Post: #1
Title: يا خالد المحرب ارجووووك وثم ارجوووووك!!؟
Author: هشام هباني
Date: 05-28-2007, 09:45 AM
طبعا الشمشرجية وبائعي الشمار تووووووش...انقطعوا في البوست..دايرين الخبارات والليلة هباني مالو مع ود المحرب ابو شنب...... تلقوها عند غافل!!
حبيبنا خالد المحرب وزوجته اختنا الفاضلة عضوة البورد عفاف ابو حريرة ارجوووكم
تاني ثم ارجووووكم بالله لمن تضربوا تلفون تاكدوا من العبد لله شخصيا انو ظاااطو في التاكسي ولا في الكمبيوتر واذا كان في التاكسي..بالله تقطعوا المكالمة علي الفور..لانو مع المكالمة بتاعة اليوم معاكم جابت لي فت خمسة دولارات لا غير واليوم جالون البنزين في تكساس وصل تلاتة دولارات..يعني المربح بعد ساعتين وقوف في محطة القطر بس دولارين يا جماعة...موحررررام!
يعني مشرك وكاجي التاكسي زي القلوبية..واقف ساعتين يشهد الله...قلت اضرب تلفون لاخونا ود المحرب عندما وجدت مكالمة منه لم استقبلها..قلت نتونس معاهو شوية ونشوف حظو معانا شنو في التاكسي....اجيب ليناقمرية دباسة,,,,ولا قدالي ولا براق عجينة ولا غباشي ولا احمر بطان ولا خالا خالا.... ولا قطاية,,, ولا بلومة.....تطلع في النهاية يا ود المحرب حظك اجيب لينا( ام بعيرة) غايتو امنت انك زول ( كج)!!
لكن في النهاية عندما عدت الي رشدي وصوابي اكتشفت اني غنمت بالمكالمة مغنما كبيرا وهو اني اتحدث الي من اعزهم واحترمهم واحبهم جدا... مضيفا اياهم اخوة لي من ضمن الاشقاء والاحباب الاصلاء النبلاء من قبيلتي وهي هذا الوطن الكبير وهذا الشعب العظيم.
خالص مودتي واحتراماتي وسلامي للابناء والبنات.
اخوكم ابدا هشام هباني
|
Post: #2
Title: Re: يا خالد المحرب ارجووووك وثم ارجوووووك!!؟
Author: هجو الأقرع
Date: 05-28-2007, 10:27 AM
Parent: #1
ودهبانى سلام مكالمات شيخ العرب ، انا جربتها (قدم خير ) اذا تلقيت منهم مكالمة وامورك ما ظبتت ،اجرة التكسى عند اخوك ، اكان تحن وتنقلب كوز. سلم على الوليدات ، عندى ليك عرض حلو من الانقاذ لى ولك ، بس المرة دى المهاتفه عليك ، لان العرض مغرى ، واذا ما اتصلت سوف افتح به بوست وخلى الناس تتفرج .
|
Post: #5
Title: Re: يا خالد المحرب ارجووووك وثم ارجوووووك!!؟
Author: هشام هباني
Date: 05-30-2007, 06:27 AM
Parent: #2
هجو الاقرع
سلام
كدي جيب العندك...وبعدين بنتفاهم!!
|
Post: #3
Title: Re: يا خالد المحرب ارجووووك وثم ارجوووووك!!؟
Author: عفاف أبو حريرة
Date: 05-28-2007, 05:59 PM
Parent: #1
Quote: ارجوووكم
تاني ثم ارجووووكم بالله لمن تضربوا تلفون تاكدوا من العبد لله شخصيا انو ظاااطو في التاكسي ولا في الكمبيوتر واذا كان في التاكسي..بالله تقطعوا المكالمة علي الفور..لانو مع المكالمة بتاعة اليوم معاكم جابت لي فت خمسة دولارات لا غير |
ابو نضال 000
بركه البقت علي القروش ماجابت ليها شي
تاني الجاتك في مالك سامحتك
| Quote: لكن في النهاية عندما عدت الي رشدي وصوابي اكتشفت اني غنمت بالمكالمة مغنما كبيرا وهو اني اتحدث الي من اعزهم واحترمهم واحبهم جدا... مضيفا اياهم اخوة لي من ضمن الاشقاء والاحباب الاصلاء النبلاء من قبيلتي وهي هذا الوطن الكبير وهذا الشعب العظيم |
الغنيمه معرفه الرجال الزيك
عارف ياهشام انا بشوف شخصك من ناحيه ممكن قله من الناس
بتنظر منها!!
انت عندي عامل زي لما تكون شايل ليك كمية
بتاعت ذره0
وتكبها في اناء فيه مويه
طوالي تلقا الورتاب طلع علي السطح وحجب الرؤيا
لكن العيش برقد تحت وبعد شويه بطلع منه براعم خير
وتفضل تكبر وتكبر ومصيرها بكره تبقي سنابل خير وبشرى
لي كل الناس العرفوك صاح وما اشتغلو بالورتاب كتير
يا ابو احمد00
انت عند كل الناس وخاصه العرفوك عن قرب صدقني انت ماساهل
بس ياليت قومي يعلمون0
| Quote: اخوكم ابدا هشام هباني |
ده انا عندي اكبر مكسب
|
Post: #4
Title: Re: يا خالد المحرب ارجووووك وثم ارجوووووك!!؟
Author: خالد المحرب
Date: 05-30-2007, 01:16 AM
Parent: #3
Quote: B] .....تطلع في النهاية يا ود المحرب حظك اجيب لينا( ام بعيرة) غايتو امنت انك زول ( كج)!!
|
حظى يالهبانى ماحظ قروش من يومو وجوده مهم عندى لكن والله بهينه اهانه زى طربيزة الجزار
عشان كده مابتريدنى فى خلاف بينى وبينا من زمان
اتمنى اخر عمرى يحصل صلح بينى وبينا . شكرا اخى الناظر واتمنى لك التوفيق فى كل ماتصبو اليه يا ابونضال . تحياتى
|
Post: #7
Title: Re: يا خالد المحرب ارجووووك وثم ارجوووووك!!؟
Author: هشام هباني
Date: 05-30-2007, 06:40 AM
Parent: #4
والله يا ود المحرب اخووووي...غايتو صورتك عاجبة احمد ولدي شديد وقال لي الزول ابو موستاش الوجيه ده منو...قلت ليهو دي صورة اغنى زول في السودان!
فقال: واو واو....فضحكت وهو ما عارف عمو ود المحرب زول القط فيها بالهللة فوق صحاري الفقر...الله اديكم الصحة والعافية بالمال الحلال البلال!
|
Post: #6
Title: Re: يا خالد المحرب ارجووووك وثم ارجوووووك!!؟
Author: هشام هباني
Date: 05-30-2007, 06:31 AM
Parent: #3
اختنا العزيزة بت ابو حريرة الاستاذة عفاف
سلامات ليكم والعيال
والله الله عوضنا بيكم....اهو الشرك ما جاب الا فت خمسة دولارات سجيمانات!
لكن اهو الحمد لله تلفوني قبض....وجاب لينا اخونل ودالمحرب و اختناعفاف والعيال..ده احسن صيدوادام الله المودة والاحترام مع تحياتي لكل الحريراب بما فيهم استاذي الثائر
والمناضل الدكتور محمد يوسف ابو حريرة.
هشام
|
|