Post: #1
Title: ياخوانا ديل خلولينا شنو ماحظرو ! فكركم يكون الهواء ؟
Author: bak2010ory
Date: 06-03-2007, 06:31 PM
قائمة الشركات المحظور من قبل العلوج الذين يعثون فسادا فى العالم ، ولايجدون من يعاندهم لكى يصيبة ما أصاب صدام ورفاقه !!
1/ مدينة جياد الصناعية ـ ولاية الجزيرة
2/شركة جياد لانتاج السيارات والمركبات الثقيلة
3/شركة جياد الصناعية ـ الخرطوم عمارة بشير محمد سعيد
4/الشركة السودانية للاتصالات (سوداتل)
5/شركة عزة للنقل الجوي
6/شركة الأعمال الهندسية
5/شركة اعمال المناجم السودانية المحدودة الخرطوم شارع المك نمر
7/شركة النفط السودانية العمارات شارع 33
8/الشركة التجارية للاعمال الكيميائية
9/شركة السنط للتنمية المحدودة
10/شركة الصناعات الصيدلية ـ الخرطوم العمارات شارع 27
11/شركة النيل الازرق السودانية العربية للزراعة
12/الشركة العربية السودانية للحبوب الزيتية
13/الشركة العربية السودانية للحبوب
14/شركة سكر عسلاية المحدودة
15/شركة سكر الجنيد المحدودة
16/ مجموعة التقنية المتطورة (هاي تك قروب) ـ العمارات شارع 31
17/هاي تك كونسولت
18/هاي تك كيميكال
19/ هاي كوم
20/ مصنع سكر حلفا الجديدة
21/شركة بتروهلب للنفط الرياض
22/شركة رام للطاقة المحدودة الرياض شارع المشتل
23/ شركة سكر سنار المحدودة
24/شركة شيكان للتأمين واعادة التأمين
25/سكك حديد السودان
26/مشروع الجزيرة
27/سودان ماستر تكنولوجي
28/الشركة السودانية لانتاج السكر
29/شركة وفرة للصناعات الدوائية
30/ بشاير
|
Post: #2
Title: Re: ياخوانا ديل خلولينا شنو ماحظرو ! فكركم يكون الهواء ؟
Author: Faisal Taha
Date: 06-03-2007, 08:35 PM
Parent: #1
| Quote: قائمة الشركات المحظور من قبل العلوج الذين يعثون فسادا فى العالم |
وبعد دة كلو يجوك مناضلوا الكيبورد المرطبين في
أمريكا واوروبا ليقولوا بكل وقاحة وقفوا الإبادة
الجماعية شان الأميركان يفكوا الحظر على الشركات السودانية
هو في إيادة أفظع من كدة يا ناس !!!!
|
Post: #3
Title: Re: ياخوانا ديل خلولينا شنو ماحظرو ! فكركم يكون الهواء ؟
Author: ابن الرشيد
Date: 06-04-2007, 02:20 PM
Parent: #2
بس ورينى دى شنو
(اللجنة الفنية للتصرف فى القطاع العام)
بس أوعك تقول ماعارف
بالله دى مأكلة
والفكرة تلقاها فكرة
وزير له مرتب وزير
ورئيس اللجنة الفنية وبمخصصاتها
|
Post: #4
Title: Re: ياخوانا ديل خلولينا شنو ماحظرو ! فكركم يكون الهواء ؟
Author: bak2010ory
Date: 06-04-2007, 06:28 PM
Parent: #3
| Quote: (اللجنة الفنية للتصرف فى القطاع العام) |
يابن الرشيد عليك الله تعال نعمل لجنة ونسميها ( اللجنة الفنية للتصرف فى الإتصرفو فى القطاع العام) ،، ههههههههههه
عشان نعرف / لاحظ بعدين ماتقول لى ماعارف ،، الوزير دة شال حق الشعب المسكين دة وداهو وين ، والله ديل أبان كروش حيرونا يعملوا المشاكل ويتحملا الشعب الحنين المالاقى حق العيش ولا لقمة الحياة.
ياخى الله يحلنا من البلاوى الواقعة فينا دى ، والله يستر ماتبقى عراق تانى .
|
Post: #5
Title: Re: ياخوانا ديل خلولينا شنو ماحظرو ! فكركم يكون الهواء ؟
Author: ابن الرشيد
Date: 06-05-2007, 08:36 AM
Parent: #4
| Quote: عليك الله تعال نعمل لجنة ونسميها (اللجنة الفنية للتصرف فى الإتصرفو فى القطاع العام) |
يابشمهندس دى ح تبقى ساقية جحا
انت تعمل اللجنة الذكرتها والتى أسميتها (اللجنة الفنية للتصرف فى الإتصرفو فى القطاع العام)
والجاى ح يشكل لجنة فنية تتصرف فى الذى اتصرفوا فيهو ناس اللجنة الثانية
وهلم جرا
وكدى السودان ده ليوم الدين ما ح يتقدم
|
|