التحية للمراءة السودانية وهى تدافع عن السودان فى مطار القاهرة الدولى

هذة قصة شخصية كان دور البطوله فيها الى الوالدة
حنان حافظ كان مسرحها مطار القاهرة الدولى
فى يوم 26/5/2007 كان موعد اقلاع الطائرة السودانية المتوجه الى الخرطوم كانت امى واخواتى ضمن الركاب المسافرين بعد ان اقضو اجازاتهم فيها
وبعد الوصول الى مطار القاهرة وادخال العفش فى جهاز التفتيش الالكترونى وجو احد الضباط المصريين برتبة نقيب يقف فى الباب ونظر فى الجوازات فى هذة الاثناء قدمت الية والدتى جواز سفرها والتذاكر السفر وفى تلك الاثناء وبدون اى سبب يقوم ذلك الباط فى الصياح ويقول لهم
كرهتونا ياسودانيين العيشة يلا ادخلو
فى هذة الاثناء صاحت امى فى وجها قائلة له
احترم نفسك وخليك محترم فاهم ولا مافاهم انتو بتاكلو من خيرنا نحنا فاهم
احمد ربك انو نحنا نجى نضيع قروشنا هنا فى بلدكم فاهم ولا مافاهم
انتو الكرهتونا عيشتنا تعال لم اخوانك المرمين فى الخرطوم شغالين بتاعين اكل
انا عاوزة المسوؤل فى هذة الاثناء تجمهر عدد كبير من السودانين والمصريين
وتدخل مدير الصالة مطالب الوالدة بان تهداء فرفضت ان تهداء حتى يقوم ذلك النقيب بتقديم اعتذار
علنى باعلى صوت فى الصالة ويقول انا متاسف وحقكم على ياسودانيين
وفعلا قالها وايضا اعتذر مدير الصالة عن هذا الكلام
التحية لكل سودانية تدافع عن وطنها وعن السودان
وعشت ياسودان مرفوع القيمة والراى

موقف مشرف لإمرأة اصيلة. لها كل الإجلال

الحبيب واصل
لك الشكر والتحية والتقدير

وان اقول الحماشة دى جايبه من وين

وكمان كلمة(فاهم ولا مافاهم )

مع تحياتى

Quote: فرفضت ان تهدا حتى يقوم ذلك النقيب بتقديم اعتذار علنى باعلى صوت فى الصالة ويقول انا متاسف وحقكم على ياسودانيين

LOOOOOLZ..3affy minnaha wallahy

تحيه اجلال واحترام لها يا محمد

Quote: احترم نفسك وخليك محترم فاهم ولا مافاهم انتو بتاكلو من خيرنا نحنا فاهم احمد ربك انو نحنا نجى نضيع قروشنا هنا فى بلدكم فاهم ولا مافاهم انتو الكرهتونا عيشتنا تعال لم اخوانك المرمين فى الخرطوم شغالين بتاعين اكل

لو كل سوداني بيعمل كده ما كان قدروا يمرموطونا.

الاستاذة تراجى
فعلا لديك حق
ولكن ياستاذة نحن شعب يتعامل بحسن نية وطيبة ولكن عندما تاتى الاستهتار بالسودان
فهذا يعد خط احمر لايمكن تجاوزه او الاقتراب منه مهما كان

الحبيب عبدالله
الله يخليك
وربنا عافى منك وراضى عليك

الحبيب معتصم
تقول شنو ياخى
لك الود والتحية

الأخ محمد عادل

التحية لوالدتك السودانية الأصيلة


و ربنا يديها الصحة و العافية



عمار يس النور

الحبيب عمار
لك منى فائق الشكر
اللهم امين

لها التحيه والإجلال على هذا الموقف القوى فى وجه الضابط المصرى المتغطرس هذا

الحبيب بشير
لك الود والشكر والامتئنان

الأخ محمد عادل
للوالدة التحية والتقدير واٌلإجلال
ما حدث مع الوالد حدث من شخص أجنبي لا قيمة له لدينا
ولكن ما بالك عندما يحدث هذا من نقيب في البوليس السوداني يعمل في
جوازات المغتربين بودمدني.
حدث هذا عندما ذهبت لأعمل تأشيرة خروج لزوجتي من جهاز المغتربين بودمدني
بعد تسليمك للجواز والأوراق الرسمية يقوم هذا الضابط ومعه (ضابطة) بوضع ختم
التأشيرة على الجواز ويأتي هذا الحقير ويذيع أسماء الأشخاص المنتهية تأشيرتهم
ثم يأتون لاستلامها وجل هؤلاء من أهلنا المغلوبين على أمرهم والغير متعلمين الذين
يريدون الخروج من جحيم السودان فقط فإذا بهذا الرجل يقول لك بعد أن يذيع اسمك وفي
وجهك (يلا اقطع وشك كرهتونا زاتو) وكنت واقفاً بجانبه حينها فقلت له (ياخي ما تحترم نفسك)
لماذا تقول هذا الكلام لنا فقال لي (إنت مالك حاشر نفسك) وبعدها قامت الضجة بيني وبينه
واسمعته كما لم يسمع من قبل حتى قدم إلينا واحد (رائد) وقال لي ما هي المشكلة - المهم حكيت
ليهو الحصل فإذا يذهب ويقول لي خلاص أنا جوازك عندي اتفضل اجلس ولكن النقيب المشؤوم سأل إحدى
الفتيات وقال ليها (الزول دا عندو شنو) فقالت له عنده جواز زوجتو) فإذا به يمسك جواز زوجتي ويرفض
عمل التأشيرة لها ووضع الجواز داخل درجه (اتخيل!!!!)
ولكن جاء احد الرجال وقال لي ياخي انت كدا بتأخر نفسك وامشي لي الزول دا وقول ليهو كلمتين
لأنو ما حا يديك جواز زوجتك - فذهبت له ولكني لم اتفوه بكلمة وقالت لي (الضابطة) والله نحن مضغوطين
وشايف الناس كتيرين كيف عشان كدا اعصابنا بتفلت مننا. فأخرج الجواز من درجه وعمل التأشيرة
وأداني جواز مرتي في النهاية.

رايك شنو يا محمد عادل؟؟؟!!!!!!!!!! هؤلاء هم من يخدموننا ويأكلون مما ندفع لهم

أبوفتحية

محمد عادل

التحية لأمك وهى تقف فى وجه الظلم وترد على شرف كل السودانيين

ويا أخى الصادق صديق سلمان
ماحدث معك شىء لا يصدق ، كيف بالله يفعلون هكذا بالمراجعين

لا حول ولا قوة إلا بالله

العم هشام
التحية لك والاجلال وتقدير

الحبيب الصادق
لك الود والاحترام
هذا تعامل غير اخلاقى من هذا الضابط الذى من المفترض ان يخدم ابناء وطنه
ياحبيب الجوازت الان فى السودان تعيش حاله من الفوضى وخاصة جهاز المغتربين
اذهب الى مجمع الشهيد الزبير انظر الى الفوضى بعينك وطرق التعامل
لانقول سوى
حسبنا الله ونعم الوكيل

نشيد بموقفها البطولي

الاستاذ يوسف الموصلى
لك منى فائق الاحترام

الأخ محمد عادل
التحية المخلصة لوالدتكم الصنديدة
هذه المرأة الجسورة الغيورة على كرامتها وكرامة شعب السودان
والخزى والعار لهؤلاء الأوباش الحاقدين على شعبنادون أى مبرر
أماعن ضابط الشرطة السودانى الذى أساء لأحد المتعاملين من الجمهور
فهو تصرف شاذ ولا يشبه أهل السودان وأخلاق السودانيين
ونرجو من كل أفراد وضباط الشرطة السودانية أن يحترموا كل الناس
لأن الشعب السودانى شعب أصيل وكريم ويستاهل أن يعامل بكل التقدير والاحترام.
مع تحياتى للجميع
حسين عبد الحليم عبد الغفار

الحبيب حسين لك الشكر والامتئنان

لكل زمان مهيرة


الاخ محمد هل انت الباشمهندس محمد عادل الملقب بالخمينى ولا تشابه اسماء

الحبيب ابوالزفت
لك الشكر
تشابه اسماء والله ياحبيب