Post: #1
Title: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 11:06 AM
ترقبوا مفاجآت من العيار الثقيل
|
Post: #2
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: اساسي
Date: 06-09-2007, 11:10 AM
Parent: #1
والله لقوها ناس برشلونة ولا كانوا يحلموا ..لكن قصة توامة دي ما كتيرة علي برشلونة ممكن نقول مخاواة مع البرازيل والمريخ مبلوعة شوية بس توأمة كاملة مع برشلونة ؟؟؟ علي الاقل كان يخلوها تبني
يعني المريخ السوداني يتبنى فريق برشولنة الاسباني
|
Post: #3
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حمزاوي
Date: 06-09-2007, 11:16 AM
Parent: #1
محمد فرح اخوي
مسكاقمي
خلاص يا اخوي خليت المؤتمر الوطني وجيت للمريخ حقنا
داير تلحقوا أمات طه
قال برشلونه قال
|
Post: #4
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Deng
Date: 06-09-2007, 11:20 AM
Parent: #1
Quote: محمد فرح اخوي
مسكاقمي
خلاص يا اخوي خليت المؤتمر الوطني وجيت للمريخ حقنا
داير تلحقوا أمات طه
قال برشلونه قال |
يا حمزاوي.
محمد فرح ده برضه معاكم في السعودية؟
الكتابة الفوق دي بتزكرني بالصحفي الكبير صلاح غريبة. ما عارف ليه.
دينق.
|
Post: #5
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 11:28 AM
Parent: #4
| Quote: يعني المريخ السوداني يتبنى فريق برشولنة الاسباني |
الحبيب أساسي
إزيك ياحبيب
ماللدرجه دي كمان 
بكل تأكيد المريخ حيستفيد من الوأمه دي إستفاده كبيره جداً من عدة نواحي
ولاشيء سيوقف المريخ بعد الآن ..
مؤونة عام من الود
|
Post: #6
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 11:37 AM
Parent: #5
الأحداث توالت كالتالي
تلقى السيد جمال الوالي دعوه رسميه من رئيس نادي برشلونه الأسباني لحضور مباراة برشلونه المهمه اليوم ...
وصل جمال الوالي إلى أسبانيا مساء أمس وإجتمع برئيس نادي برشلونه بخصوص إحضار لاعب محترف للمريخ من العيار الثقيل حلال فترة التسجيلات القادمه وذلك لمساعدة المريخ في البطولات الأفريقيه .
وفي نفس الوقت وقع السيد جمال الوال توأمه بين الناديين العريقين كما سيزور فريق برشلونه السودان في الفتره المقبله لمشاركة المريخ في إحتفالاته بيوبيله الماسي ومن المقرر أن يلعب أمام المريخ كما سمعت أن إدارة المريخ تكرمت بالسماح لنادي الهلال بأن يلاعب نادي برشلونه ...
|
Post: #7
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 11:38 AM
Parent: #6
حمزاوي
بالله المريخ ده حقكم
علي الطلاق ماكنت عارف المعلومه دي
طيب ممكن نشجع المريخ حقكم معاكم
|
Post: #8
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 11:53 AM
Parent: #7
| Quote: وإجتمع برئيس نادي برشلونه بخصوص إحضار لاعب محترف للمريخ من العيار الثقيل حلال فترة التسجيلات القادمه وذلك لمساعدة المريخ في البطولات الأفريقيه . |
ياربي اللاعب الكبير ده حيكون منو ؟؟؟؟؟
الهلالاب من حسي ماسكاهم الرجفيبه من اللاعب الحيجيبوا المريخ من برشلونه ده ..
|
Post: #9
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: تاج السر حسن
Date: 06-09-2007, 11:58 AM
Parent: #8
ود خالة حبوبة بت عم خال اخت ودعم خال جيران جيرنا الفى البلد جدهم زار اسبانيا !!
|
Post: #10
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 12:14 PM
Parent: #9
تاج السر
إليك هذا الخبر حتى تقف على عظمة أمة المريخ
فقد قرر مجلس المريخ سفر بعض مشجعي النادي وعلى رأسهم السر كارلوس وزيكو وخالد ليمونه وأبوشاكوش على أن يختار هؤلاء بعض المشجعين لتكملة إجراءات سقرهم إلى القاهره وذلك لمساندة الهلال في مباراته المقبله أمام الأهلي التي نتمنى أن ينتصر بها الهلال للسودان بأجمعه ...
شفت المريخاب ديل جميلين كيف ....
مؤونة عام من الود
|
Post: #11
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد البشرى الخضر
Date: 06-09-2007, 12:18 PM
Parent: #7
ود فرح يا مكاناكي
دي متاكد منها ولا برضو كبوة جواد زي زيارة اليوفي
|
Post: #13
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: تاج السر حسن
Date: 06-09-2007, 12:45 PM
Parent: #11
كتب ود فرح:-
| Quote: فقد قرر مجلس المريخ سفر بعض مشجعي النادي وعلى رأسهم السر كارلوس وزيكو وخالد ليمونه وأبوشاكوش |
عييييييييك خالد ليمونه ليهو فترة "حاتل" فى القاهرة وكل يوم بنتلاقى فى قهوة كمال آفرو، وكان آخر مرة فى حفلة "القلع" فى العجوزه !!
اها يكون رسلو ليهو بدل سفريه وقالو ليهو أدعم الهلال .. يا الله ؟؟
والباقين ما يكونو كمان حاتلين ليهم فى مكان آخر.
____________
يا ود فرح نحنا اولاد أم درمان!!!!!!!
|
Post: #12
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: essam&amal
Date: 06-09-2007, 12:44 PM
Parent: #1
والله الوالى ده ما عارف يعمل شنو
مبروك على بخيت وبخيتة
تحياتى
ام وضاح
تخريمة
التحية دى ليك انت ما للوالى
|
Post: #14
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: ALGARADABI
Date: 06-09-2007, 12:51 PM
Parent: #1
| Quote: إحضار لاعب محترف للمريخ من العيار الثقيل حلال فترة التسجيلات القادمه |
بركة الما بقو عايزين جيمي ناتالي
|
Post: #15
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 01:32 PM
Parent: #14
| Quote: دي متاكد منها ولا برضو كبوة جواد زي زيارة اليوفي |
أبوحميد
إزيك ياأخوي
المره دي الخبر أكيد ميه الميه
برشلونه حيتشرف باللعب ضد المريخ في إحتفالات نادي المريخ باليوبيل الماسي ....
مكاناكي دي لكن قويه
موتو غيظ ياهلالاب
مؤونة عام من الود
|
Post: #17
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 01:44 PM
Parent: #15
| Quote: عييييييييك خالد ليمونه ليهو فترة "حاتل" فى القاهرة وكل يوم بنتلاقى فى قهوة كمال آفرو، |
تاج السر
إزيك
مجلس المريخ لمن قرر دعم الهلال في القاهره بكل تأكيد لم يكن هناك علم مسبق بأماكن تواجد جميع أعضاء زعماء رابطة مشجعي المريخ والأسماء جاءت هكذا جزافاًومن المؤكد أنه بعد صدور القرار تشكلت لجنه وتم إخطار الرابطه التي دعت المتواجدين بالخرطوم على حسب المبلغ الذي تم التصديق به ..
ومادام خالد معاكم بهناك أكيد حيكون تم إستخراج تذكره لواحد آخر ...
أريتكم بس تقدروا مواقف أهل المريخ القويه دي
مؤونة عام من الود
|
Post: #16
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: ALGARADABI
Date: 06-09-2007, 01:33 PM
Parent: #1
رونالدينو و أيتو للمريخ في التكميلية
لدعم مشوار المريخ الأفريقي
|
Post: #18
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 01:51 PM
Parent: #16
Quote: تحياتى
ام وضاح
تخريمة
التحية دى ليك انت ما للوالى |
الغاليه أم وضاح (وصلت التحيه)
ومليون ألف تحيه ليك وللأسره الكريمه
وربنا يحفظ ليك أولادك
مؤونة عامين من الود
|
Post: #19
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-09-2007, 02:11 PM
Parent: #18
Quote: رونالدينو و أيتو للمريخ في التكميلية
لدعم مشوار المريخ الأفريقي |
القادرابي
خلاص قمتوا تجقلبوا من حسي
المريخ حيجيب لاعب خطير جداً جداً ..
اللاعب الخطير ده بالتأكيد لاإيتو ولارونالدينهو لكن سيظل لاعب خطير والمريخ ماحيصرح بي إسمه نهائياً لحدي مايتم تسجيله ..
أها المره دي تعالوا سكونا في إسبانيا هناك
المريخ عذااااااااااااااااااب
مؤونة عام من الود
|
Post: #20
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: keiga2000
Date: 06-09-2007, 02:21 PM
Parent: #19
مالم ما اسياد بلد وزعماء سودانا
واصحاب كاسات محموله جوا واصحاب انجازات محموله جوا
فرقهم شنو من برشلونه والكاسب اولا واخيرا برشلونه لانو
كل مشجعي ريال مدريد المريخاب بقلبوا برشلوناب (حلوه)
وفي الاخير كلنا اصحاب انجازات وكاسات محموله جوا
بس ناس الصفر الدولي يسوا شنو
يعملوا توامه مع منو هلال بورتسودان ولا هلال نيالا ولا هلا ابوحراز
الطير على بعضها
مزيدا من الاخبار الساره ياولد فرح اصلوا المريخاب دائما باسطنا ومسعدنا
والعاوز راحة البال والسعادة يبقى عاشق نجمه
ابومصطفى
التحية ليك ياودفرح
|
Post: #21
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Ahmed Alrayah
Date: 06-09-2007, 02:26 PM
Parent: #1
Quote: اللاعب الخطير ده بالتأكيد لا إيتو ولا رونالدينهو لكن سيظل لاعب خطير
والمريخ ماحيصرح بي إسمه نهائياً لحدي مايتم تسجيله |
أوعى يكون Messi يا محمد فرح!
غايتو Messi ده لو جبتوهو أنا برجع السودان
من أجل الجهاد في منطقة الباك اليمين في
دفاع الهلال
سؤال يا محمد:
كيف يسجل المريخ لاعباً محترفاً وقائمته بها 3
محترفون والعدد المسموح به 3 فقط؟!
دكتور كمال شداد أكد أنه لا مجال للاستثناء
رغم إنو القانون محلي لا علاقة له بلوائح
الفيفا وما أظن في مشكلة لو تم استثناء
الهلال والمريخ تقديراً لصعوبة مشاركاتهما
الإفريقية،
الهلال يحتاج لمهاجم جاهز والمريخ يحتاج
للاعب ارتكاز جاهز، جاهز يعني ممكن يلعب
طوالي في المباريات الإفريقية ويكون إضافة
مؤثرة.
| Quote: المريخ يحتاج للاعب ارتكاز جاهز |
وجدتها، وجدتها! المريخ جايب Deco
|
Post: #22
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: عبد اللطيف بكري أحمد
Date: 06-09-2007, 02:49 PM
Parent: #1
| Quote: تلقى السيد جمال الوالي دعوه رسميه من رئيس نادي برشلونه الأسباني لحضور مباراة برشلونه المهمه اليوم |
العزيز ود فرح،،
شكرا على الأخبار الحلوة ،، لكن شوية شوية علينا،،
==
المهم في الموضوع الليلة لو فاز سبانيول شيلو شيلتكم
وأكيد اليوم حيكون تاريخي في الليغا لأن الكتالونيين
حيسمعوا لأول مرة بحاجة إسمها الأنطون ،، أما كدايس نوكامب
فهي أكييييد جاية من هلال مدريد، أقصد من ريال السودان،
وستسعر دون شك حرب الإنفصال التي خمدت بعد واقعة لوركا،،
--
جمال الوالي والله وجه مشرف للسودان رغم هلاليتنا الصارخة
ووجوده ببرشلونا فتح جديد للرياضة السودانية،،
هالامدريد،،
HALA MADRID
((هذا على فكرة النشيد الوطني الميرنقي))
وشوف بداية التوأمة سهلة جدا بين الهلال والريال،،
سلام يافرح،،
|
Post: #23
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Deng
Date: 06-09-2007, 03:03 PM
Parent: #1
| Quote: ود خالة حبوبة بت عم خال اخت ودعم خال جيران جيرنا الفى البلد جدهم زار اسبانيا !! |
تاج السر.
شايفك خفت وبقيت تهضرب كمان.
لكن ما تخاف الخبر هو أن برشلونة الاسباني يتبنى المريخ السوداني.
أها كده مش معقولة جدا؟
دينق.
|
Post: #24
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حسين يوسف احمد
Date: 06-09-2007, 03:17 PM
Parent: #23
دينـق ..
سلامات ..
Quote: تاج السر.
شايفك خفت وبقيت تهضرب كمان.
لكن ما تخاف الخبر هو أن برشلونة الاسباني يتبنى المريخ السوداني.
أها كده مش معقولة جدا؟
دينق. |
يا عزيزي ما تجامل ..
اللي يهضرب من يهضرب ..
وليتباكى من يتباكى ..
برشلونة هو من يتشرف بهذه العلاقة ..
على الأقل برشلونة لا يحمل في سجله
انجازات كانجازات الزعيم الماخمج ..
الزعيم فاز بالدوري دون هزيمة أو تعادل ..
فهل فعلها برشلونة ؟؟
الزعيم هزم صغير العرضة شمال الاسمو الهلال (هلولة)
تمانية مرات متتالية ، فهل فعلها برشلونة ؟؟
الزعيم زعيم الشودان ، وبرشلونة حكرا على اقليم
كاتلونيا ..
وعـاش المـريـخ فـوق الجميـع ..
|
Post: #25
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: EMU إيمو
Date: 06-09-2007, 03:32 PM
Parent: #24
محمد فرح تحياتي
انا انصحك بالإكثار من شرب الجنزبيل
وبعدين لا تنوم بعد العشاء على طول
حتى لا تكون الأحلام من هذا العيار
|
Post: #26
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: معتصم عيدروس
Date: 06-09-2007, 07:37 PM
Parent: #25
والله يا ود فرح بالغت عديل كده
توأمة مرة واحدة..
وكمان مشاركة في اليوبيل الماسي
يا جماعة استهدوا بالله
يعني اسع نقدر نقول انو العجب ورونالدينهو .. وطمبل وايتو .. وكده.. وكده
قصة عجيبة والله
عملتها واضحة ..
اقول ليك حاجة .. زي ما بتقول الحاجة امي .. اصحى يا ولد .. اصحى .. اصحى
الشمس وصلت سريرك
|
Post: #27
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: wesamm
Date: 06-09-2007, 09:12 PM
Parent: #26
خوفي من تلحق رفيقك
محمد الحسن سالم حميد
خوفي من تلحق رفيقك
يا بريق نجم الحياري
وانت لا نور طريقك
لا شرق فجر السهاري
من زمن يا صحوة طلعك
غصة في حلقة الصحاري
حتى شال النمة فرعك
دودى زي وهج البشارة
قلنا يا سعد المواسم
عودك المليان جسارة
عودك الفجر المصادم
بالبصيرات و البصارة
يستحيل يرضخ يساوم
مهما كان الريح حصارا
يفضل النخل البقاوم
في السقوط نخل الفقارى
يا اندلاع صوت الغفاري
في حلق دغش الغلابة
لو خريفك تاني يطرح
آه يا آخر سحابة
لما يا شرف المواكب
يبقي هم الناس امارة
تندحر كل المناصب
ينكسر كرسي الوزارة
كنتوا وين . . وين انتو كنتوا
لما الشوارع ما ثبت قداما مرتق
نفض الصمت المسافة
مدت الشوق المضارع
للصباحات التجرتق
كف شهيداً بق مارق
من فرقة الظلمة فجراً
تم بي دمو الشرافه
وضم حضن الأرض عاشق
كنتوا وين . . وين انتو كنتوا
لما كان في سجنو ثائر
بي جلابة السونكي نومتو
ويصحي بي امر العساكر
قومتو في الزنزانة يمحي
و يفتح الاف الحناجر
تجدب الاطفال ويكتب
انبل الاشعار لباكر
تشطب السجان وصوتو
ويبقي فنانا البساسق
كنتوا وين وين انتو كنت
لما فضل الدين عباية تدبي
فوق كتف الغنايا
تنصب في الجو طوابق
تنقلب في التو بنوكا
للبداهن و البنافق و البوافق
ولما كان نفس العباية
تتمسخ بي قدره حبلا
لي قصار عمر الكحايا
من جنب تنسل سيفا
عبّّر السواهو سارق
شدة الفقر الخرافي
حدة الشغل اللمافي
رغم الاف المتاجر
و الخوازيق و المرافق
كنتوا وين . . وين انتو كنتو
لما البيوت في الشمال قامت خنادق
للكتابات البتنزل فوق ضهاريهم مطارق
لما طلاب الحقيقة كانو بختارو المشانق
و لما لسة الله بموت في الجنوب بين البنادق
كنتوا وين وين انتو كنت
آه يا وطني المستف في المطارات القصية
اه يا كفني المنتف في مدرات القضية
اه يا صمتي المكتف في العبارات الندية
اه يا نفسي الملطف بالنهارات الصدية
اه من رفع المصاحف بالرماح الاجنبية
المعاطف ... أجنبية
العواطف ... أجنبية
الجلابيب ... أجنبية
الدواليب ... أجنبية
الدهاليز ... أجنبية
السراير ... أجنبية
المساير ... أجنبية
صبة الكاس ... أجنبية
ختة الراس ... أجنبية
رشة الدلكة ... أجنبية
رعشة الفركة ... أجنبية
طفية النور ... أجنبية
والخوازيق عربية .. عربية
فضي نارك يا محار ب ولا هات البندقية
غني عشقك يا صبية نحن قدامك مدارك
غني للوطن المفارق
عشت يا وطني المبرق بالندى ولون المشارق
يا محرق .. يا مجرب
عشت بشرف البنادق
ويسقط العفن البتلب فوقنا من شرف الفنادق
|
Post: #28
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: بهاء بكري
Date: 06-09-2007, 10:19 PM
Parent: #1
Quote: الزعيم زعيم السودان ، وبرشلونة حكرا على اقليم
كاتلونيا |
انت ياحسين يااخوي حكايتكم مع الوصافة دي شنو ؟ .......... يعني امين الشباب بالمؤتمر الوطني غطس حجر برشلونة اليوم وجعله وصيفا للريال .......... بعدين الزعيم انت عارفو منو بس يتكابر ساكت
|
Post: #29
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: abuguta
Date: 06-10-2007, 05:51 AM
Parent: #28
| Quote: تلقى السيد جمال الوالي دعوه رسميه من رئيس نادي برشلونه الأسباني لحضور مباراة برشلونه المهمه اليوم |
عشان كدا امس طلع فى الدقائق الاخيرة من المولد بدون حمص
معاه ناس متعاوددددددددددددددددا
ياخى طيب ناس الاهلى المصرى يقولو شنو..لعب معاهم بشلونة سنة61 وسنة 2007
دا نسميوه زواج.....
طيب لو قدر الله وبرشلونة جاء يلعب مع المريخ داخل استاده الجميل..الا يلعبو معاكم
الشفع او متفرجين برشلونة,,,,لان اشبالهم غلبو بطل افريقيا الاهلى المصرى...
ياشباب برشلونة داعى رئساء 20 نادى من افريقا لحضور المباراة دى..
وبعدين جمال الوالى ماشى يصيف بعد الارباح التى حققتها حافلات النقل الجماعى
التى اشتراها العام الماضى من شركة النقل الجماعى السعودية...
اشترى 100 حافلة موديل 98 واتبرع منها للدولة...شفت كيف يادينق
زولك البتشجع فيه...عموما خليك مع فريق الكيزان ديل واترك فريق الحركة الوطنية
شكرا لنقل الخبر الجميل...
|
Post: #30
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: ABDELMAGID ABDELMAGID
Date: 06-10-2007, 06:09 AM
Parent: #29
المريخ سبق ان كان بطلا لافريقيا ...
و برشلونا ( صمويل ايتو ) سبق ان كان بطلا لاوروبا ..
يعنى الاتنين ابطال و عندهم تاريخ ...
لكن بس المحيرنى !!!
ناس ( الرجرجه ! ) و ( زريبة ! العيش ! ) ديل !
ميتين ! و زعلانين ! فى دار ابو منو ؟؟؟
عبدالماجد
|
Post: #31
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 07:30 AM
Parent: #30
حبيبنا كيجا
المريخابي الأحمرررررررررر
برشلونه يتشرف بالتوأمه مع نادي المريخ الذي يعتبر من أعرق وأكبر نوادي القاره السمراء وهو صاحب الإنجازات الضخمه والكاسات الجويه ....
والسنه دي نحنا موعودين بكأس جوي جديد بإذن الله ...
وستظل نجمةً عاليةً في السماء أيها المريخ
مؤونة عام من الود
|
Post: #33
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: hajhamad
Date: 06-10-2007, 07:56 AM
Parent: #31
محمد فرح
تحياتي .. يعلمون ان المريخ عظيم و برشلونة لن يزيده عظمة فتاريخ المريخ يكفيه..مريخنا فووووق
|
Post: #32
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: abas
Date: 06-10-2007, 07:42 AM
Parent: #1
ذي ما زكر واحد اخونا هنا انو برشلونه عازمين رؤساء 20 نادي او اكتر
وتانيا جمال الوالي راح كجاهم تعادل في اخر الدقائق في كج اكتر من ده
|
Post: #34
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 08:05 AM
Parent: #32
أحمد الريح
كيفك ياحبيب
شنو بقيتو تهضربوا بي لاعب المريخ الجديد من حسي
الهضربه حتكون في الميادين الخضراء
علي الطلاق الهلال تاني إلا يمشي يطلب من الإتحاد ينزلوا من الممتاز ويوديهو درجه تالته بس عشان مايلاقي المريخ في ميدان واحد لأنو حتتقرمشوا عدييييييييل كده ...
بعدين أنا عارف إنو الهلالاب مغيوظين لأنو النوادي العالميه طوااالي خاتاهم صفر على الشمال وكل المناسبات الرسميه وغير الرسميه بدعوا ليها نادي المريخ وبسسسسسسسسس ..
مؤونة عام من الود
|
Post: #35
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 08:45 AM
Parent: #34
Quote: جمال الوالي والله وجه مشرف للسودان رغم هلاليتنا الصارخة
ووجوده ببرشلونا فتح جديد للرياضة السودانية،،
هالامدريد،،
HALA MADRID
((هذا على فكرة النشيد الوطني الميرنقي))
وشوف بداية التوأمة سهلة جدا بين الهلال والريال،، |
عبداللطيف
شكراً أيها الجميل
وجمال الوالي كما ذكرت نموذج للإداره الرياضيه الرشيده والجميله
الرجل وهب حياته وماله ووقته لخدمة أمة المريخ فسكن قلوب جميع جماهير المريخ بل وعموم الرياضيين بالسودان ولو أفرغت مدادي كله في الحديث عن السيد جمال الوالي ماأوفيت حق هذا الرجل ...
ومبروك عليكم ريال مدريد من حسي بما أن البارسا هو الفريق الأول في أسبانيا والريال الفريق الثاني كان لزاماً أن تكون القسمه هكذا
البارسا أمس لم تكن موفقه وكلنا نعلم عجائب الكره لكن مازالت أمامها الفرصه للفوز بالكأس ...
مؤونة عام من الود
|
Post: #36
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 09:11 AM
Parent: #35
Quote: انا انصحك بالإكثار من شرب الجنزبيل
وبعدين لا تنوم بعد العشاء على طول
حتى لا تكون الأحلام من هذا العيار |
الحبيب إيمو
ياأخوي أحلام شنو
الحاجات الشايفها إنت كبيره دي أنا شايفها حاجه بسيطه جداً على نادي مثل نادي المريخ المعروف بإقتلاع الإنتصارات من أعتى الفرق ..
المريخ عذااااااااااااااب
وبعدين دي حقائق ماأحلام
المامعانا يموت مغصه بس
مؤونة عام من الود
|
Post: #37
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 11:24 AM
Parent: #36
Quote: يا جماعة استهدوا بالله
يعني اسع نقدر نقول انو العجب ورونالدينهو .. وطمبل وايتو .. وكده.. وكده
قصة عجيبة والله
عملتها واضحة ..
اقول ليك حاجة .. زي ما بتقول الحاجة امي .. اصحى يا ولد .. اصحى .. اصحى
الشمس وصلت سريرك |
معتصم
العجيب في الموضوع ده شنو !!!
المريخ يمتلك لاعبين بإمكانيات أكتر من مذهله
ولو لعبوا ضد برشلونه نفسه فلايوجد شيء ينقصهم لكي يهزموه خصوصاً مع وجود عزيمه كعزيمة لاعبي المريخ ..
يازول مع المريخ لاتوجد أحلام إطلاقاً
مؤونة عام من الود
|
Post: #38
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 11:48 AM
Parent: #37
| Quote: ياشباب برشلونة داعى رئساء 20 نادى من افريقا لحضور المباراة دى.. |
أبوقوته
من كلامك ده أفهم إنو المريخ من أفضل عشرين نادي في أفريقيا
دي حاجه جميله خالص
بعدين أنا عارف الهلالاب حارقاهم حتة إنو طوالي الأنديه الأوروبيه بتعزم ناس المريخ بس في المحافل الرسميه ومديه ناس الهلال طناش جد .
Quote: وبعدين جمال الوالى ماشى يصيف بعد الارباح التى حققتها حافلات النقل الجماعى
التى اشتراها العام الماضى من شركة النقل الجماعى السعودية...
اشترى 100 حافلة موديل 98 واتبرع منها للدولة.. |
نحيي مجهودات السيد جمال الوالي الرجل الذي يتشرف به عموم الرياضيين في السودان فماقدمه الرجل للمريخ وللرياضه ولوطنه أكبر من أن يوصف .
وشكراً لإيرادك خبر تبرع الرجل بالحافلات للدوله فالرجل معروف عنه كرمه الحاتمي .. والغريب أنك أتيت بهذا الخبر كذم للرجل في حين أن هذا الأمر يزيد من قدره أضعافاً فالرجل لم تبخل يداه من دعم السودان في كثير من المجالات ..
غريب أمركم أيها الأهله
مؤونة عام من الود
|
Post: #39
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: إدريس البدري
Date: 06-10-2007, 12:19 PM
Parent: #38
Quote: غايتو Messi ده لو جبتوهو أنا برجع السودان
من أجل الجهاد في منطقة الباك اليمين في
دفاع الهلال
|
|
Post: #40
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-10-2007, 01:13 PM
Parent: #39
Quote: المريخ سبق ان كان بطلا لافريقيا ...
و برشلونا ( صمويل ايتو ) سبق ان كان بطلا لاوروبا ..
يعنى الاتنين ابطال و عندهم تاريخ ... |
أخ عبدالماجد
كماذكرت الفريقين أبطال ولكن من قارات مختلفه
لذا من الطبيعي جداً أن يسعى برشلونه لعمل توأمه مع نادي المريخ
الهلالاب بس مغيوظين لأنو الأنديه العالميه خاتاهم صفر على الشمال لادعوات خارجيه ولايحزنون
مؤونة عام من الود
|
Post: #41
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حسين يوسف احمد
Date: 06-10-2007, 02:37 PM
Parent: #40
عزيزي بهـاء بكري ..
تحياتي وتقديري ..
| Quote: يعني امين الشباب بالمؤتمر الوطني |
قف عزيزي .
من الأفضل أن تفصل تماما بين الرياضة والسياسة..
لأنو بفهمك هذا عليك أن تتذكر الآتي :
* رئيس المؤتمر الوطني بولاية الجزيرة
كان في ذات الوقت هو رئيس نادي الهلال ..
* رئيس نادي الهلال هو الكوز عبد الرحمن سر
الختم الذي إغتال الشهيد معتصم الطيب بجامعة
الجزيرة ..
* رئيس هلال الحرية والديمقراطية هو الذي عرقل
عودة اتحاد جامعة الجزيرة لمدة طويلة جدا ..
* رئيس هلال الحرية والحركة الوطنية هو من زور انتخابات
ولاية الجزيرة ..
يا عزيزي من الفضل لكم أن توقفوا العزف على هذا
الوهم ..
لأني أمتلك وثائق تؤكد أن هلالكم مرة مع عبود ومرة مايوي
ومرة مع عدي صدام حسين ومرة مع البشير ....الخ
وفي ذات الوقت لدي وثائق تؤكد أن مريخنا مرة مايوي
ومرة مؤتمر وطني ...الخ
هذه أندية للرياضة وليست قلاع للسياسة وتقلباتها
وكل من دخل هذه الأندية يكون محكوما بلوائحها هي
ولا يستطيع أن يسير هذه الأندية وفق عقيدته السياسية
وإلا لكنتم اليوم من أنصار الحزب الاتحادي الديمققراطي
جناح الميرغني ، وأمس من أنصار المؤتمر الوطني ..
مع الود ..
|
Post: #42
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: خالد عبد الله محمود
Date: 06-10-2007, 02:51 PM
Parent: #1
| Quote: جمال الوالي يوقع عقد توأمه بين نادي المريخ ونادي برشلونه الأسباني |
الكوز العارض دة خربها على فريقوا أربعة مواسم وصيف و مشي لحدي أسبانيا خربها على برشلونة
بالله في عارض أكتر من كدة !!! 
اللهم إنا لا نسألك رد القضاء و لكن نسألك اللطف فيه
|
Post: #43
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: على محمد على بشير
Date: 06-10-2007, 03:36 PM
Parent: #42
كلتشي للمشاهير: لا اعد جمهور الهلال بالبقاء وساغادر في سرية تامة
Quote: كلتشي للمشاهير: لا اعد جمهور الهلال بالبقاء وساغادر في سرية تامة
ادلى المحترف النايجيري كلتشي لمراسل المشاهير بتصريحات هامة تخص مشوار احترافه بالهلال قائلا ان الاذن بالسفر الى نايجيريا لم يأتي من فراغ وانما بسبب عدم ارتياحه لتعامل مجلس الهلال معه في مسألة احترافه وقال اللاعب ان اي لاعب محترف يبحث عن الوضع الافضل لتأمين مستقبله وان اسباب رفض المجلس للعروض غير مقنعة وبالتالي الالتزام بها لا
يدخل ضمن اولوياتي على حد قوله وساتعامل مع الهلال بالطريقة التى يعاملني بها وفي سؤال له حول الاجتماع الذي دار بينه ورئيس النادي قال اللاعب انه لم يتعدى حدود الاقناع بالبقاء مع الفريق وان المسائل المالية ظلت كما هي وبالتالي لا تستغربوا ان غادرت في اي لحظة الى نايجيريا بسرية تامة لان التفاوض من هناك سيكون في صالحي وكان اللاعب قد طلب اذنا بالسفر الي نيجيريا ليومين بسبب ظروف طارئة.. الا ان ادارة النادي ارجأت منحه الاذن بعد الفراغ من مباراة الاهلي المصري والمقرر قيامها في الثالث والعشرون من الشهر الجاري علي ان يغادر اللاعب الي نيجريا من القاهرة مباشرة بعد المباراة. والمعروف ان اللاعب كلاتشي كان قد عاد الاسبوع الماضي من يوغندا بعد المشاركة مع منتخب بلاده في مباراتهم في التصفيات الافريقية المؤهلة لنهائيات الامم. وشارك اللاعب فور وصوله مع فريقه في مباراة اهلي مدني الاخيرة التي جرت الاربعاء الماضي في ختام مباريات الفريق في الجولة الاولي للدوري الممتاز..
|
|
Post: #44
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: على محمد على بشير
Date: 06-10-2007, 03:38 PM
Parent: #43
قودوين يظبط اموره فى الامارات
| Quote: فك مجلس ادارة نادي الهلال طلاسم سفر محترفه النيجيري قودوين نديسي للامارات بغرض التعاقد مع أحد الاندية الاماراتية حسب ما تناقلت الصحف في الايام الماضية حيث تأكد مجلس ادارة نادي الهلال من سفر قودوين بعد مراجعة جوازه الثاني والذي وجد فيه نادي الهلال تأشيرة دخول للامارات بتاريخ الجمعة 25 مايو وغادر بعد 72 ساعة في يوم الاحد 27 مايو.. وقد عقد مجلس ادارة نادي الهلال اجتماع مواجهة مع اللاعب لمناقشته عن أسباب سفره للامارات.. ولم ينف قودوين السفر للامارات وقال انه سافر في مهمة خاصة بغرض مقابلة وكيله الانجليزي ديفيد الذي طلب حضوره للامارات على وجه السرعة.. ونفى قودوين بشدة ان يكون قد وقع لاي نادٍ في الامارات وقال انه لا يمانع في الجلوس في مفاوضات مفتوحة مع نادي الهلال بغرض تجديد عقده الذي ينتهي في خواتيم العام الحالي.. وعلى صعيد منفصل فجر النيجيري كلتشي أزمة كبرى عندما فاجأة مجلس ادارة نادي الهلال وطلب بمنحه اذناً بالسفر لنيجيريا يوم غدٍ الاحد وتشدد بشدة في المغادرة في هذا التوقيت بحجة ظروف خاصة رفض الافصاح عنها.. وقد فشلت كل محاولات المسئولين بالنادي باقناع اللاعب بالعدول عن قراره بالسفر الى ان تدخل رئيس النادي صلاح ادريس والذي عقد اجتماعاً مطولاً مع اللاعب ووعده بان يمنحه اذناً خاصاً بعد مباراة الأهلي مباشره |
|
Post: #45
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: عمر الفاروق
Date: 06-10-2007, 04:53 PM
Parent: #1
أوردت صحيفة البرشا سبورتينج واسعة الإنتشار اللقاء الصحفي الذي جمع رئيس نادي المرخ جمال الوالي ورئيس نادي رشلونة لابورتا ..
وإليكم مقتطفات من اللقاء المغلق والسرّي الذي تحصلت الصحيفة على جزء منه :
* جمال الوالي يثني على اداء ميسي ويصفه بالرائع ..
* لابورتا يشيد بفيصل العجب ويرشحه للعب في أوساسونا أو إشبيلية ..
* الوالي أشاد بجماهير البرشا التي هتفت بإسمه طيلة زمن المباراة ..
* بعد الهدف الثاني ميسي يكشف عن قميصه وبداخله صورة لجمال الوالي .
* وعد جمال الوالي الرئيس لابورتا بإستقدام اللاعب كريستيانو رونالدو من مانشستر وذلك للعلاقة الوطيدة التي تربط جمال الوالي بوالد اللاعب .
* الوالي تبرع لنادي برشلونة بمبلغ 10 مليون جنيه سوداني وفنايل ومعدات رياضية بقيمة مليون جنيه لدعم مسيرة البرشا في مشواره الكروي.
*لابورتا يسأل عن اللاعب رقم 3 في المريخ ..
|
Post: #46
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: خالد عبد الله محمود
Date: 06-10-2007, 05:14 PM
Parent: #45
ود الفاروق
| Quote: لابورتا يسأل عن اللاعب رقم 3 في المريخ .. |
ما قالوا عايزين جيمي نتالي ؟؟
|
Post: #47
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: خالد عبد الله محمود
Date: 06-10-2007, 05:15 PM
Parent: #45
ود الفاروق
| Quote: لابورتا يسأل عن اللاعب رقم 3 في المريخ .. |
ما قالوا عايزين جيمي نتالي ؟؟
|
Post: #49
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حسين يوسف احمد
Date: 06-10-2007, 05:40 PM
Parent: #47
عزيزي خـالد ..
تحياتي ..
| Quote: ما قالوا عايزين جيمي نتالي ؟؟ |
بالله ..
واللي بعمل الفلايت لعمـو ريتشـارد منـو !!؟؟
ومنـو اللي بمشـور روكيب زريبة العيش ؟؟
ومنـو اللي بفسـح ناس مرق وعنقريب ومرقنبو قرنبو ؟؟
شـوف جنس البطـح ده ؟؟؟؟
وعـاش المـريـخ فـوق الجميـع
|
Post: #50
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: تاج السر حسن
Date: 06-10-2007, 05:40 PM
Parent: #47
قبل قليل تم خروج مشجع المريخ المعروف "خالد ابو ليمونه" من غرفة العمليات بعد اجراء عملية بسيطه وهو بخير وعاقية وزرناه وعدنا للتو بعد أن اطمنا عليه بل تحدثت معه ممازحا حينما اخذ احد المريخاب 3 حلاوات وأخذ كل منا "الهلالاب" حلاوة واحده، وقلنا له زولك المريخابى عارف انكم مغلوبين ب 3 من الدراويش، عشان كده أخد 3 اما نحنا فالحلاوه الواحده فى الشوط الأول لابد من أن نردها فى الشوط الثانى!!
ادعو له بالسلامه وسوف يخرج من مستشفى رابعة العدويه فى مدينة نصر صباح الغد بأذن الله.
|
Post: #48
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: عمر الفاروق
Date: 06-10-2007, 05:37 PM
Parent: #1
يا ابو الخلد:
| Quote: ما قالوا عايزين جيمي نتالي ؟؟ |
ناتالي ده قالوهو بالإسم لكن رقم 3 ده ما كانوا عارفين إسمو
تخريمة :
تحت تحت كده ناتالي قال العرض ما مقنع ووكيل أعمالو يبحث عن عروض أخرى
|
Post: #51
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: عمر الفاروق
Date: 06-10-2007, 05:58 PM
Parent: #1
يا حسين يا اخوي خلاص غلبكم بقيتو تجيبو الصور المضروبة !!!!
الصورة الأولى واضح إنو الكورة ما في حوزة اللاعب والإنقضاض الإنت بتسميوهو إنبراشة ده نجح في إبعاد الكورة ..
الصورة التانية كدي قول يا هادي وشوف زولكم ده يدّو وين أسة لو دي صورة لي هيثم مصطفى كان جيت قلت لينا شوفوا قائدكم قليل الأدب والغير الأخلاقي بيسوي في شنو ..
الصورة التالتة إنقضاض سليم مية المية وزلكم قلعوا منو الكورة قلع يعني انتو ما عايزين أصلو لاعب يقع لي زول ويشيلها منو وتقوموا تقولوا دي إنبراشة ..
غايتو غلبكم التسوهو..
|
Post: #52
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 07:55 AM
Parent: #51
| Quote: تحياتي .. يعلمون ان المريخ عظيم و برشلونة لن يزيده عظمة فتاريخ المريخ يكفيه..مريخنا فووووق |
حاج حمد
ليك ألف تحيه ياغالي
وسيظل المريخ الفريق الأول في السودان وقريباً بإذن الله سيصبح أول فريق أفريقي
المريخ الآن تقوده إداره تعرف كيف تخطط لتزرع الفرحه في قلوب الملايين من أمة المريخ وفي قلوب الملايين من أمة السودان ...
ولو لم أكن مريخابياً لأكلت الزغنبوت
مؤونة عامين من الود
|
Post: #53
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 08:21 AM
Parent: #52
| Quote: ذي ما زكر واحد اخونا هنا انو برشلونه عازمين رؤساء 20 نادي او اكتر |
وناس الهلال ماعزموهم مالهم (ماقدر المقام وللاشنو؟؟)
| Quote: وتانيا جمال الوالي راح كجاهم تعادل في اخر الدقائق في كج اكتر من ده |
بالله إنتو لسه ياناس الهلال يتؤمنوا بنظريه الكج والكجور والحاجات دي
عشان كده ماقادرين تتقدموا لحدي حسي
المريخ الآن يخطط بعلميه بفضل قيادته الرشيده عشان كده أصبح في مصاف الفرق العالميه
مؤونة عام من الود
|
Post: #54
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 08:49 AM
Parent: #53
Quote: الكوز العارض دة خربها على فريقوا أربعة مواسم وصيف و مشي لحدي أسبانيا خربها على برشلونة
بالله في عارض أكتر من كدة !!! |
خالد عبدالله
Quote: حأعيد ليك الكلام القلتو ده تاني
بالله إنتو لسه ياناس الهلال يتؤمنوا بنظريه الكج والكجور والحاجات دي
عشان كده ماقادرين تتقدموا لحدي حسي |
المريخ الآن يخطط بعلميه بفضل قيادته الرشيده عشان كده أصبح في مصاف الفرق العالميه
وجمال الوالي رمز مشرف للسودان بأكمله أما دعاويكم هذه التي تصفون بها كل من ينضم لحزب المؤتمر الوطني لعمري هي من أفظع أنواع التعميم القبيح والقبيح جداً ..
ورغم كرهي لكل ماهو شيوعي إلا أنني أفتخر بأنني تعرفت على عدد من الشيوعيين لوختيتهم في الجرح يبرا ...
مؤونة عام من الود
|
Post: #55
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: شهاب الفاتح عثمان
Date: 06-11-2007, 09:04 AM
Parent: #54
الاداري الناجح يصنع التوامه و يفعلها بيان بالعمل ,
ويرفع افاقنا الي درجات اعلى
التحيه اجزلها لكل ناجح و حادب ..
|
Post: #56
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 10:26 AM
Parent: #55
| Quote: كلتشي للمشاهير: لا اعد جمهور الهلال بالبقاء وساغادر في سرية تامة |
علي محمد علي
رغم بعدي برسل سلامي
دي بداية السقوط
الهلال أصبح طارداً للمحترفين بسبب كثير من الأمور الخاطئه التي تنتهجها إدارة نادي الهلال الغريبه جداً
جماهير الهلال لاتسمع من هذه الإداره سوى الضجيج لكن لاوجود لأي طحين ..
أغلب إدارة نادي الهلال بتاعين مظاهر وناس شوفوني ياجماعه
مؤونة عام من الود
|
Post: #57
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Nasruddin Al Basheer
Date: 06-11-2007, 10:53 AM
Parent: #56
تحياتي يا محمد فرح
عندي ملاحظة بسيطة على العنوان:
عرّفت نادي برشلونة ب (الإسباني) ولم تعرّف نادي المريخ
هل معنى هذا بأن المريخ أشهر من برشلونة؟
أما عن الموضوع فما تم (إن كان صحيحاً) فهو يضاف إلى إنجازات
جمال الوالي الكثيرة مع المريخ.
بس أصحابك المريخاب يا محمد نسوا الموضوع الاساسي وقلبوا
الموضوع عن عدوهم الرئيسي الهلال..
أجمل شيء إنو الهلال عامل ليكم فوبيا رهيبة، تلقى المريخابي
لو قاعد يتكلم مع أولادو لازم يزج باسم الهلال..
يا جماعة خلوا الهلال في حالو، مافي حد سألكم الآن
نحن بنحب الهال وبس ، إذا كان صفر كبير أو استادو في زريبة العيش
أو أي حاجة بتخطرفوا بيها عن الهلال، يا جماعة نحن ربنا خلقنا
هلالاب، خلونا وخلو لينا الهلال وتكلموا عن مريخكم العظيم
لكم مريخكم ولنا هلالنا، خلوا العبط بتاعكم ده..
وفعلاً صدق الشاعر حين قال:
إذا كانتِ النُّفوسُ كباراً
تعبتْ في مرادها الأجسامُ..
|
Post: #58
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 11:24 AM
Parent: #57
Quote: أوردت صحيفة البرشا سبورتينج واسعة الإنتشار اللقاء الصحفي الذي جمع رئيس نادي المرخ جمال الوالي ورئيس نادي رشلونة لابورتا ..
وإليكم مقتطفات من اللقاء المغلق والسرّي الذي تحصلت الصحيفة على جزء منه |
ود الفاروق
غايتو عندكم جنس حساده .. ماحصلت
|
Post: #59
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Rakoba
Date: 06-11-2007, 11:34 AM
Parent: #58
|
Post: #61
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حسين يوسف احمد
Date: 06-11-2007, 11:56 AM
Parent: #59
نـاس مـع لابـورتـا ..
ونـاس ...
بحققـو معـاهـم بالموبـايـل ..
ونـاس بقـول عليهـم صحفي هلالابي
اسمو خالـد عزالدين :
عـاش المـريـخ فـوق الجميـع
|
Post: #60
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 11:37 AM
Parent: #58
| Quote: قبل قليل تم خروج مشجع المريخ المعروف "خالد ابو ليمونه" من غرفة العمليات بعد اجراء عملية بسيطه وهو بخير وعاقية وزرناه وعدنا للتو بعد أن اطمنا |
أخ تاج السر
شكراً على الخبر الطازج والمفرح ده
أمنياتنا لشيخ مشجعي نادي المريخ بتمام الصحه والعافيه
وأمنياتنا لفريق الهلال أيضاً بالتوفيق في مباراته الأفريقيه القادمه ..
مؤونة عام من الود
|
Post: #62
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: حسين يوسف احمد
Date: 06-11-2007, 12:04 PM
Parent: #60
وهـذه مقـارنـةبين الوالي الغالي
والملحن بتاع الهلال كتبها صحفـي
هلالابي يعتبره الهلالاب رمزهم كبيرهم
اسـمو خـالـد عز الدين ..
[Quote: BLUE]ليس هناك اجهزة متخصصة لقياس الرأي العام في السودان لذلك فاننا لا نجزم بان شعبية صلاح ادريس قد تدهورت في هذه الفترة لدرجة الصفر او اقل من الصفر ؟! ولكننا
نستطيع ان نقيس من خلال اجهزة الاعلام المختلفة وكتاب الرأي بالاضافة للاجواء العامة في مباريات وتدريبات الهلال هذا التدهور فاستقالة صلاح ادريس لم يكن لها رد فعل مخيف او تخوف او حتي مجرد حسرة عند الكثير من الجماهير لدرجة ان الصحف اهتمت بالصراع بين صلاح ادريس والبرير اكثر من الاهتمام بالاستقالة نفسها وحتي الاخ علم الدين هاشم القلم المحايد عندما تحدث عن حاجة الهلال لصلاح ادريس تحدث عن الموقف المالي فقط ولم يتحدث عن اي انجازات لصلاح ادريس او استطاع ان يقول ان صلاح ادريس يعتمد علي حب جماهيري او غير ذلك من الشعارات التي رفعها اعلام المريخ عندما استقال الوالي ..
لقد فشل صلاح ادريس حتي في اقناع التجاني ابوسن الذي كان علي استعداد لتقبل حتي النقد العنيف الذي ظل الارباب يوجهه له ولم يجد التجاني حرجا في ان يقول ان الارباب فشل في اقناعنا بالاستقالة رغم ان صلاح ادريس تخيل ان ابوسن لا يحتاج الي مبررات او اقناع ! والتزم السكرتير بالتمسك باستقالته السابقة وقدم حديثا مقنعا بانه لاسباب كثيرة يريد ان يحتفظ بها لنفسه مصر علي الاستقالة مشيرا الي ان استقالته لا علاقة لها باستقالة صلاح ادريس الذي وجد الدعم فقط من عماد الطيب وبعض الكتابات المناصرة من صديقه ياسر عبد الفتاح !! الذي لم يجد ما يدعم به صلاح ادريس سوي الهجوم علي البرير او الهجوم علي اتحاد الكرة واعتقد ان ياسر صاحب المنطق والحرف القوي وجد نفسه في موقف ضعيف لذلك فان دفاعه غير المباشر عن صلاح ادريس جاء ايضا ضعيفا مثل الضربات غير المباشرة التي تنفذ بصورة عشوائية ؟؟!!
لا احد يمكن ان يقتنع بان سبب استقالة صلاح ادريس هي عدم التجانس في المجلس لان صلاح ادريس هو الذي اختار هذا المجلس بما في ذلك الامين البرير الذي كان كتابا مفتوحا امام الارباب قرأه له الاخرون قبل ان يحيد هو قرأته اما بقية اعضاء المجلس فقد اختارهم صلاح ادريس بكامل ارادته ثم تغزل فيهم لفترة وهاجمهم لفترات وهو السبب الرئيسي في عدم تجانس المجلس .. ولكن لنسأل الارباب ماذا يريد هو من تجانس المجلس وهل منع عدم التجانس المجلس الارباب من اتخاذ اي قرار في مصلحة الهلال ؟
هل كان عدم التجانس هذا سببا في عدم تنفيذ مشروع الاذاعة ؟ وهل كان سببا في عدم تأهيل ملعب الهلال ؟ وهل كان سببا في عدم بناء المدينة الرياضية التي يتحدث عنها الارباب دوما ؟ وهل كان عدم التجانس سببا في عدم اقامة بنك الهلال ؟ لقد فشل صلاح ادريس في وضع اي بصمة من اول يوم استلم فيه الهلال قبل ان نعرف هل المجلس متجانس ام لا كما فشل في كل المعارك التي خاضها بفكره ودعمه فيها المجلس وكان سببا في ضياع كبرياء الهلال امام اتحاد بقيادته لمعركة غير متكافئة كلفت الهلال الابتعاد عن البطولة العربية وهي البطولة المحببه له دون ان يجني الهلال من هذا الصراع غير المبرر اي فائدة ولنسأل الارباب الان .. ماذا استفاد الهلال من معركته مع اتحاد الكرة والتي حرمته من المشاركة في البطولة العربية التي احرز فيها المركز الثالث وانعشت خزانته بالدولارات وجعلت الهلال قادرا علي دفع اموال كلتشي ويوسف ؟ وبمثلما تسبب الارباب في ابعاد الهلال من البطولة العربية كان سببا رئيسا في خروج الهلال افريقيا بعد ان ابعد المدرب واللاعبين عن جو المباراة بقرار الانسحاب وهاهو الان يدخل الهلال في نفق مظلم بهذه الاستقالة وعدم الاستقرار ويهدد استمراراية الهلال في البطولة الافريقية وربما كان سببا في خروج الهلال من الدور الثاني وهو الامر الذي تخطاه الهلال منذ مواسم عديدة !!
ان الارباب الذي فشل في تحقيق اي شئ يدافع به عن استمراريته في قيادة الهلال او يؤكد به اهليته لهذا المنصب الرفيع يريد ان يهرب من باب هذه الاستقالة الغريبة بعد ان وجد نفسه مكشوفا امام الجماهير التي باتت لا تري في الهلال شئيا جميلا في عهد الارباب الا في فريق الكرة الذي ظل صامدا في وجه الارباب لان بنائه تم لسنوات طويله وبامكانيات فينه ومالية لا ننكر ابدا ان الارباب ساهم فيها بقدر كبير ولكن واه من لكن هذه ؟!
ان صلاح الضعيف امام مواجهة نفسه في ما يخص ايامه في رئاسه الهلال وجد نفسه ايضا ضعيف في اي مقارنة امام عديله رئيس نادي المريخ وتلميذه الذي تفوق عليه حتي في مستوي العلاقات العامة واي مقارنه سواء كانت عابره او عميقة بين صلاح ادريس وجمال الوالي ستكون لصالح الاخير رغم ان المريخ مازال بعيدا عن الهلال في كل شئ ؟! فجمال الوالي يملك حق الاجتهاد في تطوير المريخ وصلاح ادريس يستحق وسام عدم الاجتهاد في تطوير الهلال وجمال الوالي يستحق حق الاجتهاد في تجميل صورة المريخ في المحافل العامة وصلاح ادريس يستحق وسام التفوق في ( تقبيح ) صورة الهلال ان صح التعبير في المحافل العامة وجمال الوالي يستحق حق الاجتهاد في علاقاته العامة مع اتحاد الكرة بينما يستحق صلاح ادريس العقوبة من الاهلة الذين تعودوا هزيمة الاتحاد عندما يدخلون معه في اي معركة كما تعودوا احترام الاتحاد عندما يكون الاتحاد يستحق الاحترام !ان صلاح ادريس الذي حاصره جمال الوالي من ناحية وفشله في الهلال من ناحية لم يجد حائط اقصر من حائط عدم الانسجام في المجلس الذي بناه هو بنفسه ليقفز منه محاولا الهروب من الورطة التي وضع فيها نفسه ويريد ان يورط فيها اخرون والهلال الكيان ايضا !
لقد دفع الهلال ثمن صبره علي صلاح ادريس تخلفا في المنشاءات ومشاكل في الادارة وعدم احترام لهذا المنصب الحساس بالاضافة الي خروجه من البطولة العربية والافريقية ولولا العناية وتكاتف الاهلة وانتصارهم في النهاية علي فكر صراع صلاح ادريس لفقد الهلال كاس الممتاز بالتجميد غير المبرر من صلاح ادريس الذي يجب ان نفسح له المجال اليوم قبل الغد ليغادر كرسي الرئاسة الهلال عسي ان يجلس بعيدا ويقرأ هذه الفترة جيدا وعشمنا يبقي موجودا بان يعود بعد فترة رجلا يستحق ان يقود الهلال بالفكر والمال ولكن الان علي صلاح ادريس ان يعلم جيدا ان شعب الهلال لن يقف متكوفي الايدي ان اراد ان يعطل الهلال مرة اخري او يتسبب في خروجه من المنافسة الافريقي خصوصا مع المستوي المتواضع للزمالك هذه الايام !! |
|
Post: #63
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 12:40 PM
Parent: #60
Quote: الاداري الناجح يصنع التوامه و يفعلها بيان بالعمل ,
ويرفع افاقنا الي درجات اعلى
التحيه اجزلها لكل ناجح و حادب .. |
شهاب الفاتح
والتحيه لك أيضاً أيها البوردابي الأنيق والجميل جداً
جمال الوالي يستحق منا كل الإشاده والتقدير والإحترام لكل ماقدمه لأمة المريخ على إمتداد الوطن وخارجه ..
من كد وجد
مؤونة عامين من الود
|
Post: #64
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 01:12 PM
Parent: #63
راكوبه
مرورك يجمل الأماكن أيها المريخابي الأحمرررررر
وشكراً على الصوره الروعه دي
المريخ ينتقل من نجاح إلى آخر
التحيه لزعيم أمة المريخ جمال الوالي رجل الإنجازات التي سيحفظها له التاريخ ..
ومازال الأهله في غيهم يتناقرون (أمنياتنا لهم بتوفيق أوضاعهم فمهما يكن هم سيلعبون بإسم السودان في بطولة أبطال أفريقيا) ..
مؤونة عام من الود
|
Post: #65
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 01:18 PM
Parent: #64
Quote: عندي ملاحظة بسيطة على العنوان:
عرّفت نادي برشلونة ب (الإسباني) ولم تعرّف نادي المريخ
هل معنى هذا بأن المريخ أشهر من برشلونة؟
أما عن الموضوع فما تم (إن كان صحيحاً) فهو يضاف إلى إنجازات
جمال الوالي الكثيرة مع المريخ.
بس أصحابك المريخاب يا محمد نسوا الموضوع الاساسي وقلبوا
الموضوع عن عدوهم الرئيسي الهلال.. |
نصر الدين
بكل تأكيد فريق المريخ معروف على نطاق العالم أجمه كما أنه ينفرد بهذا الإسم الجميل (المريخ) وقد إنطبقت التسميه تماماً على هذا الفريق الذي أصبح نجمةً عاليةً في سماء الرياضه محلياً وعالمياً ..
وشكراً لك وأنت تعطي الرجال حقهم وتشيد بإنجازات السيد جمال الوالي التي لاتحسب للمريخ فقط بل وتحسب لعموم الرياضيين في السودان ...
بعدين نحنا الهلال ده والله ماعندنا نعاهو حاجه بس هي مجرد نصائح بنديها ليكم عشان تقفوا على موقف فريقكم الحقيقي عشان تقدروا تصلحوها (وده من محبتنا ليكم)
مؤونة عام من الود
|
Post: #66
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-11-2007, 02:20 PM
Parent: #65
حسين يوسف
المعطون بحب المريخ
أحييك في بعدي
السيد صلاح إدريس أثبت بمالايدع مجال للشك أنه طالب شهرة ليس إلا .. تراه يحشر أنفه في كل كبيرة وصغيره .. صحافه ، رياضه ، فن ..إلخ ويعتقد أنه من الممكن أن يمتلك قلوب الناس بماله وياليته قدم من ماله للهلال شيئاً فمنذ إن إستلم إدارة الهلال لم نرى منه غير المغامرات الدون كيشوتيه .. مشاكل هنا وهناك .. تفتيت لأسرة وأمة الهلال .. لاإنجازات ولايحزنون نسمع ضجيجاً يعلو صوته على كل صوت ولانرى ولاذرة طحين واحده ...
فليجعل هذا الرجل من السيد جمال الوالي قدوة له .. رجل قدم للمريخ كل مايملك وبصمت فسكن وعشعش في قلوب الجميع .. لله درك ياجمال الوالي فأنت رمز يندر تكراره ..
مؤونة عام من الود أخ حسين
|
Post: #67
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: keiga2000
Date: 06-11-2007, 05:09 PM
Parent: #66
ويعيش مريخ البطولات والانجازات دائما فوووووووووق
ابومصطفى
|
Post: #68
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: محمد فرح
Date: 06-12-2007, 07:14 AM
Parent: #67
مريخنا فوووووووق
|
Post: #69
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: تاج السر حسن
Date: 06-12-2007, 09:27 AM
Parent: #68
الآن فى طريقنا لحضور أجراء عملية للأستاذ الصحفى الكبير الصادق الأمين عبده قابل، وهى كذلك عملية بسيطة فى العينين، فأدعوا له بالشفاء.
|
Post: #70
Title: Re: جمال الوالي يوقع عقد توأمه بين نادي المريخ ونادي برشلونه الأسباني
Author: Rakoba
Date: 06-12-2007, 09:33 AM
Parent: #69
|
|