آفتح بوست ..ولا ما آفتح بوست ?

Post: #1
Title: آفتح بوست ..ولا ما آفتح بوست ?
Author: Manal Awad Khugali
Date: 06-05-2007, 09:50 PM

.....
________

.............
__________________

..........................

منال

Post: #2
Title: Re: آفتح بوست ..ولا ما آفتح بوست ?
Author: nourelhadi awad
Date: 06-05-2007, 09:54 PM
Parent: #1

تمام

Post: #3
Title: Re: آفتح بوست ..ولا ما آفتح بوست ?
Author: عبدالرحمن عبدالله أبوشيبة
Date: 06-05-2007, 10:01 PM
Parent: #2

إنتي فتحتي بوست وانتهيتي ،، يلا واصلي ،، إنتي يا أستاذة قايلة النقاط والمدات دي شنو ؟ دي كلها كلام وكلام وسط كلام والبيقرأ بين السطور ياما يلاقي في وسطها الـــ ....... أها رايك شنو في الــــــــ و ........ مش شدت انتباهك أكتر من الكلام المكتوب.

يلا واصلي يا أستاذة وترجمي النقاط لحروف ،، لو كانت زفرات أو همسات أو دراب أو كلام نواعم أو نصائح أو ... الخ ،، ما تخافي على مشاعرنا ترى نحنا ما ناويين نغادر المكان وقررنا الإقامة الطويلة في انتظار البوح القادم بعد المخاض العسير.

لك التحية.

Post: #4
Title: Re: آفتح بوست ..ولا ما آفتح بوست ?
Author: Muna Khugali
Date: 06-05-2007, 10:14 PM
Parent: #3

تفتحيه طبعا..
ماتفحيه كيغ..
من حقك تفتحيه وتقولي كلامك كله عديل..
والله أختي حبيبتي ماقايله الموضوع وصل للدرجه دي!
لكن بس نقول شنو..
قلت ليك..
انتي بدل تفتحي واحد جديد اكتبي هنا وأمرك لله..
وترانا راجيين..

فرحانه بجيتك هنا..

Post: #12
Title: Re: آفتح بوست ..ولا ما آفتح بوست ?
Author: abubakr
Date: 06-06-2007, 03:15 AM
Parent: #4

Quote: انتي بدل تفتحي واحد جديد اكتبي هنا وأمرك لله..

عجيبة لكن ما دة البوست بتاعي يامني ؟

Post: #27
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 10:48 PM
Parent: #4

Quote: والله أختي حبيبتي ماقايله الموضوع وصل للدرجه دي!
لكن بس نقول شنو..

شفتي انا متازمة كييف

Post: #26
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 10:35 PM
Parent: #3

Quote: إنتي فتحتي بوست وانتهيتي ،، يلا واصلي ،، إنتي يا أستاذة قايلة النقاط والمدات دي شنو ؟ دي كلها كلام وكلام وسط كلام والبيقرأ بين السطور ياما يلاقي في وسطها الـــ ....... أها رايك شنو في الــــــــ و ........ مش شدت انتباهك أكتر من الكلام المكتوب.

سلامات استاذ ابوشيبة
Quote: يلا واصلي يا أستاذة وترجمي النقاط لحروف ،، لو كانت زفرات أو همسات أو دراب أو كلام نواعم أو نصائح أو ... الخ ،، ما تخافي على مشاعرنا ترى نحنا ما ناويين نغادر المكان وقررنا الإقامة الطويلة في انتظار البوح القادم بعد المخاض العسير.
لك التحية.

ذى ما قلت فعلا الكلام فيه كلام وكل نقطة عندها معنى والظاهر عليك ات فدرت تقرى مابين السطور

واللة كلام كلة ممكن يكون مهم - لكن المشكلة في الخوف والتردد اللي آنا فية.
لك تحياتى

Post: #24
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 10:22 PM
Parent: #2

Quote: تمام

تمام التمام يانور
كيفك انت تمام ?

Post: #5
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-05-2007, 11:02 PM
Parent: #1

أنا طبعآ بكون دايرة آفتح البوست ? لكن مترددة

بصراحة خايفة .

Post: #6
Title: Re: آفتح بوست ..ولا ما آفتح بوست ?
Author: معتز القريش
Date: 06-05-2007, 11:07 PM
Parent: #5

Quote: أنا طبعآ بكون دايرة آفتح البوست ? لكن مترددة

بصراحة خايفة .

افتحي عشرين بوست
يعني عماد عبد الله أحسن منك بشنو ؟؟

Post: #28
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 10:54 PM
Parent: #6

Quote: افتحي عشرين بوست
يعني عماد عبد الله أحسن منك بشنو ؟؟

يا معتز . إتحمل نتيجة كلامك وإستعد للجاي

Post: #7
Title: Re: آفتح بوست ..ولا ما آفتح بوست ?
Author: Muna Khugali
Date: 06-05-2007, 11:18 PM
Parent: #5

خلاص انا بغني مع ورده ومعاك..

خايفه من بكره..
واللي هايجري..
لما تروح..
بتفوت سنه..
وتفوت هنا..
حبيب مجروح..

وكفايه كده قطعتي قلبي ياضنايا..

Post: #8
Title: Re: آفتح بوست ..ولا ما آفتح بوست ?
Author: القلب النابض
Date: 06-06-2007, 00:28 AM
Parent: #7

ولما لا ؟

Post: #29
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 10:57 PM
Parent: #8

لما لا ?

ما دة الموضوع ذااااتة يا القلب النابض

Post: #9
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-06-2007, 00:56 AM
Parent: #1

الاخ نورالهادى
الاخ ابوشيبه
منى
الاخ معتز
الاخت القلب
تحياتى لكم وانشالله ارجع للرد عليكم بتفصيل اكتر

Post: #10
Title: Re: آفتح بوست ..ولا ما آفتح بوست ?
Author: bayan
Date: 06-06-2007, 01:42 AM
Parent: #9

Go a head and make my day

Post: #11
Title: Re: آفتح بوست ..ولا ما آفتح بوست ?
Author: abubakr
Date: 06-06-2007, 03:14 AM
Parent: #1

Quote: بصراحة خايفة .

معقولة يااختي ...؟
انتي حتفتحي باب للجمال
والبفتح باب للجمال شن بخوفو
الله معاك ونحن معاك

Post: #13
Title: Re: آفتح بوست ..ولا ما آفتح بوست ?
Author: سيف الدين حسن العوض
Date: 06-06-2007, 04:30 AM
Parent: #11

دايرة نصيحتى
افتحى للبوست ده
وليك حق تخافي
انا معاك
لان الكتابة مسؤولية
ونصحيتى ليك تانى
عليك بالكتابة الابداعية
يعنى بصراحة كده
بعيدا عن السياسة
وسكنى تسلمى
تحياتى

Post: #14
Title: Re: آفتح بوست ..ولا ما آفتح بوست ?
Author: عماد محمود علي
Date: 06-06-2007, 06:51 AM
Parent: #13

ريهام .. هي ... منـولــــة

صباحك فل وياسمين ........

معقوووووول يا منولة جاي تفتحي بوست علشان تسعلي تديني ريهام ولاّ لا . ماكان العشم ، هسه أنا مقومها حرب غبراء مع منــو هناك في بوست لحظة من فضلك كله علشان ريهام دي .. هي تقول لي عصام عايزها وأنا أقول ليها لا أنا أولى ، أها الحرب قايمة وأنا قلت ليها بسعل ست الموضوع زاااااتها ماياها أمها وهي تقول لي أنا برضه خالتها وبشاوروني فيها... أها هسه ضحكتيها فيني ، أها بوستيك ده إن كان إنت ما فتحتيه أن بفتحه وأسعلي عني كل الناس الهنا ديل ح يقولوا ليك أديها إيا الراجل بستاهل ومنو دي خليك منها بس بكون عاصم غمت ليها حاجة كده علشان تقيف في صفه . بس لما أشوف يا أنا يا أنا ... قال عصام قال ... جاييك يا ريهام عصام عبد الله الخضر . وساشعلها حرب لن تنتهي .....

ريهام عصام عبد الله الخضر ، العمر ( 18 ) ، جامعة القاهرة ، كلية الحقوق .

أها بالله يا إخوان دي بت الواحد يخليها .... يخلخل ضروسك يا منــو ... ( يا حبوبه ) ...

Post: #15
Title: Re: آفتح بوست ..ولا ما آفتح بوست ?
Author: Ishraga Mustafa
Date: 06-06-2007, 07:07 AM
Parent: #14

غايتو يامنال انا زى صاحبتى منى

بقول وبزيد افتحى كل النوافذ وخلى الشمس تدخل

ممكن تفرهد الروح تانى من جديد {انا مالى عاوزة اقلبها نكد}

يالله اصتعى يومى زى بيان

محبتى ياصديقة صديقتى منى، وصديقة صديقتك تبقى صديقتك

Post: #16
Title: Re: آفتح بوست ..ولا ما آفتح بوست ?
Author: Muna Khugali
Date: 06-06-2007, 09:27 AM
Parent: #15

منال خلاص ان بقيتي خايفه تقولي كلامك كله..
جيبي لينا كلام عمتي ست نور..

بس اياك تجينا بحقة السعوط اليلتها..سمح؟

Post: #17
Title: Re: آفتح بوست ..ولا ما آفتح بوست ?
Author: عماد محمود علي
Date: 06-06-2007, 04:14 PM
Parent: #16

لا لا لا خليها يا منى التجيب لي الحقه دي عايز أخدلي سفه

Post: #18
Title: Re: آفتح بوست ..ولا ما آفتح بوست ?
Author: ماجدة عوض خوجلى
Date: 06-06-2007, 04:38 PM
Parent: #1

منوله تخافى من شنو
اكتبى واكتبى وقولى العايزة تقولية الحق حبيبه مابخوف
المفروض البيخافو هم المابيقولو الحق ، وبالرغم من انى ماعارفه انتى هتقولى شنو لكنى واثقه
وماتاكدة انك هتراعى احساس وشعور الناس وتتاكدى انك ماهتجرحيهم وعارفه انك هتكونى حريصه انك ماتكتبى كلام الابعد ماتكونى متاكده انك على حق فيه وهتعملى حساب الصغير قبل الكبير ومتاكدة اكتر انك مامن النوع الممكن يتاثر بااختلاف وجهات النظر اوالطرح المختلف تقومى تكتبى الغير لائق فى حق الاخرين اعرف هذا كله علشان كدة
ماعندك سبب يخليك تخافى اكتبى برجع ليك تانى

Post: #19
Title: Re: آفتح بوست ..ولا ما آفتح بوست ?
Author: abubakr
Date: 06-06-2007, 04:41 PM
Parent: #1

Quote: . جاييك يا ريهام عصام عبد الله الخضر . وساشعلها حرب لن تنتهي

اشعلها في روحك .. ابعد عن البنية ..يا عجوز

Post: #20
Title: Re: آفتح بوست ..ولا ما آفتح بوست ?
Author: طارق الأمين
Date: 06-06-2007, 05:45 PM
Parent: #19

خلي البوست متاقا وراكي

لامقفول ولا مفتوح

تدخل نسمه تعلي هواكي

تفوح انساما ترد الروح

ويرجع موج البحر الكاسح

شان الغرق الما مسموح

نافذه للخلان بتداوي

عصافير الزمن المجروح

بوست كشارع واولاد حله

وطفلة روضه وشيها صبوح

بوست يناغم في البيناتنا

قبل الفرح الفينا يروح

Post: #21
Title: Re: آفتح بوست ..ولا ما آفتح بوست ?
Author: mutwakil toum
Date: 06-06-2007, 06:23 PM
Parent: #20

Quote: آفتح بوست ..ولا ما آفتح بوست

لو اي زول ح يسأل نفسو كدة البورد ده كان يكون فاااااااضي
افتحي ساي!!

Post: #22
Title: Re: آفتح بوست ..ولا ما آفتح بوست ?
Author: نهال الطيب
Date: 06-06-2007, 06:38 PM
Parent: #21

أستاذة منال

أفتحي لينا شرفة الأمل والجمال
والله أنتي لحقاني طوالي أنا في الحالة دي
بس بغمض وبفتح

مودتي

Post: #23
Title: Re: آفتح بوست ..ولا ما آفتح بوست ?
Author: رأفت ميلاد
Date: 06-06-2007, 09:22 PM
Parent: #22

كيفك يا منال وحمدلله بالسلامة

بينى وبينك فعلآ بقت حاجة تخوف

لكن ما تشيلى هم إنتى مسنودة أفتحى مليون بوست .

ودى

Post: #25
Title: Re: آفتح بوست ..ولا ما آفتح بوست ?
Author: هاشم أحمد خلف الله
Date: 06-06-2007, 10:29 PM
Parent: #23

آفتح بوست ..ولا ما آفتح بوست ? بوست تاني يعني غير ده !! يعني إنتِ ما شايفة هشام هباني بفتح

3 او 4 بوستات في وقت واحد , يلا جربي حظك كده ونشوف عندك شنو ؟؟ طبعاً مني خوجلي عرفناها بتاعت

مقالب بس إنتِ كيف ؟؟ والله شكلك كده أصعب منها , يا ساتر يا رب مايكون بوست الزوجة الثانية !!

Post: #30
Title: Re: آفتح بوست ..ولا ما آفتح بوست ?
Author: ماجدة عوض خوجلى
Date: 06-09-2007, 05:03 AM
Parent: #1

سلام وتحيات
السلام من منال والتحيات منى
منال بتعتذر ليكم شديد عن الغيبة الخارجه عن الارادة شوية مشغوليات مع عملية عصام وانشالله اتواصل معاكم
تحياتى ليكم

Post: #31
Title: Re: آفتح بوست ..ولا ما آفتح بوست ?
Author: ماجدة عوض خوجلى
Date: 06-09-2007, 05:05 AM
Parent: #1

سلام وتحيات
السلام من منال والتحيات منى
منال بتعتذر ليكم شديد عن الغيبة الخارجه عن الارادة شوية مشغوليات مع عملية عصام وانشالله هابتواصل معاكم
تحياتى ليكم

Post: #32
Title: Re: آفتح بوست ..ولا ما آفتح بوست ?
Author: عماد محمود علي
Date: 06-09-2007, 07:45 AM
Parent: #31

منـولــــة

ألف حمد لله على سلامة عصام وما يشوف شر ، ولا بأس طهور إنشاء الله .

فضلاً طمئنينا عليه ، ، ،

مـودتـــي ، ، ،،

Post: #33
Title: Re: آفتح بوست ..ولا ما آفتح بوست ?
Author: علاء الدين حيموره
Date: 06-09-2007, 01:36 PM
Parent: #32

يا زولة افتحي انتي ما شايفة ناس هشام هباني بفتحو 10 بوستات في كل 10 دقائق !!!!

كدي حاولي تغني ونحن بنشيل معاك ..

مودتي

Post: #34
Title: Re: آفتح بوست ..ولا ما آفتح بوست ?
Author: Muna Khugali
Date: 06-09-2007, 01:59 PM
Parent: #33

معليش عصام طالع الليله من المستشفي ولما يحصل..
منال بتجي تواصل حوستها هنا..اصله قالوا
اي بو ست يحتاج الي..

فكره..
وقدره علي عرض الفكره..وبلورتها
ثم قدره علي متابعة نقاش الفكره..
وهي بجانب متردده..بيتهيألي في "طريقة" عمل الحاجات دي..
جاتها حاجات شغلتها..
بالله ساعدوها تتبني فكره.. عندها أفكار كتيره وخايفه..
انا مثلا قلت ليها اكتبي عن عم حسين واستهباله علي عم احمد
حكايته ساهله ومافي زول هايعرفهم.زمالسودان كله عم حسين وعم أحمد..
هي قالت تفاصيل كتيره ما عندها..
قلت ليها أكتبي بالعندك .. واول ما يخلص بعد سطرين ولا عشره والناس تزنقك في الكلام..
قولي مات!
هم هايعرفوا كيف؟ ما أكيد بيكون في واحد اسمه حسين وبيقولوا ليه عم حسين مات!
المواضيع كتيره ومن شدة ماكتيره ...ساعات اليوم كلها وبتفرغ ما بتقضي..

عليكم الله شجعوها..اصلها غير الحوسه مكسوفه وعايزه تشجيع نوع صفقه قويه كده..

Post: #35
Title: Re: آفتح بوست ..ولا ما آفتح بوست ?
Author: abubakr
Date: 06-09-2007, 02:19 PM
Parent: #1

Quote: معليش عصام طالع الليله من المستشفي ولما يحصل..

حمدلله ع السلامة

مكسوفة ؟ من الكتابة ؟ هي مش اختك ؟؟

Post: #36
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-09-2007, 11:31 PM
Parent: #1

آيوة مكسوفة جنس كسفة .

رغم الاسباب المنطقية التي تفضل بها بعض من مؤيدي فكرة فتح البوست إلا نة لم تقدم لى آسباب فلسفية علشان آتجرء وافتح البوست . ودلوقتي أنا حاسة باني مزنوقة زنقة بطالة .

لكن إنتوا عارفين حيحصل شنو في النهاية ? آكيد ما حيغلبني آلقي لي موضوع يجذب جماهير سودانيز آون لاين .

مني بطلي بياخة الموضوع في منتهي الجدية.

آنا دوبك جاية من المستشفي. علشان كدة حتفاهم معاكم بكرة . آبوبكر وإنعام وعماااااااد شكرآ عصام طلع الليلة من المستشفي وهو بخير.
بكرة باذن اللة نتلاقي

Post: #49
Title: Re: آفتح بوست ..ولا ما آفتح بوست ?
Author: عماد محمود علي
Date: 06-12-2007, 09:09 AM
Parent: #36

إنت هووووي باكر دي متيييين !!!!!!

Quote: آنا دوبك جاية من المستشفي. علشان كدة حتفاهم معاكم بكرة

بكرة بتاعت السودان دي هناك ما بتنفع إنت في لندن ياست باكر يعني باكر خلينا من حركات باكر السودان البتجي بعد عشرة أيام دي .
Quote: آيوة مكسوفة جنس كسفة

عااارف علشان الموضوع بخصنا أنا وريهام ( بنتك ) أكيد النسيبة بتخجل من زوجها قصدي زوج بنتها .... فهمتي يا منـو .

Post: #37
Title: Re: آفتح بوست ..ولا ما آفتح بوست ?
Author: أحمد الشايقي
Date: 06-10-2007, 00:28 AM
Parent: #1

نولا

حمدا لله على سلامـة عصـام

روقي وافتحي البوسـت واكتبي ال أنتي عايزاه,

وخلي الباقي علي,

أحمـد الشايقي

Post: #38
Title: Re: آفتح بوست ..ولا ما آفتح بوست ?
Author: Muna Khugali
Date: 06-10-2007, 10:19 AM
Parent: #37

خـلاص حبيبتي...

مدام الموضوع جاد ومابيتحمل هذار..يبقي عنـدي اقتراح تاني...
احكي ليهم عن معانتا احنا معاك ومع عصام وعيالك خاصه الفقري مصطفي..
احكي ليهم عن معاناتنا القاسيه معاكم في المستشفيات من يوم ماجيتو..

نجضتونا عديل!

تاني ماتجونا في اي اجازات..وماعايزين ذاته ترابط اسري ..بس!

اها ايه رأيك في موضوع الترابط الأسري واهميته في استمرارية الحياه وتحقيق التوازن لآفراده
مع تسبيب.....

في جديه اكتر من كده ياجماعه ?

Post: #39
Title: Re: آفتح بوست ..ولا ما آفتح بوست ?
Author: عماد محمود علي
Date: 06-10-2007, 10:51 AM
Parent: #38

منــو

Quote: تاني ماتجونا في اي اجازات..وماعايزين ذاته ترابط اسري ..بس!

شوفي هووووي أحسن ليك تروقي وتقعدي في ا دي ، أنا نسيبتي ما برضا فيها أي كلام ، أها شفتي جبتي لي عصام المرض بي موضوع ريهام ده ما قلت ليك أحسن تدوني ياها .

حمد لله على السلامة يا عصام يا ضرتي .....

منولة أكتبي يا نسيبة سيبك من منو دي ، هي فراق آية عامل ليها ساخوطة في رأسها ده وبقت كمات تتوهنا معاها بس خليها لي جايها ليك بي هناك . التنتظرني بت أمي دي .....

مودتـــي ، ، ،

Post: #40
Title: Re: آفتح بوست ..ولا ما آفتح بوست ?
Author: انعام حيمورة
Date: 06-10-2007, 11:01 AM
Parent: #1

منال ..

حمد لله على السلامة وبكرة العصام بقى كويس وطلع من المستشفى ...

منى...

الضيف برشوا مطوي لي حولوا

اهة سمعتي كلام ذي دا رايك شنو يا عمو ابو بكر ...

Quote: اها ايه رأيك في موضوع الترابط الأسري واهميته في استمرارية الحياه وتحقيق التوازن لآفراده
مع تسبيب.....

كدي ردي لينا على الموضوع الجاد دا ...

Post: #41
Title: Re: آفتح بوست ..ولا ما آفتح بوست ?
Author: abubakr
Date: 06-10-2007, 11:10 AM
Parent: #1

يامني

في لندن الواحد بسلك امورو وبيلقي طريقة يتخارج من حاجات كتيرة ولكن في الخرتوم بتحتاجي لخرطة طريق ومرشدات ومرشديين فما تبوظي علاقتك مع منال وانتي قريب تمشي هناك وتفوم هي تصهين منك وبعدين الحقوني ... معليش منال هي كانت نست انها ماشة الخرتوم

Post: #42
Title: Re: آفتح بوست ..ولا ما آفتح بوست ?
Author: Nabeil Adeeb
Date: 06-11-2007, 01:49 PM
Parent: #41

أفتحى فلا جدوى من الصمت

Post: #43
Title: Re: آفتح بوست ..ولا ما آفتح بوست ?
Author: عماد محمود علي
Date: 06-11-2007, 04:26 PM
Parent: #42

منــولـــة

من عاشر قوماً صار مثلهم فمابالك بمن عاش وترعرع بينهم ... بصراحة كده بقيتي أفظع من منــو ، غايتو عليكم جنس حاجات يا بنات الخليفة .....

عنكبة :
ماما جارة إنت ما شايفة البنات ديل بعملن في شنو !!! شفتي الدلع ده نهايتو كيفن !! زمااااااان قلت ليك خليني ليهن قلت لي لا خليهن بكره بيكبرن وبيعقلن ، أها هسه عيالهم كبروا وهم لسه في عمايلن ديل ... يا معتصم كده أديني البسطونه دي الننجمن مساهرن بينا الاسبوع كله هسه الواحد بقى ينام في المكتب . والبوست وصل ( 42 ) ما شاء الله ولسه ما إتفتح ياربي كانت إتفتح بصيروا كم صفحة .....

***** مودتي يابنات الخليفة ....

مصطفى حمد لله على سلامة بابا ...

Post: #44
Title: Re: آفتح بوست ..ولا ما آفتح بوست ?
Author: Muna Khugali
Date: 06-11-2007, 05:59 PM
Parent: #43

Quote: مصطفى حمد لله على سلامة بابا ...

كان تقول لبابا حمدالله علي سلامة مصطفي..
ولا اقول ليك..
تقول لينا أحنا حمدالله علي السلامه من تعبنا وراهم هم الاتنين!

اسه عليك الله يا عماد وبنو الدلع ده يومين في السبوع مكسرين في مستشفي الخرطوم في لندن
لغاية ساعات الصبح..
وباقي الايام من الصباح لحداشر بالليل..لو كنا ما متدلعين كنا قعدنا لمتين؟

Post: #45
Title: Re: آفتح بوست ..ولا ما آفتح بوست ?
Author: Nabeil Adeeb
Date: 06-11-2007, 07:03 PM
Parent: #44

حسناًما الذى يدفعك للكتابة؟ وما الذى يمنعك عنها؟أكيد هنالك ما تريدين التعبير عنه فلم لا تقولينه؟ما مصدر الشك الذى يساورك؟هل هو حول مدى ملاءمة الموضوع للمنبر؟أم ملاءمة الموضوع للنشرعموماً؟ولمن توجهين التساؤل هل توجهينه لنفسك ؟أم لأعضاء المنبر؟ أم هو مجرد بالونة إختبار لمعرفة ملاءمة المنبر لما ترغبين فى طرحه؟إذا كان ذلك فقد كان الأوفق أن ترسلى إشارة أو إيماءة توضح الموضوع للقراء المحتملين حتى تكون للبالونة فاعلية.عموماًلقد ملأ الحضور القاعةفهل تتفضل المتحدثة؟نرجو ذلك

Post: #46
Title: Re: آفتح بوست ..ولا ما آفتح بوست ?
Author: Muna Khugali
Date: 06-11-2007, 08:40 PM
Parent: #45

Quote: حسناًما الذى يدفعك للكتابة؟ وما الذى يمنعك عنها؟أكيد هنالك ما تريدين التعبير عنه فلم لا تقولينه؟ما مصدر الشك الذى يساورك؟هل هو حول مدى ملاءمة الموضوع للمنبر؟أم ملاءمة الموضوع للنشرعموماً؟ولمن توجهين التساؤل هل توجهينه لنفسك ؟أم لأعضاء المنبر؟ أم هو مجرد بالونة إختبار لمعرفة ملاءمة المنبر لما ترغبين فى طرحه؟إذا كان ذلك فقد كان الأوفق أن ترسلى إشارة أو إيماءة توضح الموضوع للقراء المحتملين حتى تكون للبالونة فاعلية.عموماًلقد ملأ الحضور القاعةفهل تتفضل المتحدثة؟نرجو ذلك

ياربي؟

يبقي!

Post: #47
Title: Re: آفتح بوست ..ولا ما آفتح بوست ?
Author: عماد محمود علي
Date: 06-12-2007, 07:16 AM
Parent: #44

منــو العسل :

Quote: ولا اقول ليك..
تقول لينا أحنا حمدالله علي السلامه من تعبنا وراهم هم الاتنين!

طييييب حاااااضر : حمد لله على السلامة يامنـو وياماما جارة أها كان تاني معاكم منو ، منولة خلوها هسع .

Quote: اسه عليك الله يا عماد وبنو الدلع ده يومين في السبوع مكسرين في مستشفي الخرطوم في لندن
لغاية ساعات الصبح..
وباقي الايام من الصباح لحداشر بالليل..لو كنا ما متدلعين كنا قعدنا لمتين؟

لو ما مدلعين كان تبيتوا معاهم الاثنين هناك حتى لو ممنوع ... وكان مافي بيتان تجوا من الصباح لحدي صباح اليوم الثاني ... أها هسه ده ما دلع .... يومين متكسرة قعدتي تجقلبي غايتو ياحليلك أيام السجون والاعتقالات ماكان في أي دلع نضال × نصال هسه راقده في سراير حرير وجاية تقولي لي ما دلع ... هسه بقوم أرسل ليك عسكري إنقاذي يجيبك لي سجن كوبر تاااااني .

مـودتـــي يا غالــــية . . . .

Post: #48
Title: Re: آفتح بوست ..ولا ما آفتح بوست ?
Author: عبد الدائم سيد أحمد
Date: 06-12-2007, 08:06 AM
Parent: #1

انتى اخت
لحظة من فضلك ...

Post: #50
Title: Re: آفتح بوست ..ولا ما آفتح بوست ?
Author: عماد محمود علي
Date: 06-13-2007, 09:29 AM
Parent: #48

البيت محروس وسته تكوس ،،،

مـودتـــي ، ،،

Post: #51
Title: Re: آفتح بوست ..ولا ما آفتح بوست ?
Author: الطيب شيقوق
Date: 06-13-2007, 10:51 AM
Parent: #50

اخي العزيز الرطاني

Quote: معقولة يااختي ...؟
انتي حتفتحي باب للجمال
والبفتح باب للجمال شن بخوفو
الله معاك ونحن معاك

والله انت متفائل بشكل غريب كيف عرفتو باب جمال يمكن عايزة توديك في ستين الف داهية

منال بت العوض

كيفك وكيف زوجك عصام نتمنى له دوام الصحة والعافية .

مودتى

Post: #52
Title: Re: آفتح بوست ..ولا ما آفتح بوست ?
Author: ابوبكر يوسف إبراهيم
Date: 06-13-2007, 11:03 AM
Parent: #51

الأخت العزيزة منال

سلام على روحك الطيبة

لم التردد .. أراك في سهوم ويبدو أن لك خفي تأملات .. نعم الرحلة صعبة ولكنها تستحق القتحام.. هكذا البدايات ولكن حالما تتعودين على فرح المجهول وحريته ورعشة ونشوة اليراع حين يئز ويئن ويكتب.. عندها لن تعود هناك صعاب وصعوبة وتردد.. عندها سيكون كل لحظة يخط يراعك فيها حرف لحظة ذات جمال نفيس.. وفرحٍ لذيذ ونشوة عارمة.. لا كلمة تدبج إلا عن إحساس تريد النفس التعبير عنه .. الإحساس حاجة .. الكلمة الجميلة تبقى ، فهي الغضارة والرواء والنضارة التي لا تذهب كما يذهب الجمال الحسي .. أعلم أن كل ذرية الخليفة لها من الملكات ما تثري به الساحة.. إكتبي ..إفتحي عوالم جديدة حتى نتداخل ونتماهى مع الأحاسيس الدفاقة الدفيقة!! توكلي على الله!!

Post: #53
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-14-2007, 02:32 AM
Parent: #1

الاعزاء
هاشم
طارق
رافت
انعام
ابوبكر
نهال
متوكل
علاء
عماد
نبيل
الطيب
منى
احمدالشايقى
ابوبكر يوسف

شوقى لكم وانشالله هاارد على كل واحد فيكم وصلت الخرطوم والحمدلله بخير وهاواصل
معاكم من هناك دمتم بخير وعافية

Post: #55
Title: Re: آفتح بوست ..ولا ما آفتح بوست ?
Author: عماد محمود علي
Date: 06-14-2007, 07:34 AM
Parent: #53

Quote: وصلت الخرطوم والحمدلله بخير

بالله ده إسمه كلاااااام ده ، نحن هسه مش إتفقنا تنتظريني لما أجي لندن علشان نكمل موضوع زواجنا أنا وانت هي قصدي أنا وريهام بوجود زوجك هي قصدي أبوها عصام ... يعني دي زحليقة بالبارد ولا شنو !!!!! غايتو أنا عارف البكون حرضك ده منو !!! بس صبراً جميل وح يشوف يوم في حياته ما شافه ... ريهام .... ريهام .... ريهام .... أو ......

منو قالوا لي دموعكم عشرة عشرة ......

مـودتـــي والف حمد لله على السلامة .....

Post: #54
Title: Re: آفتح بوست ..ولا ما آفتح بوست ?
Author: abubakr
Date: 06-14-2007, 03:04 AM
Parent: #1

يالعرريب :
اهلي يحصدون برصاص الانقاذ ..

Post: #56
Title: Re: آفتح بوست ..ولا ما آفتح بوست ?
Author: ياسر نجيلة
Date: 06-14-2007, 07:45 AM
Parent: #54

.... يا ربي ادخل البوست ده .... ولا ما ادخلو ....?!!!!

Post: #57
Title: Re: آفتح بوست ..ولا ما آفتح بوست ?
Author: ماجدة عوض خوجلى
Date: 06-14-2007, 12:27 PM
Parent: #1

كيفيك منوله الحمدلله على سلامة الوصول
ماتفتكرى علشان انتى بعيده انا مابقدر اعمل حاجه
بالتى هى احسن قومى احذفى من البوست بتاعى انتى عارفهاانا بتكلم عن شنو
ولا والله انفذ تهديدى وكمان بدل عدوية اخت ليك شعبان عبدالرحيم

Post: #58
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-14-2007, 02:44 PM
Parent: #1

سلام شديد

الحمداللة الذي آوصلني اللة الي الخرطوم بالسلامة .

آنا مريت بظروف صعبة جدآ جدآ في الفترة السابقة لكن الحمداللة ربنا جاب العواقب سليمة. دة تبرير لعدم مداخلتي في الفترة السابقة. وآكيد دي واحدة من تخوفات فتح البوست وعمومآ كل تخوفاتي آكيد في محلها وآنا حاناقشها معاكم .

آستاذنا الفاضل نبيل
لك التحية والتقدير آكيد مناقشتك حتكون فعالة.

الاستاذ ياسر
إنت دخلت وإنتهيت. لكن آقول ليك إنشاء ما حتندم بس تابع معانا

عماد

المرة دي حالتزم.
سلام لغاية بعديين

تحياتي

Post: #59
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-17-2007, 08:26 AM
Parent: #1

تحيات صباحية

قلتي اكتب كلامي من آول الصباح قبل ماآدخل في الدوامة اليومية واللي آغلبها ضياع للزمن بدون فابدة ولكن بجب عليك مزاولتها حتي تضمن إستمرارية تواكبك ووجودك في الحياة السودانية.

مرة آخري آعذروني إن لم تكن مداخلاتي في هذا البوست مواكبة لبعض مداخلات الاستاذات والاساتذة الاجلاء.

أعمل بوست .. واللا ما أعمل ؟

بالمناسبة يا إخوان وأخوات .. وأبناء وبنات أيضا (حلوة آولاد وبنات )، المسألة فيها جدية وما مجرد ( طق حنك ) ، وسامعاني يا منى خوجلي ..يعني الموضوع ما إستهبال بل جادي وما دمنا في عصر (الشفافية ) هذه الكلمة الجميلة دعونا نمارسها ، ومعكم أقول أن فكرة تعمل وما تعمل بوست فرضتها مجموعة أسئلة ، وكلها قادت الى ( التفاصيل ) التي يسكنها ( الشيطان ) . بين تلك الأسئلة . الى متى سيظل تعاملنا مع ( تقنية الإنترنت ) على هذه الطريقة ، ولا تغضبوا مني ، هل خطر على بال مخترعيه أنه سيوظف بمثل هذه الطريقة ؟ وهل هناك يا ترى أمة في العالم تستخدمه بالطريقة التي يستخدمه بها ( بعضنا وليس كلنا ) ، وهل كنا سنمارس ما نفعل معه لو أنه لم يكن ( مجانا ) يعني ( ميتة ) كما نقول ؟ ، ولا أخفيكم ، وعلى ذكر ( جمعيات الرفق بالحيوان المنتشرة في العالم الغربي ) ، هل سيأتي يوم ، وإذا إستمر حالنا مع النت على هذه الطريقة ، أن ( يقلععلينا ) شباب طموح يعمل ( جمعية الرفق بالإنترنت ) وليس بالضرورة الدفاع عنه .
والسؤال : هناك حكمة تقول أن ( الوسط الذهبي ) بين الجبن والحماقة هو ( الشجاعة ) ، وبين ( البخل والإسراف ) هو ( الإقتصاد ) ، فأين هو الوسط الذهبي في ( البوست والإنترنت ) ، سؤال يا جماعة ؟ ، وهل من طريق ليصبح ( البوست ) مثل (يوم دراسي) ، والله حنيت لأيام الدراسة ، تلاقي فيه الحساب والجغرافيا والتاريخ والعلوم ، ولكن ليس بطريقة الأساتذة الصارمة ، بطريقة جديدة ، وتلاقي فيه ( حصة فطور وحصة رياضة ) ، ( وشوية شقاوة ) ؟ تقديري أن ذلك مهم ، لأنه وبهذه الطريقة أخشى أن ( يحرر له كثيرون ) شهادة وفاة . وعندي صديقة وزميلة دراسة قالتها بمنتهى الجدية لي : يا منال أنتو ما بتختشوا ؟ خليتو للشماسة شنو ؟ . هذا كلامها ، مع أني أرى أن الشماسة ذاتهم شريحة إجتماعية ويستحقون الإستماع اليهم يوم أن يجدوا طريقا للإنترنت ، أو يجدوا ( صوتا ) كتعاطفا معهم يتحدث بإسمهم .
وبالمناسبة أنا لا أبحث عن بيان رقم واحد وإنقلاب وثورة ، أنا أبحث عن ( إصلاح ) وهي كلمة مطلوبة الأيام دي مثل ( الشفافية ) .
وما أطيل عليكم ، وعودة للأسئلة ، ماذا لو سمعنا ، يعني ( قرأنا ) ( خواطر وجرعات تجارب وأحيانا تحليلات ) لظواهر كثيرة في حياتنا وهموم بلدنا بعدد هؤلاء الداخلين على الإنترنت ؟ وابدأوا بالمخاطر التي تحدق بالسودان ، سياسيا وانتهوا بظواهر إجتماعية أصبحت تطال مؤسساتنا الإجتماعية ومعها منظومة القيم التي تربينا عليها ونريد توريثها لإبنائنا ، وخذوا المسميات الأخيرة الكثيرة لقيمة واحدة عرفناها إسمها ( الزواج ) مثلا ، وأكرر مثلا .
فكرتي واضحة ، وبرضه صحيح محتارة ، أعمل بوست واللا ما أعمل ؟

Post: #60
Title: Re: آفتح بوست ..ولا ما آفتح بوست ?
Author: عماد محمود علي
Date: 06-17-2007, 09:29 AM
Parent: #59

بصراحة كده أسئلتك دي عايزة الواحد يضبط ليها رأسه عديييل وبعدين يجي يرد ، أها كده خليني النسف لي سفه ، يامنى قومي جيبي حقة الصاعود بتاعتك دييييك خليني النتكيف ونجاوب للبنية دي ....

إحتـرامـــي وتقديـــري ، ، ، ،

وجاييك بالمهلـة ....

Post: #61
Title: Re: آفتح بوست ..ولا ما آفتح بوست ?
Author: الطيب شيقوق
Date: 06-17-2007, 10:47 AM
Parent: #60

Quote: يالعرريب :
اهلي يحصدون برصاص الانقاذ ..

يا ابا بكر يعلم الله قلوبنا معاكم على الدوام وربنا ينصركم

الاخت منال حمد الله على السلامة وادينا اخبار السودان واكيد الكرمات زبحتوها ومبسوطين بعافية بعلك الحمد لله

Post: #62
Title: Re: آفتح بوست ..ولا ما آفتح بوست ?
Author: Nabeil Adeeb
Date: 06-18-2007, 03:43 PM
Parent: #59

Quote: والسؤال : هناك حكمة تقول أن ( الوسط الذهبي ) بين الجبن والحماقة هو ( الشجاعة ) ، وبين ( البخل والإسراف ) هو ( الإقتصاد ) ، فأين هو الوسط الذهبي في ( البوست والإنترنت ) ، سؤال يا جماعة ؟ ، وهل من طريق ليصبح ( البوست ) مثل (يوم دراسي) ، والله حنيت لأيام الدراسة ، تلاقي فيه الحساب والجغرافيا والتاريخ والعلوم ، ولكن ليس بطريقة الأساتذة الصارمة ، بطريقة جديدة ، وتلاقي فيه ( حصة فطور وحصة رياضة ) ، ( وشوية شقاوة )

عزيزتى منال هذا بالضبط ما يحدث فى المنبر بالإضافة لبعض من المبالغات غير المرغوب فيها.لا مجال للنقاء يا صغيرتى فى هذه الدنيا ولكن عليكى أنتى أن تنتقى ما تقرأين ولتكثرى الكتابةto lead by example

Post: #63
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-20-2007, 09:14 AM
Parent: #1

سلالالالام

وصباح الخير

شوفوا يا جماعة

واللة قررتي آدخل الليلة البوست دة وآنا ماعندي آي كلام اقولة داخلة لية ماعارفة......يمكن
علشان حسيت بالغيظ لمن لقيتة في الصفحة الكم ما عارفة ? ...غايتوا دحلنا وخلاص.

ماجدة هليك اللة اعملي فيني خير وشيلي صورتي ال........ة دي. لو عندك واحدة آخير ختيها كمان لومافي شيليها خالص.

مش قلتي ليكم ما عندي موضوع.

Post: #64
Title: Re: آفتح بوست ..ولا ما آفتح بوست ?
Author: abubakr
Date: 06-20-2007, 09:25 AM
Parent: #1

Quote: مش قلتي ليكم ما عندي موضوع.

ما دة برضو موضوع

Post: #65
Title: Re: آفتح بوست ..ولا ما آفتح بوست ?
Author: Muna Khugali
Date: 06-20-2007, 09:38 AM
Parent: #64

خلاص افتحي بوست سميه..
ماعندي موضوع!

Post: #66
Title: Re: آفتح بوست ..ولا ما آفتح بوست ?
Author: abubakr
Date: 06-20-2007, 10:04 AM
Parent: #1

Quote: ماعندي موضوع!

ما دة ذاتووو

Post: #67
Title: Re: آفتح بوست ..ولا ما آفتح بوست ?
Author: Manal Awad Khugali
Date: 06-20-2007, 10:12 AM
Parent: #1

شكرآ وشكرآ يا آبوبكر ويا مني

واللة الفكرة فعلآ جميلة- إنتوا عارفين آنا لو فتحتي بوست ذي دة حيكون ..........

دي فكرة خرافية . كيف يعنى ماخطرت علي بالي ? حاجة غريبة الواحد محتاس من ما بقي عضو في المنبر دة بيفتش ليهوا لعنوان بوست علشان يشتهر بيهوا وما لاقية ..يقوم بس كدة وبدون مقدمات يجيهوا لغاية عندة?

سبحان اللة فهو قادر لي كل شئ....

Post: #68
Title: Re: آفتح بوست ..ولا ما آفتح بوست ?
Author: Amira Elsheikh
Date: 06-20-2007, 10:53 AM
Parent: #67

Quote: فكرتي واضحة ، وبرضه صحيح محتارة ، أعمل بوست واللا ما أعمل ؟

منال .. ازيك.

والله يا منال وبصراحة ليك الف حق تجرسى قدر دا.

دى اسئلة صعبة ومواجهانا نحن البرالمة ديل..

اسى انا برلومة ..

افتج بوست ولا ما افتح.

Post: #69
Title: Re: آفتح بوست ..ولا ما آفتح بوست ?
Author: abubakr
Date: 06-20-2007, 10:59 AM
Parent: #1

Quote: واللة الفكرة فعلآ جميلة- إنتوا عارفين آنا لو فتحتي بوست ذي دة حيكون ..........

شفتي كيف مني وانا "عباقرة"
مش يامني ؟؟

Post: #70
Title: Re: آفتح بوست ..ولا ما آفتح بوست ?
Author: ماجدة عوض خوجلى
Date: 06-20-2007, 11:28 AM
Parent: #1

ممكن