اتمنيــــــــتك (قصيدة عامية ). شعر : عمر بخاري

اذا كان الرد يصعب فما بال القصيد اذا تهدج لذلك لك مني هذه المشاركة



اتمنيتك

نص:-

هوم خيالك بي

وأشرق وجيهك لي

تاوق قليبي عليك كمل الكلام كلو

ما قلته ليك بهواك

وأنا مابريد إلاك ..!!

مدخل:-

اتمنيتك ..

يوم ميلاد ألوان الطيف السبعه

ويوم ماهطرق صوت المطر الشوق

والليل اتمدد ونام على خدك وفارق ضلك

هاك آهات الوجع المنفى ..

وهاك إبداع النيل البحلم بي عينيك

الليل يا بنيه .. النيل يا بنيه

النيل يا بنيه الدافر منك أبى يستنه غيابك

عن ميلاد الفرح الغايب

ليه يا بنيه .. ليه يا بنيه

نسيتي الريده ..

وإتلونتي بلون الحسره

وشفق المغرب ..

ليه يابنيه.. ليه يا بنيه

هاك ظلام الليل الكان

بيخاف من نور عينيك

وبهزم روحو

هاك غناي المحزن

منك وفيك إتوشحي بيهو

هاك دميرة وجدله حريرة

والفال شبالك يا تاجوج

وروح الناس تتشابه عليهو

اتمنيتك ..

يا لوحات إبداع مجنون

في مرسم عشقك

يوم ما غازل جنو جنون

أطيافك وونس روحك

داخل روحو

ودغدغ قلبو

بشارة جيتك

ونام على خدك

وشافك غيمه عليهو بتهمي

وواصل يحلم ويحلم ويحلم..!!

ما شافك حبو

بدون عينيك إتعذب قلبو

شكاك لي ربو

وبقى مجنون

هايم على دربو ..

وبقى مجنون هايم على دربو

وبقى ...




_________________________________________________

.