عمـك تنقـو .. أما كفاك رحيل ..؟

كتب .. صلاح شتات ..
أترحل ؟
أما كفاك رحيل ...؟

"لا ترحل عنا يا كيغان ..
أبقَ معنا يا كيغان ..
نحن نحبك يا كيغان"
كلمات ما تزال بذاكرتي منذ أواخر السبعينات من القرن الماضي ..
رددتها الآلاف من الجماهير الألمانية في ملعب هامبورج وهي تودع الغزال البري الانجليزي كيفن كيغان بعد سنوات من العطاء والحب والإخلاص ..
وها نحن نحاول أن نقولها بصوت مخنوق ..
لا ترحل عنا يا خالد ..
أبقَ معنا يا خالد ..
نحن نحبك يا خالد ..
ولكن شاءت قوانين الرحيل والبقاء أن يمضي كيغان رغم صيحات الحب ولافتات الرجاء ..
رحل كيغان فقد كانت حقائبه ملأى بالسفر .. رغم ذاكرته المحتشدة بالبقاء ..
رحل بعد أن تغلبت قوى الطرد الواقعية على قوى الحب المركزية ..
وها أنت ترحل ..
كنت أعلم ذلك منذ لقائنا الأخير ..
فقد تضاءلت تلك البسمة الوضيئة .. وكانت كل الكلمات تلوِّح بالوداع ..
"كنا نمشي جنباً إلى جنب .. نحن وأنت والفراق" ..
تلك هي المشيئة كعادتها تقص شعر المسافة الطويل .. وتطوي سجل دروبها الحافل .. وتحيلها إلى منطقة يتيمة منزوعة التلاقي ..
تلك هي المشيئة لا تعنيها الأشجار الشاهقة على حواف الجداول .. ولا تتوقف لمن يمضي أو يعود كأنها في في حرب أزلية كي لا يجتمع الندى فجرا ..
ولكن ثمة أشياء تبقى في الدفاتر القديمة ..
أوراق وفيَّة للذكرى .. كلمات مضيئة في الوجدان .. أشواق متقدة ..
قصص بلا عناوين .. حروف بلا نقاط .. ولوحة وريشة وفنان غائب ..
ما تزال هناك قصيدة لم تكتمل ..
ورواية ناقصة الفصول ..
وقمر ورقصة على البال ..

سنفتقدك في "منتدى الشمس" ..
إذ رغم كل المحاضرات الرفيعة .. والأسابيع الثقافية والمواسم الأدبية .. والسمنارات التي قدمها المشاركون .. تظل "الشمس" نغمة حلوة .. وقصة عذبة بلا نهاية رغم السادية والماسوشية وحريق الذات ..
سنفتقدك في "بلاج القمر" ..
فما نزال نبحث عن شعيرات الضوء التي فقدناها ذات مساء .. عن توقيعها على الرمل .. وابتسامها المنعكسة من سطح الماء .. عن لؤلؤ عينيها .. وعن وجعنا المدفون في محارة في مكان ما في قاع المحيط ..
فمن لنا غيرك يا ترى ..؟
من يكتب قافيتها الضائعة ..
من يرسم الخط المفقود في اللوحة ..
ومن يصوِّر كسوفنا عندما تستوي الشمس والقمر ونقع في ظلال الشجون ..؟؟؟

لك الحب يا خالد ..
لك الحب ما هاجت الأحزان .. وما اتسعت للدمع المآقي ..
ثم وداعاً ..
وداعاً .. وعهداً نلقيه عليك إن حملته عنَّا اختيارا ..
يكون نبض الوعد واخضرار الأمل في جوف المغارة ..
هو كل ما في دنيا السؤال والترقب والبشرى ..
أن تحملنا في هامش الخاطر حرفاً وفي حافة البال ذكرى ..

وداعاً ..
وداعاً ..
وإلى لقاء ..

نبوية الملاك في فاقده عيوني زول ..

الرحــــيل ..
الفــــراق ..
دائماً ما تسبقهما آهـة بتجرح قلب المشتاق ..
ما أقساهما من كلمتين وقعها صعب على النفس ..
ما عارف ليه دائماً قدرنا كده أن يكتب لنا الرحيل على بوابة الزمن الردئ ..
ما أن نغلقه راجعين حتى ينفتح إلى جهة تانية بدون أوراق ثبوتية للسفر ..

لـــيه يا خالد ..
أما كفى من حرمان حتى تفارقنا إلى ديار لا نعرف كيف إليها نصل ..
وأنا أقلب الدفاتر وأراجع محاضرة الشمس والقمر ورحلة دورانهما وهما يرحلان لينيرا مكان آخر من الكون ..
أجدك أنت كذلك يا خالد ترحل عنا لتضئ بوجودك مكان آخر من العالم تحتاج ونحتاج لكثير من الوقت حتى نفيق من صدمته اللا كهربية ولا زمنية ..
أحاول أستجمع شتات نفسي وتمبسها أيكون المكان كما هو في غيابك ..
تلك اللوحات المعلقة على جدار زمنك في دارٍ ألفتها وألفتك ..
لا أتخيل نفسي وأنا أحملها وأرميها بثقلها عليك ..
صعب علينا يا خالد ..
وصعب علينا أن نردد مثلما رددت جماهير ألمانيا لكيغن ..
ولكن إن كان لأبد من كلمة ..
أقــــول ..
حتماً سنلتقيك يا خالد ..
في وطن أرحب وأجمل مثلك ..

.
..

Quote: ولكن إن كان لأبد من كلمة .. أقــــول .. حتماً سنلتقيك يا خالد .. في وطن أرحب وأجمل مثلك ..

آآآآآآآآه آآآه يا زمن أحقاً قد حان موعد الرحيل

Quote: آآآآآآآآه آآآه يا زمن أحقاً قد حان موعد الرحيل

إنه كذلك يا عمدة ..
رحيل مكاني فقط ..
أو ما أرادته لنا الأيام ..
سيبقى تنقو في الدواخل وإن غاب عنا لحين ..

كن بألف خير يا صديق ..

وهنا شتات مره أخرى ..

خالد تنقو

من اجمل الرجال السودانيين قاطبة
لا تملك الا ان تحبه وتحترمه
والله لا جاب يوم شكروا..
ماشي وين؟

سلام يا دكتورة ..
تنقو فعلاً زي ما قلتي إنسان جميل وأخو أخوان ..
نتمنى ليهو كل خير في مشوار حياته الجديد ..

تقديري ..

سلامات يا معتصم
تنقو معلماً بارزاً من معالم الفرح فينا، حالة سودانية خالصة، صديق قل أن تجود الأيام بمثله، لا أذكر أني رأيته عابساً أو مكفهراً في يوم، فهو دائماً هاشاً باشاً في وجه الأصدقاء، برغم حزن الأيام وشروط الغربة القاسية، وركناً رحباً، وملاذاً رائعاً لجميع الأصدقاء، يشعرك في حضرته أنك صديق حياته الأعز وأنك أغلى الأصدقاء بالنسبة له، وأنه لا قبلك ولا بعدك صديق، ويذهب إليه غيرك فيشعره بنفس هذا الشعور، ويقني أنه يجيد هذا الفن النادر لأنه فنان ذو إحساس راقٍ، وقبل كل شيء إنسان بكل ما تحمله هذه الكلمة من معان ...
ونحن إذ نفقد خالد في المنفى، لا نفقد صديقاً عادياً بل نفقد منظومة جمالية كاملة الدسم.
ستظل يا خالد ذكرياتك باقية فينا، وسنظل نذكرك كأجمل ما تكون الذكرى، داعين لك بالتوفيق والسداد في كل خطوة تخطوها.

تحياتي يا معتصم لك ولجميع من معك.

سلام يا نادر ..
وشكراً على اللمة الحلوة الأتحفتونا بيها ..
زي ما قال الحبيب أسامة مامون .. تنقو شعبة البيت كان شلتها ينهار ..
تنقو شايل الفرح وحايم يوزع فيهو للأحباب أبداً ما صدّ زول ولا بتلقاهو عابس ..
تنقو سوادني أصيل وود بلد بالجد ح نفتقده مكانياً فقط ولكن هو في قلوبنا وسيظل حبل التواصل بينا ممدود ..
دعواتنا ليهو بالتوفيق وين ما حلّ ..

تقديري ..

الحكمة ..الصدق ...النقاء

موطنه ...الرحيل ...السجون ..

حفظك الله ...عمك ....

وتحايا لك مصطفى ..ولشمس شتات

ولشتات ....شخصيا.....المقل..

تحياتي أخي حيدر ..
فعلاً تنقو زي ما قلت وأكثر ..
جد هو شخصية فريدة نتمنى ليهو التوفيق في مشواره الجديد ..

تقديري ..

اكتر الخاسرين من رحيل تنقو
صابر بتاع المطعم السوداني
و تنقو نفسه ،
لانه خسر ناس زينا كدا صراحة
يعني اسه حيلاقي ليه نادر دا وين تاني ، و لا شتات و ود الشيخ حيلاقيهم وين ، و حيتونس مع معتصم وين غير في المسنجر كيف تاني ، اسه حيجيب ليه تمبس من وين في الامارات ، و دكين تاني غير في المنتدي دا حيشوفو متين ، و عوض هارون و شفعو الشقية ديلاك ، و الشرغوف ، ديل كلهم حتبدأ تعمل زيهم في الامارات تاني ؟؟؟
اها تاني حتلاقي ليك ام سهي تانية هناك ؟ و حتعمل ليك زهير تاني في الامارات ؟
و جمعية اصدقاء الكتاب و مطعم حلفا ، حراج الكمبيوتر ، الخبر الشمالية !!
و اسامة مأمون دا يا تنقو اسه في زمتك دا صاحب يخلوه و يسافرو ، و عثمان الساكن معاك في الشقة ،
و ثابت و بدري ، و الاهم من كدا انا دا حتلاقيني و ين تاني ؟
سيبنا من مكنة معتصم بتاعة نتلاقي في زمن ارحب في السودان الجميل ،
ما في زول راجع السودان قريب ، و بالرجع السودان برجع عشان يغترب تاني .

خلاص يا تنقو نتلاقي في الجنة بعدين ، او في المسنجر و المنتدي اسة .
الي اللقاء يا صديقي

وكيف لما الفراق
يحصل إنشاء الله ما يحصل


معتصم
وشتات

ياممكنونون بألم الفراق
لكم دواخلكم التي ملئها تنقو بربيع الذكرى
ولكم أشواقكم لصديق يظل يزهر فيكم

مودتي

تحياتي نهال ..

هي الدنيا كده تفرق لتجمع والعكس صحيح ..
تنقو حالة خاصة وجميلة في دواخلنا قلوبنا معه وين ما حط رحاله ..
شكراً ليك يا أصيلة ..

تقديري ..

ونحن كمان يا حمد خاسرين ..
بل أصعب من خسارة البرازيل من فرنسا ..
تنقو ستفتقده الشرقية وأيامها الحلوة ..
كل الذكرتهم ديل سيفتقدونه بلا شك ولسان حالهم يدعون له بالتوفيق ويلهج بالشكر على الأيام الجميلة القضاها بينهم ..
أها انت دبر حالك من هسي حيث لا تنفعك دبرستك أين تفكها ولا أغنية مفقوده لديك أين تجدها أو كتاب تائه منك ..
مكنتي دي سيبه والوطن موعود بينا إن طال الزمن أو قصر والغربة هنا غربتين بدون صاحب زي عمك ..
ونحن في رحلة العودة كان تنقو معنا واللحظات الجميلة التي نقضيها معه وأهل الشرقية بدون فرز ..
أي مكان فيهو عمك جنة يا حمد إذاً سنلتقي لأننا نتمنى ذلك ونسعى له ..

حتماً سنلتقي ..
حتماً سنلتقي ..

عمك مسافر بكرة يامعتصم ....

الشرقيةاليومين دي براها مصيفة و عمك ولع فيها و مشتت ...








انتا تعال أسألك ...
لحدي الآن ما لاقاني لا هندي ولا بنغالي و لا مصري و لا فلسطيني و لا ......الخ
متجرس عشان مفارق ليهو أخو وله صديق ... ليه نحنا من دون البشرية كلها
الشغلانة دي بتدخل علينا كدة ؟؟؟


يا شتات عمك لهسي بيضحك من ( اللحم وله العضم ؟ )

Quote: عمك مسافر بكرة يامعتصم .... الشرقيةاليومين دي براها مصيفة و عمك ولع فيها و مشتت ...

شفت كيف يا خال ..
أها تنقو ولعه زياده وماشي ..

الفراق ياهو الفراق يمكن يختلف عندنا شوية ولو نظرت لأغنياتنا تجد فيها الحسرة والألم وكلمات الفراق والوداع ..
بس يبقى هناك وعد باللقياء إن طال الزمن أو قصر أو فرقتنا المنافي وأبعدتنا سوف يكون هناك يوم نجتمع فيه ..
أبقوا عشـ10ـرة وخليكم دائماً قريبين لبعض ( الناس بالناس والكل برب العالمين ) ..

Quote: يا شتات عمك لهسي بيضحك من ( اللحم وله العضم ؟ )

تنقو..مواصفاتك هي مواصفات ولي.. الأولياء هم من يحب الآخرون الاجتماع بهم، ومن يمنحون الجميع احساس التميّز.. وهذا ما ذكره اصدقاؤك هنا.... تلحقنا وتنجدنا.. هنيئاً لك..

معتصم، منتظره البوست ده لي زمن.. شكرا ليكم

Quote: تنقو..مواصفاتك هي مواصفات ولي..

كيفك يا أم محمود ..
ياخي دي أبلغ كلمة إتقالت الزول دا فعلاً ولي ..
ولي بخصاله النبيله بكرمه وحب الناس ليهو وحبه للناس ..
أمنياتنا له التوفيق ..

Quote: تلحقنا وتنجدنا.. هنيئاً لك..

شكراً للحظات الجميلة الأتحفتونا بيها ..

يديك ألف عافية ..

معزتي وتقديري ..

فووووق
ليحاذي قامة .. تنقو
وهيهاااااااااااااااااات

ح افقــدك يا تنقـــو

شديد جدا
بالسلامة في كل مكــان يا صاحب . اي مكان تمشي ليهــو اكيد ح تلقـانا معاك

فاقده عيوني تنقــو ..

الله يخلعكم كلكم
قريت كلام غامض زي كلامكم ده في سودانيات
و جيت هنا لقيت معتصم برضو كلامو يخلع
قطعتوا قلبنا الله يقطع شنو اقول ليكم


تنقو
تمنياتي الانت عارفها بالتوفيق في نزوحكـ الجديد
نحو اماكن قطعا ستخلق فيها عوالمكـ التي نعرف


معتصم
بوست وفاء جميل و لغة عالية كما عودتنا
التحيات لي شتات .. تمبس لا

المتدخلون الأعزاء
لم أعرف تنقو الذي تتحدثون عنه ، لكنكم قطعا أوفياء لبعضكم ... ما لفت نظري هو كلمة الرحيل في العنوان.. وقد أستغربت أن يقول سوداني لسوداني لا ترحل ... نحن "راحلون" بصفة مستديمة ، تركنا أحبابا لنا هناك ، حتى الأصدقاء اللذين أحببناهم في الغربة يفترقوا لغربة أخرى .. دي معادلة شنودي؟ الله يوفق من سافر عنكم (وبلاش كلمة الرحيل) وربنا يجمعكم به في الجنة ..
لكم الود ... ولغتك وأسلوبك رائع جدا يا معتصم

تحياتي وسلامي أخي كمال ..
كلمة الرحيل هنا لأنها موجعه شويه وزي ما قلت نحن دائماً في ترحال ولم يستقر لنا بال ولا مكان .. تركنا أهلنا ومن نحب خلفنا ولا زلنا (حايمين) في بلاد الله ..
تنقو إنسان عزيز وزول جميل وكثيرون هنا في المنبر يعرفونه نتمنى أن تلتقيه ونلتقيك لنتشرف بمعرفتك أكثر رد الله غربة الجميع ..

شكراً لرقيق كلامك ..
كل التقدير والود ..

يا خدر نحن لسه مخلوعين زيك
فجاءه لقينا تنقو دا ح يغيب عننا ويرحل لمكان بعيييد ..
تنقو الجميل الزول الهاش وباش والبسمته ما بتفارق شفاه ..
نعمل شنو دقينا الصيوان دا هنا ونحاول نعزي نفسنا في غيابه كان ينفعنا ..
أمنياتنا له بالتوفيق وين ما قبل ..


أها انت زاتك غايب فاقدنك يعلم الله ..
وشكراً ليك يا جميل إنك معانا هنا توفي تنقو حقه ..
يديك العافية يا حبيب وما عدمناك ..

كل الود ..

Quote: بالسلامة في كل مكــان يا صاحب . اي مكان تمشي ليهــو اكيد ح تلقـانا معاك

أكيد يا تامبا صدقت والله ..


وعلى وعد المنى ح نلتقي ..

شفت يا ثابت أها بعض الأمتار ديك الآن ح تمشيها حنين ..
ح تمشي مكان ما كان عمك ساكن وتطلع درجات السلم داك وتخبط على الباب ..
يجيك الرد إنو عمك مافي غادر هذا المكان بس والله أثره لسه باقي كأنه هنا ..
أها تنقو دا ما بارح مكانه موجود في دواخلنا ..

أبقى طيب ..

تمنياتى للعزيز الفريد فى عصرو تنقو بالسلامه
فى حله و ترحاله ،
و أن يوفقه الله تعالى و يسدد خطاه .

الاخوان معتصم وشتات
سلام شديد
أرجو أن تعطوه جواز المرور
وله الوفاء
هذا الأليف المؤنس
رفيق الرحيل
نرفع الأكف له بالدعاء
بالتوفيق
له ولكم التحية

الأخ الحبيب عثمان ..
سلام يغشاك وين ما كنت ..
جوازنا له بدون تأشيرات مع دعواتنا وحبنا له ..
تنقو يستاهل كل الخير ربنا يديه على قدر نيته ويوفقه في مقره الجديد ..
شكراً جميلاً أخي عثمان دائماً حاضراً في الدواخل ..

محبتي وتقديري ..

شكراً الفنان الجميل مصدق وأنت توفي معنا عمنا تنقو حقه ..
أمنياتنا له بالتوفيق على وعد المنى بلقائه على أرض الوطن الحبيب ..

كن بألف خير ..

خالد تنقو المهذب..

كل الأمنيات الطيبات ترافقك أينما حللت..
وبالتوفيق..


مو يا عزيز..
أنا لما دخلتا البوست كنت قايلة ده نداء عشان نسمع ألحانه الغابت من هنا.. لقيت الموضوع فيهو سفر وشنط ومطارات ورحول..
تحياتي للشباب الباقين معاك

ودي

كيفك يا رجوية ..
تنقو ح يغيب شوية عن المنبر وح تغيب أغنياته لفترة ..
ولكن ما عارف ح نلتقيهو متين وما عارف أي المطارات تحتضننا بعده ..
ربنا يقرب البعيد ويرد غربة الجميع ..

تشكري يا غالية ..
محبتي وتقديري ..

عمك تنقو,,
أما كفاك الرحيل؟
معتصم الجميل,,
أما كفانا التشرد
و النزوح؟
معاناة الفرقة في كل حين,
إلى متى؟
صادق امنياتنا بالتوفيق, عمك تنقو
بوست جميل يا معتصم, برغم الحزن
حبنا و تقديرنا لكلماتك يا شتات
لكم كل الود

غادة

غادة إزيك ..
هو قدرنا كده ..
زمان قالوا في السفر سبعة فوائد ..
هسي بقى قطعة من عذاب وجهنم ..
السفر بقى نزوح ورحيل وجوازات بلا هوية ..
التيجاني سعيد كتب وغنى وردي ..
قلت أرحل ..
أسوق خطواتي من زولاً نسى الإلفة
أهون ليل .. أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
شفتي كيف رحيل الحبيب عن المحبوب وهنا يجوز أن نقول الحبيبة والوطن والأهل ..
نتمنى أن يجتمع شتاتنا والوطن يكون أجمل ..

شكراً ليك يا ذوق ..
محبتي وتقديري ..

تنقو والقمة .. صنوان
فوووووووق
لقمة الصفحة الأولى

مجرد سؤال

إنت يا معتصم سفر عمك تنقو دا
مش ح يفرق على الوغـد ديكو ؟؟