|
|
 هل يحتاج المغتربون لحمل السلاح ؟؟؟
|
قضيتان خطيرتان تمس كافة شرائح المغتربين دون استثناء هما ..
حرماننا من التعداد وهو حق مكفول لنا بموجب حقوق المواطنة ..
حرماننا من التصويت في الانتخابات القادمة دون وجه حق ..
وان تم لهم ما ارداوه وتم تطبيق القرار فليس لجهاز المغتربين الحق في اخذ هللة واحدة منا بعـد ذلك ( ديل ناس السعودية طبعا ناس الهلل ..)
هل من المنطق جعلنا مواطنين عندما يتعلق الامر ( بالجبايات ) وغير ذلك عندما نطالب بحقوقنا.
الظلم طلمات يوم لقاء الرب ..
اللهم قد بلغت اللهم فاشهد ...
والله من وراء القصد ..
ود الباوة
|
|
 
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: ود الباوقة)
|
Quote: حرماننا من التعداد وهو حق مكفول لنا بموجب حقوق المواطنة ..
حرماننا من التصويت في الانتخابات القادمة دون وجه حق |
الريس ود الباوقة..تحة ود
اذا اضيف لما سبق الجبايات والتامين على السيارة التربتك
يكون هذا هو كل نصيبك من الظلم الذي حاق بالبلاد والعباد في عهد الانقاذ
وهو قدر ضئيل جدا جدا مقارنة بالظلم الذي حاق بالنساء الثكالى والاطفال اليتامي الذين اعدم اهلوهم بليل.
وهو لا شيء مقارنة بمن احيل للشارع العام فقط لكونه غير موال
وهو قدر ضئيل جدا مقارنة ومقارنة مقارنة..والقائمة تطول.
انظر يا صديقي هذا القدر الضئيل من الظلم الذي حاق بك جعلك ترفع يديك للسماء وتدعو على الظالمين وتلمح لحمل السلاح.
فماذا تفعل يا عزيزي لو اصابك ما اصاب غيرك.
ومابالكم يا هل الانقاذ كلما جأر مظلوم بالشكوى القمتموه حجر العمالة والارتزاق
الظلم ظلمات وما اكثر المظالم في هذا العهد المظلم يا صديقي
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: tmbis)
|
Quote: يا ريس
إنت عايز تبقى شيوعي والا شنـــو ؟؟ |
اخي تامبا الموضوع بالجد خطير وخطير جدا جدا . يعني لو تم بهذا الشكل معناه انت تاني تركــــــب التونسية وتتوكل على الله ..
نحن ما نطالب به هو عدم التفريط في حقوق المغترب في التعداد والتصويت ..
بالطريقة دي بتضيع عليك .. الزغنبوت
أبشرك الزغنيوت راقد هبطرش ما تخاف 
ود الباوقة
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: معاذ حسن)
|
قانون المنع من التعداد والمشاركة في الانتخابات هو قانون تتحمل وزره كل احزاب التوالي السياسي ..
وليس الانقاذ وحدها .. يعني كلنا في الهوا سوا ..
اما عن المظالم الفردية استاذي معاذ فنحن لسنا بصدد الحديث عنها لان لها حلـــــول متعددة يمتلك مفاتيحها من وقع عليه ظلم او اصابه غبن . وكل يحلها حسب طريقته اظنك فهمت قصدي .
لك الود اضعافا ..
ود الباوقة
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: ود الباوقة)
|
ود الباوقة
سلامات
Quote: وان تم لهم ما ارداوه وتم تطبيق القرار فليس لجهاز المغتربين الحق في اخذ هللة واحدة منا بعـد ذلك ( ديل ناس السعودية طبعا ناس الهلل ..)
هل من المنطق جعلنا مواطنين عندما يتعلق الامر ( بالجبايات ) وغير ذلك عندما نطالب بحقوقنا |
.
هنالك قول انجليزي مأثور يقول No taxation without representation وقد لخصته تلخيص جيد..والمغتربين كشريحة "مختوتين" للجبايات والدفع البلا رحمة لكن عندما تجي عند الحقوق فلا حق لهم ولا تقدير..
المشكلة يا خوي ابتزاز راسو عديل..انت بتنجبر تدفع وكراعك فوق رقبتك لأنك لازم تدفع عشان تتخارج ولأنك عندك التزامات لابد من ان تفي بها وهم عارفين الكلام ده ، يعني باختصار كده ماسكنك من يدك البتوجعك.
وكلامك الفوق ده عايز له التزام جماعي اذا كان لابد له ان ينفذ وللحقوق التي ذكرت وغيرها من الحقوق الاصيلة الضائعة أن تسترد.
الدول كلها عندها مواطنين يعملون بالخارج "مغتربين يعني" لكن حقوقهم محفوظة ومرفوع عنهم الكثير من الواجبات التي يدفعها عنهم الناس القاعدين ومقيمن في البلد وحقوقهم محفوظة بالكامل أسوة بمواطنيهم الآخرين.
والفكرة في نظر الغير هي ان المغترب يعاني ويكفي انه مغترب وعايش بعيد عن بلده..اما الصورة عندنا فمعكوسة بالكامل يعني الاغتراب عند ناسنا امتياز في حد زاتو وعلى المغترب ان يدفع مقابله غض النظر عما يجنيه من اغترابو ده..
عشان كده تلقاهو في نظر المسؤولين "بدءا من اكبر مسؤول وحتى عسكري المرور" ليس إلا بقرة حلوب لا تتكفل الحكومة تجاهها باي التزام ولا حتى موية الشراب الزرقاء دي..
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: Ahmed Yousif Abu Harira)
|
هنالك قول انجليزي مأثور يقول No taxation without representation وقد لخصته تلخيص جيد..والمغتربين كشريحة "مختوتين" للجبايات والدفع البلا رحمة لكن عندما تجي عند الحقوق فلا حق لهم ولا تقدير..
استاذنا ابو حريرة .
نعم يا سيدي يجب ان تتساوى الحقوق والواجبات فهما كفتان متساويتان ان مالت احداهمــا وقع الظلم ..
لقد طفح الكيل بنا نحن شريحة المغتربين المغضوب علينا من قبل الجهاز فلا هو اراد ان يتبني قضايانا لدي الجهات المختصة او يتركنا في سبيل حالنا كل يساهم في حل ما يعترضه من مشاكل وعقبات بطريقته الخاصة .
صبرنا على ما حاق بنا من ضرر في اموالنا من قبل الجهاز ولكن ما لا يمكن الصبر عليه هو حرماننا من حق التصويت والتعداد ومن ثم مطالبتنا من قبل جهاز المغتربين بدفع الاموال قسرا ..
لك الود ابا حريرة ..
ود الباوقة
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: حمزاوي)
|
هل يحتاج المغتربون لحمل السلاح ؟؟؟
الظاهر عليك يا اللخو اكلت الزغنبوت
الله يحفظك ويوصلك سالم الباوقة
وترجع لينا
واحفظ لسانك يُحفظ بدنك
لك ودي يا ودالباوقة اخوي
الخال حمزاوي ..
انت رأيك شنو في حرمان المغتربين من حق التعداد والتصويت ...
واحفظ لسانك يُحفظ بدنك
طالما اللسان بعيدا عن اللغو والسب والشتم وتناول اعراض الناس فهو محفوظ باذن الله تعالى ..
ارقد عافية
ود الباوقة
| |
|
|
|
|
|
|
|
|
 Re: هل يحتاج المغتربون لحمل السلاح ؟؟؟ (Re: د.محمد حسن)
|
| Quote: تمبس يا اخا العرب هل صبأ ابن الباوقة؟ |
.. اسألني دبــل يا دكتور .. ود الباوقة ده الليلة ما براهــو .. حقو تشكلو ليهو لجنة تمشي تراجعو .. وتطمن عليهو.. تعالو شيلو الكاميرا معاكم.. | Quote: قانون المنع من التعداد والمشاركة في الانتخابات هو قانون تتحمل وزره كل احزاب التوالي السياسي .. |
.. يا ريس على هامش الكلام التحتــو خط ده .. حسع قبل دقايق كان بتكلم معاي درش .. وزير المياه .. وطبعا ماسك يدو لحدي الآن من الكتابة.. لكن اللعبة الحلوة لما تسخن معاهو بيفتح لي بيها بوست بالتلفون ..
اهــا قال لي كلام منطقي جدا .. غلبني اجاوبو .. وأقلب ليهو الكلام
قال لي يعني مثلا ناس السفارة ديل والهيئة الدبلوماسية ديل القاعدين معانا هنا وفي محلات تانية .. وقاعدين نمشي ندفع ليهم .. ( الهلل ) محسوبين وعانا والا ما محسوبين ..
بي صورة أوضح ... قال لي يعني ديل ممكن الواحد فيهم يمشي ضحوية من هنا يصوت بأعلى صوتو ويجي باقي الليل .. يتعشى معانا .. ويكون كلو على السليم .. ونحن هنا صوتنــا ( مقروش ) .. ( وقروشنــا ) ذاتــه .. ( مقروشة )..
رايك شنــة يا بتاع ( الزغني ) .. ( الزغنبوت ) ده خلاص يا ود الباوقة والله بعد تصريحاتك دي ( تشمو قدحة ) تاني..
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: ود الباوقة)
|
ياجماعه الزغنبوت يعني زغني بلحم عتوت ومخلوط بشوية توت والا انا غلطان.... ياربي الموضوع شنو والجديد شنو... يعني بعدين حيدونا شنو... قال ................ قال سبتكم بعافيه.. وقالو حلم الجعان.............. برسيم اقصد ابتسامه............. بس ناقص سكر...................
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: willeim andrea)
|
الاخوة المتداخلون ...
اذا تم مناقشة القرار من قبل المجلس الوطني في الايام القادمة واجازته معنــاها عليهو العوض ومنو العوض انتو اقعدوا هظروا واخدوا الموضوع بعدم جدية وبعدين تعالوا غنو ظلموني الناس ..
د/ محمد الحسن ابشرك باني بخير ولله الحمد والمنة ومازلت على العهد الذي قطعته على نفسي بالنسبة لثورة الانقاذ الباسلة .
اللهم ارنا الحق حقا وارزقنا اتباعه وارنا الباطل باطلا وجنبنا اتباعه ....
بجيكم بعدين واحد واحد ما تمشوا بعيد ..
ود الباوقة
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: ود الباوقة)
|
Quote: د/ محمد الحسن ابشرك باني بخير ولله الحمد والمنة ومازلت على العهد الذي قطعته على نفسي بالنسبة لثورة الانقاذ الباسلة .
|
باسلة وانت عايز تشيل ليها سلاح رأسو عديل يا ودالباوقة...
الباسلة دي مفروض تديك السلاح زاتو؟ مش زمان البسالة
البيرمي سيفو برفعوه ليه...؟ والبقع ما بضربوه..ومن يولي
الدبر...بعوفوه...؟
غايتو انا كمتابع هنا حيرتني رسمي...يا ود الباوقة...؟
يا راجل سلاح شنو؟ وتعداد شنو؟
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: nazar hussien)
|
باسلة وانت عايز تشيل ليها سلاح رأسو عديل يا ودالباوقة...
يا اخوي سلاح شنو .. انا اتسال هل يحتاج .. يحتاج . رغم علمي التام بان كل شرائح المغتربين مسالمة
ورضيانة كل الرضى بما اخذوه منها وما ستحرم منه ..
سلاح الكلمة يا اللخو اقوى فتكا من الدوشكات والراجمات وهو سلاحنا فقط نستخدمه في تعديــل الصـور المقلوبة دون تزلف وتطبيل ودون شتم او التعدى على اي كائن كان . هدفنا احقاق الحق ووتقديم النصح للقائمين على امر هذه الرعية لوجه الله تعالى لا نريد منهم جزاءا ولا شكورا نقولها تطبيقـــا لقول المصطفى ( ص ) الدين النصيحة ...
ود الباوقة
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: عمران حسن صالح)
|
عزيزي أبو النسب ود الباوقة
Quote: قضيتان خطيرتان تمس كافة شرائح المغتربين دون استثناء هما ..
حرماننا من التعداد وهو حق مكفول لنا بموجب حقوق المواطنة ..
حرماننا من التصويت في الانتخابات القادمة دون وجه حق .. |
أختلف معك جملة و تفصيلا في تخوفك من هاتين القضيتين ..
هو تخوف متأخر ..
فالمغترب خارج روزنامة الأحزاب ..
المغتربون تشك في ذممهم كل الأحزاب لذا لا يأمنون جانبهم فربما تم شراء الأصوات و تمت مقايضات تحت ستار الليل و من خلف الأبواب لتبديل الأدوار و تقسيم الكيمان و فرزعة الشمل ..
و تبديل المواقف تقف أماك شامخة لا تحتاج إلى كثير تفكير ..
هناك في السودان الكيمان معروفة و الدوائر معروفة ..
المغتربون في حالة إنعدام وزن ..
فقد ترى معارضا يهوى من علٍ ليقع في أحضان الحكومة لأنه يريد إختزال غربته ..
و قد تجد موالٍ للحكومة يريد تبديل موقفه لأنه لم يجد ما كان يأمله ..
و قد تجد من يريد الوقوف ممسكاً العصا من الوسط حتى يتبين له خيط هذا الحزب الأبيض من خيط ذاك الأسود..
فهما نتاج طبيعي لتعامل شريحة المغتربين لكل هذا الكم الهائل و المتدفق من الصدمات التي كان ياخذها على البردعة و كأنه يجلس على جبال من العملات الصعبة يدفعها يمنة و يسرة دونما إحتجاج ..
نتاج طبيعي لهذا الخدر الذي أصاب مخيخ المغتربين ... يهرولون للسودان ..
يقضون إجازة تتميز بالبعزقة
ثم للعودة يدفعون كل الأتاوات و الأيادي مرفوعة للأعلى إستسلاماً مهينا ..
لكم في المصريين أسوة حسنة .. فعندما رفعوا لهم الضريبة بضع جنيهات .. أضرب الجميع عن الذهاب للسفارة و رفضوا الدفع فإستجابت حكومتهم تماما كما فعلوا عندما هب الشعب عند زيادة الرغيف فقط ( قرشان لا غير ) و التي أسماها السادات ( إنتفاضة الحرامية ) .. و أسماهم الدهماء و الغوغاء ..
نحن سودانيون في الغربة مع وقف التفعيل .. فأنت خارج حسبة التعداد ...
و أنت غير مؤهل للتصويت لتنتخب رئيسا أو عضوا في البرلمان
أنت مجرد ضرع كبير يحلبونك من عدة ( حلمات )
و لكن غير مسموح لك بأن تتجرأ على الدخول في أضابير التعداد أو التصويت ..
نحن من أعطى هذا الإنطباع الردي عن أنفسنا ..
فنحن صوت مخنوق ..
و حنجرة صدئة
نحن لا نقدر على حمل تبعات غربتنا و تداعياتها .. فكيف بالسلاح ؟؟؟
| |
|
|
|
|
|
|
|
|
|
Re: هل يحتاج المغتربون لحمل السلاح ؟؟؟ (Re: ابو جهينة)
|
الريس ابو جهينة ..
فالمغترب خارج روزنامة الأحزاب
ولو كان بداخلها لرأيت قادة الاحزاب في كل مكان . كل يسعى لجمع اكبر عدد من المصوتين يعملون بمبدأ الحشاش يملا شبكتو ..
المغتربون في حالة إنعدام وزن ..
روح شوف العفش المكوم في المطار دا سبب انعدام وزنهم .. خلينا جادين شوية .. اول يا ريس لو كان عندهم وزن كان حرموهم من التعداد ...
أنت مجرد ضرع كبير يحلبونك من عدة ( حلمات )
الان تبقت حلمة واحدة وشغالة بي جنبة واحدة ....
نحن من أعطى هذا الإنطباع الردي عن أنفسنا ..
فنحن صوت مخنوق ..
و حنجرة صدئة
لا تعليق .. كلام في المليان .. سلمت يا ريس .. وسلم يراعك ...
ود الباوقة
| |
|
|
|
|
|
|
| |
معاذ حسن
tmbis
Ahmed Yousif Abu Harira
د.محمد حسن
willeim andrea
nazar hussien
عمران حسن صالح
ابو جهينة
فيس بوك
تويتر
انستقرام
يوتيوب
بنتيريست