جيمى ناتالى وحرمة اجلاسه فى دكة البدلاء

Quote: الود حريف ما فيها كلام .. لكن كمان حكاية إنو الخاوجة ما يقتنع بيهو وما يلعبو مع المريخ ويوقم مازدا لضعف شخصيتو في المريخ ما يقدر يخليهو أساسي ويجي يجربو لينا في المنتخب فده شئ مرفوووووووووووووض .. لا للمجاملات في الكورة وليته لا يكون على حساب المنتخب القومي.. في باقي البلاد العالمية اللاعب لو فريقو ختّاهو كنب مرتين ورا بعض المنتخب بيرسل ليهو توضيح عشان لو ما لعب أساسي في فريقو معناها فقد فرصتو في اللعب مع المنتخب .. فهل يعقل لاعب مع فريقه ما بيلعب ومرات في ال16 بيكون ماف وتجي تلقاهو قاعد في المنتخب !!!!!!! بالجد دي حاجة تحيير.. لكن كورتو مافيها كلام

Quote: الأخ محمد ســلام أنا هلالابي ، لكن اللاعب جيمي ناتالي حقا لاعب فنان ، وأستغرب جدا لماذا يجلس على كنبة الاحتياطي ..في تقديري هو أحرف لاعب شاهدته مؤخرا وينتظره مستقبل مشرق إذا حافظ على مستواه ولياقته. تحياتي ومودتي

Quote: يا فاروق بالمناسبة فى زول فى الهلال حالتو زى ناتالى دا واظنو (جوليت ) فى الهلال قاعد كنب وفى المنتخب كان اساسى وبيلعب كويس الغريبة

Quote: ويكفي السمبك الإسمو جيمس ..

Quote: لو نزلوه الميدان ومعاه الحكام والشباك بس ما بجبيب قون ولا بلعب كوره !!

دي بالغت فوقا ياخ

Quote: مازدا كان بيلعّب خالدا أساسي في المنتخب لمن كان ريكاردو بخوتّو كنب .. لمن ريكاردو رجّع خالد جوليت أساسي قام مازدا بقا يخوتّو كنب !!!!!!!! شفت المعاكسات دي كيف ؟؟؟؟ مازدا عايز يقشر بي الناس إنو بيصنع لاعبين .. مازدا عايز يعمل فيها مكتشف نجوم ومخرج المظاليم من الاحتياطي .. لكنها نظرية فاشلة وقبله كان يستخدمها احمد بابكر فصدفت مرة وركبوا فينا السنابيك الف مرة .. ويكفي السمبك الإسمو جيمس ..

Quote: نحترم قرار المدرب ولا اجد غضاضه في اشراكه مع المنتخب حتى عندما يكون بديل بفريقه طالما يظهر بمظهر مشرف ..

Quote: جماعة هل تتذكرون الشتكيلة التي كان يلعب بها مدرب المنتخب البولندي العجوز قبل عامين وهل يوجد بها لاعب حاليا في هذه التشكيلة....حرام عليك يا شداد دمرت الكرة السودانية ربنا يجازيك،،،