
مشتاقه ليك
تمليها قبال المطر
نسمات وهيف

ماهو طيفي الجاي إليك
لكني لملمت الحلم..
غمتو في كف الرياح
قُت ليها شيلي وبعثري
أصلو الواقع أحلى وبي كتير
حقيقي جاي عديل عليك..
تقدر تشيل قدرة الجيات وشاح
يغطي بي لونو الشفق
يهدي أرواحنا السماح..
والجية زي لحظة غسق..
بتقدر تواكب روعتك؟؟
تقدر تعيش الاندهاش
وكتين تصادف حتتك
أوعاك تشيل مرّة الظنون..
وتخاف مواعيد الطشاش
أنا قلتا ليك
مواعيدك خريف
بتصدق المطرة الوعود
والأرض تسكن ارتعاش
بستقبلك بين المسام
يامطرة برضو إتسرّبي
فيني قدرة إحتواك
جوّايَّ حومي..وأقدلي
كل البراحات تشتهيك
لمتين تجيني وتهطلي.

Quote: ماهو طيفي الجاي إليك لكني لملمت الحلم.. غمتو في كف الرياح قُت ليها شيلي وبعثري أصلو الواقع أحلى وبي كتير حقيقي جاي عديل عليك.. تقدر تشيل قدرة الجيات وشاح يغطي بي لونو الشفق يهدي أرواحنا السماح.. والجية زي لحظة غسق.. بتقدر تواكب روعتك؟؟ تقدر تعيش الاندهاش وكتين تصادف حتتك أوعاك تشيل مرّة الظنون.. وتخاف مواعيد الطشاش أنا قلتا ليك مواعيدك خريف بتصدق المطرة الوعود والأرض تسكن ارتعاش بستقبلك بين المسام يامطرة برضو إتسرّبي فيني قدرة إحتواك جوّايَّ حومي..وأقدلي كل البراحات تشتهيك لمتين تجيني وتهطلي.

كلمْت بيــكـ غرف الرياح
وصيتها تهدأ بلا عُــصار
ودتنى لى أقرب ســبيل
يبعدنى من ودّر الدروب
الإفتكــار ... لحظة حنين
الدنيا أوســع من خيال
ردد صدى الصوت بإفتخار
نوهت إنكــ مستحيل
والمستحيل فتش عليكــ
ولقاكـ إنت المستحـتيل
السكه فِرحــت بيكـ وصول
والخوف يبارح للمســار
ياغيمـه مابتشبه
فصول كل المطر
يامُقــتدِر
علمنى أحتمل الهطول
قبال مطيرات الرشاش
أبدانى من الإبتسـأم
سكك المجرات والنجوم
كل الغيوم
محتاره فى
القمر الطشاش

قصيدة وردود اكتر من رائعة استاذ عبد الله ..تماضر كالعادة مبدعه

عزيزتى .. ربنا يحفظكم ..مودتى ..

هند

آلاف التحايا
تودِرك فينا وتروح
والروح تفتش ليكــ
جوانا وتناديــكـ

إنا
نبادلك
التعب

كامل الود

العزيز داش ...
انت وتماضر عذبتونا بحلو الكلام...
وما خليتو لينا حاجة نقولها ...
الله يديكم العافية ...
واصلوا وامتعونا ...
تحيات طيبات زاكيات ...

هاشم وهندوية وسناء تسلموا كتير
مودتي

يابنــيَّة ما كُل البنات البشبهَن معنى الخيال والرِيح
شـبابيلن صُــدق
يا بنيـَّة خاطرك
للسـما الفوق
والنجـيمات البِضـون يشلعن
نور من بعـيد
زى بيشبهن طعم الجـميلات
البعرفْن يصدحــن
فى دروب الروح نشيد
مالهِنْ نِسـَنْ
وهج الرقيص في حضور غناي
أدَّنِّي مقسومة النصيب
في الدنيا معروف ....
( الفرح بالكاش
ومجـاني الحـُزن )


يا سلام عليك ويا سلام منك
بهاء ما ليه حد
مودتي

نفح القرنفل

نهـــال الطيب

منذ المسا/ الصباحات

منتظر أسمع نداك


كل الود

Quote: العزيز داش ... انت وتماضر عذبتونا بحلو الكلام... وما خليتو لينا حاجة نقولها ... الله يديكم العافية ... واصلوا وامتعونا ... تحيات طيبات زاكيات ...

سـناء

يا أجمل ضو

منتظركــ تماما
شان يواردنى الندى



شوق
بحجم
اليابســه
والماء

داش والله افرحتني بإتصالك الهاتفي ليلة أمس وادهشتني ايضاً بوجودك في الرياض

وانا كنت متخيلك في السودان ونفسي كنت اقابلك في إجازتي السنوية !! سبحان الله

علي العموم لازم اشوفك واجلس معاك ونتعرف علي بعض من قرب .

هاشم ياوريف

سعيد بمعرفتكـــ


كامل الود

صديقى الجميل عبدالله داش ، مررت’ من هنا فبهرنى الجمال وإمتلأت نفسى طرباً بما قرأته فى هذا البوست المتميز ، فما أروعها من مجاراة وبين من، تماضرالخنساء حمزة المتوهجة بالألق الرفيع وصاحب المفرده الشفيفة داش ، فشكراً ندياً أستاذة تماضر وصديقى الوريف عبدالله داش على منحنا كل هذا الدفىء ، لكم الود .

وريف يا داش

شكرن كتيرن!

الأخ الشاعر عبدالله داش
في حضرة الدهشة كتبت الأخت سناء جعفر تقول:

Quote: العزيز داش ... انت وتماضر عذبتونا بحلو الكلام... وما خليتو لينا حاجة نقولها ...

سبقتني الأخت سناء إلى قول المفيد المختصر. سعدت كثيرا بقراءة هذه القصيدة وزاد حبوري (خد و هات) الجميلة بينك وبين الشاعرة الموهبة تماضر الخنساء . أعدت إلى ذهني السهل الممتنع عند عمر الطيب الدوش..يكتب العبارة وكأنه يختبر ذكاءنا ما إذا كنا نستطيع الأتيان بمثل هذه اللعبة السحرية البسيطة والصعبة في ذات الوقت. رفدك للعبارة العامية بكلمة من الفصيح محاولة راقية لكتابة عامية بها الكثير من التميز ومحاولة التحديث.

واصل إدهاشنا..وقل لتماضر بأنها كانت رائعة في كل الذي شاركت به في هذا البوست. كلماتها انيقة وتضج بعنصر الموسيقى كما الحال في شعرهادائما.

Quote: واصل إدهاشنا..وقل لتماضر بأنها كانت رائعة في كل الذي شاركت به في هذا البوست. كلماتها انيقة وتضج بعنصر الموسيقى كما الحال في شعرهادائما.

أستاذ فضيلى

سعيد بيكــ للحد الما معقول

وتماضر

أيضاً من ذات الحــال المامعقــول

وهى ما لم أقدر على وصــفه


أســتاذى لم أحتمل وقع الفرح

إحترامى المؤكد

Quote: وريف يا داش شكرن كتيرن!

يازول
يا مألوف
زى ريحة المطرا

حبابك جداً

حبيب البت القمر

متحمّــدك شكر الفرح

ميكال


من وين بتمنحنى الصدف
أحلى إبتسامات
من وجيه نصف القمر


كل الود

يا تمـاضـر و عــبد الله داش
كلامكـم جمـيل زي الـدعــاش
و قمـركم طشـش عيونا طشـاش

صحافه

يانغم

سعيد بى جيتكــ

وفرحان بيك


كل الود