Post: #1 Title: يا هاني شاكر ومحمد منير خجلتونا ... وبرضو لصالح دارفور!! Author: SAMIR IBRAHIM Date: 06-10-2007, 01:43 AM
الاعلام العالمي اليوم في الولايات المتحده العربي والغير العربي تناول خبر حفل كبير اقامه الفنان هاني شاكر ومحمد منير والفنانة شيرين وفنانه اخري من تونس و في الخرطوم لصالح اطفال دارفور ولصالح الاعمال الخيريه في دارفور ... ... ظهرت فنانه عربية وهي ترتدي الثوب السوداني وفنانة اخري غنت .. كدا كدا يالترلا ..
والجمهور كان سوداني ... وبيصوروا الحفل كمان بالتلفونات المحمولة ... وبناتنا حلاتن مبهرجات ولابسات ومحننات وبيرقصن وكمان بيكشفن وبيتمايلين يمين وشمال زي شجر الدوم في الكتاحة ...... والله الجمهور السوداني ما قصر وطول رقبتنا وكان الحضور مبالغ فيهو حسب ما شاهدناه في التلفزيونات العالمية ...
تخريمة ... بالله ما مفروض نخجل ويخجل كل من حضر هذا الحفل وكل من حضرت هذا الحفل ... وهل نحن محتاجين لاقامة الليالي الغنائيه ... واغنية كدا كدا يالترلا ... عشان نساهم وفي قلب السودان من جل اطفال دارفور؟؟؟؟ والله ده زمن اغبر !!!!!
والله عملية مخجلة ومخجلة جدا اننا ننتظر الفنانيين الاخوه والاخوات من من مصر وتونس عشان يحيوا لينا حفل وداخل الخرطوم لنجمع التبرعات من اجل الاطفال ... وفي قلب الخرطوم !!!!!!!
وااااااااااااااااااااه يا بلد
Quote: هذا وقرر منير أن يخصص دخل الحفل لمصلحة أطفال وأهالي دارفور الذين يعانون من ويلات الصراع هناك ، وفقا لما ورد بصحيفة "الأهرام" المصرية.
كما عبر منير عن شدة سعادته بسبب إختياره للغناء من أجل أطفال دولة شقيقة قائلاً: "انني دائما ألبي النداء من أجل إحياء الحفلات الخيرية في مصر وخارجها لأنني أري أن المساهمة في الأعمال الخيرية هي جزء من رسالة الفنان".
وأضاف: "ان غنائي في الخرطوم يحمل رسالة لان السودان دولة جارة وشقيقة وعربية, ولهذا فان أمورها وشئونها تعنينا وتشغلنا إنسانيا ووطنيا".
الجدير بالذكر أن شارك منير في الحفل المطربان هاني شاكر، وشيرين، ويخصص دخله أيضا للمشاريع الخيرية في دارفور.
Post: #2 Title: Re: يا هاني شاكر ومحمد منير خجلتونا ... وبرضو لصالح دارفور!! Author: SAMIR IBRAHIM Date: 06-10-2007, 01:53 AM Parent: #1
والله الواحد كان بيقيف بكل فخر ويقول ...
تصور كان كيف يكون الحال لو اهل الحارة ما اهلي ..
اسع يا ربي نقول شنو ؟؟؟؟؟؟؟ غايتو يا اصحاب العمم والجلاليب اخجلوا !!!!!!!!
Post: #3 Title: Re: يا هاني شاكر ومحمد منير خجلتونا ... وبرضو لصالح دارفور!! Author: SAMIR IBRAHIM Date: 06-10-2007, 02:04 AM Parent: #2
شكرا يا محمد منير وما قصرت وعرفت كيف تخلي المواطن السوداني يشارك من اجل الطفل السوداني ...
Post: #4 Title: Re: يا هاني شاكر ومحمد منير خجلتونا ... وبرضو لصالح دارفور!! Author: othman mohmmadien Date: 06-10-2007, 06:48 AM Parent: #3
استغرب لإنطلاق ~أغنية كده كده يا الترلة في بعض الإذاعات العربية وهي بالكاد لا تخلو من وسمها ضمن أدب السفه والصعلكة إذ تحكي عن ..... "بس الحياء من الايمان" ....... لا داعي يا أخي هذه هي رؤية العرب لنا ولفننا يريدون أن يشكلونا هم وفقا لرؤيتهم لنا يريدون أن يبثوا في إعلامهم أننا الشعب الضعيف الهزيل الجائع الساذج المغفل. وحسب رؤيتهم أن الفن خلق في الجزيرة العربية ورقص في مصر وتعري في لبنان ومرض في اليمن وانتحر أو مات في السودان ولكن العيب كل العيب علينا وعلى إعلامنا وعلى من يتولى أمرنا وكل من تسبب في هذا الدمار وشتان ما بين كده كده با الترلة وهين تستشفه بسمة الطفل الصغير قوي يصارع الأجيال حافي الرأس عند كل جمال مستشف من كل شيئ جميل جمال ولكنهم لا يعقلون.،،،،، السؤال المطروح هل ريع أو دخل هذه الحفلات سيحل مشكلة أطفال دارفور - والله أنه الحلم العربي - والعطاء العربي المستفذ لنا ولأطفال دارفورفي إقليم مسلم سكانه 100% مسلمون والمنظمات الخيرية التي فاقت الألف وتعمل في دارفور كلها مسيحية تبشيرية - وبرضو يا للعجب وكده كده يا الترلة