Post: #1
Title: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-26-2007, 09:28 AM
اجبرتني عدد من البوستات وكذا صفحات الاعلانات التي تدعو للتصويت
للشاب خالد حسن بقناة الام بي سي لحضور برنامج يومس امس الجمعه
والذي حيرني واجبر المذيعه على الوقوف عنده طويلاً هي مشاركة التصويت القادم من السودان
حيث فاز الشاب السواني خالد بمعدل 82% فيما ترك لمنافسه فقط 18%
والعجيبه ان هناك عدد من الذين كانوا معي اخذوا يباركون لبعضهم بعضاً
بل اخذوا يتصايحون مثلما يحدث في اي مباراه المريخ و الهلال عندما يحرز ايهما هدفاً في مرمى الاخر
وتقافز فوراً الى ذهني السؤال..
لماذا كل هذا التصويت على رغم ان خالد حسن لم يتغنى بسلمنا الخماسي ؟
ولم يردد اغنياتنا؟
هل حقاً اصبحنا نبحث عن اي طعم للنجاح ؟
هل حقاً اصبحنا نمارس الاغتراب عن واقعنا المرير ونبحث عن اي انتصارات اسميه
وهل
وهل
اسئلة حيري كثيره
لكن لابد ان نقول
الف الف مبروك لخالد حسن
عفواً لحظه :
انتو ليه شبكة سوداني ماشاركت في الملحمه الوطنيه دي
مش وطنيه ولا انا غلطان
مدخل للخروج :
شفت الملاك وبي ايدي سالمتو ..
بهرني بي نورو ...
شفت الملاك
البصاص
|
Post: #2
Title: Re: وصوت السودانيين بقوه وفاز من صوتوا اليه ...
Author: الشفيع عوض شوشتا
Date: 05-26-2007, 09:47 AM
Parent: #1
يا كرور
حضرت الحلقة ولا (لا)
..
حقو الواحد يجيب ليك جردل (عزو)
....
اسي في زول قال ليك مشتاقين
|
Post: #3
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-26-2007, 10:18 AM
Parent: #1
شوشتا
ياخي خالد بالجد عندو امكانيات صوت عاليه وعندو حضور قوي على المسرح ...
لكن 82% بالجد بالجد كتيره لدرجه تدعو حقاًلطرح العديد من علامات الاستفهام ..
وخصوصاً نحنا كان عندنا نغمه الزول متنكر لي اصلوا وشنو ما عارف ...
ثم ثانياًُ:
الا تتفق معي ان هذه النسبه تفوق كل معدلات التصور
في اي برنامج تلفزيوني قدم على القنوات العربية
82% فقط تامل معي هذا الرقم ...
تاني مبروك لي خالد
ملحوظه:
امس فقط اكتشفت شبكة الا بي سي الجمهور السوداني
لذلك اعتقد انه سيكون في مستقبل الايام العديد من المنافسين
السودانيين في برامج التصويت بها لان جمهور السوداني يجيد ( التصويت ) ...
مدخل للخروج :
صوتوا لفوز خالد حسن - رمز ( العلم )
واعتبروه تمرين للانتخابات الجايه
البصاص
|
Post: #4
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-26-2007, 01:33 PM
Parent: #1
.....................
|
Post: #5
Title: Re: وصوت السودانيين بقوه وفاز من صوتوا اليه ...
Author: نوسة
Date: 05-26-2007, 01:42 PM
Parent: #4
أخى أبو عبيدة
سلامات
من حقنا التصويت ، و من حق خالد الفوز ،، بحق كل سنين القهر الداخلى،، و الغبن
الخارجي،، إنت عارف، زي لما الزول يحضر ليهو فيلم فيهو ضرب و بطل و خاين،، الزول غبينتو بتتفش لمن البطل يفوز،، و بينفس عن أحزانه ،، دة بالضبط الحصل معانا،، حسينا إنو فوز خالد هو فوز و نصر لكل ما يقال عننا " و عن سلبيتنا و كسلنا"" كسرنا المفاهيم النمطية ، و داخلين ليهم العرب ديل بمفاهيم جديدة ،، خليهم اليستعدوا لينا بس
لك ودي
|
Post: #10
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-27-2007, 06:31 AM
Parent: #5
---------------------
نوسه
ما بعرف ليه ذكرتيني بي نكته الفلاتي وادروب في السينما
لما الخاين كان متخبي من البطل .. والبطل بفتش عليهو
الفلاتي قعد يكورك .. وراء الحجر يابطل
وراءء الشجره يابطل .. وراء الحيطه يابطل
ويلتفت البطل ويقتل الخاين
قام ادروب سل سكينو وقعد يطعن في الفلاتي
وهو يردد .. توريهو ليه .. توريهو ليهو
نمش لي قدام
نوسه اولا شكراً للمرور
ثانياً : نعم من حقنا التصويت وصوتنا جميعنا له
وكانت النتيجة 82% وهي كما قلت نتيجة تستحق الوقوف
لكن اذا اتت النتيجة غير ذلك اتدرين ماهو تبريرنا
- التحكيم فاشل - العرب حاقدين - الانتخابات مزوره - العرب ديل بنظروا لينا عبيد ما بنفهم ولا بنبدع - قالوا الصندوق صوتت فيهو الملائكه هاهاها
هل ازيدك من المفردات التبريريه المعلبه لكل حالات فشلنا في احراز نجاح ما
82% وكمان تصويت بي قروش .. مش بلاش ..
نوسه قبل نمش لي قدام ..
| Quote: حسينا إنو فوز خالد هو فوز و نصر لكل ما يقال عننا " و عن سلبيتنا و كسلنا"" كسرنا المفاهيم النمطية ، و داخلين ليهم العرب ديل بمفاهيم جديدة ،، خليهم اليستعدوا لينا بس |
هل تدرين ان من عيوبنا الكبرى
تضخيم فشلنا ونجاحاتنا بصوره تدعو لل.....
مدخل للخروج ..
الف مبروك الشاب خالد
لانك هذا الاسبوع لم تكن الاضعف
البصاص
|
Post: #6
Title: Re: وصوت السودانيين بقوه وفاز من صوتوا اليه ...
Author: الشفيع عوض شوشتا
Date: 05-26-2007, 01:42 PM
Parent: #4
عجبني لكن
ههههههههههااااااااااااااههههههااااي
بلا عشه بلا كشه 
....
واا شماتة ماسا فيك
|
Post: #11
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-27-2007, 06:51 AM
Parent: #6
تعرف ياشوشتا بالجد ما حارقني شيلة البوست الاول
رغم انه كان كا يتناول القضية من زاويه بعيده
ولا يتنادي بتفعيل القانون قدر ما يتنادي به من تفعيل للقيم والتقاليد السودانية في المنابر
والله يرحموا بوستي السمح ...
لكن بالجد حااااارقني بوست عشه الكشه ...
هسي عليك الله اكان خلوهو ينبه عشه فيها شنو
ياكافي البلا قبل ما يقول حاجه جو فك حزفوهو
وحااااااتك ياعشه برضيك اكان اجيب ليك بغبغان جديد (ببغاء)
صوتو للشاب خالد
شوشتا
وينو المقال المكتوب في الجريده الخليجيه ...
عن خالد حسن والعلم السوداني
نمش لي قدام
البصاص
|
Post: #7
Title: Re: وصوت السودانيين بقوه وفاز من صوتوا اليه ...
Author: amira abdelrahman
Date: 05-26-2007, 01:54 PM
Parent: #1
مبروك لخالد السودان ..
فوز محبب بإسم وطن غالي..
|
Post: #8
Title: Re: وصوت السودانيين بقوه وفاز من صوتوا اليه ...
Author: Waly Eldin Elfakey
Date: 05-26-2007, 02:17 PM
Parent: #7
البصاص سلامات
| Quote: امس فقط اكتشفت شبكة الا بي سي الجمهور السوداني |
المشكلة انو السودانيين حضور في كل شئ
بس الاعلام العربي ظالمهم
و دي فرصة يعرفوا قيمة الجمهور السوداني
زي ما زمان الخليجيين عرفوا انه
مشاركة فريق سوداني في اي دورة
يعني نجاح الدورة جماهيريا عشان كدة بستضيفوا الفرق السودانية
دي من ايجابيات الموضوع ده اما من سلبياته و انا بوافقك
انه الشاب خالد ( و مبروك ليه) انه ما تغني بالسلم السوداني
مدخل للخروج....
ليه ما بيجيبوا الدوري الممتاز السوداني في قنوات ال ART و بيجيبوه
فقط في النيل الازرق مع انه مشتركي ال ٌِART في السودان بالملايين
ويجيبوا لينا الدوريات العربية كلها؟
|
Post: #9
Title: Re: وصوت السودانيين بقوه وفاز من صوتوا اليه ...
Author: Elawad Eltayeb
Date: 05-26-2007, 03:31 PM
Parent: #8
مبروك.
لا بأس أن نبدأ بمدخل التقليد.
فيجب أن نتعلم كيف نسوق أنفسنا كسودانيين.
والأهم من ذلك، يجب أن تكون بضاعتنا، مستقبلاً، سودانية أصيلة ومتميزة حتى تستمر في المقدمة وتصعب على التقليد.
|
Post: #12
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-27-2007, 06:55 AM
Parent: #7
Quote: مبروك لخالد السودان ..
فوز محبب بإسم وطن غالي.. |
الاميره .. سلامات
شكراً للمرور
مدخل للخروج :
شفت الملاك وبي ايدي سالمتو
بهرتني بي نورو وخلاني ...
وشفت الملاك
البصاص
|
Post: #13
Title: Re: وصوت السودانيين بقوه وفاز من صوتوا اليه ...
Author: سيف الدين حسن العوض
Date: 05-28-2007, 04:33 AM
Parent: #12
الحبيب / ابوعبيدة
اولا الف مليون مبروك لخالد
وطبعا مبروك للسودانيين برضو
ولكن يبدو اننا لن نتخلى عن نظرتنا
الدونية لنفوسنا ..وفي حاجات كده والله تغيظ
منها : فاز علشان يعرف العرب انو نحن عرب
او لاول مرة تعرف الفضائية العربية ام بى سى
انو الجمهور السودانى بيتابع
هم ده كلو عارفنو والعارفنو اكثر انو نحن
متمسكين بالاسلام اكثر وبنحافظ على العقيدة
الاسلامية اكثر ..علشان كده بيحاربونا
بشتى السبل ..وقناتنا السودانية عاوزناها
تتابعهم في كل شئ....
نحن ما عاوزين نقول انوهم فوزوا خالد
علشان يغيرونا او كده
ونحن ما ضد المشاركة في مثل هذه المنافسات
ولكن علينا ان نحافظ على ارثنا وثقافتنا
ولا ننساق لثقافة غير ثقافتنا
ووصيتنا لخالد ولغيرهم من ابناء السودان
ان يشاركوا ويحاولوا ان يغيروا من الداخل
ويأثروا في من حولهم ولاشك انهم سيتأثرون
لكم مودتى وحبى وتقديرى
سيف
|
Post: #14
Title: Re: وصوت السودانيين بقوه وفاز من صوتوا اليه ...
Author: محمد سنى دفع الله
Date: 05-28-2007, 05:07 AM
Parent: #13
مبروك للفنان خالد
كلنا صوتنا لي خالد
وكلنا نططنا زي الأولاد الصغار
ومعاها نطة زي النقر لمن اجيب قوووول
صوتنا لي ولد جميل وأنيق ووسيم
طلع من الخروطوم قاصد النجاح
ولد بغني خماسي وسباعي وغربي وشرقي
وإفريقي
عارف يا ابوعبيدة
الأن في السودان جيل جديدلنج
مفتوح قلبو على كل القنوات
وبرضو وجدانو ملون بالحقيبة
والدوبيت وأغاني الشباب
وليهو دور إيجابي
بصوتوا وبفرحوا جد
اقوليك حاجةياصديقي
ابوعبيدة
زوجتي مرت بمواقف غريبة كلما تكلم واحد من الجلاكين وصاحباته عشان اصوتو لي خالد
( زوجتي عندها زار وبتحيب الغنا للطيش ) اقولو ليها الفين عذر في نفس الوقت كل الإتصلت عليهم
من الجيل الجديد اقولو ليها صوتنا وبصوت تاني___ ده الفرق
ده جيل فيهو أمل كبير
شفت اهل خالد في الخرطوم بيتم كيف لم الأصحب تعرف اللمة والأصدقاء الأوفياء
يعني لسه السودان بي خير ومافي جهه في الدنيا بتغيرنا
خالد رمز للشباب جديد بغني عربي وافريقي
اسيوي وغربي
بغني على كل المقامات
مرفوع الهامة
سوداني
وكلمة خالد
الواقف وراه السودان ما بخاف
وفعلا صوتوله وفاز
ــــــــــــ
بالمناسبة غنى أغنية سودانية
|
Post: #17
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-28-2007, 06:53 AM
Parent: #14
Quote: عارف يا ابوعبيدة
الأن في السودان جيل جديد لنج
مفتوح قلبو على كل القنوات
وبرضو وجدانو ملون بالحقيبة
والدوبيت وأغاني الشباب
وليهو دور إيجابي
بصوتوا وبفرحوا جد |
هو الرجل المناره
اسمحوا لي ان احسر عن راسي عمامتي
واسير حافيا لانني في حضرت مولاي ..
ايها القبس الفاضل محمد السني
اتدري انه ليس جيل واحد هذا الذي رايته
بل عدة اجيال لم تجد لها في سماء السوادن متنفساً
وقد حجبتها عن سدرة الابداع في بلادي ديناصورات
تابى الاعتزال في كافة ضروب الحياه ..
لهذا كانت .. جواهر .. و مغربي اظنه ..والان خالد
ترى كم عدد ولاء الشباب الشهب الذين هجروا
سماء بلاد سدنتها ديناصورات تنكر سنة الحياه
في الفن ديناصورات ...
في الرياضه ديناصورات ...
في السياسة ديناصورات وديناصورات وديناصورات ...
اللعنه
استغفر الله
حسبي الله ونعم الوكيل
البصاص
|
Post: #20
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-28-2007, 07:04 AM
Parent: #13
Quote: ووصيتنا لخالد ولغيرهم من ابناء السودان
ان يشاركوا ويحاولوا ان يغيروا من الداخل
ويأثروا في من حولهم ولاشك انهم سيتأثرون |
اتدرون ان هذا الرجل هو الذي علمني كيف تكون قياسات الراي العام ..
اخبرني كيف ان هتلر وجلوبز استطاعا ان يوحدا مشاعر الالمان بمسيرات الشموع الليليه ..
انه سيف الدين العوض او هكذا نحب ان نناديه في كليات الاعلام ..
الاستاذ سيف الدين العوض
شمعة اخرى تضي وحيده كشمعات اخريات
لان بلادي تحارب النجاح وديناصوراتها تعشق الفشل
استاذي سيف الدين العوض
ان خالد واخوانه
يمكنهم ان يغيروا من بالخارج
لكن اهل الداخل
الله اعلم
البصاص
|
Post: #23
Title: Re: وصوت السودانيين بقوه وفاز من صوتوا اليه ...
Author: سيف الدين حسن العوض
Date: 05-28-2007, 07:31 AM
Parent: #20
الحبيب / ود البصاص
شكرا جزيلا لك على حديثك الطيب عنى وعن زميلائي
الاساتذة الاجلاء في جامعة السودان للعلوم والتكنولوجيا
تلك القلعة الوريفة الظليلة التى نهلنا منها جميعاالعلم
والتحية عبركم لخالد حسام الدين ولكل السودانيين الذين
يرفعون اسم السودان عاليا خفاقا على مر السنين و الدهور
ولكنى اختلف معك اخى ابوعبيدة
في ان
| Quote: بلادي تحارب النجاح وديناصوراتها تعشق الفشل |
واهل الداخل يااخى ابوعبيدة
الخير فيهم
وفي امة محمد
الى يوم القيامة
او كما اخبر رسول الله صلى الله عليه وسلم
مودتى
|
Post: #15
Title: Re: وصوت السودانيين بقوه وفاز من صوتوا اليه ...
Author: شادية الطيب
Date: 05-28-2007, 05:38 AM
Parent: #1
الاخ ابوعبيدة
كل المشاهير من الفنانين بدأوا من مصر وبالغناء باللهجة المصرية وبها انتشروا واشتهروا وبعدها جاء دور الغنا بلهجاتهم المحلية - يعني بعد ثبتوا نفسهم حتى غنوا بغناهم فكيف دايرين خالد يبدأ بالغناء السوداني ؟؟ دي معناها يطلع فورا من المنافسة لأنه كل المشاركين من كل الدول العربية بيغنوا حسب موضوع الحلقة -خليجي مصري لبناني فرنسي حتى - يعني كلهم مش وطنيين وخالد بس المفروض يكون وطنى ؟
على العموم لو خالد غني بالهندي اكيد لازم نصوت ليه لأنه اسمه خالد السوداني ولأنه غنى وعلم السودان على كتفه ولأنه لما اختاروه المشترك الاضعف قال انا من السودان ووراي بلد زي السودان ما بخاف ده كله منتهى الوطنية منه وما حاول يتملق مدير الفريق (سوداني اصيل ويستاهل )
|
Post: #16
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-28-2007, 06:34 AM
Parent: #1
| Quote: ولأنه لما اختاروه المشترك الاضعف قال انا من السودان ووراي بلد زي السودان ما بخاف ده كله منتهى الوطنية منه وما حاول يتملق مدير الفريق (سوداني اصيل ويستاهل ) |
شاديه الطيب
عند هذه النقطه بالذات
لم استطيع ان امنع عيناي من الهطول ..
شاديه الطيب
لقد قدمنا نماذج ناجحه في كافة ضروب الحياه ..العلماء والخبراء والشعراء والادباء ..
نعم قدمناهم وتقبلهم العالم الخارجي ..لكن تقديمنا لهم كان خجولاً ...
وماهم حملوا علمنا يوما في منصات التتويح الا فرق اللعاب القوي ولابد للفضل ان يثبت
شاديه الطيب
حقيقه لم نسوق الاعتراض لانه تغنى باي سلم او اي لون غنائي
لكنا طرحنا الاستفهام - لهذا الانقلاب المفاهيمي -
وبالامس فقط كانوا يهاجمون نجاح كل من لم يتمسك بالمعايير السودانيه
في الوان الابداع السوداني - من معتقد انهم الصفوه واحسن ناس
الا تتفقي معي ان الفن لاوطن له ...
لكنها العقليه السودانية
شاديه الطيب
هل تدرين ان هذا العلم
الذي استمد منه الشاب خالد القوه والثقه هناك كثيرين
الان يطالبون بتغييره الوانه ومسحه ؟
عفواً لحظه :
اسمحي لي ان اردد
والف الف الق مبروك خالد
لكن
مازالت الاسئلة تحتاج الى اجابتها
هل حقاً اصبحنا نبحث عن اي طعم للنجاح ؟
هل حقاً اصبحنا نمارس الاغتراب عن واقعنا المرير ونبحث عن اي انتصارات اسميه
لان الامر تعدى خالد ومسابقته للبحث في منابع هذه الظاهره الملفته انا لا استكثر ليه لكن 82%
رقم يستحق ان تقام له البحوث ...
وجهة نظر ....
مدخل للخروج :
ابداً ما هنت ياسوداننا يوماً علينا
البصاص
|
Post: #19
Title: Re: وصوت السودانيين بقوه وفاز من صوتوا اليه ...
Author: Salwa Seyam
Date: 05-28-2007, 06:59 AM
Parent: #16
معليش يا بصاص .. انا دخلت الفديو ده والظاهر قفل البوست ..
غايتو الا يلحقنا بكرى ويحل المشكلة دى
|
Post: #21
Title: Re: وصوت السودانيين بقوه وفاز من صوتوا اليه ...
Author: يحي ابن عوف
Date: 05-28-2007, 07:16 AM
Parent: #19
فى ليبيا هؤلاء القوم يحتقرون حتى كلمة عبد ويصغرونها إلى عبيد وأخوننا المصريين يدلعونها بأبوه سمره أما بقية الدول العربية ينظروا إلى السودانى وكأنه العبد المخلص لسيده يجب أن لايفكر فى يومآ من الأيام أن يقول السودان أنا عربى الإ فى اجتماعات جامعة الدول العربية التى يوهمون آخوننا الأفارقه ليكملوا بهم العدد أخواتى أفيقوا من غيبوبتكم ودعكم من التجارة بأسم العروبة والدين إذا أردنا أن يحترمنا العالم بما فيه الأمة العربية التى لا تحترم حتى بعضها البعض. .
Quote: آه يا وطني المستف في المطارات القصية
اه يا كفني المنتف في مدرات القضية
اه يا صمتي المكتف في العبارات الندية
اه يا نفسي الملطف بالنهارات الصدية
اه من رفع المصاحف بالرماح الاجنبية
المعاطف ... أجنبية
العواطف ... أجنبية
الجلابيب ... أجنبية
الدواليب ... أجنبية
الدهاليز ... أجنبية
السراير ... أجنبية
المساير ... أجنبية
صبة الكاس ... أجنبية
ختة الراس ... أجنبية
رشة الدلكة ... أجنبية
رعشة الفركة ... أجنبية
طفية النور ... أجنبية
والخوازيق عربية .. عربية
فضي نارك يا محار ب ولا هات البندقية
غني عشقك يا صبية نحن قدامك مدارك
غني للوطن المفارق
عشت يا وطني المبرق بالندى ولون المشارق
يا محرق .. يا مجرب
عشت بشرف البنادق
ويسقط العفن البتلب فوقنا من شرف الفنادق
|
|
Post: #22
Title: Re: وصوت السودانيين بقوه وفاز من صوتوا اليه ...
Author: يحي ابن عوف
Date: 05-28-2007, 07:24 AM
Parent: #21
Quote: كل المشاهير من الفنانين بدأوا من مصر وبالغناء باللهجة المصرية وبها انتشروا واشتهروا وبعدها جاء دور الغنا بلهجاتهم المحلية - يعني بعد ثبتوا نفسهم حتى غنوا بغناهم فكيف دايرين خالد يبدأ بالغناء السوداني ؟؟
|
كيف دايرين خالد يبدأ بالغناء السوداني ؟؟
كيف دايرين خالد يبدأ بالغناء السوداني ؟؟
كيف دايرين خالد يبدأ بالغناء السوداني ؟؟
كيف دايرين خالد يبدأ بالغناء السوداني ؟؟
|
Post: #24
Title: Re: وصوت السودانيين بقوه وفاز من صوتوا اليه ...
Author: abubakr
Date: 05-28-2007, 07:51 AM
Parent: #22
الاعزاء
ايجابيات الذي حصل هو في :
* العنوان هنا "وصوت السودانيين بقوه وفاز من صوتوا اليه ..."
*صوت السودانيون بقوة لمن خاطب وجدانهم وليس لحزب او جهة معينة او سلطة ..
*هذا الشاب عندما قرر ان يشارك كان يعرف جيدا ان الملعب ليس له وكذلك الجمهور ليس جمهوره فغني مخاطبا وجدان الجمهور الموجود بلحن وغناء يعرفه ذاك الجمهور وهذا هو الذي ابقاه قبل الحلقة الاخيرة التي فاز بها بتصويت اهله...
*هو حتي ولو اكتفي بهذا لحقق انتصاريين : " كسب جمهور غير جمهوره " و " جمهوره "
*اشارة ما يمكن ان يكون من دور ايجابي للفن في توحييد الصف او حتي شريحة من المجتمع
* لايهم باي سلم او مقام او لحن غني وادي هذا الشاب ولكنه كان ذكيا ومقتدرا في ان ينافس ويفوز
*هذا الشاب واحد من جيل شباب السودان الحالي الذي له امكانات وطموحات ومعايير لا يجب ان تكون نسخة من التي لمن سبق (جيلي واجيال سابقة)
* الشباب السوداني او معظمه يعي ما يريد ويحتاج الي ان تفسح له الاجيال السابقة مساحات تكفيه ليتحرك بحرية ويعافي من فرض صنمية عليه ...
* جرعة حتي ولو كانت صغيرة او محدودة من الشعور بقومية سودانية لدرجة ما .
امل ان ننظر دائما لايجابيات مثل هذه الاعمال وبقية المحاولات الانسانية التي يرعاها الشباب (انقذوا دارفور - غادة الامل- افراح- الطفل المريض- ...الخ (حتي لا نقتل فهم طموحا لعمل جاد ونظرة الي مستقبل سيتحسن بهم ...
لكم مودتي
ابوبكر
|
Post: #25
Title: Re: وصوت السودانيين بقوه وفاز من صوتوا اليه ...
Author: نوسة
Date: 05-28-2007, 09:40 AM
Parent: #24
أخى أبوعبيدة
لك ودى
أنا لمن إتكلمت عن الحق في التصويت و الحق في الفوز، لم أكن أعني أن أرد عليك بغليظ القول  ،، و إنما أعنى الحق المطلق في الحياة.....
Quote: هل تدرين ان من عيوبنا الكبرى
تضخيم فشلنا ونجاحاتنا بصوره تدعو لل..... |
و هل نحن فقط في هذه الحياة الواسعة العندنا فشل و عيوب؟؟ لماذا باقي شعوب الأرض لا يأتيها هذا الإحساس؟؟؟؟
لماذا دوماً نعيب روحنا و نعيب زماننا، و كأنما نحن المفروض نبلغ الكمال لكى نرضي "الغير" ؟؟؟؟؟
عزيزى هون علينا شوية و دعنا نستمتع بفرحتنا "العيب"
و هي فرحة ليس من وراها مقصد ، بقدر حب المنافسة و البقاء للأقوي و الأفضل
"ما تبخلوا بأصواتكم تاني لو لا قدر الله خالد دخل في المطب دة تانى"
|
Post: #26
Title: Re: وصوت السودانيين بقوه وفاز من صوتوا اليه ...
Author: Semsema
Date: 05-28-2007, 03:15 PM
Parent: #25
Quote: لماذا كل هذا التصويت على رغم ان خالد حسن لم يتغنى بسلمنا الخماسي ؟
|
الفنون غير محكومة بقوانين وبمكان....
قانون المنافسة يحكم خالد بنوع السلم..
لكن اخى البصاص لم تستمع الى خالد وهو يتغنى سودانى كل ما سنحت له الفرصة
حتى كل زملائه بالفريق اصبحو يرددو معه الاغانى السودانية..
ياريت لو سمعتو وهو بغنى اغنية.. (من حور الجنان) ..
Quote:
هل حقاً اصبحنا نمارس الاغتراب عن واقعنا المرير ونبحث عن اي انتصارات اسميه |
هنا المحك الحقيقى..
برجع ليك يا بصاص بالرواقة.
مع محبتى..
|
Post: #27
Title: Re: وصوت السودانيين بقوه وفاز من صوتوا اليه ...
Author: أبو عبيدة البصاص
Date: 05-29-2007, 06:36 AM
Parent: #1
لكل المداخلين شكراً جميلا لكم
على الاثراء والاضافات القويه لموضوع البوست
وعدا بالعوده لكل مداخلة على حده
كل الود
البصاص
|
|