الدنيا ليل

حنين للوحدة
بعد اغتراب من بفلو المدينة التى انتمى ايها قسرا

رجعت الى الكبسولة



كانى المفضل لمشاهدة تلك المدينة المحتضرة
الا من بقايا انوار
ومساحات تحاول
ان تكون


الدنيا ليل

حمنى شجن خاص الى لحظة انفراد من زحمة الدنيا

ومراجعات

سايبة

وتقليعة
للكتاتبة عن
وطن تانى

واحساس متكوم جواى

قدامى وتحت نظرى

تفاصيل مدينة

تهوتنى تفاصيلها

ولكنى

متنازع

بين اكون
او لا



جحر صغير فيه ملفات للذكرى


وا حزنى لمن اتخيل انى

امنيت

لو كنتى معاى

والدنيا ليل


حاولت استلف منك

مساحة ضوء
عشان اشوفك
لحظة

واتميت

تموت جواى طلعتك

وتكونى
آخر طلة

يا غابة

يا نخل

يا ضل



بحلم بيهو




ما الدنيا ليل

متسكع

فى تلك المساحات
شايف ظلال حزنى

مقامات

فرحك


وجنتيك
نديانة


حاولت

ارسم
فى خيالى
لو

تكونى

مشروع

فرح

منسى

واحتمال

لغد

ممنوع

خالفت القوانيين
عشان

ارسمك

فى خيالى

واحمل
على رشفة
الكاس قصتك


ممنون اكون

منتمى
ليك

جا جميلة

حكايتى معاك



الليل
والظلام

وحوار

ممنوع شوفك
فى الوضوح

آمرق الدواخل
غضبك جميل زي بسمتك

وحلمت بيك
نص فيه شبهى

وبعض من تخيل



وفرحت بيك


ذى

انى ما عرفت لفرح المساحة
الا فى عنوانك


وجلست محتار

بين يالى

ورغبتى

ما كنت مقترح للفرح

وين
اجيك

يا مقترح

للفرح

يا مستحيلة

وجميلة

يا ملهمة

للغنى



والدنيا ليا؟؟

الموصلى الجميل

منك حاولت ان استلف الكلام

والنغم

يا استاذ

خلينى


اتفسح تحت نغمك

وفنك

احاول

ان ارسم بعض التفاصيل


وانت
نخلة وظلالك

جد

مبتعث
ورسمت فيك الذكريات

وختمت بيك الذكريات

ما مشتهيك

وعارفك محال

بقى كم العمر

قررت

ما اساوم
لا اقترح للروح

غيرك

عارفك

محال

لكن غصب
منيت
روحى بيك


وهزمت جواى واقعك



يا مشهيك

فى ليل

داكن

قمر

مقترح الكلام
حولك

محاولة

للغنا

وترديد
للنشيد

السلام


ومحاولة

لرص الحروف

منظومة تاخد

منك الشكل

النغم

واشتهيتك

وانى متأكد


اشتهائى
اليك حرام

واصطفيتك

دون خلق الله

غرام

كنت
نجمة

كنت

بسمة

وكنت طلع

فوق الخ

رسمة

وكنت

حاجة

وكنت فعل


وكنت ماضى

وكنت
حاضر



واشتهيتك

رغم عجزى

والمحال

(ما اصلو ريده اصبح حياتى)



لو حاولت ارسم
تفاصيلك

حروف للاغنيات

كان الكلام عاجز

وانك

يا جميلة

محال اجد
فى التصور


وعاجز كلامى

واللحن بصورك

شرنوبي الجميل واصل ونحن معاك مستمتعين ومبسوطين .

هاشم
سلام

ده كان وين من زمان يا أ/ شرنوبى

واصل وتلقانا مستنين

شرنوبي !

الدنيا ليــــــــل غربه ومطر
وطرب الحزين وجع تقاسيم الوتر
شرب الزمن فرح السنين
الباقي هـداه السفر
يا روح غناي الغربه
ملــــت من شقـــــاي
وغربتي في ليــل عناي
ياروح غناي الغربه ملت من شقاي
حاضن أساي بشوق سنين
الوحشــه ملت من أساي
مدي السنين لا غنوه لا وداد
يبدد حســرتي غير الدموع
ياملهمه!!
الغربه مره ومؤلمــــــــه
قول النيل ضفه ضفه والأمسيات لمَاتصفي!
النسيمات البتأخد من عفاف ريدتنا عفه!
لوشوقي يفيض بحـــر؟
شوقي شوق مضيع ضيعوا الليل والسفر!
لاينابيع ريدي جفت لا ولا أشواقي خفت!
كل يوم في الغربه زايده بيها كل الدنيا!
؛؛؛عــــــــــــــرفت؛؛؛

عبد الدايم

ضائع

فى الغربة

هى محاولات يائسة لم الروح تحرق

والله يا عبد الدائم لم البورد ده ابتدى

كانوا فيه ناس حلوين

كانت مساحة ومنتدى

للتعارف والانفعال

وكانت هنالك اسماء قمم

يعجبوبك لمن يكتبوا

وكنا فى ساحة للكلمة الرصينة
حتى فى الاختلاف

ولكن الله يجاذى الكانوا السبب

مجدى

فعلا

غربة

وليل

ومطر

مواعيد مع الحبيبة
عبود

المكان قرية نائية فى اقصى الشمال .. قرية لا تعرف البغضاء غير العشق
وسهر الليالى على اوتار انغام ابنها حسين وقيع الله... تجمع الحلة ليلا بمناسبة وبدون مناسبة حول حلقة الطرب.. حتى المديح له لون خاص لمن يكون فى مسيد فركى ويكون اولاد سيد عبد الجليل هم المنشدون... وكم اتذكر احمد بدر.. وهو يجادل خيالنه فى الدين وامور الدنيا بعقلية فلسفية.. ويجادل.... وحتى اروضة سيد (توبا) تلك التى كانت بمثابة الام والحبوبة الشفوقة..... اسماء رسمت فى الفن النوبى ملامح واضحة منهم الفنان سيد ادريس اول من تغنى ب يا ملاك الله ليل الله.. والذى ابدع فى الوصف واستخدام العربية فى صلب اللغة النوبية

حين كان يردد
جمالك زينة فوق زينة
صدرك للسفن مينا
ليه منو ياربى تحمينا

وتحلو الجلسات فى ايرة مع صالح بلول
وعابدين عازف الطنبور الرائع......

وحسين الفنان معه سيد ادريس

وتبدأ اللية عفوية بمقترح اغنية جديدة

اتذكر جيدا الاستاذ عباس كسرونجة ذلك الملتهب..
الفنان الذى صودر منه حق التعبير كونه كان معلم

واتذكر تماما عبد العزيز كسروجة (البصير)
ذلك الذى جمع بين فن التجارة واحياة

وخليل حسين كاكجوكا البارع فى طب الحلق وقطع الريشة

اتذكر ذلك النحيف

ذو الصوت الخافت الساخر

واحمد زهرة
الرجل الهادى

وعبد العزيز شده التاجر الماهر

لنبدأ من هاشين مع سيدى سعيد

وفتحية سعد الدين
وفاطمة جلال
وفقير مصطفى

ونعرج جنوبا
الى عبدل اركى

حبوبة جارة شريف

وبلقيس

وزوجة ابى بيسه

واسمة

والجميز

وشجرة الدوم

اريا فرح

وعباس الطاهر الفنان
وفاطمة محجوب ام الدنيا
وكريمة سعيد

وجدى احمد
امين

وبدر امين

وحسن
بدرى
ولولو

والقامة شبلى سعيد

وعمى محمد احمد

وفارس

ومحمد فارس

ونكشة

وبخت الرضا
واحلام

وسرى
وشمسى

وحسونى حبيب الكل
نحدف جنوبا الى دكان احمد بدرى

وتوبا

ونصر جارة

جارة سلمى

وقبضة

ستون

وحرمين الحنونة
وبابة حرمين
واحمد شده

ود. حسن عبد العزيز

ومحمد

ود. احمد

ونفيسة

ونعمات
وسميحة المكلومة

وصديقى الذى اعتز به فتحى شده

وعرك الدين
ومرغونى
وعاشة بابة

وعبد النبى

واعرج الى فركى

عبدو كسروجا
وجمال سيد ومخار
وجمال
والبوسطجى محمد
والاستاذ عباس

وفيها محور اصدقاء طفولتى

سيد جمال
محمد جمال

عبد الجليل
وشريف ياسين

ولا انسى الانسان الريق حسن شريف وقريبتى شريفة عاشة

وفاطمة

وسامية

ومحمد

لارجع لاتذكر لعبد اركى

فى حوش حبوبتى عاشة هوشلا
امنة فرح

وسرى

وذنب


واتذكر مجوب عثمان

ومحمد سيدى

وعبلة

ومبروكة طماية


هى دائرة التكون للمعرفة والتعامل
وهنا كان عشقى الاول
حين حاولت ان اتابع هؤلاء القوم الجميلين

وغنيت

فى طفولة مبكرة

اشرى اشرى اشرى وو دسه الوقول نلوقى السى
ليمون قلى وو دسة
..

ولا انسصى عمتى الاستاذة سميرة محجوب التى كانت لى كمعلمة راقبت عن كسب

حالة تطورى

واكن لها

احترام

اسماء كثيرة

مما ذكرتهم سابقا رحلوا عن الدنيا

ولكن ذكراهم باقية

فى وجدانى لهم الرحمة

فقير مصطفى

جبانة او مدافن

تقع جنوب حلتى كدية على حدود الجنينة التى يمتلكلها والى

تقع على شرق الطريق الرئيسى (طريق العربات)
كنت امر يوميا بها اكثر من عشرون مرة
ولا ابال

ولكن بعد الغروب ان تشق المقابر

يعتريك رهبة


كان عمى حامد
وانا يوميا بعد وجبة العشاء بعد الممغربية من دون افراد الاسرة
نتوجه جنوبا


ملحوظة وجبة العشاء تقدم بعد غروب الشمس مباشرة
والساعة الثمانى للعاشق النوبى لحظة سهر

اولم تسمع

الشاعر الذى تغنى

ساعة تمانيا بالليلا قمر الروسيا تنجيلا

ايوكى فقى ىقمنى

يعنى فى تام الثمانة ليلا

حين يمر القمر الروسى

انا الوحيد المساهر

فى القرية..
لكن عمى العاشق حامد

كان يتحرك من نبى
واكون فى انتظاره بحرقة فى كديه

هو عمى شقيق والدى الاصغر

وكنت اعيش فى حلة بها ثلاث بيوت

لاخوان اشقاء

حين يسمعوا حركات قدم اخوهم الاصغر

يتململون
وكنت على اهبة ااستعداد

لالحق بعمى

لكى ابدأ قصة ليل
فى عبود الحبية

رهبة فقير مصطفى

كانت فى رحلة الرجوع على مشارف الصباح

احساس غريب

ورهبة وانت تشق

القبور..

وامنة توما


واحمد اروم (الاسود)


وحسن محى ادين
واندى الصغير

وشرفد الدين سيد على

ومحمد سليم

وفاطمة احمد عيسى زميلة دراستى فى مدرسة فركة

وونجم الدين خليل
وشرف الدين محمد على

واندى ادريس الفان


شاعر ورد موز وو حبيبنى

بوعبد الرحمن عيسى

ومحمد

عوض

ومحمد حامد عوض الله

واسماء فى تجول فى الذكرى

هى عبود التى منحتى حق ان احلم بحياة فاضلة

وخليل كجبا

وحسين سكرة

وسليم

وجواهر

وقريبتى معراجة

وعمى محمد بدر

وشمس الدين

وعبد الكريم


وفيصل محمد عثمان

وجلال هاشين

وموزا عمتى

وابراهيم

وابو

وزينو

وشوشو

وابتسام

وحنان

واحلام فارس

وسعيدة


وعبد الرسول فارس

وفاطمة فارس



وبدر امين مرة تانية لانه الهرم الذى اعطانا حق التحرر من مفاهيم القداسة