دى كورة دى !

الكورة الشفتها امس لناس المريخ دى ولا كورة ولا يحزنون وكان دى كورة المريخ صدقونى دورى المجموعات دا ما بمرق منو بنقاط تسد الرمق .

يا جماعة ... عشان ما تقومو علينا انا مريخابى لكن من ما المريخ دا بقى منتهى وقاعد ساى خليت الكورة والتشجيع ويوم المريخ يكون لاعب بشوف لى شغلة لغاية الكوره ما تخلص

ياسيد / محمد حامد جمعة .. سلام كثير وتحية ..
كدى قول بسم الله ، وقوم إتوضأ ..
يمكن تكون صاحى من النوم ،
فى مريخابى بقول كلام زى ده !!!!
إن شاء الله الهلالاب ما يقرو كلامك ده...
.. ولو ما كان غالب أمس كنت بتقول شنو ؟؟
تحياتى .. ومريخنا فوق ، والعجب بسوى العجب ..

محمد مختار جعفر

يا زميل كان على العجب ( مافيهو كلام ) لكن النصيحة لله كدا ، المريخ دا بحالتو دى ما كويس

انا مريخابى ( معتدل ) لكن المريخ الشايفو فى السنوات الاخيرة دى اخير منو (فريق السكه فلنكه )

بالمناسبة الهلال ... زاتو زيو

اخي محمد جمعة
مسكاقمي
بسم الله الرحمن الرحيم
انت قبل شوية ما كنت كويس
الحصل ليك شنو
انت حتى في الرياضة رشاشة
المريخ لعب امبارح مباراة رائعة
والقلق والعجب سووا العجب
امشي المغربي واعمل ليك نضارات يا اخوي
اصلو من لون قميصك ظاهر انك رشاشة

انتا في كورة امس ولا كورة بكري دي؟؟

مريخابى متعصب التقيت به امس عقب المباراة وسالت عن توقعاته للمرحلة المقبلة ( طبعا طممت بطنو لمن قلت ليهو المريخ دا ما بجيب كاس ) فصمت لمدة ثم قال وفى لسانه عجمه لذيذة ( تارف المرهلة الجاى ما مشكلة بس الله يباد مننا ناس دول الساهل والسهراء ) قلت ليهو ديل منو ناس (الساهل والسهراء ) فقال .. ناس تونس والجنبهم ما بارفو يغلبونا الا همسة وانت ماش .. ساليك كوره والله

محمد حامد ياحبيب سلام والله انت طلعت رشاشة ورشاشة كبيرة جداً عليك الله وفي ذمتك كرة ذي دي مش حاجة مفرحة للسودان ياخي أنا عالم الرياضة تعليق عبد الرحمن عبد الرسول في الإذاعة فوتني الدوام اليوم من التشويق العالي والتصوير الممعن في التغزل بفتية المريخ بصوت عثمان حسن مكي والأقوان الروعة بصوت شيخ المعلقين الرياضيين الرشيد بدوي عبيد ويوسف حسن يوسف
وبالمناسبة سعادة الفريق قالوا لي كان ضيف شرف وكمان برضوا الجماعة تفألوا بيهو ياخي الزعيم مش وحضر وقعد وتفاؤل وحاجات تانية وانت تجي تطلعنا وتقول لينا دي كورة دي حرام عليك يا وحامد واعمل حسابك بكرة بتلقي ليك دبورة ناقصة
ارجع لسياستك وخلي الكورة لينا نحن الغلابة