Post: #1 Title: عافيه حسن وشكر الله.. ديل فنانين Author: abdalla elshaikh Date: 05-23-2007, 02:03 AM
عافيه حسن وشكر الله.. ديل فنانين
عهدي بالنقد الفني الإنطباعي إنتهي منذ ان غادرت وطني في بداية التسعينات...ولكن حضرت سهرة تلفزيونية ضيفاها شابة اسمها عافيه حسن...وشاب اسمه شكر الله عزالدين.. يـمتلكان ملكة تطريبية عالية تجعلني اناشد أفزاز الـمؤلفين الـموسيقيين الاخذ بيدهم وأخص بالتحديد يوسف الـموصلي وصلاح محمد الحسن وعلي السقيد وعادل صديق وعثمان النو وعمر الشاعر
Post: #2 Title: Re: عافيه حسن وشكر الله.. ديل فنانين Author: abdalla elshaikh Date: 05-23-2007, 02:15 AM Parent: #1
وبـمناسبة النقد الفني فقد شاهدت شريط طه سليمان(فيديو كليب) ولكنه لـم يعجبني كون الـمخرج حاول ان يستجدي الـمشاهد العربي بالحيل الفنية إبتداءا بالـمكياج السـميك والذي إنكسرت عليه الإضاءة ثـم طريقة الاداء الـمصطنع خشلعة الـمصريات مما جعل العمل كما النعامه لاهي طائر يطير ولا حيوان يـمشي علي اربعة... فيا فناني السودان محلية الطيب صالح هي التي خلقت من شخصية مصطفي سعيد نـمط اعلي تجاوز الحدود والاعراق والثقافات
Post: #3 Title: Re: عافيه حسن وشكر الله.. ديل فنانين Author: abdalla elshaikh Date: 05-23-2007, 02:26 AM Parent: #2
ألسياسي الاتحادي الـمخضرم خضر حمد اورد في مذكراته انهم كانوا تواقين ان تكون الاغنية السودانية مثل الاغنية العربية ولذلك بعثوا بأغنية(فيك رايح بالي)لـمعهد الـموسيقي العربية بالقاهرة فتم توزيعها ولكن في لحظة ادائها كانت سودانية...ذهب عبد الـمعين وقرأ الـموسيقي العربية بالقاهرة وكذا الحال سيد خليفة ولكنهما عندما عادا الي السودان غنيا سوداني
Post: #4 Title: Re: عافيه حسن وشكر الله.. ديل فنانين Author: abdalla elshaikh Date: 05-23-2007, 02:34 AM Parent: #3
ألدكتور حسن عباس صبحي درسنا نظرية الادب الـمقارن وكان يقارب ما بين جماليات شعر امرئ القيس وشكسبير والناصر قريب الله وشعراء البطانه.. وكان يقول (لأيه الشاعر يقول فينوس يا رمز الجمال...فتاملوا لو قال تاجوج يارمز الجمال..تاجوج ياشباب اكثر حميمية من فينوس)
Post: #5 Title: Re: عافيه حسن وشكر الله.. ديل فنانين Author: abdalla elshaikh Date: 05-23-2007, 02:44 AM Parent: #4
علي الـمستوي الشخصي أجد نفسي مدانا وذلك لانني وبالقاهرة(1993) كتبت قصة ثلاثية للأطفال بعنوان(فاطمه السمحه) ولكنني نزولا عند رغبة الناشر الـمصري إستبدلت كلمة(سـمحة)بكلمة(حلوة) وإستصغرت بالتالي ثقافتي السودانية والتي نحتت بفرادة وعبقرية كلـمة( سـمحة ) والتي اعتقد جازما لولاها لـما كتبت تلك النصوص والتي اقنعت الناشر الـمصري ان ينشرها
Post: #6 Title: Re: عافيه حسن وشكر الله.. ديل فنانين Author: abdalla elshaikh Date: 05-23-2007, 07:14 AM Parent: #5
حسين شريف و حسان علي أحمد شتتا اللون بكل درجاته وبالطريقة السودانية في كل(معارض) القاهرة فإنحنت مصر تقبل ذلك اللون
ستونا مجروس ياحليها.. غزت الثقافة الـمصرية بثلاثة موتيفات ثقافية سودانيه..عنقريب .. حناء.. وقرمصيص..فقدمناها في مهرجان الثقافات السودانية الاول بالجامعة الامريكية بالقاهرة(95) وبـمصاحبة جوليا محمد وردي في طقس صبحية العريس .. فإنحنت طقوس العشرة بلدي الـمصرية خانعة امام هذا السحر السوداني العجيب... ودخلت ستونا مجروس بيوت الـمجتمع الـمصري من بوابة عليةالقوم
Post: #8 Title: Re: عافيه حسن وشكر الله.. ديل فنانين Author: Salah Abdulla Date: 05-23-2007, 11:32 PM Parent: #7
الأخ عبدالله ..
سلام
Quote: شابة اسمها عافيه حسن...وشاب اسمه شكر الله عزالدين.. يـمتلكان ملكة تطريبية عالية]
يبدو لي من كلامك أعلاه أنك لم تسمع لهم من قبل .. لكن عافية حسن تحدث عنها الكثيرون هنا في هذا الموقع ، وما زال احد البوستات (حي يرزق) وحايم بي هنا .. انا استمعت لعافية كثيراً ، وسمعتها بالامس ايضاً .. ولكن ( لمست وأحسست فرقاً) بين أداءها في برنامج نجوم الغد ، وأداءها بالامس !!!!! الله يكضب الشيتة .. أما الشاب الآخر ، فلا أرى فيه ما يميز ..
Post: #10 Title: Re: عافيه حسن وشكر الله.. ديل فنانين Author: abdalla elshaikh Date: 05-24-2007, 06:36 AM Parent: #8
يا صلاح يا فنان الشباب دايرين ليهم عكازه راسخه في الزمن(الفراشي)دا..إستمعت لعافبه في الحلقة اللي فاتت(نجوم الغد) وهي حلقة مطبوخه اصلا(بلغة الإخراج التلفزيوني) لأنو إخراج باهظ التكاليف.. ولكن في الحلقة الاخيره والتي إندفعت قروشها من قروش(الـميري) فبتظهر عيوب الـمكياج والزي والزينه ورهبة ألإستعجال...إنت عارف يا صلاح اكتر حاجه أزعجتني في أداء هذه الشابة(كم القميص الاصفر الواسع وإللي إبتلع حتي الـمايكرفون من يدها اليـمني)... طبعا يا صلاح دا الإخراج( الـميري)..بتلقا الديكور مشاتر وتصميم الـمكان مشاتر وكذا الحال طريقة الأداء...اما شكر الله .. فهو خامه صوتيه بتحتاج لـملحن عبقري
مقدمة البرنامج فرحانة بي حواجبينها شديد واتعاملت مع شكر الله وعافية كصعاليك...
انا لو من شكر الله كان اكلتا ليها المايك ده في خشمها..
Post: #11 Title: Re: عافيه حسن وشكر الله.. ديل فنانين Author: abdalla elshaikh Date: 05-24-2007, 06:42 AM Parent: #9
دكين.. يا شواف.. الـمذيعة زي اللي شغاله تـمثيل بالإنابة عن زول واقفف خلف الكواليس وأكتر حاجه زغللت عيوني فيها الـمكياج(Double paste)
Post: #12 Title: Re: عافيه حسن وشكر الله.. ديل فنانين Author: hajhamad Date: 05-24-2007, 06:44 AM Parent: #9
Quote: انا لو من شكر الله كان اكلتا ليها المايك ده في خشمها..
بالغت يا دكين..فعلا مقدمة البرنامج يبدو أنها حديثة جدا في تقديم البرامج و لكن هذا لا يعفيها اذ أن مستوى الأسئلة تعبان و ليست طريقة تقديم الأسئلة فقط...
أنا أشارك صلاح عبد الله انو عافية حسن التركيز كان تركيزها على اظهار النواحي الجمالية أكثر من الغنائية...شكرالله دا قدامو طريق طويييل عشان يبقى فنان
الحاج حمد
Post: #13 Title: Re: عافيه حسن وشكر الله.. ديل فنانين Author: hajhamad Date: 05-24-2007, 06:45 AM Parent: #9
حذف للتكرار
Post: #14 Title: Re: عافيه حسن وشكر الله.. ديل فنانين Author: hajhamad Date: 05-24-2007, 06:55 AM Parent: #9
حذف للتكرار
Post: #15 Title: Re: عافيه حسن وشكر الله.. ديل فنانين Author: hajhamad Date: 05-24-2007, 06:56 AM Parent: #9
حذف للتكرار
Post: #16 Title: Re: عافيه حسن وشكر الله.. ديل فنانين Author: يسرى معتصم Date: 05-25-2007, 03:55 AM Parent: #15
Post: #17 Title: Re: عافيه حسن وشكر الله.. ديل فنانين Author: يسرى معتصم Date: 05-25-2007, 04:07 AM Parent: #16
Post: #18 Title: Re: عافيه حسن وشكر الله.. ديل فنانين Author: صلاح شعيب Date: 05-26-2007, 04:08 AM Parent: #17
Quote: عافيه حسن...وشاب اسمه شكر الله عزالدين.
استاذنا عبدالله عبدالوهاب
المحترم
شكرا لهذه الانتباهة النقدية
Post: #19 Title: Re: عافيه حسن وشكر الله.. ديل فنانين Author: abdalla elshaikh Date: 05-26-2007, 06:11 AM Parent: #18
إنت عارف يا صلاح .. عندنا مشكة إسمها (أنا ومن بعدي الطوفان).. بـمعني أدق هي انا السياسي الاول ..وانا لاعب الكوره الاول...وانا الفنان الاول.. بل وانا الحبيب الاول..(ويا حليل ايام زمان)... ويا صديقي يا صلاح عجبتني عافيه وعجبني شكر الله .. فهما عتبة مستقبل الاغاني السودانيه....إنت عارف يا صلاح والكلام بالشئ يذكر..ففي العام(84)كتبت مقالا نقديا تحت عنوان(معهد الـموسيقي والـمسرح لـمن ?) ففي ذلك الـمقال كنت اقول إن نتاج هذا الـمعهد سيجني ثـماره جيل سنة(2001)..بإشارة ليوسف الـموصلي ومغامراته في حقل الـموسيقي.. فيوسف كان يغامر علي مستوي الشكل الـموسيقي..وهي مغامره ارعبت في ذلك الوقت(أضان) ناس زمان
Post: #20 Title: Re: عافيه حسن وشكر الله.. ديل فنانين Author: Salah Abdulla Date: 05-26-2007, 09:23 AM Parent: #19
العزيز عبدالله
تحياتي ..
تعرف الشئ الوحيد الذي لا يحتمل المجاملة هو الانتاج الابداعي أياً كان ، وكذا المبدعين.. والله الكلام ده من كترة ما كررته هنا لمن بقيت أخجل من ترديدو .. عافية صوت جميل وواعد ، ما في شك ، لكن (الفرق ) واضح جداً بين صوتها في نجوم الغد وصوتها في سهرة تلفزيون السودان .. تفتكر ليه ؟؟؟ السهرة (في نظري) كانت فاشلة بكل المقاييس .. الخوف يا عبدالله من (التغييرات ) السلبية التي تظرأ على المواهب الفنية الواعدة حينما يعتبرون أنفسهم قد وصلوا الى مرحلة النجومية ، وأنو خلاص بقى فنان كبير وبعد ده ما عليهو الا يغني بس !!! هذا الاحساس ( مدمّر ) .. وللأسف فان مصدر هذا الاحساس هو ( المحيطين ) بذلك الفنان أو الفنانة (تعبير مجازي) .. يعني شنو ، تنزل ليها البوم ، وتحضر للتاني ؟؟؟؟؟؟ بالله ده كلام ده .. عملت شنو في صوتها ؟ منو البيعلمها ويوجهها ، منو البساعدها على تنمية صوتها والتعرف عليهو أكتر ، والتعامل معه؟؟ بل منو المهتم أصلاً بالواعدين ؟؟ القصة اتحولت ( لتجارة ) صوت جديد (ضرب) السوق ، أكيد التجار ح يلقو فيهو فرصة لجني أرباح طائلة .. ويلا كلفت كلفت ، يطلعوا البوم ( جربان ) ويأذوا الفنان ، ويأذوا المستمعين .. وتجربة نانسي عجاج أوضح مثال على التسرع ، وتأثير المحيطين بها عليها !!
ده مجرد رأي ... وتاني بكرر ليك كلامي القلتو ليك فوق ( اللـــه يكضب الشـــــينة)..