Post: #9 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-30-2007, 07:01 PM Parent: #8
>> أحمد فؤاد نجم >> هما مين واحنا مين
هما مين واحنا مين
هما مين واحنا مين
هما الامر والسلاطين
هما المال والحكم معاهم
واحنا فقرا ومحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!!
Post: #10 Title: Re: عواطف ادريس اسماعيل من شعر أحمد فؤاد نجم Author: معتز القريش Date: 05-30-2007, 08:32 PM Parent: #9
????????????????
نفسي اعرف زي البقية ... هذا الدكتور الذي لا يجيد غير النسخ واللصق
Post: #11 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-30-2007, 09:16 PM Parent: #10
>> أحمد فؤاد نجم >> الأخلاق
الأخلاق
مناعه ارزاق
جلابة ارزاء
يا سخامه يا لطامه
ياللى اسمك اخلاق
ازيك وايش حالك
ايه اخر الانباء
دجوكى ؟
سلخوكى ؟
خلوكى اشلاء
ما انا قايل وسمعتي
بس انتي اللى طمعتى
فى بلدنا يعوزكي
مسكوكي دقوكي
بدماغ الدقماق
بالقاضيه الفنيه
صرعوكى السجانه
حبوسكى
فى قضيه
مرفوضه وخسرانه
والتهمه الجنائيه
اكمنك انسانه
وخدوكى الشرطيه
وعساكر هجانه
وابولكنه فرنساوي
طبال ومغناوي
بيغنى اشتراكاوى
والعالم طرشانه
وابو عسكر حرميه
بيبرطع فى تكيه
ويقول اشتركيه
والناس
لسه جعانه
يا هبيله يا فضيله
يابتاعه المهابيل
بلا وكسه
بلانيله
بلا هفه مخاليل
دى بلدنا
ولا حولا
ما بقاش فيها علاوله
وعوضنا على المولي
فى ولادنا الشماليل
يادينا ورجلينا
اسسنا وعلينا
وعملنا اللى علينا
جيل يطلع ورا جيل
ويقول ابنوا لبكره
والبنى ادم ذكري
نتحمس للفكرة
من كتر التطبيل
واخيرا ولا اخر
اخلاقنا بتتاجر
ومهازل
ومساخر
وهزيمه
وتضليل
Post: #12 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-31-2007, 07:53 AM Parent: #11
>> أحمد فؤاد نجم >> الثوري النوري
الثوري النوري
حلا ويللا يا حلا ويللا
يا خسارة ياحول اللا
الثورى النورى الكلمنجى
هلاب الدين الشفطنجى
قاعد فى الصف اللأكلنجى
شكالاطه وكراميلا
***
يتمركس بعض الأيام
يتمسلم بعض الأيام
ويصاحب كل الحكام
وبستاشر ملة
***
ياحلولو لو شفته زمان
مهموم بقضايا الانسان
بيتكتك لا تقول بركان
ولابوتاجاز ولا حلة
***
ايش حالك ياجريبى اليوم
وايش جاب التفاح للدوم
وايش جاب الأوضة ف بدروم
للعربيه وفيللا
***
جرانين ومسارح وادارة
ومعلق طبلة وزماره
يسلك أهو بيزمر
يعطل يجيبوا له المنفيلا
واترستق هلاب الدين
بقى عاقل جدا ورزين
ويا عينى علينا يا مجانين
عشنا ومتنا بعله
Post: #16 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-31-2007, 01:27 PM Parent: #10
معتز القريش ????????????????
نفسي اعرف زي البقية ... هذا الدكتور الذي لا يجيد غير النسخ واللصق
no and الساقط لا يسقط
Post: #13 Title: Re: عواطف ادريس اسماعيل من شعر أحمد فؤاد نجم Author: ود العجمى Date: 05-31-2007, 08:19 AM Parent: #1
جميل جدا يا دكتور
هذا الأحمد فؤاد نجم .. انسان لا يتكرر ابدا
واصل يا دكتور . نحن متابعين
تشكر
Post: #14 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-31-2007, 08:49 AM Parent: #13
ولد أحمد فؤاد نجم في مايو سنة 1929
عمل نجم في معسكرات الجيش الانجليزي متنقلا بين مهن كثيرة كواء..لاعب كرة.. بائع ..عامل انشاءات وبناء.. ترزي. و في فايد و هي احدى مدن القنال التي كان يحتلها الانجليز التقى بعمال المطابع و كان في ذلك الحين قد علم نفسه القراءة و الكتابة و بدأت معاناته الطويلة تكتسب معنى. و اشترك مع الآلاف في المظاهرات التي اجتاحت مصر سنة 1946 و تشكلت اثناءها اللجنة الوطنية العليا للطلبة و العمال. يقول نجم: كانت أهم قراءاتي في ذلك التاريخ هي رواية الأم لمكسيم غوركي, و هي مرتبطة في ذهني ببداية و عيي الحقيقي و العلمي بحقائق هذا العالم, و الأسباب الموضوعية لقسوته و مرارته. ولم أكن قد كتبت شعرا حقيقيا حتى ذلك الحين و انما كانت أغان عاطفية تدور في اطار الهجر و البعد و مشكلات الحب الاذاعية التي لم تنته حتى الآن...
و في الفترة ما بين 51 الى56 اشتغل شاعرنا عاملا في السكك الحديدية. وبعد هذه الفترة بدأ في نشر دواوينه سجن عدة مرات بتهم مختلفة ومازال نجم يسكن حجرة متواضعة في حارة حوش قدم
Post: #15 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 05-31-2007, 10:38 AM Parent: #13
ود العجمى جميل جدا يا دكتور
هذا الأحمد فؤاد نجم .. انسان لا يتكرر ابدا
واصل يا دكتور . نحن متابعين
تشكر
thank you
Post: #17 Title: Re: عواطف ادريس اسماعيل من شعر أحمد فؤاد نجم Author: Mustafa Mahmoud Date: 06-01-2007, 07:08 AM Parent: #15