Post: #1
Title: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-24-2007, 10:15 PM
كالعادة كل سنة ي موسم التسجيلات...نفس الحالة النفسية لي ناس المريخ....
كدي شوفوا دي
| Quote: عقد قودين مع الهلال ينتهي بنهاية الموسم الحالي.. والقانون يمنح المريخ الحق في مفاوضته قبل ستة أشهر من تاريخ نهاية العقد.. وقد بدأت المفاوضات فعلياً.. مثلما فاوض الهلال أسامة التعاون ودبل زد! |
ولا المصيبة ي دي كمان
| Quote: *(ولدنا) قودوين راغب في الانتقال.. بعد أن وجد عرضاً مغرياً من المريخ.. بالدولار الحار! |
اها حالة زي دي يعالجوها كيف.....والله الا يتفرغ ليها شيخنا الكبير بروفسير طه بعشر...
الراجل لسة قونو حااااار مابرد فيكم...سميتوهو ولدكم
والله دي حالة ميئوس منها
|
Post: #2
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-24-2007, 10:27 PM
Parent: #1
برغم انو القانون ما بيحمي المغفلين لكن والله احنا بنتعاطف معاكم في صفقاتكم الفاشلة من امثال ديوب والبوسني والصربي واخرها المالي الجنستوهو { سجم الجنسية } ....لكن كمان حواء والدة....بس كمان ماتقيفوا لينا في حلقنا....
ياخي كرهتونا الطب ذااتو
|
Post: #3
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-24-2007, 10:46 PM
Parent: #2
نسيت اقول انو الكلام الفوق دا في واحدة من الصحف المابتختشي بتاعتهم
|
Post: #4
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-24-2007, 11:05 PM
Parent: #1
 صورة لفريق الهلال في قمة شبابه النـَضـِر
كيف حالك يا دكتور ياسر
مثلك قرأت وتعجبت مما كتبه مزمل أبوالقاسم بصحيفة الصدى،
ورغم أن ما كتبه ليس بمستبعد؛ لكن [إشهار] الأمر بهذه الطريقة
يتنافى مع السرية التي تضرب على مثل هذه الأمور حتى أوانها؛
وهو ما يؤكد سعيه "مزمل" لإقلاق الأهلة بانتقال أحد عناصر
فريقهم [الذهبي] للند التقليدي المريخ.
من حق المريخ مفاوضة قودوين وتسجيله إذا وافق، لكن على الهلال
الاجتهاد للمحافظة على عماد فريقه والعمل على خلق لاعبين بدلاء
بذات مستوى الأساسيين تحسبا لكل طارئ [إصابة أو إيقاف أو انتقال].
سيتأثر الهلال بغياب قودوين -أو أي لاعب آخر من كتيبته المنسجمة-
حتى يجد له بديلا، لكن هذا التأثر لن يطول وربما كان خيرا، بدليل أن
انتقال هيثم طمبل لأورلاندو ثم المريخ فتح الطريق أمام قودوين ذاته
للتألق؛ فأسهم بقدر فاعل في نيل الهلال لبطولة الممتاز للمرة السابعة
[الرابعة على التوالي] ثم أسهم بنصيب مقدر في ترقي الهلال لدوري
الكبار الإفريقي.
قودوين ويوسف محمد وكلتشي محترفون تمثل كرة القدم مصدر رزقهم،
ومن حقهم البحث عن المستقبل المادي الأفضل حيثما كان، هم عناصر
مهمة ولا غنى عنها في قائمة الأزرق الجميل، شهدناهم يرجحون كفة
الهلال أمام الزمالك بالقاهرة بلياقتهم البدنية العالية ومهاراتهم الرفيعة؛
لذا أتمنى أن يتمكن الهلال من الاحتفاظ بهم لأطول فترة ممكنة، خاصة وأن
أعمار ثلاثتهم أقل من 25 عاما!
بالمناسبة، جريدة الصدى قدمت اليوم تقريرا مفصلا عن قودوين يعدد
مزاياه ويؤكد أنه "من أفضل المحترفين في الدوري السوداني"!!
|
Post: #5
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 00:57 AM
Parent: #1
صحيفة قوون الصادرة يوم الخميس 24 مايو جاء بها أن الهلال [اقترب]
من تجديد عقد قودوين. لا أشكك في الخبر الذي كتبه المحترم حسن عمر
خليفة؛ لكني أتوقع أن ينتظر قودوين انتهاء دوري الأبطال الإفريقي
فلربما ظفر بعقد مغر بعده.
|
Post: #6
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 05:19 AM
Parent: #1
منتدى المريخاب، ولأنه صوت الجماهير التي لا تلون
الكلمات، كـُـتـِـب فيه مقالان عن ذات الأمر،
وبوضوح يعفينا من عناء البحث عن الغرض بين
الكلمات!
اقلقوا مضاجع الهلالاب بالتفاوض مع قودوين
قولوا معاي لا والف لا لقودوين في المريخ
[اضغط على عنوان المقال للاطلاع عليه]
تباينت الآراء في المقالين عن جدوى تسجيل قودوين
في المريخ، لكن الأغلبية اتفقت على ضرورة إنهاك
خزينة الهلال بإرغامه على دفع مبلغ كبير يغري
قودوين بالبقاء!!
ما تلعبوا كورتكم يا أخوانـّـا !
|
Post: #9
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 11:49 AM
Parent: #6
ماهو لو بيقدروا يلعبوا كورة كانوا بيسووا في البيسووا يهو دا يا ابوحميد....حتي مدربهم بيشجعهم علي التمثيل والفوضي ي المباريات...ولو بتتذكر تمثيلية علاء بابكر بادعاء ضربه واكملها المخرج اتوبيستر بحركاتو خارج الملعب....
دا غير تمثيلية قلق الاخيرة
شغلهم كلو بيتموهوا موية...وبعد دا كلو ....وصاييييف يا حسرة
|
Post: #7
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 05:36 AM
Parent: #1
مباراة الزمالك عرّفت جماهير الكرة المصرية على مستوى
الهلال ولاعبيه، وبخاصة محترفيه النيجيريين. هذه كلمات
لمشجع إسماعيلاي يتغزل فيهم غزلاً صريحا في منتدى
الجماهير الإسماعيلاوية:
Quote: السلام عليكم
بالنسبه للتعاقدات الجديد قبل كده انا رشحت ليكوم لعيبه نادى الهلال السودانى
والكلام ده كان قبل ماتش الهلال و الزمالك و اديكوم شوفتوم المحترفين بتعهوم
عملوا ايه فى الزمالك بهدلهوم! تلاته محترفيين نجيريين على اعلى مستوى. دلوقتى
نادى المقاولون عاوز يجيب قودوين مهاجم الهلال و عرض عليهوم 300 الف دولار.
الاسماعيلى يحتاج للاعب باك يمين و الهلال السودانى يملك احسن باك يمين فى افريقيا
المحترف النيجيرى يوسف محمد ده بهدل طارق السيد فى الماتش اللى كان فى السودان
و بهدل الزمالك فى القاهره لاعب سريع جدا و هناك ايضا المهاجم الفذ المهاجم القدير
الخطير كلاتشـــى المهاجم الأساسى للهلال السودانى لاعب على اعلى مستوى لسه
امبارح مسجل هتريك فى الدورى السودانى اتمنى من الإداره ان تنظر للعيبه دى عشان
هيفدوا الأسماعيلى كتير |
طبعاً هذا رأي مشجع، لكن بالتأكيد هناك الكثيرون يوافقونه
الرأي، فقد كان الهلال ولاعبوه حديث البرامج الرياضية العربية
عقب مستواه الرفيع امام الزمالك بمصر.
|
Post: #8
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 10:06 AM
Parent: #7
جاييك يا ابوحميد
|
Post: #10
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 11:59 AM
Parent: #8
وصلتني القصاصة التالية...عن محتر المريخ كوني...
Quote: ولم يتردد المجلس في ضمه عن طريق التجنيس في التسجيلات التكميلية.
وتابعنا كل خطوات علاجه املا في ان يعود لممارسة نشاطه وهوايته التي تمثل كل حياته وتعامل السيد جمال الوالي بقلبه الكبير مع كوني وكأنه ابنه اواحد افراد اسرته متكفلا بنفقات علاجه في اكبر مستشفيات المانيا، بل اوفد معه الدكتور احمد عبد العزيز اكبر اختصاصيي القلب في السودان لحضور العملية ومتابعة حالته بعد العودة للسودان في مبادرة لا يمكن ان يقوم بها اي انسان في العالم حتي مع اقرب الناس اليه.
عشنا علي اعصابنا ونحن نتابع اخبار كوني مع السيد جمال الوالي ولكن زاد الجرح بعد ان علمنا ان اللاعب وضع امام خيارين احلاهما مر، فإما ان يجري العملية ويعتزل الكرة او ان يترك امره لله ليواصل مشواره ولكنه ايمانا منه بالقضاء والقدر تمسك بالخيار الاخير خاصة وان الكرة تمثل اكل العيش له ولاسرته الكبيرة ورفض كل المحاولات رغم ان السيد جمال الوالي التزم له بتأمين مستقبله لان حياته هي الاهم، بل ان والده كما علمت من السيد جمال الوالي وقف مع رأي ابنه مؤكدا ان ما يعاني منه حالة وراثية وهو يعاني من نفس العلة ومارس الكرة حتي اعتزل ومازال يعيش حياته دون مشاكل وانه علي استعداد لكتابة تعهد للمريخ بتحمل المسؤولية لو حدث اي مكروه لابنه ـ لا قدر الله.
ولكن من الصعب ان يتحمل المريخ المسؤولية ولم يجد جمال الوالي اي خيار لانه انسان رقيق وحساس وقد طرح الامر علي الدكتور كمال شداد والذي اقترح عليه مشاورة مجلس الشوري وكبار المريخ لاخذ الرأي النهائي والافضل انهاء عقد |
بس منتظر اعرف من وين القصاصة و مين اللي كاتبها واجيب ليك الرابط كلو ...بعدين ممكن نعلق عليها....عموما ربنا يشفيهو
|
Post: #12
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 02:47 PM
Parent: #1
وده مقال كتبه زميلنا سامي عبد الوهاب (مريخابي) قبل شهور يبشر
فيه المريخاب بأن الهلال [ اتـبـلـع ]... عديل كده !!
الحقو الهلال إتبلع يارجالة
|
Post: #13
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 03:19 PM
Parent: #1
هاك دي يا دكتور من جريدة قوون...
|
Post: #14
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 03:26 PM
Parent: #1
الصدى- الجمعة 25 مايو 2007
Quote: المريخ يكثف اتصالاته بقودين بواسطة وكيله المصري
علمت (الصدى) أن نادي المريخ شرع في مفاوضة النيجيري قودوين مهاجم نادي الهلال
عبر وكيله المصري أحمد عباس توطئة للحصول على خدماته بعد انتهاء عقده مع ناديه
بنهاية الموسم الحالي.. وقاد المفاوضوات قطب مريخي بارز نال ضوءاً أخضر من قيادات
مجلس المريخ رداً على مفاوضات الهلال للاعب المريخ بدر الدين قلق الذي ينتهي عقده
مع النادي بنهاية الموسم المقبل.
يذكر أن قودوين موجود حالياً في نيجيريا في إجازة قصيرة مع زميليه كلتشي ويوسف محمد
ومن المتوقع أن يعودوا لمواصلة نشاطهم مع الهلال في الرباع من ينويو المقبل. |
|
Post: #15
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 05-25-2007, 03:33 PM
Parent: #1
يبدو أن الPropaganda الإعلامية ستستمر يا دكتور ياسر وعلى
مجلس الإدارة بذل الجهد لينصب تركيز اللاعبين على دوري الأبطال
الإفريقي.
كتب مزمل اليوم بالصدى:
| Quote: (ولدنا) قودوين راكب رأسه.. ومصر على موقفه! |
| Quote: النيجيري أصر.. يصر.. إلحاحاً! |
| Quote: يا قودوين اتعظ من غلطة المعز.. والعاقل من اتعظ بغيره! |
| Quote: قلق شديد.. يا (ولدنا) قودوين! |
|
Post: #16
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 07:15 PM
Parent: #15
الحبيب احمد
Quote: يبدو أن الPropaganda الإعلامية ستستمر يا دكتور ياسر وعلى
مجلس الإدارة بذل الجهد لينصب تركيز اللاعبين على دوري الأبطال
الإفريقي. |
دي حالة كما ذكرت لك ميئوس منها.....الناس ديل ما بتحلي ليهم الحاجة الا عندنا زي الطفل الصغير في البيت مابيشوف الا الحاجة عند اخوهو الكبير...ربنا يشفي بس
علي العموم قودوين لاعب محترف وعارف شغلو كويس ....وحاجات زي دي ما بتغير رايو
اما عن قنبلة الموسم يكفي انو كل لاعب من لاعبينا قنبلة...ودا اكبر دليل...ماسمعنا عن لاعب منهم بيفاوضوهو الناس....بس هم عندهم العكلتة...وبعد دا كلو وصايف
|
Post: #17
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: 7abib_alkul
Date: 05-25-2007, 07:33 PM
Parent: #16
والله بعد دا حقو نسميه هلال العرضة جنوب
ولكن للامانة نقول بان مفوضات المريخ للعيبة الهلال حق مكفولة لهم
ولا يمكن ان لومهم علي ذلك فذا كان مشطوب الهلال امثال مجاهد و علاء الدين طيارة هم نجوم المريخ الان وهذا الثلالثي بمافيهم طمبل اصبح الوحيدين في المريخ الذين يضمنون
دخولهم التشكيلة كاساسي الفريق
لذا نناشد مجلس الهلال بان يحافظ علي لعيبة الهلال ويعض عليهم بالنواجز واي تفريط
غير مقبول البت
ولو حصل الفي مرادهم دا نشجع هلال امدرمان خمسة ايام في الاسبوع ويومين نشجع هلال العرضة جنوب
|
Post: #18
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 07:44 PM
Parent: #17
الهلالي حبيب الكل
| Quote: ولكن للامانة نقول بان مفوضات المريخ للعيبة الهلال حق مكفولة لهم |
المشكلة انو ديل عايزين يفاوضوا كل لاعبي الهلال...حتي المدربين السابقين ماخلوهم اها دي يحلوها كيف؟
لو تذكر التسجيلات الفاتت دي بس فاوضوا كم لاعب....وزي ماذكرت اي لاعب هلالي يدخل التشكيلة عندهم علي طول مع انهم كانوا بينشدوا كل انواع الشعر في لاعبيهم القدامي ماعارف سايقها صلاح ودافرها مين ...وبعد دا كلو لمن يجوهم نجوم الهلال يصبح القدامي نسيامنسيا....الحل انو نبيع ليهم النادي كلو ويمكن برضو ما نرتاح....دي بلاوي شنو دي
|
Post: #19
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: 7abib_alkul
Date: 05-25-2007, 08:03 PM
Parent: #18
لكن يا شقيق الهلال
اذا كان حمال الوالي زاته ابن الهلال
وكان من حوار صلاح ادريس
كان بقت علي ناس طمبل ومجاهد هينه
بالمناسبة دي طمبل عمل شينة عديل كدا في الفنيلة الداخلية ؟؟
بس اوع يكون الصورة دي ختها في حتي تانية ههههههه يكة
|
Post: #20
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 11:12 PM
Parent: #19
الحبيب ابو حميد
Quote: كتب مزمل اليوم بالصدى:
Quote: (ولدنا) قودوين راكب رأسه.. ومصر على موقفه!
Quote: النيجيري أصر.. يصر.. إلحاحاً!
Quote: يا قودوين اتعظ من غلطة المعز.. والعاقل من اتعظ بغيره!
Quote: قلق شديد.. يا (ولدنا) قودوين! |
قلت لي قودوين طلع جعلي...هم قايلنو ... زي طمبل ولا شنو....
يستاهلو عشان يمدو قرعتهم تاني......افووووووو....عافي منك يا قودوين
|
Post: #21
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: yasir Abdelgadir
Date: 05-25-2007, 11:15 PM
Parent: #20
اخونا حبيب الكل
| Quote: بالمناسبة دي طمبل عمل شينة عديل كدا في الفنيلة الداخلية |
زمان عندنا واحدة مريضة نفسيا في عطبرة يلموها الجماعة ويدوها قروش ويخلوها ترقص في نصهم...وكلما تقرب تقيف يدوها تاني وتواصل في الرقيص...دحين مافي وجه شبه هنا
|
Post: #22
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 06-17-2007, 07:50 AM
Parent: #1
... غايتو يا دكتور ياسر، أخوانّـا المريخاب ديل
تعبانين معانا تعب!
شوف العينة دي من منتدى جماهير المريخ:
Quote:
قودوين بطنو طامة
قودوين نفسياتو فى ا
الزول دة حاسى بالمرارة
الزول دة معتقد انو الهرار  قتل طموحوا
الزول دة ما راضى يرجع ال30 الف دولار بتاعت عجمان
وصلاح ادريس واقف ليهو فى حلقوا عشان يبيض وجهه قدام جماهير الهرار
قودوين راح يا هراراب
واسوأ مباراة سيلعبها قودوين ستكون هى مباراة نكسة 24 يونيو ان شاء الله
وح تشوفوا |
إنتَ يا دكتور نحن الناس ديل عملنا ليهم شنو؟!
___________________________
هكذا يظهر اسم الهلال في منتدى المريخ!!
|
Post: #23
Title: Re: التسجيلات لسه مابدت: والمريخ يطارد قودوين ..عمر بخيت...حمودة...,و...و... وبعدين معاكم
Author: Ahmed Alrayah
Date: 06-17-2007, 08:21 AM
Parent: #1
يا دكتور، خليك من قودوين، ديل عاوزين (مــرق)!Quote:
قد يستغرب الكثيرون من هذا الموضوع لكن هذه وجهة نظر
فعمار مرق المهدد بالشطب من الهلال مكانه شاغر في المريخ
ربما تدني مستواه في الفترة الآخيرة عايد لأسباب خارجية
ولكن ما يميز مرق عن باقي المدافعين المسجلين في كشف المريخ
البنية القوية ومقدرته على إستخلاص الكرات من الخصم
كذلك خبرته الطويلة في الملاعب ومقدرته في إحراز الأهداف
من المحتمل أن يقوم الهلال بشطب مرق واظن أن مكانه فارغ
وسيثبت صحة كلامي |
برضو من منتدى جماهير المريخ!
_____________________________________
بالمناسبة، أخوانّا المريخاب حتى هذه اللحظة فاوضوا هؤلاء
اللاعبين من الهلال:
المعز (برضو قالو عليهو ولدنا)
أبوبكر الشريف (فاوضه مزمل أبوالقاسم، وعرضوا عليه 100 ألف دولار)
محمد آدم (المشطوب)
ريتشارد (أيام عودته من الإسماعيلي)
عمر بخيت (إنتو كمان ما تبالغو!)
علاء يوسف (تركهم وفي قلبهم حسرات)
حمودة (تمنوه بعد أن تركهم وفي قلبهم حسرات برضو)
مهند الطاهر (قبل تسجيله في الهلال)
كرنقو(حاولوا إقناعه بفسخ عقده مع الهلال)
هيثم مصطفى (كل ما ينزل فك تسجيل!)
قودوين (مفاوضات تخالف قانون الاتحاد العام السوداني وقانون الفيفا)
كلتشي (بذلوا جهدا عظيما في تسجيله، لكن الهلال ظفر به)
|
|