.. الهلال قاهر الكبار .. من هم الابطال اللذين هزمهم الهلال

خلال مشاويره الطويلة وضعت الاقدار الكروية الهلال امام فرق كبيرة وعظيمة شانها شان الهلال ولم يهن الهلال ولا كان صيدا سهلا بل تصدى لمهمة تمثيل السودان فى البطولات الافريقية وخاصة بطولة الاندية الافريقية للابطال الكبار والتى صارت حكرا له فى السودان على مر السنوات الماضية باعتباره بطلا للسودان ورغم العثرات التى اكتنفت مسيرة الهلال فى بعض الجولات الا انه لا ينكر الامكابر النتائج التى حققها الهلال امام عتاولة الكرة الافريقية مهما علا شانهم وتعاظمت قدراتهم الكروية تاريخيا وميدانيا
وقد كان من قدر الهلال دائما ان يواجه الاقوياء ولا يفت فى عضد الهلال عدم حصوله على لقب البطولة الافريقية الكبرى لان طريق الهلال دائما ملىء بالمطبات والمواجهات الصعبة وما بلوغ الهلال الى المباراة النهائية مرتين عامى 87 و92 الا دليل على قدرة الهلال مقارعة الكبار بحسبانه واحدا منهم ويشهد التاريخ ان دورى الابطال لم يشهد فى ذروته يوما فرقا من شاكلة القطن التشادى والا اف سى مدغشقر ولا حتى المطابع الصومالى الذى يعيرنا به البعض كونه هزم الهلال ويتناسون ان فريقا مثل اوتالى فاز على المريخ بالاربعة وكذلك البيرة الكينى والجواميس الزامبى ويتجاهلون فى نفس الوقت ان فرق مصر صاحبة الارقام القياسية فى البطولات الافريقية تجرعت مرارة الهزيمة يوما ما امام فرق البن الاثيوبى والبحر الاحمر الارتيرى فى مراحل متقدمة مثل دور ال32
ولا يعيب الهلال ان يخسر امام فرق مثل الاهلى المصرى او الترجى او التونسى ولا حتى اسيك العاجى الذى هزم المريخ 2- صفر قبل شهرين فقط ابان احتفالات الاتحاد الافريقى بيوبيله الذهبى فى الخرطوم ولا يعيبنا ايضا ان نخسر امام شبيبة القبائل الجزائرى فكل هذه الفرق هزمناها فى يوم من الايام ورجعت امام الاهلة خاسرة محسورة فى الميدان وليس على صفحات الجرائد وفى بطولات رسمية وهى ليست باى حال مثل بطولات الايام المفتوحة وكوؤ س الليلة الواحدة وبطولات ما انزل الله بها من سلطان ولا حتى الاتحاد الافريقى
الهلال عظيم فلماذا الاستهانة به اوان لم يكن الهلال عظيما فما الذى يضعه بين الكبار ايا كان تصنيفه كما يزعم الزاعمون ولو لم يكن الهلال عظيما بقدر عظمة السودان وعشق اهله لكرة القدم فكيف له ان يكون على الدوام بين الكبار ولماذا هو دونا عن الاندية السودانية يحمل عبء مواجهة الكبار والارقام الصعبة والاسماء المخيفة التى تجعل الرعب يدب فى القلوب بمجرد سماع اسمها
لماذا يسعى البعض لكى ينالوا منا ويجرحونا فى مشاعرنا واعز ما نملك حيث تهوى قلوب وافئدة اكثر من نصف الشعب السودانى لماذا تستهدفونا فى هلالنا وشرف امتنا العظيمة
شخصيا اشجع الهلال ولا اكره المريخ فهو صنو الهلال وفيه عز للكرة السودانية فى مداره الخاص وقد تجرفنى المكايدات يوما ما والمناكفات الرياضية التى جبلنا عليها لاغاظة اخوتنا المريخاب ولكن ليس النيل منهم ولا التقليل من حجم المريخ ولا انجازاته وليسمح المريخاب لنا ان نقول لهم ان الهلال عظيم عظيم وكبير وقد تنكر العين ضوء الشمس من رمد فما ذنبنا نحن اذا اصاب البعض العمى الليلى وحمى الضنك
وبموضوعية شديدة هاكم اسماء الاندية الكبيرة جدا التى هزمها الهلال وتخطاها رسميا وليس مجرد الفوز فقط وعلى الاقل خلال العشرة سنوات الماضية وانتو يامريخاب برضو ادونا قائمة الاندية الكبيرة والسماء التقيلة التى فاز عليها المريخ وعلى الاقل سوف يخرجنا ذلك من قعقعة الكلام المسلح بترسانة الدمار الشامل ويقدم معلومات تاريخية وليس مجرد تراشق بالكلمات .. والبيان بالعمل
الدفعة الاولى

1 الاهلى المصرى
2 الزمالك المصرى
3 الاسماعيلى المصرى
4 شبيبة القبائل الجزائرى
5 الاشانتى كوتوكو الغانى
6 كانون ياوندى الكاميرونى

علما بان ثلاثة من هذه الفرق تعتبر هى الافضل تصنيفا فى بطولتى الابطال والكونفدرالية الحالية وعلى راس المجموعات وهى الاهلى والاسماعيلى

نواصل

واصل يا تيتاوي ..
في ناس هنــا الظاهر لي نست الناس ومحتاجة لي فرش متاع ..
واصل بلاي متعــم ..

تمبس الهلالابى الاصيل

البعض ينسى والبعض الاخر يتناسى مع سبق الاصرار والترصد
ولبث الاحقاد التى لاطائل من ورائها لانها لن تلغى تاريخ
الهلال
وللاخوة فى حركة ( كفاية ) التى تطالب بوقف انتصارات
الهلال المحلية الافريقية ليس من داخل الميدان وانما من
خلال المنشورات السرية واحلام اليقظة نقول لهم ان مسيرة
الهلال وتاريخه البطولى لا يحتاج الى تزكية من احد فهو
الهلال ( سيد الاسم ) الذى يكفيه تاسى الاخرين به فى مشارق
الارض ومغاربها بدءا من الهلال السعودى فى الشرق وانتهاء
ب هلال الناضور فى المغرب على ضفاف الاطلسى

تيتا وتمبس وهلالاب بلاحدود..
واصل وتيتاوي وهلالنا دائما مدهش واصيل وضارب جووووووه وبرررررررره

صديقى الهلالابى الجميل
عبد الكريم كيكى

عظمة الهلال يااخى كيكى لا تحتاج لتنظير كثير فكم من
الاندية فى السودان التى واجهت فرقا كبيرة مثل الاهلى
المصرى وكانون الكاميرونى وعبرتها فى البطولة الافريقية
الكبرى من فى السودان غير الهلال الذى تمكن من اقصاء
الاهلى المصرى فريق القرن الافريقى وصاحب الرقم القياسى
فى الفوز بالبطولات الافريقية والسوبر الافرواسيوى بل
فى بطولة العالم للاندية
من اقصى الاهلى غير الهلال وياترى كم فريقا غير الهلال
تمكن من هزيمة الاهلى فى عقر داره باستاد القاهرة
بين حشود مناصريه التى بلغت السبعين الفا من سوى
الهلال واخيرا برشلونة لان ريال مدريد فريق القرن خسر
من الاهلى 1-صفر فى مباراة القرن قبل سنوات مضت
من غير الهلال
هل من مجيب

يا تيتا كيفنكم
للأسف كل الأحبة هنا رشاشات
حصل يا راكوبة

الريس الجميل طارق جبريل

Quote: يا تيتا كيفنكم للأسف كل الأحبة هنا رشاشات

ياحبيبنا الرشاشات ولا الرجافات

طالبنافقط باسماء الفرق
الكبيرة التى تغلب عليها المريخ
ولازلنا فى الانتظار واخشى ان يطول

African Cup of Cup Winners (Caf - 1989)


Preliminary Round
Moneni Pirates Swa RL Defence Force Les 2-0 0-1 2-1

First Round
ASI Abengourou IvC UDIB (Bissau) GBi w/o x
Al-Merreikh Sud Al-Ahly (Tripoli) Lby w/o x

CO Kakande Boké Gui CA Bizerte Tun 0-0 0-1 0-1
Coastal Union Tan Costa do Sol Moz 2-3 0-2 2-5
Diamond Stars SLe Bendel Insurance Nga 0-0 0-2 0-2
Dynamos (Harare) Zim BFV FC Mad 0-1 1-1 1-2
Etincelles Rwa Vital'O Bdi 1-0 1-1 2-1
AS Fonctionnaires BuF ASC Linguère Sen 1-0 1-2 *2-2
Gor Mahia Ken Nakivubo Villa SC Uga w/o x
Liberté FC Nig USK Algiers Alg 1-0 0-4 1-4y
Moneni Pirates Swa Power Dynamos Zam 1-1 0-5 1-6
Panthère Bangangté Cam LPRC Oilers Lbr 0-0 1-2 1-2
Stade Malien Mli CO Transports Tun 3-0 0-0 3-0
USCA Bangui CAf FC Kalamu Zai 3-3 0-2 3-5
Union Vesper EqG Patronage Sainte Anne CoB 0-1 0-2 0-3
Vantour Club Mangoungou Gab Sagrada Esperança Ang 1-0 1-3 2-3

x UDIB, Al-Ahly (Tripoli) and Nakivubo Villa SC withdrew before 1st leg
y USK Algiers were later renamed USM Algiers

Second Round
ASI Abengourou IvC LPRC Oilers Lbr 3-2 0-2 3-4
BFV FC Mad Power Dynamos Zam 1-2 3-1 4-3
CA Bizerte Tun Al-Merreikh Sud 1-0 0-2 1-2
Costa do Sol Moz Gor Mahia Ken 1-2 0-0 1-2
Etincelles Rwa FC Kalamu Zai 0-0 0-1 0-1
AS Fonctionnaires BuF Bendel United Nga 1-3 0-2 1-5
Patronage Sainte Anne CoB Sagrada Esperança Ang 2-1 0-0 2-1
Stade Malien Mli USK Algiers Alg 1-0 0-1 1-1 3-4p

Quarterfinals
Al-Merreikh Sud Patronage Sainte Anne CoB 2-0 1-1 3-1
Bendel United Nga FC Kalamu Zai 2-0 1-0 3-0
Gor Mahia Ken LPRC Oilers Lbr 0-0 3-1 3-1
USK Algiers Alg BFV FC Mad 1-3 n/p x
x USK Algiers withdrew after 1st leg

Semifinals
Bendel United Nga BFV FC Mad 4-1 0-0 4-1
Gor Mahia Ken Al-Merreikh Sud 1-0 0-2 1-2

Final (Nov 25 and Dec 9)
Al-Merreikh Sud Bendel United Nga 1-0 0-0 1-0




alhilal is is a great team and we love it when represnt sudan, but we want somthing like this from CAF record

suliaman mohamed

Quote: alhilal is is a great team and we love it when represnt sudan, but we want somthing like this from CAF record

suliaman mohamed
عزيزى احى فيك قولك ان الهلال عظيم وانك تسانده عندما يمثل السودان وعاوز ريكورد زى
بتاع كاس مانديلا فى 89
نحن ايضا نتوق لهذا لكنه يااخى لايبرر تهجم الكثيرين على الهلال وفق هذا المنظور الضيق
طيب ما الكاس التى حصل عليها المريخ كانت موجودة فى سجلات الاتحاد الافريقى عندما صنف الهلال
26 والمريخ 37 ام ان تلك البطولة قبل 18 نة كانت مكتوبة بالحبر السرى واتحاد حياتو عمل
نايم
ولو كان ياخى هذا هو المعيار الوحيد فان الابطال كان سيتم اختيارهم بالتعيين من الكشوفات
القديمة علما بان هناك فرقا حققت انجازات قبل سنوات طويلة وهى الان اى الفرق نفسها فى ذمة
التاريخ او ليس الاورغواى اول بطل لكاس العالم اين هى الان وهل يذكرها احد
نحن ياخى لا نبخس المريخ حقه ولا نقلل منه ونرجوا منكم ان تعاملونا بالمثل وكفى

Quote: وضعت الاقدار الكروية الهلال امام فرق كبيرة وعظيمة شانها شان الهلال

يا رااااجل ديل جابوا كاسات محمولة جواً لبلادهم ، أها هلالكم ده بشبهم في شنو ، ده كاس العرقي بتاع حاجة .... ما قدروا جابوه تقارنوا نفسكم بيهم .. عجبي ...

1 الاهلى المصرى
2 الزمالك المصرى
3 الاسماعيلى المصرى
4 شبيبة القبائل الجزائرى
5 الاشانتى كوتوكو الغانى
6 كانون ياوندى الكاميرونى

7 . كمبالا ستي ....
8. الترجي التونسي ...
9. الهلال السعودي ...

تيتوف
ســـــــــــــــــــــــــــــــــــــلامات يامبدع
صحيح الكبير مع الكبار.
تعرف ياتيتوف قبل فترة كنت بتكلم مع الفاضل سابل عن مباراة الهلال
ونساروا النيجيرى قال لى انت بقيت مرضان , كان ردى انت الخليت عشق الهلال العظيم
تعرف رغم الغربه والبعد عن الوطن اخبار الهلال اول باول الواحد لازم يعرفه من مباريات وديه لى دورى تسجيلات ,عشق الهلال اساسى فى حياة الواحد .
الهلال العظيم قادر على قهر اقوى الفرق والتاريخ مابعيد .
وهلالنا فوق فوق فوق

احمد خدر ياحبيب الهلال

Quote: صحيح الكبير مع الكبار. تعرف ياتيتوف قبل فترة كنت بتكلم مع الفاضل سابل عن مباراة الهلال ونساروا النيجيرى قال لى انت بقيت مرضان , كان ردى انت الخليت عشق الهلال العظيم

الهلال ده ما بتخلى ياخوى ده زى الادوية المنقذة للحياة يعنى لو عندك سكر مش بقولوا ليك
حافظ عليهو اهو الهلال ده لازم تحافظ عليهو ده سكر بس
عافاك الله وحفظك من المرض ومتعك الله بالصحة والعافية ياابورزان

الزعلان
قائدنا الهمام
الكومندا عماد محمود
ياخى مالك محموء اوى كده
نحنا ماغلبنا الفرق الكبيرة دى
واخرجناها من بطولة افريقيا الكبرى
بس انتا ورينا منو من الشجر الكبار
ديل انتو اقصيتوهم
يعنى نحن نقصى الاهلى والزمالك والاسماعيلى
وحرس الحدود وانتو لحدى هسه عقدتكم الفرق
المصرية
ورينا عملتوا شنو مع الكبار
وجيب الاسماء زى القائمة حقتنا دى
بعدين ياعماد الهلال السعودى
زاتو غلبناهو ولا نسيت قون والى
الدين فى البطولة العربية فى القاهرة سنة96
تانى شنو

الحبيب تيتاوى .. تحياتى .... للارشفة والمتابعة

دوري ابطال افريقيا: برنامج ربع النهائي

زيوريخ 28-5-2007 (ا ف ب) - في ما يلي برنامج الدور ربع النهائي من مسابقة دوري
ابطال افريقيا لكرة القدم الذي سحبت قرعته اليوم الاثنين في زيوريخ:
- الجولة الاولى (20 الى 22 حزيران/يونيو):
* المجموعة الاولى: الجيش الملكي - النجم الساحلي (في الرباط)
الاتحاد - شبيبة القبائل (طرابلس)
* المجموعة الثانية: الاهلي - الهلال (القاهرة)
الترجي الرياضي - اسيك ابيدجان (تونس)
- الجولة الثانية (6 الى 8 تموز/يويو):
* المجموعة الاولى: النجم الساحلي - الاتحاد (سوسة)
شبيبة القبائل - الجيش الملكي (الجزائر)
* المجموعة الثانية: الهلال - الترجي الرياضي (ام درمان)
اسيك ابيدجان - الاهلي (ابيدجان
- الجولة الثالثة (20 الى 22 تموز/يوليو):
* المجموعة الاولى: الجيش الملكي - الاتحاد (الرباط)
النجم الساحلي - شبيبة القبائل (سوسة)
* المجموعة الثانية: الاهلي - الترجي الرياضي (القاهرة)
الهلال - اسيك ابيدجان (ام درمان)
- الجولة الرابعة (3 الى 5 آب/اغسطس):
* المجموعة الاولى: الاتحاد - الجيش الملكي (طرابلس)
شبيبة القبائل - النجم الساحلي (الجزائر)
* المجموعة الثانية: الترجي الرياضي - الاهلي (تونس)
اسيك ابيدجان - الهلال (ابيدجان)
- الجولة الخامسة (17 الى 19 آب/اغسطس):
* المجموعة الاولى: النجم الساحلي - الجيش الملكي (سوسة)
شبيبة القبائل - الاتحاد (الجزائر)
* المجموعة الثانية: الهلال - الاهلي (ام درمان)
اسيك ابيدجان - الترجي الرياضي (ابيدجان)
- الجولة السادسة الاخيرة (31 آب/اغسطس الى 2 ايلول/سبتمبر):
* المجموعة الاولى: الاتحاد - النجم الساحلي (طرابلس)
الجيش الملكي - شبيبة القبائل (الرباط)
* المجموعة الثانية: الترجي الرياضي - الهلال (تونس)
الاهلي - اسيك ابيدجان (القاهرة)
0 نصف النهائي (بين 21 و23 ايلول/سبتمبر ذهابا و5 و7 تشرين الاول/اكتوبر
ايابا):
ثاني المجموعة الاولى - اول المجموعة الثانية (مباراة 1)
ثاني المجموعة الثانية - اول المجموعة الاولى (مباراة 2)
0 النهائي (بين 26 و28 تشرين الاول/اكتوبر ذهابا، و9 و11 تشرين الثاني/نوفمبر
ايابا):
الفائز في مباراة 2 - الفائز في مباراة 1
ـــــــــــــــــــ

حبيبنا ابوعكر
لاباس ما سخينا فيك
ويش هالغبرة
عزيزى الكلام بقى حقائق
وليس مجادعات وحنك شديد
ومكنات تقسم فى الهوا الاسفيرى ده
عشان كده ابقوا معانا عشان تجيبوا
لينا الحقائق المثبتة
ولك الود يارفيقى فى الايام الجميلة

Quote: الهلال قاهر الكبار .. من هم الابطال اللذين هزمهم الهلال

Quote: 1 الاهلى المصرى 2 الزمالك المصرى 3 الاسماعيلى المصرى 4 شبيبة القبائل الجزائرى 5 الاشانتى كوتوكو الغانى 6 كانون ياوندى الكاميرونى

PLUS ... ZERO !!! OUTCOME

الأستاذ تيتاوي

تيحة طيبة و سلام

Quote: وما بلوغ الهلال الى المباراة النهائية مرتين عامى 87 و92 الا دليل على قدرة الهلال مقارعة الكبار بحسبانه واحدا منهم

صدقت فإن الهلال هو رفيق الكبار دائما.
في عام 1980 قرر الإتحاد الدولي الإحتفال بمرور 50 عام على بداية كأس العالم و ذلك بإقامة بطولة في الأوروجواي حيث إقيمت اول بطولة في عام 1930. أقام الفيفا بطولة إسمها كأس العالم المصغرة بين الدول الفائزة بكأس العالم حينها و هم ست (البرازيل ، إيطاليا ، ألمانيا ، أوروجواي ، الأرجنتين و إنجلترا).
إعتزرت إنجلترا من المشاركة فحلت مكانها هولندا و ذلك لانها الدولة التالية في تصنيف الإتحاد الدولي لانها وصلت للمبارة النهائية مرتين. وهذه تخبرنا بأن معاريف التفوق دائما هو البطولات الكبرى و الذي يصل مراحل متقدمة فيها دائما افضل من الذي لا يشارك فيها ابدا او يشارك في بطولات اقل منافسة و إلا لكان فريق فنجا العماني هو الاحسن من أجاكس الهولندي او مانشستر يونايتد.


تحياتي لك و لضيوفك الكرام

عمار يس النور
عاشق بخت الرضا
عاشق الهلال

الزمالك المصرى ... هزمه المريخ و ( قلع !!! ) منوالمحمول جوا الثانى فى دبى ...
اشانتى كوتوكو ... هزمه المريخ و رددنا و نحن اطفال هتاف ( نحن برانا بنغلب غانا ) ...
كانون الكاميرونى هزمه المريخ باستاده بامدرمان ٤ / صفر و قبلها ٢ / ١ ...
الاهلى المصرى هزمه المريخ ٣ / ١ عام ٢٠٠١ ...
شبيبة القبائل لا اذكر لها اى مقابلة مع حامل الكاسات الثلاثة المحمولة جوا ( اذا استثنينا كاس افتتاح جامعة جوبا !!! )
و الما عندو قديم ( اكوسلو جديد ! )


عبدالماجد

تيتا الهلالابي سلام(حبيبنا )

كدي مل عيونك في ديل!

ولا عجب في صياااام رجب. ؛؛؛أبوقصي؛؛؛

الاخ المحترم
عبد الماجد انت الوحيد المفروض تكون هلالابى من 19 سنة
لان المريخ يمثل الانقاذ...لذا حفاظا على كرامتك السياسية ابعد عن الكرة..

الاخ الجميل تيتاوى لقد اوفيت وكفيت..

تعرف لو قدر للهلال ان يفوز بكاس البطلولة...دا نصر للمريخ وتاريخ له لابد من الاحتفال به...لانه الدورة القادمة سيكون من ضمن الابطال.. ولكن طالما الهلال مهزوم من هولاء الابطال لا حلم للمريخ فى الجلوس فى كنبة احتطاتى لهذه البطلولة التى تجمع الكبار..


فاذا اراد قبيلة المريخ الاحتكاك الحقيقى..فلابد لهم من تشجيع الهلال والدعاء له
ليل نهار حتى يتكرم عليهم الزعيم بالتمثبل بدله فى البطولة القادمة..
لانه الوصيف ..وهو يكون حامل اللقب..ولا سيظلون فى هولاء فى بطولة الترضية
الى يوم الدين..

عزيزى عبد الماجد
مرحب بيك وسط هذه الكوكبة من الاهلة

Quote: كانون الكاميرونى هزمه المريخ باستاده بامدرمان ٤ / صفر و قبلها ٢ / ١ ... الاهلى المصرى هزمه المريخ ٣ / ١ عام ٢٠٠١ ...

اذا قرات كلامى جيدا ستجدنى اشرت الى الاندية الكبيرة التى
هزمها الهلال واقصاها من البطولة الافريقية وهذا ما لا ينطبق
على المثالين اللذين اشرت اليهما اخى الكريم فكانون الكاميرونى
عندما هزمه المريخ 4- صفر فى مباراة الرد كان يسعى لتسديد فاتورة
مباراة الذهاب التى انتهت لصالح كانون 5- صفر يعنى النتيجة الاجمالية
5-4 لكانون والمحصلة خروج المريخ واستمرار كانون
وبالنسبة للاهلى المصرى الذى فاز على المريخ ذهابا 2- صفر فان مسالة
خسارته 3-1 لم تكن كافية لتاهل المريخ الذى خرج فيما استمر الاهلى
فى البطولة يعنى برضو المحصلة صفر
اما الهلال فقد هزم الاهلى وكانون واخرجهما من البطولة الافريقية
وهذا مربط الفرس وبيت القصيد
تحياتى

عزيزى عمار يس النور
عاشق بخت الرضا
عاشق الهلال
تحياتى لعاشق الجمال والاصالة

Quote: صدقت فإن الهلال هو رفيق الكبار دائما

وهذا ما ليس فيه مجال للمماحكة والمغالطات
فالهلال الذى يظل يشارك باستمرار فى دورى الابطال
كان قدره دائما ان يلتقى بالكبار حيث ان الفرق
الصغيرة والمغمورة لا تقدر على بلوغ هذه المرحلة
علما بان بطولة افريقيا للاندية ظلت حكرا على اندية
بعينها وقد نافسها الهلال بكل قوة ووصل الى النهائى
مرتين وهذا الشرف فى حد ذاته لم يحصل عليه الكثيرون
عدا الفرق التى حققت اللقب اكثر من مرة مثل الاهلى
والزمالك المصريين والرجاء البيضاوى وكانون ياوندى
الكاميرونى

الجميل
abuguta

تعلم اخى الكريم ان الهلال طالما هو بطل دائم للسودان
فان قدره ان يلعب مع الكبار ولا اتذكر فى السنوات الاخيرة
ان واجه المريخ خصوما كبار ومخيفين مثلما يفعل الهلال
طيلة السنوات الماضية فقدر الهلال يااخى ان يهزم الوداد
المغربى فيجد نفسه مضطرا لمواجهة توامه الاخر الرجاء البيضاوى
يهزم الزمالك فيلاقى الاهلى فى انتظاره
واذا كان الهلال بطل السودان ويلعب فى دورى الابطال فمن اين له
بمواجهة الفرق الصغيرة امثال القطن التشادى وبطل جزيرة رينون
يااخى هذا قدر الهلال ونحن فرحانين يهذا الازرق الدفاق مهما
واجه صنوفا من العنت فى مهمته الوطنية لاسعاد قاعدته العريضة
الممتدة امتداد ارض النيلين الابيض والازرق
عافية ياهلالاب

الصديق العزيز عامر تيتاوى

و الله انا طول الوقت ده قايلك مريخابى
تحياتى ليك و للهلال العظيم

صديقى العزيز
خالدمحمدسليمان
رفيق الكفاح

Quote: و الله انا طول الوقت ده قايلك مريخابى تحياتى ليك و للهلال العظيم

ياخالد ربما لانى لا اخوض فى هذا الامر
كثيرا الا عند الشدائد وحملات ( تبخيس الناس اشيائهم )
حبنا للهلال ما بتبدل
ومليون مرحب ياخالد
منبرنا نور

تيتاوي
مشتاقيين

ALGARADABI
اخوى الكبير
القلب الكبير
الهلالابى الاصيل
والله الشوق بحور ما ليها حد
وما ليها قيف
ياخ الجماعة هبوا فينا وعايزين يطلعوا
ابو الهل اى كلام معقولة بس
يعنى الناس الكتار البحبوا الهلال ديل
مالم مجانين ولا عميان
ياعزيزى حب الهلال ما كورة وبس دى مشاعر
جياشة وفياضة ما يدركها الا من تغبرت
قدماهو وهو يسعى بحب الهلال فى الملاعب
وبعدين حب الهلال ما بقى حكر علينا معشر
الاهلة فى السودان فحسب العشق الازرق
انداح من المحيط الى الخليج يعنى
ببساطة كده خلينا الناس ترفع راسا
وتتامل السما الزرقا وتعشق الاهلة
المرسومة فى كبد السماء

كم نظرنا هلال
ماشاقنا غير هلالو
ما اظنو زلال
يروينا غير زلالو

سلامات يا تيتاوي

أوردت صحيفة قوون الرياضية أن الهلال هو أكثر فرق دور الكبار الإفريقي
مشاركة في البطولة الإفريقية الأهم، وهذا لعمري دليل كافٍ على الهيمنة
الزرقاء على البطولات الكبيرة في السودان.

صحيح أنّ الهلال لم ينل كأساً خارجياً رغم مشاركاته الإفريقية والعربية
العديدة، لكن الحقيقة أنه لا زال يسبق نده التقليدي في التصنيف الإفريقي،
وحقق مراكز أفضل منه -بكثير- في المشاركات العربية، وهو الآن ضمن
قائمة أفضل الأندية العالمية مستوىً على الصعيد المحلي والدولي.

خسائر الهلال الكبيرة التي يتندر بها محبو النادي الأحمر لم تكن إلا لأن
الهلال جزء من واقعنا الكروي، نال هذه الهزائم لأنه يمثلنا مع الكبار،
والشاهد هنا أن ملاقاة النادي الأحمر للكبار تنتهي أيضاً بخسائر كبيرة،
الأهلي المصري 1-5 (1993)، كانون الكميروني 0-5 (2003)، لم يلتقِ
الفريق الأحمر بين هاتين الخسارتين الكبيرتين وبعدهما بفريقٍ ذي وزن في
القارة الأفريقية بخلاف الأهلي ذاته وخرج أمامه بفارق الأهداف (2002)،
ومعروف أن الهلال أطاح بالأهلي من دور ال32 في عام 2004.

بدأ الهلال المشاركات الإفريقية قبل نده التقليدي بتسعة أعوام كاملة،
وأزاح عن طريقه فرقاً من العيار الثقيل كما تفضلت، وهو امر يحسب له،
لأنه كثيراً ما تغلب على واقعنا الكروي المرير بإقصاء الكبار؛ واليومَ
تتحدث عنه وسائط الإعلام باحترامٍ كبير رغم وقوعه في مجموعة حديدية،
وكلي امل في أن يحسن القائمون بالأمر في الهلال إعدادَ الفريق البدني
والفني والنفسي وصولاً للغاية المنشودة.

أما ما لا يفهمه محبو النادي الأحمر، فهو أن حب الهلاليين للهلال حب لا
يرجون إزاءه مقابلاً (هو البطولات الخارجية)، هو حب باقٍ ما بقي الأزرق
الجميل، فهو حب بلا علـة، تماماً كما جاء في حقيبة الفن:
شفـنا حبيب بنريدو غير علـة
أهلاً بـــيهو، الهـــلال هلا

سلامات اخى احمد الريح

Quote: أما ما لا يفهمه محبو النادي الأحمر، فهو أن حب الهلاليين للهلال حب لا يرجون إزاءه مقابلاً (هو البطولات الخارجية)، هو حب باقٍ ما بقي الأزرق الجميل، فهو حب بلا علـة، تماماً كما جاء في حقيبة الفن: شفـنا حبيب بنريدو غير علـة أهلاً بـــيهو، الهـــلال هلا

حقيقة كفيت واوفيت ايها الهلالى الاصيل فحب الهلال فينا
ليس مثل تلفون العملة ندفع لنستمتع بالحديث مع من نحب
لاننا نناجى الهلال ونحبه ونجله دونما نقايضه بالبطولات
التى ايضا لم يقصر فيها وقد جندل الفرسان والكبار ردحا
من الزمان
ثم ان الهلال بطل السودان جدير برفع اسمه فى المحافل الدولية
او ليس هو الهلال قاهر الكبار فى مصر والمغرب والكاميرون
ونيجيريا والجزائر او ليس هو الفريق الحاضر الدائم فى نطاق
البطولة الافريقية الكبرى وهو ايضا الهلال ثانى العرب فى تونس
وثالث العرب فى دورى الابطال وتلك هى افضل مراكز يحققها السودان
فى البطولات العربية
ولو على البطولات التى تحقق مرة واحدة وحتى اثنتين لما اصبح فريقا
مثل انجلبرت الزائيرى الذى حقق لقب بطولة الاندية الافريقية عامى
1967 و68 على التوالى نسيا منسيا
بالله عليكم من يعرف اليوم فريقا اسمه انجلبرت

صباحات الورود ..

وتحية بطعم "الهـ أبو الهل ـلال" ..

يا جماعة باركوها وهدؤ اللعب .. وختو الكورة واطـه

كورة الود الرهيف الحريف البرنس .. هيثم مصطفى

فالهلال حقاً نجومه كبار وقاهر الكبار .. وناثر الافراح

شكراً جزيلاً الاخ / عامر تيتاوي




أبو ايمان..

تحية بطعم الود والمحبة
ياابو ايمان

Quote: صباحات الورود .. وتحية بطعم "الهـ أبو الهل ـلال" .. يا جماعة باركوها وهدؤ اللعب .. وختو الكورة واطـه كورة الود الرهيف الحريف البرنس .. هيثم مصطفى فالهلال حقاً نجومه كبار وقاهر الكبار .. وناثر الافراح

كورتنا ارضى ياابو ايمان
لكين فى ناس بطفشوا الكورة
بممارسة الشلاليت والضرب
فى الاناكل
وكل ما نختها واطة يجيك
واحد شايت ضفارى
محتاجين برنس اسفيرى

ربنا يحفظ البرنسيسة
الصغيرونةالحلوة الامورة
وشكرا على الكلام اللطيف

نحن ما بنخشاك يا أهلي لا بنخاف من الترجي.. ليك يا افريقيا جينا وجينا قاصدين التحدي.. المعز حارس عرينو وداريو وريتشارد في التصدي.. في اليمين يوسف بيعكس وبي الشمال جبريل بيمشي.. مهما قلنا في المعلم ما اظن نقدر نكفي.. ضابط الايقاع حمودة شوفتو للمرضان بتشفي.. في الوسط بس شوفوا سيدا يوزع في الباصات ويهدي.. انت أبصم يا علولو وقّع إقرار تاني وامضي.. وما في اخطر من كليتشي وكيف مع قودوين بعدي.. الهلال قوة وإرادة ليهو بالارواح بنفدي.. الهلال قوة وإرادة ليهو بالارواح بنفدي.. الهلال قوة وارادة ليهو بنفدي»...!

هكذا كتب احد شباب الهلال الميامين المتبتلين في محرابه النبيل

نحن ما بنخشاك يا أهلي
لا بنخاف من الترجي..
ليك يا افريقيا جينا
وجينا قاصدين التحدي..
المعز حارس عرينو وداريو
وريتشارد في التصدي..
في اليمين يوسف بيعكس
وبي الشمال جبريل بيمشي..
مهما قلنا في المعلم
ما اظن نقدر نكفي..
ضابط الايقاع حمودة
شوفتو للمرضان بتشفي..
في الوسط بس شوفوا سيدا
يوزع في الباصات ويهدي..
انت أبصم يا علولو
وقّع إقرار تاني وامضي..
وما في اخطر من كليتشي
وكيف مع قودوين بعدي..
الهلال قوة وإرادة ليهو بالارواح بنفدي..
الهلال قوة وإرادة ليهو بالارواح بنفدي..
الهلال قوة وارادة ليهو بنفدي»...!

نمني النفس بالأنتصار يانديدي؛؛؛

؛؛؛أبوقصي؛؛؛

abuguta

Quote: مهما قلنا في المعلم ما اظن نقدر نكفي..

ومهما قلنا فى هلالنا العاجبنا
برضو ما بنقدر نوفى

صديقى الجميل الهلالابى الاصيل
عبد الغفار محمد سعيد
تحياتى

Quote: نحن ما بنخشاك يا أهلي لا بنخاف من الترجي.. ليك يا افريقيا جينا وجينا قاصدين التحدي.. المعز حارس عرينو وداريو وريتشارد في التصدي.. في اليمين يوسف بيعكس وبي الشمال جبريل بيمشي.. مهما قلنا في المعلم ما اظن نقدر نكفي.. ضابط الايقاع حمودة شوفتو للمرضان بتشفي.. في الوسط بس شوفوا سيدا يوزع في الباصات ويهدي.. انت أبصم يا علولو وقّع إقرار تاني وامضي.. وما في اخطر من كليتشي وكيف مع قودوين بعدي.. الهلال قوة وإرادة ليهو بالارواح بنفدي.. الهلال قوة وإرادة ليهو بالارواح بنفدي.. الهلال قوة وارادة ليهو بنفدي»...! هكذا كتب احد شباب الهلال الميامين المتبتلين في محرابه النبيل

كلام جميل ياعبد الغفار وثقتنا فى اولادنا كبيرة والله الكلام ده عجبنى بالحيل
ونابع من القلب والوجدان الهلالى الازرق الذى يعشق الهلال ويؤمن بقدراته ولاعبيه
اصحاب الاداء الجميل والرائع مهما كانت قوة الخصم ومهما علا اسمه وشانه فالهلال
ايضا عظيم وكبير ويخيف الخصوم ودونكم حديث الصحافة المصرية عن قوة الهلال
واعتباره المنافس المباشر للاهلى ولا نريد ان يكون ذلك مبعثا للغرور او تخدير
وتنويم مغناطيسى تمارسه الصحافة علينا ولكننا نريده حافزا للمزيد من الجهد
والاجتهاد والاعداد بصورة طيبة تتناسب مع اهمية وقوة المنافسة التى تجمع اقوى
وافضل الفرق فى القارة الافريقية

ابو قصى المريخابى الجميل

Quote: نمني النفس بالأنتصار يانديدي؛؛؛ ؛؛؛أبوقصي؛؛؛

شكرا ياصاحب الهمس الجميل

سلام تاني يا تيتاوي

كتبت ذات مرة:

"اليونان فازت بكأس أمم أوروبا على أرض البرتغال عام
2004 ورغم ذلك ظلت البرتغال تسبقها في تصنيف الفيفا...
عارف ليه؟ لمحافظتها على مستواها الجيد على مر السنين"

للهلال تأريخ ذاخر بالمشاركات في البطولة الإفريقية الكبيرة،
وله فيها نتائج مميزة تراوحت بين الوصول لمراحل متقدمة
وإقصاء الفرق القوية.

في عام 1966 كانت أولى مشاركات الهلال، وفيها وصل لدور الأربعة
في عام 1987 وصل الهلال للمباراة النهائية، وخسر أمام الأهلي المصري
في عام 1992 وصل الهلال للمباراة النهائية، وخسر أمام الوداد المغربي
ارتقى الهلال عدة مرات لدور الثمانية آخرها هذا العام

تماما كما في المقارنة بين البرتغال واليونان، مشاركات عديدة
للبرتغال ونجوم مهرة ومستويات رفيعة لم تتوج بفوز برتغالي
بكأس أمم أوروبا مقابل ظهور لافت وحيد لليونان.

الهلال أيضا تفرد باختيار أحد لاعبيه (جكسـا) من قبل الاتحاد
الإفريقي ضمن أفضل 30 لاعبا إفريقيا في ال50 عاما الأخيرة.

بالمناسبة يا عامر، انجلبرت الزائيرى (Englebert) تغير اسمه
لمازمبي وهو الآن ضمن الفرق الثمانية المشاركة في كأس الكونفدرالية.

راجع هذا المقال:
متى لعب ما يسمى بالمريخ مع أندية شمال أفريقيا القوية - ...فاروق واحمد الريح؟؟؟

اخى احمد الريح سلامات
اسعد كثيرا بمداخلاتك التى تعتمد بالاساس
على المعلومة والاحصائيات الدقيقة وليس
المغالطات التى لا ظائل من ورائها سوى
اضاعة الوقت لذلك اتمنى ان يتواصل هذا
النهج الذى يؤدى الى كشف الحقائق وازالة
الغبار المنثور على الكثير من الوقائع
المغيبة عمدا فى ثنايا ( المكاجرات ) التى
لن تعود بالفائدة على احد

Quote: تماما كما في المقارنة بين البرتغال واليونان، مشاركات عديدة للبرتغال ونجوم مهرة ومستويات رفيعة لم تتوج بفوز برتغالي بكأس أمم أوروبا مقابل ظهور لافت وحيد لليونان.

والحال ينطبق اخى احمد على الطاحونة الهولندية مؤسسة
الكرة الشاملة والتى اهدت الى العالم لاعبين افذاذ امثال
الهولندى الطائر يوهان كرويف وكويمان وريكارد وخوليت
وفان باستن
بخصوص فريق انجلبيرت الزائيرى او مازيمبى حاليا فان الهدف
من الاشارة هى ان الاسم فى حد ذاته قد ضاع ونسى تماما وشكرا
على المعلومة كما ان الاشارة الى انجلبيرت كانت ايضا
بهدف التاكيد على ان الانجازات التاريخية لا تكفى وحدها وانما
تحتاج الى المزيد من الدعم عبر مواصلة المشوار والحضور
المتواصل فى المحافل الكرروية
والا فانى اتساءل الان عن فريق فى قامة افريكا سبور العاجى
وهافيا كوناكرى الغينى بكل ما لديهما من بطولات وانجازات
فى بطولتى افريقيا اين هما الان وكيف يمكن ان ترد سيرتهما
دون مناسبة طالما انهما لا يحققان الانتصارات حاليا وليسوا
فى نطاق الثمانية الكبار فى افريقيا اليوم

Quote: ان الانجازات التاريخية لا تكفى وحدها وانما تحتاج الى المزيد من الدعم عبر مواصلة المشوار والحضور المتواصل فى المحافل الكروية

وخير دليل على ذلك يا تيتاوي أن السودان فاز بكأس الأمم
الإفريقية عام 1970، أما ساحل العاج -بكل تأريخها الكروي
ونجومها العالميين فلم تنل هذا الشرف أبدا! وعلى الرغم من
هذا فإن ساحل العاج تحتل اليوم المركز 25 في تصنيف الفيفا
بينما يقبع السودان في المركز 114 فهل شفع له فوزه بكأس
إفريقيا قبل 37 عاما ثم غيابه عن المشاركة فيها منذ عام
1976؟

كما تفضلت يا تيتاوي، لسنا هنا للتقليل من شأن أحد و
انجازاته لكننا نعمل على وضع الأمور في نصابها الصحيح.
فوز ندنا التقليدي بكأس الكؤوس عام 1989 إنجاز مشهود
ومفخرة له، ولكن قدر الهلال أوقع به في المرتين اللتين لعب
فيهما المباراة النهائية أمام أقوى فرق شمال إفريقيا
(الأهلي والوداد) ولم تكن خسارته أمامهما إلا انتصارا
للمنطق الكروي، رغم أن الهلال عاد وثأر من كليهما
عندما أقصى الأهلي من كأس إفريقيا عام 2004 ثم أقصى
الوداد من كأس العرب عام 2006، فيا للحسرة على فوز
لا يدونه التأريخ كما يدون الخسارة على بعد خطوات من
الكأس الغالية!

كتبت أعلاه أن الهلال هو أكثر فرق دور الكبار الإفريقي
مشاركة في البطولة الإفريقية الأهم، الجدول التالي يوثق
لهذا الأمر وقد نشر بصحيفة قوون:

سلامات اخى احمد الريح

Quote: وخير دليل على ذلك يا تيتاوي أن السودان فاز بكأس الأمم الإفريقية عام 1970، أما ساحل العاج -بكل تأريخها الكروي ونجومها العالميين فلم تنل هذا الشرف أبدا! وعلى الرغم من هذا فإن ساحل العاج تحتل اليوم المركز 25 في تصنيف الفيفا بينما يقبع السودان في المركز 114 فهل شفع له فوزه بكأس إفريقيا قبل 37 عاما ثم غيابه عن المشاركة فيها منذ عام 1976؟

وهذه الحالة تشبه تماما الوضع الذى كان فيه المنتخب التونسى الذى
رغم انجازاته بالتاهل الى كاس العالم عانى كثيرا قبل ان يحقق كاس
الامم الالفريقية متاخرا جدا فى العام 2004 وبعد ان استعان بالمدرب
الفرنسى لومير وجنس اثنين من اللاعبين البرازيليين وهما جوزيه سانتوس
وكلايتون لينجح فى ما فشل فيه لسنوات طويلة استضاف خلالها البطولة على
ارضه ثلاث مرات اخرها فى 1994 وخرج خلالها من الدور الاول بعد ان تجرع
الهزيمة المرة من منتخب مالى المغمور

Quote: ]لسنا هنا للتقليل من شأن أحد و انجازاته لكننا نعمل على وضع الأمور في نصابها الصحيح. فوز ندنا التقليدي بكأس الكؤوس عام 1989 إنجاز مشهود ومفخرة له، ولكن قدر الهلال أوقع به في المرتين اللتين لعب فيهما المباراة النهائية أمام أقوى فرق شمال إفريقيا (الأهلي والوداد) ولم تكن خسارته أمامهما إلا انتصارا للمنطق الكروي، رغم أن الهلال عاد وثأر من كليهما عندما أقصى الأهلي من كأس إفريقيا عام 2004 ثم أقصى الوداد من كأس العرب عام 2006، فيا للحسرة على فوز لا يدونه التأريخ كما يدون الخسارة على بعد خطوات من الكأس الغالية!

وهذه الاشارة المنطقية على درجة كبيرة من الاهمية فليس
هدفنا التقليل من الاخرين لان الانجاز الذى يحققه المريخ
او الموردة انجاز سودانى تبنى عليه قياسات تطور الكرة
السودانية لكننا بذات القدر لا نقبل تبخيس الناس اشيائهم
شكرا اخى احمد الريح على المعلومات القيمة وادارة النقاش
بقدر كبير من الشفافية والعقلانية بناء على معطيات الواقع
وادناه اخى احمد الخبر الذى اوردته وكالة الانباء الفرنسية
تعليقا على القرعة ويتناول قوة المجموعة الثانية بدورى
الابطال والاشارة الى قوة الهلال والمباريات الثارية التى
ستجمعه مع الاهلى والترجى

زيوريخ (ا ف ب) - أسفرت قرعة الدور ربع النهائي لمسابقتي دوري ابطال
افريقيا وكأس الاتحاد الافريقي لكرة القدم التي سحبت الاثنين في زيوريخ عن
مباريات ساخنة للاندية العربية.
ففي مسابقة دوري ابطال افريقيا، ضمت المجموعة الاولى 4 فرق عربية من المغرب
العربي هي الجيش الملكي المغربي والنجم الساحلي التونسي والاتحاد الليبي وشبيبة
القبائل الجزائري، فيما ضمت الثانية ثلاثة اندية عربية هي الاهلي المصري حامل
اللقب في العامين الاخيرين والهلال السوداني والترجي التونسي الى جانب اسيك
ابيدجان العاجي.
وستكون المنافسة ساخنة على بطاقتي كل مجموعة الى دور الاربعة خصوصا وان مستوى
الاندية العربية متقارب الى حد بعيد وان كان الاهلي في قمة جهوزيته ويسعى الى
التتويج الثالث على التوالي والانفراد بالرقم القياسي في عدد الالقاب الذي
يتقاسمه مع مواطنه الزمالك (5) الذي ودع المسابقة مبكرا.
في المجموعة الاولى، تبرز على الخصوص المواجهة بين النجم الساحلي والجيش
الملكي للعام الثاني على التوالي بعدما التقيا العام الماضي في نهائي مسابقة كأس
الاتحاد الافريقي وعاد اللقب للفريق التونسي بتعادلهما 1-1 ذهابا في الرباط
وصفر-صفر ايابا في سوسة.
ولن يكون شبيبة القبائل خصما سهل المنال وسينافس بقوة على احدى البطاقتين
والامر ذاته بالنسبة الى الاتحاد الليبي.
وفي الثانية، لن تكون مهمة الاهلي سهلة في بلوغ دور الاربعة ومواصلة مشواره
نحو اللقب الثالث على التوالي خصوصا وانه تنتظره مواجهات ثأرية امام اسيك ابيدجان
والهلال.
وكان الاهلي بلغ الدور النهائي للنسخة الاخيرة على حساب اسيك ابيدجان بفوزه
عليه 2-صفر في القاهرة وخسارته امامه 1-2 في ابيدجان.
كما ان الاهلي كان خرج من الدور الثاني عام 2004 امام الهلال حيث خسر امامه
صفر-1 ذهابا في القاهرة وتعادلا صفر-صفر ايابا في ام درمان.
وتتضمن المجموعة مواجهة ثأرية ثالثة بين الترجي والهلال.
وكان الترجي بلغ الدور الثاني عام 2005 على حساب الهلال بخسارته امامه صفر-2
في ام درمان وفوزه عليه 5-1 في تونس.
كأس الاتحاد الافريقي
--------------------
اوقعت القرعة فريقي المريخ السوداني والاسماعيلي المصري في مجموعة واحدة
(الثانية) الى جانب فريقين نيجيريين هما دولفينز وكوارا يونايتد.
وهي المرة الثانية التي يلتقي فيها الاسماعيلي والمريخ مع ممثل لعرب افريقيا
في المسابقة هذا الموسم، حيث اقصى الاسماعيلي الوداد البيضاوي المغربي من الدور
ثمن النهائي بفوزه عليه 1-صفر في الدار البيضاء و2-صفر ايابا في الاسماعيلية،
فيما ازاح المريخ من طريقه عقبة اولمبي الشلف الجزائري في الدور الثاني عندما خسر
امامه صفر-1 ذهابا في الجزائر وسحقه 3-صفر ايابا في ام درمان.
وجاء ممثل تونس الصفاقسي وصيف بطل دوري ابطال افريقيا العام الماضي في
المجموعة الاولى الى جانب صنداونز الجنوب افريقي ومازيمبي من الكونغو
الديموقراطية واستر دوالا الكاميروني.
ويتأهل بطل كل مجموعة الى الدور النهائي.

عزيزي عامر : نديك واحدة من ثقالات صديقنا خالد عزالدين في نفس الموضوعما قلنا ليكم بجوا بدون تلفون !
عندما كان رئيس المريخ يجتهد مشكورا من اجل احضار الاهلي القاهري ليشارك في احتفالات الكاف بالخرطوم تدلل الاهلي ايما دلال .. عايزين طيارة خاصة .. عايزين فندق خمسة نجوم .. عايزين خمسمائة الف دولار ! لا مليون دولار .. بنجي بالاحتياطي .. عماد متعب وفلافيو وابوتريكة حيكونوا مرتاحين في القاهرة .. الاتحاد المصري لازم
يؤجل لينا مباريات .. الجو سخن في الخرطوم .. ما يكون في مطره .. جننا ما جن الغبار .. ياخي ما تجننونا بالتلفونات قلنا ليكم بندرس في الخيارات ..! موافقين علي اي شئ بس انت تعال .. عندنا شرط اخير يا جمال .. ما نلعب ضد الهلال !! وبرضو ما جوا .. قام الجماعة مشوا لاسيك ابيدجان .. عايزين دولار تقيل نجيكم عديل .. نحن بنستعد للموسم وما عندنا مانع نجي الخرطوم بس الدولار يكون بالكوم .. اريبا معانا وما همانا .. شروطكم مقبوله تعالوا ..
في ذلك الزمان عندما كان الاهلة يتفرجون علي هذه المفاوضات كانوا يضحكون كتبنا كده بكل ثقة وبكل ثقالة انو الاهلي الما عايز يجي للمريخ بالدولار ده نحن بنجيبو بالمجاني وكراعو فوق رقبتو .. قلنا الكلام ده ونحن يادوب بنغلب في البوليس الزنزباري ..!
ده الهلال عظمة وانبهار .. هسة نحن خالفين كراع في كراعين وقاعدين .. الاهلي القاهري تجي في امدرمان .. الزمان نحددو نحن والمكان برضو .. نقول ليكم حاجة .. الكورة بالعصر عجبكم ولا ما عجبكم ؟!تجونا في الخريف .. مطره شديدة .. لا .. عندنا مزاج نلعب الكورة باليل عايزين نشوف الكاشافات الجديدة دي حظها كيف معانا .. والله لو كترتوا كلامكم ممكن نلعبكم في دار الرياضة .. مليم احمر ما بنديكم ليهو ودخل المباراة بكون زي اربعمائة خمسماية مليون كده برانا نشيلو والكورة ما بنتلفزه .. الاي ار تي بس بتنقلها .. تاني الا حصريا علي قناة الموج الازرق .. ولا حنقول ليكم تعالوا بنجومكم كلهم انتو براكم بتجيبوهم .. لكن حنغني ليكم بعد الكورة تاني بتجوا .. التوبة .. وشفتوا عظمة الهلال ده .. الاهلي القاهري يجي ولا علي كيفو وكان جا مغلوب وكان ما جا مغلوب ؟؟!
شفتوا ناس الاهلي ديل عاقلين كيف ولا خائفين كيف ؟!.. مع الزمالك والاسماعيلي لعبوا بالاحتياطي واحتياطي الاحتياطي وبعض لاعبي الشباب ؟ وين النجوم يا اهلي؟ مريحنهم للهلال .. يا هلال يا هلال .. طق طق .. طيب وين جوزيه ؟ جوزيه ده قال تاني ما بشرف الا علي المباريات الافريقية مع الترجي ممكن مع اسيك مع الهلال السوداني لكن تاني دوري مصري محلي وكده لا ما في طريقة !!
ونحن ماشين نلعب في استاد القاهرة .. تصدقوا استاد القاهرة ده بقي لينا زي استاد الخرطوم .. يعني بنحس انو نحن بنلعب خارج ارضنا لكن متعودين علي الملعب والجمهور ذاتو معانا .. من هنا بمشوا معانا زي تلاتين اربعين الف مع جمهور الزمالك عشرة عشرين الف باقي الاستاد بنخلي لي جمهور الاهلي .. بدون دعوة من الاهلي نحن ماشين نلعب معاه .. المباراة منقوله في الاي ار تي والعايز يشوف الهلال يشترك بالدولار ..
من هسة عشان ما تزعجونا الاي ار تي ما بتنقل مباريات من نيجيريا !! كده بس نحن كبار بنلعب مع الكبار .. نجي من مصر نلعب في امدرمان مع الترجي .. تصدقوا الترجي ده نحن كلما نكون مشتاقين نغلب لينا فريق كبير بنجيبو .. برضو ما بقدر يقول لينا لا .. مرة كده في البطولة العربية جبناه اديناهو تلاتة الله اتذكرت طمبل .. يا حليك يا طمبل مسكين بقيت ما بتلاقي ناس الترجي والاهلي والجماعة ديل فارقت الهلال وفارقت الكبار .. اهنا قلت ليكم الترجي ده برضو مرة كنا اشتقنا لينا لفريق كبير نغلبو جبناه ليك في البطولة الافريقية غلبنا ليك غلب .. نحن في امدرمان هنا والله زي ما قال لي واحد ثقيل ما في شئ بغلبنا غير النوم .. نغلب الفرق الكبيرة دي نفرح النوم يغلبنا ..
لما جابوا اسيك ابيدجان وكان الوقت داك شداد زعلان من صلاح قالوا الهلال ما يلعب مع اسيك .. جمهور الهلال قال نحن ذاتو المباريات الودية عندنا فيها راي .. مش اسيك ده نحن بنعرف نجيبو كيف ومعاه الاي ار تي كمان .. هسة تجوا انتو تتفرجوا في اسيك بلعب مباراة رسمية .. حتعرفوا كويس انو اسيك ده ما عندو علاقة باسيك داك بتاع المباراة الاحتفالية في اجتماع الاتحاد الافريقي .. نحن بنجيب اسيك لا شكرا لاريبا ولا مساهمة من سوداني ولا حتي اتصال من موبيتل صعب يا هلال ما عايزين حتي كنار !!.. كده نجيبو ونغلبو مليم ما نديهو ونشيل قروش كمان من الاتحاد الافريقي .. تعرفوا نحن تاني الدوري الممتاز حتكون عندنا معاه شروط قاسية خالص .. المباراة ما بنلعبها الا نستلم مائة الف دولار طبعا نحن بنغلب طوالي عشان كده حنحدد قيمة الفوز .. لو في فريق اتعادل معانا بندي قروش تحفيز عشان الاثارة طبعا حكاية الهزيمة دي .. الشر بره وبعيد .. قلنا الهلال ما اتهزم في ارضو افريقيا في 26 مبارة علي التوالي قالوا نحن ما اتغلبنا في استادنا من كم سنة .. وانتو في الكم سنة دي لعبتوا كم كوره !! ؟ سبنا الغلاط قلنا الهلال ما اتهزم محليا ولا دوليا في ملعبه لاكثر من 95 مباراة عايزين يحاكونا اتذكروا الموردة .. موردة حضارة مورده ..
ومن بكره نحن حارسين القنوات الفضائية ما في كلام تاني الا مجموعة الهلال والترجي والاهلي واسيك ابيدجان .. ناس حتقول دي المجموعة الحديدية وناس حتقول ده صراع العرب والافارقة وناس بغلبها الترشيح حد يقدر يقول منو بصعد من المجموعة دي .. وناس بتقول الترجي قوي وتانيين بقولوا السودانيين اسياد الكورة في افريقيا وواحدين يقولوا الاهلي بخبرتو واسيك بحماسو .. كل الناس حتتكلم هنا !! يا اخوانا في بطولة تانية اسمها الكونفدرالية وبرضو فيها مجموعات وقرعة وكده .. ياخي نحن المجموعة التانية الفي دوري الابطال دي جايبيين خبرها لمن نمشي للكونفدرالية ومجموعاتها كمان ...
كبير يا هلال بتلاقي الكبار وبتجيب الكبار وبتشيل بالدولار .. بعد اول مباراة نفوز فيها حنراجع طوالي الاندية الفائزة بالبطولات في القارات الاخري .. نشوف مع ميلان ده ممكن نقابل منو .. شايف الاندية البرازيلية متقدمة في امريكا الجنوبية .. بطل اسيا ان شاء الله يكون اماراتي اصلو الكورة الاماراتية دي مضمونه عندنا .. غايتو نحن لو قابلنا الميلان ده الطيارة الخاصة تشيل منو وتخلي منو .. انا غايتو بسافر علي نفقتي !!!


رجوع

عزيزي عموري


صباح الخير ،، ، ،

خروج من الدور الأول = 12 مرة
خروج من دور الـ 16 = 2 مرة
خروج من دور الـ 8 = 2 مرة
خروج من النصف نهائي = 1 مرة
الوصيف = 2 مرة
-----------
المجموع = 19 مرة !!!!!!!! ...
-----------
أها وين المرة الـ ( 20 ) .. تكونوا نسيتوا تكتبوا
البطل = 1 مرة .....

أنتو التزوير ده جاري في دمكم لسه ولا شنو !!! هسه كده عدوا المكتوب في الجريدة ده عدد المشاركات ( 20 ) مرة كده اجمع الخروج من جميع الأدوار وشفها بتجي ( 20 ) . غايتو تزوير أرقام الفنائل وعرفناه أها التزوير ده كمان شنو !!!!
بعدين يا عموري إنت الولد ده ملبسه أصفر بي أحمر مالك ... ما قلنا ليك الشعار ده عذااااب ومعذبكم كان ما شفتوه قدامكم ما بترتاحوا هسه شوف الولد ده حلاااااتو بالأصفر والاحمر .... ياولدي عارفك جاي مريخابي وابوك عايزك تكون من الاسياد علشان كده لبسك كده بس خجلان ...وزمان قلنا الوطن عله مريخاب والباقيين مريخاب زعلانين ساكت عملوا فريق اسمه ( الهلال ) . أها تيتا ده أكبر دليل ... والبقية تأتي ....

من غيرنا يعطي لهذا الشعب معني ان يعيش وينتصر

فوق فوق هلالنا فوق

الهلال فعلا قاهر الكبار لانه كبير ومنتصرين باذن الله