قصيدة جديدة ...يا ممزوجة بداخلي وما لاقيكي ...

دبي في 7/2/2007 يا ممزوجة بداخلي وما لاقيكي


يَِِِا مْمزوجة ِبداخْلي وما لاقيكي ..
بفتش فيني ..
عَشانْ أَتْحَسسْ كُلَ الفيكي ..
إِنْتي ثَوابِتْ فِي جُوّانا ..
وإنتي تَضاد وتآلفْ ..
شكّلْ عُمقِ هَوانَا ..
وإنتي مِطيرةْ تَرُشْ الحِلة ..
وُتَملأ سَمانَا ..
وتَغسِلْ مِنَنَا .. حُزْن الأَلَم الكَانْ هَدَّانَا ..
وإنتي سَمَانَا البِحضِنْ ..
نَجْم اللَيل الشَاهِدْ لي أَفْرَاحْ دُنيَانَا ..
وإنتي الوَتَر الأوَل ..
فِي نَغَماتْ الحُسنْ بِيصدَحْ ..
رَغمْ القَسْوة وبيهو بِنَفرَحْ ومَا هَمّانَا ..
ويَا مَمْزُوجَة بِداخْلي ومَا لاقِيكِي ..
إِنْتِي الخَبَرْ البِفْرِحْ مِن السَافِلْ جَانَا ..
وإنتي فَرَاشَة بِتَحْمِلْ ..
لِي ألوَانْ الطِيفْ .. فِي كُل أَلْوَانَا ..
وإنتي قِليبْ بَالإلْفَة كَتَلنَا ..
وإنتي احْسَاسْ بِالرِيدْ أحْيَانَا ..
وإنتي الفَرَحْ الشَالْ الغَمّة الفِي عِينِينَا ..
وإنتي الجُرحْ الغَوّر غَوّر فِي أعْمَاقْ أعْمَاقْنَا .. ومَا خَلاّنا

مع تحياتي ..فريد عبد الحميد الطاهر

up

تسلم كتير يا فريد ود المسيد , كلمات جميلة رائعة وجذابة واصل هذا العطاء وهذا الجمال وسنكون

دائماً متواجدين لنقراء لك .

أخي هشام
ممنون كتير على هذا الإطراء
متمنياً أن تجد كتاباتي القبول دائماً
وأن أكون من المساهمين الفعالين في البورد
مرورك أفرحنى جداًً..تسلم يا أستاذ

Quote: وتَغسِلْ مِنَنَا .. حُزْن الأَلَم الكَانْ هَدَّانَا .. وإنتي سَمَانَا البِحضِنْ .. نَجْم اللَيل الشَاهِدْ لي أَفْرَاحْ دُنيَانَا .. وإنتي الوَتَر الأوَل .. فِي نَغَماتْ الحُسنْ بِيصدَحْ .. رَغمْ القَسْوة وبيهو بِنَفرَحْ ومَا هَمّانَا ..

الرائع / فريد
شكرا لكلماتك الرائعة و أنت تغسل بمطرها .. مطرها دواخلنا

كل الحب و التقدير

Quote: أحمد النور منزول . تاريخ التسجيل: 03-11-2006 مجموع المشاركات: 130 Re: قصيدة جديدة ...يا ممزوجة بداخلي وما لاقيكي ... (Re: فريد ودالمسيد) Quote: وتَغسِلْ مِنَنَا .. حُزْن الأَلَم الكَانْ هَدَّانَا .. وإنتي سَمَانَا البِحضِنْ .. نَجْم اللَيل الشَاهِدْ لي أَفْرَاحْ دُنيَانَا .. وإنتي الوَتَر الأوَل .. فِي نَغَماتْ الحُسنْ بِيصدَحْ .. رَغمْ القَسْوة وبيهو بِنَفرَحْ ومَا هَمّانَا .. الرائع / فريد شكرا لكلماتك الرائعة و أنت تغسل بمطرها .. مطرها دواخلنا كل الحب و التقدير

اخي أحمد النور
كم أنا سعيد وكلماتي تجد طريقها لقلبك
تحياتي للمرور المفرح

العزيز فريد..

سلام ومحبة وشوق

ألف حمد لله على السلامة..

وتحياتي لنصك الحلو..

Quote: العزيز فريد.. سلام ومحبة وشوق ألف حمد لله على السلامة.. وتحياتي لنصك الحلو..

رجاء والله دائماً في سيرتك مع نصفي الحلو
وكل ما نشوف الصور نتذكرك
وينك .. عشمانين في زيارة تانية

تحايا وأشواق وسلام وكلام ...

قصيدة رائعة

Quote: قصيدة رائعة

أخي عبد اللطيف أشكرك على الإطراء
وسعيد بحضورك

ايوة كده ..خلى ايامنا افراح

Quote: إِنْتِي الخَبَرْ البِفْرِحْ مِن السَافِلْ جَانَا ..

تخريمة اخوية:
كل ما افتح البورد ...عزاء لود المسيد فى وفاة ....

بالمناسبة انت مسئول من جميع وفيات المسيد (عارفهم اهلك )

Quote: ايوة كده ..خلى ايامنا افراح Quote: إِنْتِي الخَبَرْ البِفْرِحْ مِن السَافِلْ جَانَا .. تخريمة اخوية: كل ما افتح البورد ...عزاء لود المسيد فى وفاة .... بالمناسبة انت مسئول من جميع وفيات المسيد (عارفهم اهلك )

أخي حيدر ربنا يجعل أيامك كلها فرح
تخريمتك بدون إشارة عليك مخالفة
الحق ألغيها أوأدفع

تحية أخوية

بسم الله الرحمن الرحيم

فريد ود المسيد


القصيدة رائعة ... تعبر عن إحساس صادق ...

شَوقِي اليك أثار كامن لَوعَتِي..
حَنًتْ إليَك يَراَعتِي وكَمانِِ
ألقَاكْ فِي دُنيَا الخَيَالْ قَصيَدة
دفَاقة بََدويِة الأَلَحانِْ




ولكم الود
وصال عالم

أخي الحبيب
ود المسـيد

أشـواق أكوام

طالت غيبتك

تحياتي للمـدام وسـيد البيت الجديد

وبعد التحية

أنت كما أنت وسـتظل
لم ولن تتغير

نفس الاحـلام والرقة
شـفافية الروح


مودتي التي تعرف


إسماعيل حميم



.

فوووووق

هواء نضيف

سلامات يا فريد .

يا فيصل نوبي ده ما هوا نضيف

ده نسيم عليل يشفي

العليل

-

تحيه قلبيه لاخى وصديقى فريد
الذى كان من البورداب القلائل
الذين التقيتهم ابان زيارتى
لدولةاالامارات فاحتفى بى ايما احتفاء
هذا النص جميل ومعبر يمتزج فيه العاطفه
والحنين للمحبوبه وربما كان يحمل بين
ثناياه رمزية يعلم الشاعر مراميها
شعر مريح يعكس استقرارا داخليا
فى النفس
شكرا فريد على هذا الجمال

ولك محبتى الخالصه