والله يا اولاد الخالة الامريكان الزرق...دخلتونا في اضافرينا!!!؟

كل يوم ازداد فضولا وامتعاضاعندمااحمل راكبا من ابناء الخالة الامريكان السود ويبتسم الي متعمدا اظهار رصة من الاسنان الذهبية او الفضيةفي ( فلقومه) اي ذات البسامات التي كانت عندنا موضة في السودان (التعبان داااك) لاكثر من نصف قرن عند الجنسين وانقرضت!
يبدو انها الموضة السائدة هذه الايام في امريكاالسوداء البسامات الفضية والذهبية لزوم القندفة والمنجهة ولفت النظر مثل سراويلهم ( الناصلة) والتي يضيق منها خلقي عندما اراااهم يتسكعون بها وليس فيها اي شيء من الجمال حتى احيانا اكاد من الغيظ ان انزل من التاكسي لاستعدل اي سروال ناصل واعيده الي مكانه الطبيعي بدل هذه الجهجهة لانفسهم بهذه ( العوارة) غير المبررة!
((يعني شنو قصة السراويل الناصلة دي....وغطاء الراس الشبيه بالعقال االعربي ده وقصة البسامات الذهبية عند اولاد الخالة دي..يعني والله عوارة ما بعدها عوارة!!
والله كان كدي اخير نحن في السودان ترانا تقيلين ورزينين وما عندنا العوارة والخمالة
دي..الله اعينكم اولاد خالاتنا ويجي اليوم الترفعوا فيهو راسناعالي بحاجات افضل واجمل من الخمالات والعوارةالبتعملوا فيها دي!))

الواحد تلقاهو بسروالو الناصل ده مكتف غالبو المشي زي ود الطهور عندنا بس فاقد حريرة الجرتق والسوط والهلال!!

في برنامج اسمه (شيترز) او الخونة في قناة (زون ريالاتي) او قناة الواقع علي ما اظن البرنامج قايم علي انه واحد يرسل ليهم عشان يقصوا اثر مرته ولا مراة يقصو اثر راجلها او بوي فريندها او بوي فرندته يشوفهو خاين او خاينة او زول نضيف .
كل يوم بيجيبو ستة حالات في حلقتين .. يا ود هباني اولاد خالتك دي من الستة عينات عندهم فيها خمسة والسادس بيكون يا ابيض ولا لاتيني ومرة مرة الستة بيكونوا من اولاد خالتك ولا بنات خالتك الزرق ديل .
عيال خالتك ديل ضمير بي تعريفة ما فيهم ؟

Quote: في برنامج اسمه (شيترز) او الخونة في قناة (زون ريالاتي) او قناة الواقع علي ما اظن البرنامج قايم علي انه واحد يرسل ليهم عشان يقصوا اثر مرته ولا مراة يقصو اثر راجلها او بوي فريندها او بوي فرندته يشوفهو خاين او خاينة او زول نضيف . كل يوم بيجيبو ستة حالات في حلقتين .. يا ود هباني اولاد خالتك دي من الستة عينات عندهم فيها خمسة والسادس بيكون يا ابيض ولا لاتيني ومرة مرة الستة بيكونوا من اولاد خالتك ولا بنات خالتك الزرق ديل . عيال خالتك ديل ضمير بي تعريفة ما فيهم

انت عارف يا سماني...يعني حاجة تزعل بجد....طبعا بحكم الانتماء للحمة الزرقا بحزن لحالن لانهم افارقة اهلنا وجوا للبلد دي من قبل خرتمية سنة بحس نحن الجايين من افريقيا المتخلفة....رغم ماسينا وحاجاتنتا السجمانة ديك...دائما نحن افضل منهم بهمتنا
ووعينا البسيط بنتعايش مع الحياة الامريكية بقدر الامكان بكرامة ومبدئية!
بس هم ما استفادوا من كل المنجزات والمكتسبات علي الارض الامريكية ولا زالوا في السجم والرماد ومركبات النقص رغم انو العبودية انتهت لكن للاسف اثارها وتشوهاتها لا زالت بائنة في سلوك غالبيتهم المهزوز والقابل للانحراف!
الله يعينا ويعينهم...