شركات أميركية تبحث فرص الاستثمار في السودان؟؟؟

الخرطوم-(smc)-الصحافة
يزور البلاد حالياً وفد من المستثمرين الاميركيين للوقوف على فرص الاستثمار في كافة المجالات.
واعترف رئيس الوفد ، الذى يزور البلاد هذه الايام بدعوة من وزارة الاستثمار ، ويضم 23 مستثمرا امريكيا من مختلف شركات تعمل فى مجالات الزراعة، والصناعة، و بناء وتشييد السدود، والتعليم، والصحة، خلال الزيارة التى قام بها الى وزارة الطاقة والتعدين امس ، بانه وجد السودان بصورة مخالفة لتلك التي نقلتها اجهزة الاعلام ، وارجع ذلك الى الاطماع وحب السيطرة على الموارد الضخمة الموجودة فيه، واقحام مشكلة دارفور بغرض التدخل عبر الامم المتحدة، مضيفا ان السودان يعتبر من اكبرالدول الافريقية صاحبة الامكانات الغنية، ودلل على ذلك قائلا: ان كبريات الدول الان مشاركة فى الاستثمارات النفطية فى السودان ، واكد ان دراسة كاملة ستتم للمشاريع الموجودة خلال الزيارة لمعرفة الفرص المتاحة للاستثمار فيها.
من جانبه ،اكد وزيرالطاقة والتعدين ،الدكتورعوض الجاز، ان ابواب السودان ظلت مفتوحة لاى مستثمر خارجى دون الحجر على جنسية او اي موقف ما لم يحترم سيادة البلاد.
واضاف ان الاستثمار بالبلاد ليس فى النفط والغاز فقط ، بل ان هنالك مجالات اخرى عديدة، كما قدم الجاز مقتطفات من مزايا قانون الاستثمار بالبلاد . وقال انها مشجعة ، والدليل على ذلك وجود جنسيات متعددة فى مجالات عديدة.
ودعا الجاز ، الى فتح آفاق جديدة للمستثمرين الامريكيين.
وقدم المدير العام للهيئة العامة للابحاث الجيولوجية، عرضا تقديميا للمستثمرين الامريكيين ، شرح فيه الخارطة المعدنية بالبلاد فى مجالات المعادن المختلفة، والمواقع التى يتوقع فيها وجود شواهد للذهب والحديد والمعادن الاخرى .
و قدم ، المهندس عوض الكريم محمد خير، شرحا للمربعات التى تم ترخيصها ، والشركات العاملة فيها ، بجانب الفرص المتاحة فى المربعات التى لم ترخص بعد، بجانب ذلك عرض المهندس ، السيد ابوالحسن، مديرالادارة العامة للمنشآت النفطية ،المنشآت الموجودة فى مجالات خطوط الانابيب والمصافي وموانئ التصدير.

ومن هم هؤلاء المستثمرين؟

كذب اليائسين

احلام زلوط

واصل اكذب ناس في الدنيا هم الامريكان
وتأكد انهم اصلو ما بخلو ليهم كيكة ساكت...
فضائحهم في بيع اسلحة لايران ما تنساها
كلامهم شئ وفعايلهم شئ
المابقدروا عليه بالسلاح بيتوددوا ليه..
ما تزعل روحك دي الاخلاق البراقماتية..
بيكونوا لقوا المعارضة فتة ساكت ذي حقت الملكاوي وقالو
اف يو كانت بيت ذيم جوين ذيم..
اسع يصاحبو الجماعة ذي العجب
وتدي لب سيرفيس عن دارفور لغاية ما الانتخابات تعدي..

الأخ واصل.. دا خبـر كويس.. هل الحظـر رفعـوه؟

العزيز ابوالريش
لم يرفعوا الحظر

Quote: واصل اكذب ناس في الدنيا هم الامريكان وتأكد انهم اصلو ما بخلو ليهم كيكة ساكت... فضائحهم في بيع اسلحة لايران ما تنساها كلامهم شئ وفعايلهم شئ المابقدروا عليه بالسلاح بيتوددوا ليه.. ما تزعل روحك دي الاخلاق البراقماتية.. بيكونوا لقوا المعارضة فتة ساكت ذي حقت الملكاوي وقالو اف يو كانت بيت ذيم جوين ذيم.. اسع يصاحبو الجماعة ذي العجب وتدي لب سيرفيس عن دارفور لغاية ما الانتخابات تعدي..

انتي بس ماتنفعلي يابيان ده ماكويس عشان صحتك.

Quote: انتي بس ماتنفعلي يابيان ده ماكويس عشان صحتك

اسع منو المنفعل؟

لووووووووول يا واصل
انت عثل ؤبث

Quote: انت عثل ؤبث

الاخ واصل.

واضح جدا ده خبر مدسوس بواسطة ذلك المركز الامني.
وبيان طبعا لم تفهم ما تقصده أنت بالبوست أصلا.
علشان كده لم توفق في الرد أو التعليق على كلامك
بطريقة مناسبة.

دينق.

Quote: واضح جدا ده خبر مدسوس بواسطة ذلك المركز الامني. وبيان طبعا لم تفهم ما تقصده أنت بالبوست أصلا. علشان كده لم توفق في الرد أو التعليق على كلامك بطريقة مناسبة.

قرقرقرقرقرقرقرررر
يا دينق والله انت اظن قايل بيان دي زيك.."امبسيل"
اصتقغفر الله..

Quote: شركات أميركية تبحث فرص الاستثمار في السودان

Quote: لم يرفعوا الحظر

دى بقت غلوتيـة عديل.. بيان ومحمـد يدكم معانـا بالله.. I give up

اخى واصل
سلام
هذا وفد من امة الاسلام Nation of islam جماعة عمك لويس فراخان وكنت قد اعلنت ذلك امام المظاهرة النوبية امام السفارة السودانية يوم 21 مايو الماضى وقبل قيام الوفد المشبوه بزيارته للسودان ... هذا ليس وفدا رسميا بل وفد من الانتهازيين من عملاء النظام يريدون ان يجدوا هبرة قبل ان ينفض المولد.. الوفد بقيادة اكبر محمد نائب لويس فراخان... الذى اعلن نائبه الراحل فى تسعينات القرن الماضى فى مؤتمر (الحوار الوطنى) فى الخرطوم انهم حزب الله فرع امريكا... ومازال العم لويس فراخان يفرفر مع الطغاة مثله مثل ليندون لاروش وبقية تنابلة السلطان وارزقية الدكتاتوريات وانظة الاسلام السياسى..

نورالدين منان

اذن لماذا يقولون انها شركات غاز وبترول

... أصلا قروش راس المال الامريكى الكبير موجودة و مدورة في السودان منذ فترة 10 سنوات و ذلك من خلال شركة الصين الوطنية للبترول الماسكة مصير بترول بلدنا و بتشيل برميل البترول بابخص الاتمان و ذلك في صفقة اقتصاد الملوص و النهب العاملينها مع حكومة الاتفاق الجنائى ! .. القروش الصينية بالاساس بتاعت فيدالتى و بروودنتشيال و واشنطن ميتشوال و سيتى قروب ودى اكبر تروستات لراس المال المالي العالمى ! برضو جاك و الش حول جنرال اليكتريك من شركة قلوبال للانتاج الصناعى الضخم الي كوربريت مالى للتسليف علشان يلحق المولد الشغال في السودان و مناطق اخرى في العالم ذات عمالة رخيصة ! و حملة الانسحاب الامريكى من استثمارات شركة الصين للبترول في السودان بدت بانو اتحاد العمال و المعلمين في كاليفورنيا سحبوا قروش صندوق معاشاتهم , ولحقت بيهم جامعات اخرى عديدة , و الان في حملة ضخمة ضد فيدالتى لسحب استثماراتها !! نصيب جماعة المؤتمر الوطنى هو الكوميشن اليومى البتراوح مابين تسعة الي 15 مليون دولار يوميا ! و معروف انو عصابة الاربعة / جماعة الاتفاق الجنائى المكونة من عوض الجاز و نافع و قوش و البشير بتقعد يوميا لتقسيم المبلغ تحت شعار فتاح يا عليم رزاق يا كريم ، تجنبوا الاختلاف , الاولوية لجهاز الامن المثبت اللعبة و الدولة الامنية ، و الما بشيل الليلة حيشيل بكرة !! اما عصابة الامبريالية الجديدة الصفراء الحاكمة في الصين باسم الاشتراكية و الشيوعية (و ديل هم الد اعداء ماركس ) برضو بتشيل كوميشن يوميى بتشترى بيهو مباشرة اسهم في نفس الشركات الامريكية باسم الطبقة الراسمالية الصينية الجديدة التى لا تزال بتقول انها هي حزب الطبقة العاملة الثورية !! كمان برضو بتشيل رسوم عمل ادارى و خدمات سمسرة عابرة للقارات و عليها برضو واجب استخدام الفيتو في مجلس الامن لصالح عصابة الخرطوم ! و عموما الوفد الاقتصادى الامريكى القيل انو جاء السودان كان صاح كان كضب هو محاولة من جرابيع الراسمالية الامريكية العاوزة برضو تدخل ايدها في قدح النبي ! ودا قدح بالحق غالي مالاقى البصونو و يحفظ طهارتو و عزتو ! اهو نحن نحاول زى ما قال واصل في وصيتو لبيان نحافظ علي صحتنا و اعصابنا و عقلنا لغاية ما نقدر نرجع الديمقراطية الكاملة و دولة القانون و القضاء المستقل و ديوان المراجع العام المرفوعة فوقو صورة قاضى الاسلام سعيد بن جبير ! علشان نفتح دفتر الحساب ! و الحساب كما قيل ولد ! و لا ادرى لماذا لا يكون بنت ايضا ؟ !