بقية أغاني ألبوم المبدع أباذر عبد الباقي !.. دعوة للموسيقيين و للجميع.

Quote: التحية لأباذر عبدالباقي ملك الإحساس

Quote: أها في سعودي كان معاي في المكتب قبل شوية لما شغلت أغنية "الله يخليك ليعيوني البتحبك" إندهش واستمتع بالأغنية وقال لي "أول مرة أسمع غنا سوداني واضح" إضافة للايقاع أو المقام المقارب لأغاني السلم السباعي ...

Quote: يعني نفهم علشان الناس تحب غنانا ، نتجه للسلم السباعي؟ طيب تاني ما حايكون غنانا ، حا يكون غني ناس تانيين إنت عارف ليه نحن بنفهم غناهم ؟ ما عشان واضح ، عشان أسباب كتيرة أولها عشان نحن عايزين نفهم غناهم و بنعرف نتذوق الغناء تانياً فضائياتهم قادرة تعكس ثقافتهم أما فضائيتنا مافضاية من بث الحرب و الفتن و ثقافة الغير .. أنا أسف لكن ، بتمني أنه غنانا يكون غنانا علشان تستمتع بيهو و بالمناسبة ،ده ما بينفي إني إستمتعت بالأغاني فقط ملاحظة عشان ما ننجرف وراء غناء الآخرين وننسي إنه لنا أيضاً غناء يمكن يعجب الاخرين، وإلا ما صار غناء سوداني كما اوردت أعلاه ودى و تحياتي و شكرى على الغناء

Quote: بالمناسبة ابتسامة الوش ده بتذكرني عوض جادالله، وكلما استخدمها بتذكرو الله يطراه بالخير.

ندورات والله دي بالغت عديل فيها !.. الله يطراهم بالخير هو و عباس و بابكر و سعيد
شكرا لمرورك و بختك عديل كده بالاجازة





طبعا واضح انو ما نراه في الفضائيات العربية اثر في الانتاج الفني السوداني و ربما ده السبب الخلي اباذر يقدم اغانية في قالب مشابه لما نراه في الفضائيات و اصبحت الاغنية الذكرتها مقبلولة للاخ السعودي.
ودي

Quote: انا عندي وصية.. لما تكتب لأبو ذر المره الجاية قول ليه محمود ود نادر صفّق أول مره في حياته لما سمع اغنيتك لما ظهر في النيل الأزرق... (حاسه بروحي عويره كده وانا بكتب في نبأ تصفيق محمود)!!

.
ودي

Quote: هاني شاكر صوتو أجمل

(عدل بواسطة ناصر الحاج on 05-28-2007, 08:46 PM)

Quote: أنا ما كنت ناوي أناقش الموضوع لأنو وجهة نظري وزاوية رؤيتي للأمر مختلفة شوية، فيها جانب آخر غير مرئي بالنسبة لكل من يتبنى وجهة نظركم دي، نحن بنقول فننا أحسن فن، ونحن أعرق ناس في الكورة، وعندنا علماء سودانيين في كل التخصصات ونحنه ونحنه ونحنه، قادين الناس وقادين نفسنا بأوهام زي دي وفي النهاية الواقع شيء مخالف تماماً، ما عندنا مقدرة نسوّق حاجاتنا في زمن التسويق لثقافتك بقة عملة صعبة وبيلعب دور أساسي في الحياة بكل أوجهها الاقتصادية والاجتماعية والسياسية، كون نغني غنانا وكمان نعرف نغني غنا وكمان نغني غنا غيرنا دي ميزة مش منقصة زي ما بتفترضو، وليكن ده مدخل لتسويق ثقافتنا اينما وجد سوداني وحتماً سيصب ذلك في مصلحتنا إن وعيتم للأمر بشكل جيّد و(حسبتوها صاح) ثقافة الخليج دي حاجة في جزء كبير منها مربوطة بالبيئة العاشو فيها وده ما ضعف في الثقافة السودانية بالنسبة للذين يتأثروا بالمفردات والعادات دي فطرة انسانية و(الانسان إبن بيئته) أنت حسه حتجي من غربتك دي مثقل بثقافة المكان الذي أنت فيه بصورة واضحة، وأستبدل مفردات (السيارة) (أدق ليك) ولبس العباية بالمقابل في الثقافة التي تعيشها الآن وستجد الأمر ما إلا فرط تحييز واضح لتك الثقافة وتمييز للثقافة الآخرى، هسة لو فكيت ليك سعودي في العيكورة حتجي بعد سنتين تلقاهو لابس عقال وبتكلم سعودي؟ والله تلقاهو ممعن في اللهجة السودانية وسفتو دقار لوري ولابس ليهو عراقي وسروال واتسودن زي الترتيب .. هذا والله أعلم .. يعني حسه يا نصورات فكيت أخوك عكس الهوا في الموضوع ده؟؟ ندورات الشبندر

مشكلتنا هي مشكلة (ادارة) ..ما بنعرف ندير اي شيء و لا حتي انفسنا. لما نكون ما قادرين نسوق ما عندنا دي ما مشكلة كبيرة زي لما العندنا يتمسخ و يبقي ما معروف انو بنتمي لينا او لي ثقافة تانية بنعبر عنها و ما بنحسها.. ضربت مثل قبل كده بـ (معلومةبنت الميداح) يا نادر .. معروفة في اوروبا و امريكا و هي بتغني اغاني من الصحراء حتي لما عرفوها العرب عرفوها بعد ما انتشرت في العالم كلو و اصبحت تطاردها الفضائيات العربية بعداك .. انا قصدت التغيير الحصل علي الغناء السوداني في الفترة الاخيرة و اثره . زي اغنية كده غناها معتز صباحي و اغاني تانية لآخرين.

شي طبيعي انو اي زول يتأثر بالمكان القضي فيهو سنين . لكن الماشيء طبيعي انو ملاين تمرق من البلد اكيد تأثيرهم ح يكون قوي جدا لما يرجعو. و معروف في كل العالم انو الناس البتسافر من بلادها للعمل او الدراسة في دول تانية ما بكونوا بالملاين.

(عدل بواسطة ناصر الحاج on 05-29-2007, 10:32 PM)

Quote: .. يعني حسه يا نصورات فكيت أخوك عكس الهوا في الموضوع ده؟؟

Quote: واشتغلت في مجال الغابات مش؟ حايمة في البوست من اول يوم وما جدعت ولاجابت حجار

Quote: والله ياخ الطبزة حصلت، جنون الصهيونية العالمية.. والوقوف خلف متاهات نسيان العقيدة وشهداء الواجب .. إنهم يتدافعون وراء سراب الكلمات وصلح الحديبية.. ما عندك لهم غير كلمة للعودة لسواء السبيل. كان غلبك تجري فلقم بالحجارة.. ----------------------------------- الرد أعلاه طبعاً نموذج لردود عبد الرازق الطالب

- كتلت (عوض) بالضحك

Quote: اباذر فنان وفنان له التحية ويا ناصروات وينك يا حبيب

خالص تحياتي لك و للوليدات
نصورات

Quote: ما عارف ليه صوتو بيذكرنى بى شمت محمد نور(عقد الجلاد) ودون اجحاف فى حقه صوت جميل يشدك اليه بكل الجوارح الله يخليهو تجربة صعبة ان يعتمد فى الاغنية على صوته فقط وذلك دليل على تمكّنه الكبير من الاداء عميق التحايا ضياء ميرغنى ملحن ومغنى / هولندا وشكرا للدعوة الجميلة جد استمتعنا

(عدل بواسطة ناصر الحاج on 06-01-2007, 02:39 PM)