Post: #1
Title: يا جماااعة الود اساسي ده عاوز استشهد ولا شنو!!؟
Author: هشام هباني
Date: 06-06-2007, 07:54 PM
الولد السماني اليومين ديل بس التقول مفارق الدنيا( الله اطول عمرو) زي ما اقبل في الصفحة الاولي ولا التانية اعتذار من اساسي الي فلان الزول واقع اعتذارات من طرف لاي زول و اتعذر ليك يا فلان وسامحني يا فلان والله لمن شفقت عليهو وقربت ابكي عديل....مالك يا اساسي شايف ليك شوفة ما كويسة ولا شنو.. ولا تكون مفكر تمشي تستشهد للمرة التانية بعدما استشهدت زمان في الجنوب بعد ما سمعت بعملية العقوبات دي علي السودان...والله تخوف...تكون ماشي ليك لعملية استشهادية تفجر لينا سفارة في الخرطوم..ونحن مو عارفين والله شنو!!؟
|
Post: #2
Title: Re: يا جماااعة الود اساسي ده عاوز استشهد ولا شنو!!؟
Author: هشام هباني
Date: 06-06-2007, 08:03 PM
Parent: #1
مالك يا السماني ورينا الحاصل شنو... والله دي اعراض اللحس!؟
|
Post: #3
Title: Re: يا جماااعة الود اساسي ده عاوز استشهد ولا شنو!!؟
Author: وليد محمد المبارك
Date: 06-06-2007, 09:37 PM
Parent: #2
ما اللحس براه
برضو اعراض العزوبية بعد زواج
|
Post: #4
Title: Re: يا جماااعة الود اساسي ده عاوز استشهد ولا شنو!!؟
Author: هشام هباني
Date: 06-06-2007, 10:21 PM
Parent: #3
يا وليد الزول ده صاحبك وعارف البيهو وعليهو... وكلمو وانصحو قول ليهو استهدي بالله دي علامات اللحس!
وبكرة الجماعة بكونوا ماسكنها..بالله شفت المرحوم والله التقول عارف نفسو مفارق
يا سلام والله زول صالح خلاص...فعلا الميت بعرف روحو لمن اقرب افارق...صالح فلان وطلب من فلان المعذرة وفلان قبل اعتذارو...وحاجات من الشكل ده!!
قول ليهو ارجع زي زمان السماني بتاع المشاكل ود البراري الشفته المقددة والشرامي
والانقاذي مو انقاذي والمعارض مو معارض وتراجع بسرعة عن قرارات اعتذارك....بكون عزرائيل هسع قافل علي اخر بوست اعتذار والتالتة واقعة وقل لن يصيبنا الا ماكتب الله لنا!
|
Post: #5
Title: Re: يا جماااعة الود اساسي ده عاوز استشهد ولا شنو!!؟
Author: EL fahal Abdelatif
Date: 06-06-2007, 11:56 PM
Parent: #4
تحياتى هشام...
اعتقد انها رحلة نقاء داخلى...وصفاء مع الذات ..
وهذا شىء اتمنى ان اجده منتشرا فى الوسط السودانى...
ما اتعس النفوس البائسة التى لا تعرف الاعتذار ...وما ابأس من يتوحل فى الغضب والكراهية وتعجز نفسه عن الخروج..
تحياتى من خلالك ل اساسى..
|
|