Post: #1
Title: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-23-2007, 10:13 PM
والسؤال لمن هم خارج متطقة الخليج !!!!!!!!!
أمريكا مثــــــــلاً ......!!!!
ياخي ذبحتــــــــــــــــونا ....
إنتو بتلقطوا رزقكم متين ؟؟؟؟؟؟؟؟ 
|
Post: #2
Title: Re: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-24-2007, 12:01 PM
Parent: #1
وبعملية جرد بسيطة للـ 24 ساعة اليومية أجد أن حسابات الخسارة غالبة ...
فعدد ساعات العمل لا تقل بأي حال من الأحول عن عشرة ساعات ...
بما فيها ساعة المشوار من وإلى العمل ...
ماذا تبقى من اليوم ...
ماذا سأنجز في يوم انتهى ...
عند العودة مساءً تجد نفسك مشتتاً ..
بين تناول طعام الغداء ..
النوم قليلاً ..
الخروج مع العيال قليلاً من السجن اليومي هذا ...
أم المشاركة هنا ومتابعة ما يجري ..
أو حتى المساهمة ولو بالقليل ..
وماذا تبقى بعد ذلك ..
اجتماعيات الغربة " المشوار لأداء واجب قد يزيد عن الخمسين كيلو" ...
!!!!!!!!!!!!!!!!!!!
!!!!!!!!!!!!!!!!!!!!!!
|
Post: #3
Title: Re: دوامنـــا كدة !!!! ، دوامكم كيـــــف ؟؟؟
Author: سلمى الشيخ سلامة
Date: 05-24-2007, 12:16 PM
Parent: #1
الدوام لله يا صديق
لكن وحاتك غير يوم السبت والاحد مافى راحة
الشغل عشرة ساعات يمرقن من صف العدو يوميا
بس الفكرة انه الزول ما بركب مواصلات من البيت دقيقة واحدة بتوصلنى لمحل الشغل
الا صديقنا هشام عندو تكسى يعنى زول شغلو فى ايدو ولاب توبو معاهو وكت ما تهف ليهو بكتب
نحنا بنجى (للحالة بتاعة الكتابة دى )يوم السبت
وامكن يوم الاحد
بعد داك هشام ما عليهو (غسيل ولا امشى الدكان ولا اطبخ)
ولا عليهو بالباقى حق البيت ناس نضافة ومكوة ولمليم وكدى
فى ناس شغالين لاحول لله تلاته دوامات الله يكون فى عونهم
بشوفو السرير طشاش طشاش
وفى ناس بنومو ( نوم الديك فى الحبل )
والحمد لله
لكن كمان فارق التوقيت برضو بدخل عنصر
لانه الفرق اكتر من تسعة ساعات يعنى لمن انتو تنومو
يومنا ببدا وهكذا
لكن ممكن هشام يجاوبك دا البنعرفو غايتو
|
Post: #4
Title: Re: دوامنـــا كدة !!!! ، دوامكم كيـــــف ؟؟؟
Author: abuguta
Date: 05-24-2007, 12:41 PM
Parent: #3
الاخ عمران
كما تفضلت الاخت سلمى الناس ديل شغلهم تقيل
اسى فى زول مبدع اكتر من يحى فضل الله او عبد الحميد البرينس
اسى ديل مشو وين...مدعوكين والله مدعوكين
اما ابنى عمى هشام هبانى
دا شغال تكاسى هو واين عمى الطيب ابقوتة..والاتنين حملت ماجستير..والثانى درس فى الثانويات
ثم فى اليمن طلع فيها الجبال ..واخيرا طلع ليه لوترى..ما لقى حاجة غير يشتغل تكاسى اما قريبى هشام..لما يكون واقف فى صف التحميل بفتح اللاب توب حقو وبقعد يتصفح فى البورد عشان يواكب ..والجديد بالذكر ان خطوط هشام التى يعمل فيها كلها wi-max..ودى خدمة ال wi-fi يعنى
wireles والخدمة دى موجود فى الرياض..فى مقاهى star pucks وبعض الفنادق..وتجدها فى الشارع الذكى
شارع التحلية خدمة تجريبة..يعنى لو عندك لاب توب وانت راكب سيارتك وماشى فى شارع التحلية ممكن تلحق هشام هبانى فى الردود والمواضيع..وسوف تحير ناس جدة وناس والسودان ويقولو عمران دا ما عندو شغل..اسى نحن فايقين زى هشام دا بكون فاتح نت 10 ساعات..لكن راسى فاصى والله فاضى
وشكرا
|
Post: #7
Title: Re: abuguta
Author: عمران حسن صالح
Date: 05-24-2007, 04:46 PM
Parent: #4
Quote: wi-fi يعنى
wireles والخدمة دى موجود فى الرياض..فى مقاهى star pucks وبعض الفنادق..وتجدها فى الشارع الذكى |
تعرف يا صديقي نحن خدمة الـ dsl دي فرحانين بيها لسة وحكاية الويرلس دي بدري علينا منها ...
وما تنسى نحن من سكان الضواحي هنا ( يا كافي البلاء  ) وشارع التحلية ده إلا يودينا القدر ساكت
بعدين ما تنسى حتي وإنت في عربيتك هنا همك الدوام ينتهي عشان تتخارج ترتاح شوية ...
وعشان تتخارج من الشارع الكلو أولاد شيوخ وأمراء ده بتكون قاعد تسبح الله يخارجك ما تتدقش ليك حاجة من الحاجات الماشة قدامك دي ...
أقل حاجة سعره ربع مليون ريال ...
تقولي أفتح لاب توب ...
ياخي أنا بكون فاتح خشمي دهشة من أشكال الحاجات الفي الشارع ده ..
|
Post: #5
Title: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-24-2007, 01:41 PM
Parent: #1
اليوم خميس ....
يعني نصف دوام ....
يعني نوم ...
تعويض ...
لجري إسبوع ... طويل وومل ...
بعد داك نجي نشوف الأساتذة الأحباء : سلمى وأبوقوتة ........
|
Post: #6
Title: سلمى الشيخ سلامة
Author: عمران حسن صالح
Date: 05-24-2007, 04:39 PM
Parent: #1
حبابك أختنا سلمى
| Quote: لكن وحاتك غير يوم السبت والاحد مافى راحة |
سبت وأحد دي هنا يا سلمي تقرأ ليها آية الكرسي
من يوم الجمعة عشان تقدر تمشي دوامك بدون كسل ومشاكل ..
ياخي يوم السبت ده أطول يوم هنـا ...
| Quote: الا صديقنا هشام عندو تكسى يعنى زول شغلو فى ايدو ولاب توبو معاهو وكت ما تهف ليهو بكتب |
الأخ هشام هنا صادف إسمه فقط حالة قرف عندي من كثرة الشغل الكان في إيدي
وحصول رغبة عارمة جداً في تلك اللحظة أتداخل مع أحد الأصدقاء في موضوع لطيف
لا فيه ساس يسوس ولا شكل اليومين دي .... وحكاية اللاب توب الفي التكسي دي أخوك ما أخد بالو منها خالص ... بس لذيذة ودخلت لي شغل التكسي ده في راسي ...
جماعتنا بقضوها ونسة مع صحف الشمارات عندنا في السودان ...
المهم يا سيدتي ...
عشرون سنة دوام بين السودان وهنا ..
والله خلاص قلنا الروووووووووووب ...
لك التحية
|
Post: #8
Title: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-24-2007, 05:12 PM
Parent: #1
من حسابات الربح والخسارة ...
اليوم فوائده كثيرة في بلدي .. على الأقل عندما كنت فيه ... الآن يقولون أن حكاية غداء الساعة تلاتة دي انتهت ولمة ناس البيت حول صينية الغداء الما خمج ...... وصاروا زي حالتنا ... على لحم بطنا حتي المساء ...
من فوائده صلاة المغرب والعشاء في زاوية الحلة ... الهجرة شمبات ...
كل السماح والجمال والمحبة الصادقة تجدها في زاوية الحلة مساء كل يوم ...
ذكر لي إمام الزاوية وهو مهندس من مقيمي هذه الديار سابقاً ...
قال لي ونحن في حالة وداع (كوني متخارج وفرحان ) تعرف يا إبني يا عمران هناك المساجد جميلة بشكل غير عادي ... ومنظمة جداً ومتواجدة بشكل غير طبيعي وستسهل لك حكاية الصلاة دي ...
يعني كل أوقاتك ممكن تصليها في المسجد ....
نسي أن يقول بأنك ستفقد فقط من هم حولك الآن ....
ونسي أن يقول بأنك سوف تكوس للونسة من خلف كي بوردك المنزلي ....
ونسي أن يقول .................. ولا بلاش أحسن ...  
|
Post: #9
Title: Re: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-25-2007, 12:20 PM
Parent: #8
عشرة سنوات دوام !!!
عشرة سنوات من وإلي العمل ....
بإجازة واحدة ...لم تتعدى الشهر أتت على الأخضر واليابس ...
عشرة سنوات إستنزاف ....
من عقلي ... صار لا يتعلم شيئاً جديداً !!! لا زمن لذلك !!
من روحي ... صارت باردة غير متأقلمة مع أي نوع من الجمال ...
حولي فقط أسمنت وأسفلت وغابة من النيون ... وقليل من الخضرة محروس بأمنجية يحسبوا عليك خطواتك ...
ويمنعونك من تصوير إبنك ... ولو بكاميرا جوال دقتها ضعيفة ومداها لا يتعدى إبنك ... لأن التصوير ممنوع .. !!!!!
وتعود إلى دوامك بعد قضاء جمعتك بين الحيطان ....
وتعود إلى دوامك لأن متعة الآخرين هنــا هي التسوُق فقظ ..
المولات ...
بسلالمها الكهربائية وحاجياتها التي لا تحتاجها ...
وأسعارها التي ليست لها علاقة براتبك ...
وتعود إلى دوامك شاكراً حامداً ربك على كل حال ...
|
Post: #10
Title: Re: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-26-2007, 06:09 AM
Parent: #9
دوام ........
دوام ........
دوام ........
دوام ........
دوام ........
|
Post: #11
Title: Re: دوامنـــا كدة !!!! ، دوامكم كيـــــف ؟؟؟
Author: DKEEN
Date: 05-26-2007, 07:10 AM
Parent: #1
يابو حمودي
ياخي انتا قايل القاعدين في امريكا ديل زيك
بيت انيق وصالة قدر الليلية وبكرة
وكمبيتور ثابت في طرف غرفة المعيشة
وود غلباوي
ومشوار ساعة لي الشغل..
ياخ هباني ده لافح لاب توب في عربتو
والوير لس في اي حتة في شوارع امريكا
ولحدي مايجي زبون بكون نزل ليهو سبعة بوستات
ديل النت عندهم زي البزقة..
ساهل بالحيل..
|
Post: #12
Title: Re: دوامنـــا كدة !!!! ، دوامكم كيـــــف ؟؟؟
Author: عمران حسن صالح
Date: 05-26-2007, 09:47 AM
Parent: #11
Quote: يابو حمودي
ياخي انتا قايل القاعدين في امريكا ديل زيك
بيت انيق وصالة قدر الليلية وبكرة
وكمبيتور ثابت في طرف غرفة المعيشة
وود غلباوي
ومشوار ساعة لي الشغل..
|
وغــــــــــد ........
|
|
