الكورة الشفتها امس لناس المريخ دى ولا كورة ولا يحزنون وكان دى كورة المريخ صدقونى دورى المجموعات دا ما بمرق منو بنقاط تسد الرمق .
يا جماعة ... عشان ما تقومو علينا انا مريخابى لكن من ما المريخ دا بقى منتهى وقاعد ساى خليت الكورة والتشجيع ويوم المريخ يكون لاعب بشوف لى شغلة لغاية الكوره ما تخلص
05-20-2007, 10:44 AM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
ياسيد / محمد حامد جمعة .. سلام كثير وتحية .. كدى قول بسم الله ، وقوم إتوضأ .. يمكن تكون صاحى من النوم ، فى مريخابى بقول كلام زى ده !!!! إن شاء الله الهلالاب ما يقرو كلامك ده... .. ولو ما كان غالب أمس كنت بتقول شنو ؟؟ تحياتى .. ومريخنا فوق ، والعجب بسوى العجب ..
محمد مختار جعفر
05-20-2007, 02:58 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
اخي محمد جمعة مسكاقمي بسم الله الرحمن الرحيم انت قبل شوية ما كنت كويس الحصل ليك شنو انت حتى في الرياضة رشاشة المريخ لعب امبارح مباراة رائعة والقلق والعجب سووا العجب امشي المغربي واعمل ليك نضارات يا اخوي اصلو من لون قميصك ظاهر انك رشاشة
05-20-2007, 11:07 AM
DKEEN DKEEN
تاريخ التسجيل: 11-30-2002
مجموع المشاركات: 6772
مريخابى متعصب التقيت به امس عقب المباراة وسالت عن توقعاته للمرحلة المقبلة ( طبعا طممت بطنو لمن قلت ليهو المريخ دا ما بجيب كاس ) فصمت لمدة ثم قال وفى لسانه عجمه لذيذة ( تارف المرهلة الجاى ما مشكلة بس الله يباد مننا ناس دول الساهل والسهراء ) قلت ليهو ديل منو ناس (الساهل والسهراء ) فقال .. ناس تونس والجنبهم ما بارفو يغلبونا الا همسة وانت ماش .. ساليك كوره والله
05-20-2007, 03:24 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
محمد حامد ياحبيب سلام والله انت طلعت رشاشة ورشاشة كبيرة جداً عليك الله وفي ذمتك كرة ذي دي مش حاجة مفرحة للسودان ياخي أنا عالم الرياضة تعليق عبد الرحمن عبد الرسول في الإذاعة فوتني الدوام اليوم من التشويق العالي والتصوير الممعن في التغزل بفتية المريخ بصوت عثمان حسن مكي والأقوان الروعة بصوت شيخ المعلقين الرياضيين الرشيد بدوي عبيد ويوسف حسن يوسف وبالمناسبة سعادة الفريق قالوا لي كان ضيف شرف وكمان برضوا الجماعة تفألوا بيهو ياخي الزعيم مش وحضر وقعد وتفاؤل وحاجات تانية وانت تجي تطلعنا وتقول لينا دي كورة دي حرام عليك يا وحامد واعمل حسابك بكرة بتلقي ليك دبورة ناقصة ارجع لسياستك وخلي الكورة لينا نحن الغلابة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
محمد مختار جعفر
ebrahim_ali
فيس بوك
تويتر
انستقرام
يوتيوب
بنتيريست