يمنعنـــــــــــى مِنكِ كيــف !!!؟؟

إرتجلي الكلام
من ركـن الوجوم
أبديها بالتحـريض
علي الكان مستبـاح
إسـتهلكي القوت
من بيـوت النمله
والمويه ذرات من هواء
( وأتنين )
هي كيف الدنيا .....؟
تقلب وشها التاني
المرايه براها
في خجل السنين بتــ دور
أدمني الشـوف
في المدي الجاييكِ
من بين المسام والعين
أنا كيف تحاصرني الهموم
من تاني أيه ؟؟
باقي الفضل
أنا وين ؟؟ وين..؟؟
ومين ما كان
يكون محموم ...
يمنعني منك كيف ؟؟
إذا المد جابني ليك
عندك وما مصدق خطايى ..!!
وكفــرت / بي كل الحواجز
لو تقيف بالصـد
تكبلني وتفك ساجور غناي
ما تكملي الفي الجوف معاي
الشوق بحر ممتد علي مد البصر
علي وين أقبل بيك
كتّرت السؤال معليش
علي وين ؟؟ أدسك مني في جواي
خريفين وإرتواء
يتباكا ضلي هناك هِنا
طشيت معاك والطيش
هوي وشقيش !!
توديني وتباصري مروقي
من حلق السكات عبّره
وسيل الرغبه يسأل بكره
والهبيش ســـوا
وعلي وين..؟؟
أقابلك صحّوه
في حلم الليالي الهيش
يحاصرني السؤال علي وين..؟؟
أقـــيف !!
وأنا تاني مسلوخ
من ألم باكر
عذابات إكتواء
والنار ملاذ الضوء
وبيت دفئ الشتاء
وعلي وين....؟؟؟

Quote: علي وين أقبل بيك كتّرت السؤال معليش علي وين ؟؟ أدسك مني في جواي خريفين وإرتواء يتباكا ضلي هناك هِنا طشيت معاك والطيش هوي وشقيش !! توديني وتباصري مروقي من حلق السكات عبّره وسيل الرغبه يسأل بكره والهبيش ســـوا وعلي وين..؟؟ أقابلك صحّوه في حلم الليالي الهيش يحاصرني السؤال علي وين..؟؟ أقـــيف !! وأنا تاني مسلوخ من ألم باكر عذابات إكتواء والنار ملاذ الضوء وبيت دفئ الشتاء وعلي وين....؟؟؟

عبدالله داش الود العسل إنت بتجيب الكلام الصعب ده من وين !! ما قلت ليك عندك ملكات شعرية فريدة

لكن محتاج ليك شوية شجاعة عشان تطلع الباقي فيك , شكراً كتير يا عبدالله ومعليش اليومين ديل اخوك

شوية كده مدبرس لكن بجيك راجع إنشاء الله .

عل وين موديك الحزن
خليهو لى
معتاد على
وانا منو ما بقدر اتوب
يا زول طروب
شكراً
بكل هذى المحن
متوسمك
شفق الغروب
الحننت
لحن الشجن

هاشم

يطيب
مساك

مع موده
وغيم مطر