Post: #1
Title: وبى الطبشيرة كتبتك مرة ...
Author: ست البنات
Date: 06-07-2007, 02:20 AM
Parent: #0
شفتك فى صفحات القصة
ولون القاش الساكن جوة
انت سكنت فى الوجدان - والقاش يتحاوم بقى خيران
فكر مرة يدخل الحلة - يسلم ويرجع
قاموا الناس يتجارو ويردموا فى مجراه
قبل صاد ولملم أطرافو وجاهم تانى هادر وسادر كسر حيطة بيتنا ونيمة عتيقة كانت ضل للغنم الهايمة -
لما قريتك كنت بذاكرك - وقمت حفظتك فى الكراس -
وبى الطبشيرة كتبتك مرة - حبيبى وروحى -
وما وريتك زول أو ناس -
كتمت قرايتك وقلت أفاجأك -
يوم لاقيتك فى قدامى - كنت مباشر وواضح وضاحك -
مسكت ايدى لقيت كراسى مكرفس وفاضى -
قمت مليتو كتابة وقصة -
قلت دى ذكرى لما القاش يرجع للحلة نعمل حفلة -
ست البنات .
|
Post: #2
Title: Re: وبى الطبشيرة كتبتك مرة ...
Author: Sidig Rahama Elnour
Date: 06-07-2007, 09:58 AM
Parent: #1
العزيزة ست البنات أستمتعت بهذة الكتابة الجميلة فلك الشكر بتذكيرنا دوما بمواضع الجمال للقاش نزواته وأمزجته كما النيل ، في القديم كان الناس يقدمون له القرابين السنوية مخافة غضبته ، فتاة مخضبة بالعنبر ، يطلونها بعطورات الفرح ، ويوشحونها الطقوس وسط أهازيج الزلفى ، تهب الرياح مائلةٌ عن وجهها ، ويتركونها قيد إنفرج الينابيع ، فكما طقس الكوشيين والفراعنة للنيل وتماسيحه ، كان طقس القاش ، فيلف ذراعه حول المدينة ، يدفن في أبارها المياه ، ويعطن في تربتها الطمي ويشكّل في أوراق أشجارها الكروفيل ، ويداعب شمسها كتمثيلٍ ضوئي ، ثم يجهش في الحنين ، وتنفرج حواشيه وهوامشه بخصائص الإخضرار مثل نوايا الغيم ... وحين يقصر أهله في تقديم القرابين ينقلب عليهم ولكن لايلبس ان يعود اليهم بسطوة الحياة ، وبإشراق الأشجار ، وبثمار اليقين ، في حتمية لا تقبل الفكاك ...
|
Post: #3
Title: Re: وبى الطبشيرة كتبتك مرة ...
Author: abubakr
Date: 06-07-2007, 12:36 PM
Parent: #1
Quote: يوم لاقيتك فى قدامى - كنت مباشر وواضح وضاحك -
مسكت ايدى لقيت كراسى مكرفس وفاضى -
قمت مليتو كتابة وقصة -
قلت دى ذكرى لما القاش يرجع للحلة نعمل حفلة - |
وحفلة كبيرة
|
Post: #4
Title: Re: وبى الطبشيرة كتبتك مرة ...
Author: تماضر الخنساء حمزه
Date: 06-07-2007, 03:28 PM
Parent: #1
Quote: لما قريتك كنت بذاكرك - وقمت حفظتك فى الكراس -
وبى الطبشيرة كتبتك مرة - حبيبى وروحى -
وما وريتك زول أو ناس -
كتمت قرايتك وقلت أفاجأك -
يوم لاقيتك فى قدامى - كنت مباشر وواضح وضاحك -
مسكت ايدى لقيت كراسى مكرفس وفاضى - |
|
Post: #5
Title: Re: وبى الطبشيرة كتبتك مرة ...
Author: عبدالله داش
Date: 06-07-2007, 04:00 PM
Parent: #1
Quote: كتمت قرايتك وقلت أفاجأك -
يوم لاقيتك فى قدامى -
كنت مباشر وواضح وضاحك -
|
صوت ضحكتــكـ يرسم بهــاك
ست البنات
مهرجان من الطمى والخرير
|
Post: #6
Title: Re: وبى الطبشيرة كتبتك مرة ...
Author: sanaa gaffer
Date: 06-07-2007, 04:24 PM
Parent: #1
ست البنات ...
Quote: لما قريتك كنت بذاكرك - وقمت حفظتك فى الكراس -
وبى الطبشيرة كتبتك مرة - حبيبى وروحى -
وما وريتك زول أو ناس - |
كلام لذيذ ويخش القلب توووووووش ...
تحياتي ومعاها مودة كتيرة ...
|
Post: #7
Title: Re: وبى الطبشيرة كتبتك مرة ...
Author: ست البنات
Date: 06-07-2007, 04:44 PM
Parent: #1
العزيز صديق -
تحية -
وتتواصل الذكريات الندية -
شكرا للكلام الجميل - وما اجمل أهلها كسلا الوريفة !
ست البنات .
|
Post: #8
Title: Re: وبى الطبشيرة كتبتك مرة ...
Author: ست البنات
Date: 06-07-2007, 05:10 PM
Parent: #1
العزيز ابوبكر -
وحفلة كبيرة - وكل الناس السمحة تجينا -
تجيب كراسها تدون فيهو - الدنيا جميلة
ناس تتلاقة وناس تتسالم - وناس بتفتش وتقرأ - فى كراسنا القرب يملا -
- وناس يتبركوا بى جرتقنا
وناس تتحنن وناس تتبخر بى صندلنا
والأطفال قاعدين قدامى يصاقروا وشيى لامن طششتا
طفلة جميلة هناك تتهامس خلسة تأشر وتومىء بخفة : شوفوا الحنة عصفورين !
وواحد نايم فوق كتف امو - يصحى يصحح للمعلومة : دى طيويرات جنة مو عصفورة !
والفنان ترعان ومعبأ يغنى بألفة غير عادية ! باحساس الزول السادر بره الحلة ! وجايى مستف وقالوا مبستف !
ونحنا نغنى ليالى جميلة -
أشحذ قلمك واملأ دوايتك وخليك جاهز للفصل التانى - بداية القصة !
ست البنات .
|
Post: #9
Title: Re: وبى الطبشيرة كتبتك مرة ...
Author: abubakr
Date: 06-07-2007, 05:14 PM
Parent: #8
Quote: أشحذ قلمك واملأ دوايتك وخليك جاهز للفصل التانى - بداية القصة ! |
اها جاهز ومستني
|
Post: #10
Title: Re: وبى الطبشيرة كتبتك مرة ...
Author: ست البنات
Date: 06-07-2007, 05:27 PM
Parent: #1
|
Post: #11
Title: Re: وبى الطبشيرة كتبتك مرة ...
Author: ismeil abbas
Date: 06-07-2007, 06:02 PM
Parent: #1
ألأخت/ست البنات
لكى التحية
كلام منظوم جميل...
تسلمى
إسماعيل محمد أحمد عباس............
|
|