Post: #1
Title: وصول أبو الريش إلى الدوحة
Author: عبدالرحمن عبدالله أبوشيبة
Date: 06-01-2007, 04:46 AM
Parent: #0
وصل فجر اليوم الأخ محمد عثمان أبو الريش عضو المنبر إلى دولة قطر قادماً من جمهورية الصين في طريقه إلى أمريكا.
أبو الريش الخبير في مجال التكنولوجيا سيستكشف السوق القطرية في هذا المجال وهو الآن محل ترحيب من قبل إخوانه من الجمهوريين وبورداب الدوحة.
باسمكم جميعاً نتمنى له إقامة سعيدة في دوحة الخير.
|
Post: #2
Title: Re: وصول أبو الريش إلى الدوحة
Author: bayan
Date: 06-01-2007, 07:44 AM
Parent: #1
| Quote: باسمكم جميعاً نتمنى له إقامة سعيدة في دوحة الخير. |
الف حمدالله على وصول ابن الخالة بالتواتر..
اكيد ما بتقصروا فيهو يا ناس الدوحة يا اجدع ناس..
التحية لك الاخ عبدالرحمن..
|
Post: #3
Title: Re: وصول أبو الريش إلى الدوحة
Author: بدر الدين الأمير
Date: 06-01-2007, 09:35 AM
أهلا وسهلا
ابو الريش
بس كون ان يكون مقدمك أبوشيبة
لازم تعمل حسابك لريشك عشان ما
يشيب من كرم ابوشيبة سرنى هاتفك
من الصين ويسرنى انك فى الدوحة
ونلتقى
|
Post: #4
Title: Re: وصول أبو الريش إلى الدوحة
Author: nadus2000
Date: 06-01-2007, 09:47 AM
Parent: #3
مرحبا بالأخ أبوالريش
والدوحة نورت
وتمنياتنا لكم بإقامة سعيدة في دوحة الخير.
|
Post: #5
Title: Re: وصول أبو الريش إلى الدوحة
Author: يسرى معتصم
Date: 06-01-2007, 12:15 PM
Parent: #4
أبو الريش
سلامات
لو نسيت الأمانة من الصين ترجع من دربك
|
Post: #6
Title: Re: وصول أبو الريش إلى الدوحة
Author: عبدالرحمن عبدالله أبوشيبة
Date: 06-01-2007, 07:04 PM
Parent: #5
الدكتورة بيان-- شركاً على المرور وتهنئة قريبك بالتواتر.
المير بدر الأمير -- استعد بالقهوة صباح السبت ، خابرك عارف أبو الريش القهوة بتهدرب بيهو.
نادوس 2000 شكراً على التهنئة بقدوم أبو الريش.
يسري معتصم ،، شكراً يا ملك على المرور والتهنئة بالقدوم.
لكم جميعاً من أبو الريش خالص التحايا وهو الآن يأخذ قسطاً من الراحة بعد سفر طويل دام لأكثر من عشر ساعات من الصين للدوحة.
مودتي // أبوشيبة.
|
Post: #7
Title: Re: وصول أبو الريش إلى الدوحة
Author: Mannan
Date: 06-02-2007, 03:23 AM
Parent: #1
الآن عرفت سر البطل عثمان دقنة الذى كسر المربع الانجليزى وقبله ساعد المهدية فى الانتصار على غردون الذى دوخ الصينيين... ربما ذهب لإقناع الصينيين ان احفاد عثمان دقنة زعلانين منهم وحيخربوا بيتهم... نرحب بك فى الدوحة يا ابوالريش بالنيابة عن الدوحانيين ( حلوة موش؟) ..
قال الحلمنتيشي:
نزلنا دوحة فحنت علينا *** كحب الصين للبترول فينا
الا هبى بصحنك والسخينا *** وانظرنا نخبرك اليقينا
اتانا ابن عثمان ابن ريش *** باخبار من الصين اللعينة
فياجوج وياجوج اتونا *** كسيل العرم يلعب بالسفينة
فيا لهفى على السودان لما*** تحول ماو ضمن الملتحينا
وماركس صار كوزا جبهجيا *** وصار الكوز ماويا سمينا
وتحياتى... لبدرالدين وابوساندرا ومحمد سليمان وابوشيبة وظرفاء بورداب الدوحة..
نورالدين منان
|
Post: #8
Title: Re: وصول أبو الريش إلى الدوحة
Author: معتز القريش
Date: 06-03-2007, 11:30 AM
Parent: #7
أهلا بالرائع ابو الريش في الدوحة
وقد كان لنا شرف لقائه اليوم في مكاتبنا
انه رجل هادئ خلوق ومهذب عانقني كأني اعرفه من سنين
لا تملك إلا أن تحبه وتحترمه من أول نظرة
|
Post: #9
Title: Re: وصول أبو الريش إلى الدوحة
Author: أبو ساندرا
Date: 06-03-2007, 11:50 AM
Parent: #1
حبابك آلآف يا ابوالريش
بس مسؤول من الخير
في القطة التانية ده شنو الكربون الخاتيهو بينك وبين الصينية ده ؟
غايتو
ياريت إقامتك في الدوحة تمتد ايام حتى نكرم مثواك
شكرى يا شيباني
الغواصة
|
Post: #10
Title: Re: وصول أبو الريش إلى الدوحة
Author: معتز القريش
Date: 06-03-2007, 04:27 PM
Parent: #9
Quote: في القطة التانية ده شنو الكربون الخاتيهو بينك وبين الصينية ده ؟
|
تصدق يا بركوتة
أنا في الأول زعلت قايلك قاصدني أنا بالكربون دا
لكن لما رجعت قريت الكلام مرة تانية
لقيتك كاتب القطة التانية مش اللقطة التانية
استغفرت ولعنت الشيطان وقلت ان بعض الظن اثم
|
Post: #11
Title: Re: وصول أبو الريش إلى الدوحة
Author: النصرى أمين
Date: 06-03-2007, 04:43 PM
Parent: #1
ابوالريش العزيز
اتمنى ليك اقامه طيبه فى الدوحه الحنينه ..
ما تنسى تمشى الخور وقهوه الصيادين ...
بعدين ما تستغرب من صواينيهم الكتيره والعجيبه..
وما تندهش كيف بقود القطريين سياراتهم..
برضو امشى شارع الحلاقين(الاسم من عندى) حوالى مليون محل حلاقه..
حلاقه رهيبه ببضع دراهم ..
اهم شئ ما تنسى تاكل سجك مبالغ فيهو بتعملو احدى الاخوات السودانيات اكلتو
مره فى منزل استاذنا الراحل بشير الخواض ..
تحياتنا ليك ولناس الدوحه
وماتنسى الهديه الصينيه
|
Post: #12
Title: Re: وصول أبو الريش إلى الدوحة
Author: يسرى معتصم
Date: 06-03-2007, 05:17 PM
Parent: #11
أبو الريش
ســلامات ياأستاذى
أوع ياأخوى تكون دى المليونيرة الصينية الداير تعرسا لى لزوم الجنسية
شكيتك لى الله   
ماتنسى الوصية ولا أقوم أمشى جيرسى سيتى ومعاى الصور دى
فتك بعافيه
|
Post: #13
Title: Re: وصول أبو الريش إلى الدوحة
Author: عبدالرحمن عبدالله أبوشيبة
Date: 06-03-2007, 08:01 PM
Parent: #12
Quote: أوع ياأخوى تكون دى المليونيرة الصينية الداير تعرسا لى لزوم الجنسية
شكيتك لى الله |
يسري إزيك وأبو الريش يسلم عليك وهو مندرش اليومين ديل البزنس.
أما بالنسبة للمليونيرة الصينية ،،، ريح نفسك معرسة ومتموم حلوها وبي وليدها كمان ،، بس بصراحة غاية في الكرم والبشاشة والخلق النبيل.
|
Post: #14
Title: Re: وصول أبو الريش إلى الدوحة
Author: Abureesh
Date: 06-03-2007, 11:19 PM
Parent: #13
الأخـوة الكرام
نادوس2000
نورالدين منان
نجاة محمود
بدر الدين الامير
عبد الكريم (كيكى)
يسرى معتصم
معتز القريش
ابوساندرا
النصرى امين
شكـرا لكم على الشعـور النبيل نحو أخيكم الفقيـر الى الله.
ما داير اشكـر بورداب الدوحـة لأنى لسـه غرقان فى بحر كرمهـم وحفاوتهـم.. نشوف لما نمرق!
أبو سـاندرا،
سلامات وشكـرا على الترحيب.. سأكون بالدوحـة حتى بعـد غـد إنشـاء الله.. وأرجو تشـرفنى بلقائك قبل أن نغادر، وكذلك الأخ نادوس وبقيـة البورداب..
قريبتى نجاة.. شكـرا ولنا حديث إن شـاء الله.
الأخ نادوس2000،
شكـرا وضرورى نشـوفك قبل ميعاد سفرنا.
المديـر بدر الدين الأميـر،
مافى كلمات تكفى للتعبيـر عن شكرى وإمتنانى لكم على للحفاوة وتوظيف قدر كبيـر من وقت عملكم للحركـة معى فيما لم أكن أقـدر عليه بدونكم.. ثم تعيينى مديـرا لسـاعـة واحـدة مما ممكننى من قراءة إيميلى والبورد..
على اى حال... شكـرا جزيلا.. (الطشـاش ولا العمـى)
يســرى،
ياخى وصيتك قاعـدة وما تخاف عليهـا.. حأسلمك ليهـا باليـد إن شـاء الله، والبورد كلو شاهـد.
الأخ العزيـز، والصديق القديـم نور الدين منان،
ياخى والله قـد زعلت لأنى لم أتمكن من الوقوف الى جانبكم التنديـد بقتل الجمال والتراث والبيئـة فى أرض نوبيتا الحبيبـة.. ولا شك عندى أن أبطال النوبـة , وأحفاد تهراقـا لا يمكن يلدغـوا من الجحـر مرتين.. فلكم الإعزاز والسنـد الذى لا يعرف الحدود.
أشكـر الأخ كيكى على الإتصالات الهاتفيـة فى وقت أعلم أنه كان فى أشـد الزحمـة وأضيق الوقت وعلى (وش سفـر).
النصـرى،
سلامات وشكــرا على الكلمات الطبيـات.. وياخى أنا عندى حساسيـة ضـد الخـور، وكلما مرت العربيـة قدام لافتـة الخـور، أقرب أسـال الأخوة أن يلفوا منه يمين واللا شمـال.
الأخ العزيـز معتـز القريش،
شكـرا على أخـذ هـذه اللقطـات التذكاريـة، وسـوف أطبعهـا وأعلقهـا إن شـاء الله..
ولعن الله غراب البين الذى ما يزال ينعق بين الســودانيين.. بين أجمل خلق الله وأحلاهـم أخلاقـا.. وأقول مع الشيـخ الأكبـر إبن عربى:
تعالوا بنـا نستغفـر الله كلنـا
فلا أحدنـا خنتـم ولا أحدكـم خنـا
ولا كان ما قلتـم ولا كان ما قلنـا
ولاكن غراب البين من بيننـا غنى
|
Post: #15
Title: Re: وصول أبو الريش إلى الدوحة
Author: محمد أبوالعزائم أبوالريش
Date: 06-04-2007, 05:17 AM
Parent: #1
الأخ أبوالريش
حللت أهلاً ونزلت سهلاً
أتاريني لي يومين حاسي إنتي ((ما براي))
مرحب بيك .. والدوحة نورت
|
Post: #16
Title: Re: وصول أبو الريش إلى الدوحة
Author: Omar Bob
Date: 06-04-2007, 06:43 AM
Parent: #1
مرحب بيك يا اخ ابو الريش
ناسف للترحيب المتاخر
لاني كنت خارج الدوحه
منمني ان نلتقيك قبل السفر
حللت بنا اهلا
ونزلت سهلا
|
Post: #17
Title: Re: وصول أبو الريش إلى الدوحة
Author: Faisal Al Zubeir
Date: 06-04-2007, 06:44 AM
Parent: #16
الف مرحب
|
Post: #18
Title: Re: وصول أبو الريش إلى الدوحة
Author: إسماعيل وراق
Date: 06-04-2007, 07:26 AM
Parent: #17
حمد لله على سلامة الوصول يا أبو الريش
رحلة عملية موفقة إن شاء الله
|
Post: #19
Title: Re: وصول أبو الريش إلى الدوحة
Author: أبو ساندرا
Date: 06-04-2007, 08:48 AM
Parent: #1
كتب ابوالريش:
Quote: أبو سـاندرا،
سلامات وشكـرا على الترحيب.. سأكون بالدوحـة حتى بعـد غـد إنشـاء الله.. وأرجو تشـرفنى بلقائك قبل أ |
طيب أصحى عشان ترد علينا
أو إتصل على هذا الرقم 5052880
|
|