قائمة الاعضاء العايشين في البورد

Post: #1
Title: قائمة الاعضاء العايشين في البورد
Author: اساسي
Date: 05-18-2007, 04:31 PM
Parent: #0

اي الاعضاء المستحيل تلقاهم اوف لاين من المنبر خلال الاربع وعشرين ساعة في ايام الاسبوع السبعة.
فترة غيابهم من المنبر ما بين اكل وجبة والعودة والبعض اظنه اصبح يعتمد علي السندوتشات امام الشاشة .

الترتيب عشوائي .

1. عادل عبد العاطي
2. خالد الطيب احمد
3. تراجي مصطفي
4. د. مصطفي محمود
5. رجاء العباسي
6. معتز القريش
7. وليد محمد المبارك
8. ناذر الخليفة
9. تمبس
10. مني خوجلي
11. حسين ملاسي
12. سودانية 2000
13. واصل علي
14. غادة عبد العزيز خالد
15. معتصم دفع الله
16. محمد السني دفع الله
17. فرانكلي
18. هشام هباني
19. دينق
20. فيصل نوبي
21. جعفر بشير
22. عمر علي
23. بيان
24. تاج السر حسن
25. اساسي

Post: #2
Title: Re: قائمة الاعضاء العايشين في البورد
Author: Soumeta
Date: 05-18-2007, 04:55 PM
Parent: #1

و إنت المقعدك قدام المتواجدين الآن قدر
ده لمن تفرز منو القاعد في الاربعة و عشرين ساعة
و المافي منو شنو؟

و كان ما حسبت روحك براك،،
كان مليت خانة رقم الصفر،،

اساسي مع إني بخاف من لسان كيبوردك السلبة ده،،
و سخريتك السلبتين دي،،
لكن اهو راجية الجاييني،،

Post: #11
Title: Re: قائمة الاعضاء العايشين في البورد
Author: Raja
Date: 05-18-2007, 06:16 PM
Parent: #2

5. رجاء العباسي

أساسي يا غتيت..

أمانة في ذمتك لما كتبت البوست ده أنا كنت أون لاين ..؟

ذكرتني بحكاية بتاعت زول صاحبنا. قال وهم في الجامعة كان عندهم زميلهم (أنصار سنة) ما بيسلم على البنات كلو كلو.. وكان بيقعد في بنش براهو بعيد منهن.. أها في سنته الأخيرة صاحبنا ساب الشغلانة وطوًل بناطلينه وبقى لما يسلم على البنات يمسك ايدهم أطول فترة ممكنة. لما البنات إتضايقو وقالو ليه الحاصل شنو.. رد عليهم: بعوًض في السنين الما سلمتا عليكم فيها ..

أها أنا يمكن بعوًض في السنتين الغبتهم ..

Post: #15
Title: Re: قائمة الاعضاء العايشين في البورد
Author: اساسي
Date: 05-18-2007, 07:20 PM

لووووووووول يا رجاء في انصار السنة
والله القصة دي حقيقية وشكلها في كل دفعة بتحصل في الجامعة زي بتاعة انصار السنة دا , معانا في الجامعة شاب كدا مسكين (يحنن) خشمو دا عنده السلام الا تكون حريف حتي تسمعه منه دايما متخذ مكانا قصيا ومنفرد بي روحه في حوارات تاريخية فردية اها الزول دا قرر في سنة تالتة جامعة كدا انه ما ينفتح علي المجتمع ..رجاء الزول اتفتح انا اشك انه للان مدفق ..بقي براية حايمة بقي جكيس من الطراز الفريد اتخيلي دا زول كان لقبه عمار قراءة صامتة

بعدين بالنسبة للعين وكدا ما سمعتي بعين ابو الفتاة البتقد الواطـة

(مثل محسن وماخد شهادة الايزو)

Post: #14
Title: Re: قائمة الاعضاء العايشين في البورد
Author: اساسي
Date: 05-18-2007, 07:13 PM
Parent: #2

سلام سوميتا
هاهاها انا ما قاعد ادخل صفحة المتواجدين الان بس في صفحة المنتدي العام دي تلقي الناس بتجدع في الردود زي اللقيمات رد ورا التاني
تكون اول واحد دخلت البوست ولما انتهيت من قرايته وقررت انك ممكن ترد عليهو تلقي ردك نمرة كم وعشرين بعد اللستة دي

وما طالباني حليفة لكن برضو بقسم ليك اني فكرت وقدرت ثم اتراجعت من انزال اسمك ضمن اللستة
الحقيقة لقيتك بتدخلي من العصر عندنا لحدي الفجر باقي اليوم بتكوني بتتجهزي لي ردود بكرة

Post: #3
Title: Re: قائمة الاعضاء العايشين في البورد
Author: Tragie Mustafa
Date: 05-18-2007, 04:56 PM
Parent: #1

وانت الصادق يا اساسي

Quote: اي الاعضاء المستحيل تلقاهم اوف لاين من المنبر خلال الاربع وعشرين ساعة في ايام الاسبوع السبعة.
فترة غيابهم من المنبر ما بين اكل وجبة والعودة والبعض اظنه اصبح يعتمد علي السندوتشات امام الشاشة .

البارجه وانا داهبه لندوه عن درافور وفي الباص كان زميلي يضحك علي

لاني شبكته ونسه عن سودانيز اون لاين,قال لي مافضل الا تجيب لك لاب توب

وكمان يكون وير لس وتشتغلي في الباصات و القطارت والطيارت تردي على البوستات!!

ومت من الضحك وقلت ليه اقتراح جدير بالدراسه برضو

بعدين جقوا تكلم صاحب الحوش

العامل البيت محروس وسيده يكوس وبرضوا يجي يمسح بوستاتنا

نحن حارسين ليه حوشه ومهجيجين الكلكات وبرضوا ما عاجب

Post: #5
Title: Re: قائمة الاعضاء العايشين في البورد
Author: تاج السر حسن
Date: 05-18-2007, 05:10 PM
Parent: #3

الظلامى نص كم اساسى
خزلتينى مرتين، المرة الأولى افتكرتك ما ح تضع أسمك وكنت جاهز اقول ليك من وين عرفت الناس دى عايشه فى البورد وانت ما معاهم، يعنى طلعت انا المصرج.
لكن فى التانيه طلعت انت المصرج لأنى بصراحة عندى خدمه ADSL مدفوعة القيمة فى كل الظروف على مدار ال 24 ساعه، والمصريين لو الواحد قالو ليهو الكهرباء محسوبه مع ايجار الشقه بخلى المكيف شغال اليوم كلو حتى لو كان فى الشقه ما فى زول.. خليك من ال ADSL لذلك لا أعمل "سائن اوت" وبينى وبينك الواحد بقى مرات يعمل "سائن اوت" يلقى نفسو "اوت " وموقوف دون أن يعرف السبب، عشان كده بنقول أحسن نخليها "سائن ان" امكن الأدمن "يحن" !!
اضافة الى كل ذلك عندى "بنبر" صغير جدا فيهو كاتب واحد و"بث" هو شخصى الضعيف، زى العربيه الما فيها غير معقد السواق ، تصدق فى آخر مراجعه بعدما نزل "بكرى" الموقع البوريك حركة المنابر، لقيت منبرى بعد منبر بكرى مباشرة !!
وعرفت منها انه فعلا الناس بتموت فى الشمار.

Post: #16
Title: Re: قائمة الاعضاء العايشين في البورد
Author: اساسي
Date: 05-18-2007, 07:22 PM
Parent: #3

طبعا يا طراجي انا متابع انك رديتي بعد سوميتا بس ظروف الترتيب استدعت ارد بالصف فمعليش وكدا

يعني كلامي ما وقع الارض .. سودانيز اون لاين دا ادمان اكتر منه اي حاجة تانية الحقيقة انا اصحابي اسع كلهم لو ما بكتبوا في البورد ما بعرف اتونس معاهم واقول شنو زاتو .. ياخي حتي الشمارات بقينا نطلعها من البورد
شفتي الفراغ العمله فينا ابصلعة؟

Post: #17
Title: Re: قائمة الاعضاء العايشين في البورد
Author: اساسي
Date: 05-18-2007, 07:47 PM
Parent: #16

تاج السر

كلنا في الهم شرق
المشكلة ما قصة الساين اوت وان ..القصة الردود والبوستات دي بتتفتح بي رقبتها؟
بعدين انت عامل ليك بورد براك وساكيهو يعني انت اليوم كله في حالة كتابة او بحث عن الكتابة
وتقول لي دي اس ال

Post: #4
Title: Re: قائمة الاعضاء العايشين في البورد
Author: Frankly
Date: 05-18-2007, 05:10 PM
Parent: #1

يا اخي دا كلام عايم

أنا أغيب من المنبر دا بالشهور زول بيجيب خبري ماف

وانا عندي لستة بالفترة الزمنية للأعضاء وهي اكبر بكتير من لستتك دي

بعدين افرز

في ناس شغلهم بالإنترنت وديل وجودهم في اليوم مرّة أو مرتين عادي

وفي ناس شغلهم الإنترنت وجودهم بالبورد أكل عيش وضروري

ولا شنو؟؟؟؟؟؟؟؟؟

تحياتي لإساسي الكان رومانسي
كمال

Post: #6
Title: Re: قائمة الاعضاء العايشين في البورد
Author: معتز القريش
Date: 05-18-2007, 05:18 PM
Parent: #4

Quote: قائمة الاعضاء العايشين في البورد

أنا أعترض
لأنك جمعت العايشين في البورد مع العايشين من البورد

ديجانقو .... افرز

Post: #7
Title: Re: قائمة الاعضاء العايشين في البورد
Author: bayan
Date: 05-18-2007, 05:27 PM
Parent: #6

Quote: 23. بيان

يا اساسي من بقى عند وايرليس
بي 30 دولار في الشهر

بقيت بتفحو بعد الصبح وبقفلو ومرات بنساه
لما الو.اطة تصبح...
لانه الشاشة بضلم وطبعا الخرف حصل..
اها مرات بكون في بلد طيرا عجمي
وهو فاتح وسدانيزاونلاين دي الصفحة البنتصفح بيها....

باختصار اذا رايت انياب الليث مقيلة برة فلا تظن انه قاعد..

Post: #10
Title: Re: قائمة الاعضاء العايشين في البورد
Author: Muna Khugali
Date: 05-18-2007, 06:02 PM
Parent: #7

شاهدت قبل كده فيلم عربي البطل فيه كان بيعاير البطل التاني ويقول ليه
اخويه شاف أخوك في التخشيبه..انتو أهل بيتكم كلهم مجرمين!
قال ليه .. طيب وايه اللي ودا أخوك التخشيبه ؟؟؟

اساسي شفتنا كيف لو انت ماقاعد؟

وزي ماقالت بيان..البرود باند لاين موجود عندنا اربعه وعشرين ساعه كان ب17 جنيه..
وهسه بقي ب 20 جنيه..يعني 24 ساعه خدمه. متوفره...ظريفه موش؟
ننوم ونقوم ونمرق ونقعد ونسمع اغاني وامكن كمان نمشي المسنجر نتونس واسمنا تشوفوه قاعد
أونلاين..

ياربي عندكم رخيصه ولا غاليه؟

المهم بعد الشرح ده كله عايزه اقول أنا بحب سودانيزأونلاين وبرضه بقعد فيها كتير..
يعني لو ما بقعد كتير المشاركات الكتيره دي بعملها كيف؟؟
شاطره موش؟
اخير برضه من اجي أدخل واجري مارقه..
ياخايفه من الناس يشوفوني..
ياخايفه من الفاتوره...

هاي أساسي

Post: #23
Title: Re: قائمة الاعضاء العايشين في البورد
Author: اساسي
Date: 05-18-2007, 08:04 PM
Parent: #10

Quote: اخير برضه من اجي أدخل واجري مارقه..

تعرفي يا مني بي اجري خايفة دي ذكرتيني حاجة امس كنت بحكيها للمدام

كنا بنتونس (بالدي اس ال حقنا طبعا) البلد ما اتطورت .. اها كنا بنتونس كدا وجات سيرة الحرامية قلت ليها الموقف الوحيد الحصل لي مع الحرامية زمان كنت في رابعة ابتدائي وجا حرامي البيت وانا شفته لكن عملت رايح اها الحرامية طلعوا من البيت وما سرقوا حاجة قمت كلمت ابوي وطلعنا الشارع كلنا اها لقينا ناس الحلة حسو بيهم وقاموا الشباب الاكبر طلعوا فجاة كدا اثناء ما الشمارات شغالة الحرامية التلاتة جو جارين ياهم ديلك شايفنهم طبعا الشباب قاموا جارين وراهم اها سالتني ما قمت سكيتهم انت قلت ليها والله سكيتهم لكن كنت جاري برررررررررررررررراحة .

Post: #21
Title: Re: قائمة الاعضاء العايشين في البورد
Author: اساسي
Date: 05-18-2007, 07:59 PM
Parent: #7

والله يا بيان انت الوحيدة الملخبطاني
غايتو الا كان الوير لس دا معتمد علي احلامك وشغال يرش في الردود من وراك
او ساعات نومك شووية

Post: #46
Title: Re: قائمة الاعضاء العايشين في البورد
Author: bayan
Date: 05-19-2007, 02:53 AM
Parent: #21

Quote: او ساعات نومك شووية

دي حاصلة بسبب الازمة والادوية..
ولكن برضو بيكون 24 ساعة عشان وايرليس..

مثلا اسع بوست الولد العيان دا برفعو على داير اليوم...
عشان اكبر عدد يشوفوه...

بعدين لاحظ فرق الزمن بينا وبين منطقتكم
لما تصحى بتلقانا نحنا قربنا نصلي الضهر..
وفي فترة بقعد 8 ساعات لاني شغالة في مناهج
بجمع معلومات..
اها كل مرة اقول كدي النشوف الناس كتبت شنو؟
وبرضو الادمان حاصل..
بقيت لو مشيت ازور ناس بقرب اقوليهم
كمبويتركم وين عايز اشوف بوست..

Post: #19
Title: Re: قائمة الاعضاء العايشين في البورد
Author: اساسي
Date: 05-18-2007, 07:57 PM
Parent: #6

معتز القريش

والله الاتنين انت اهل لها يعني عايش في البورد وبتنزل صور ناس البورد وبتحرد عشان اصحابك الفي البورد

قصدك تراجي وابراهيم بقال عاييشين علي البورد يعني

Post: #18
Title: Re: قائمة الاعضاء العايشين في البورد
Author: اساسي
Date: 05-18-2007, 07:51 PM
Parent: #4

سلام يا كيمو العريس

ياخي القصة ما غياب القصة قصة احلال وتمركز يعني كلنا كنا غايبين لكن لمن نجي بنجي جية رجل واحد
اسع انت من رجعت من غيابك تاني غبت
بعدين انا احسن منك انا من عرست ما رجعت الا بعد الجماعة سافروا ولمن يرجعوا تاني بختفي
اصله منبر ومراة ما بتلموا
لازم توحد جهودك في جهة واحدة للنقة والغلاط ؟

Post: #8
Title: Re: قائمة الاعضاء العايشين في البورد
Author: Raja
Date: 05-18-2007, 05:40 PM
Parent: #1

أساسي سلام تاني..

بعد كم يوم كده الشافك عملت بوست بتسال فيهو عني ما كضًب..

غايتو من هسع أنا حاقول إنك سحرتني في القعدة الـ 24 ساعة دي ..

* مافي تعديل عملنا إحلال للمداخلة..

Post: #9
Title: Re: قائمة الاعضاء العايشين في البورد
Author: تاج السر حسن
Date: 05-18-2007, 05:58 PM
Parent: #8

برضو يا اساسى البوست بتاعك ده بعتبرو شهادة يجب الأعتماد عليها والأعتداد بها، لمن نفتى فى قضيه ما فى زول يغالط !!
زى زولنا المشى يمتحن لى رخصة السواقة اول مره فى ابو ظبى، وطبعا كان سانع أنه استخراج الرخصه اصعب من اى حاجه هناك وفى ناس 20 سنه ما طلعوا رخصه.
المهم من اول "تراى" واول ما نزل من العربيه بعد مشوار والممتحنين 3 عساكر، واحد منهم طوالى كان عايز يكتب ليهو "عدم سيطره" أو "تسارع" أو وقوف خاطئ" ... الخ من اسباب الرسوب.
قام السودانى طوالى مسك يد العسكرى وقال ليهو:-
"اوعك تقول لى ساقط انا فى حاجتين بعرفهم وما بتغالط فيهم .. الكوره والسواقه !!
قاموا الجماعه ضحكوا وكتبوا ليهو "ناجح" !!
اها نحنا هسه ما نبتغالط فيما يحدث فى البورد بشهادتك وأنت من ابناء المصارين البيض، حتى لو كنا غير متواجدين.

Post: #12
Title: Re: قائمة الاعضاء العايشين في البورد
Author: النذير حجازي
Date: 05-18-2007, 06:18 PM
Parent: #9

Quote: يا اخي دا كلام عايم

أنا أغيب من المنبر دا بالشهور زول بيجيب خبري ماف

وانا عندي لستة بالفترة الزمنية للأعضاء وهي اكبر بكتير من لستتك دي

بعدين افرز

في ناس شغلهم بالإنترنت وديل وجودهم في اليوم مرّة أو مرتين عادي

وفي ناس شغلهم الإنترنت وجودهم بالبورد أكل عيش وضروري

ولا شنو؟؟؟؟؟؟؟؟؟

تحياتي لإساسي الكان رومانسي
كمال

مولانا فرانكلي، فى البدء مبروك الزواج وبالرفاء والبنين إن شاء الله

بصراحة قد توقعت أن يكون إستهجانك لصاحب البوست بأنك تبعد أيضاً عن الشاشة لأداء فريضة الصلاة فرادى على أسوأ تقدير

Post: #13
Title: Re: قائمة الاعضاء العايشين في البورد
Author: Kostawi
Date: 05-18-2007, 06:38 PM
Parent: #12

طبعا البوست ده من نوع البوستات الإسمها بوستات موية السكر....

فلان الفلاني عمل و عمل

و فلان لا يعلم ماذا يريد الداعي

أها أبقى راجل ورد عليهم كلهم من رجاء العباسي و أنت نازل و ما تنسى تقول المرحبة و تعمل البوسة.

دي خمس ساعات ضاعت منك يا الحبيب (الحبيب مستلفة من لنا المهدي و قوقل)

Post: #35
Title: Re: قائمة الاعضاء العايشين في البورد
Author: اساسي
Date: 05-18-2007, 10:58 PM
Parent: #13

يا رجاء وتاج السر ظهرتوها عاملة الحكاية

جيتو اكتر من مرة البوست في اوقات مختلفة نظام بيان بالعمل وكدا
هاهاهاها

دائما مرحب بيكم

صديق الموج
بكري كان قرر يدي بدل سكن للخمسة الف عضو الهنا ..واطـاته اصبحت وحيشرب ما يروى
لكن والله لو استمر الموضوع بالطريقة دي انا خايف الحكومة تعمل دمغة بورد ولا جهاز المغتربين يعمل ضريبة دخل البوستات
ويقاسموكم في الاثير دا

كوستاوي الكرمبا

طلعت اكبر حمامة بتاعة موية سكر لكن طاير وراكي في البوست وبعين قوية كمان
هاهاها @ الحبيب وقوقل
ــــــــــــــــــــ
التعديلات لاسباب غير زي بال

Post: #44
Title: Re: قائمة الاعضاء العايشين في البورد
Author: اساسي
Date: 05-18-2007, 11:31 PM
Parent: #12

Quote: بصراحة قد توقعت أن يكون إستهجانك لصاحب البوست بأنك تبعد أيضاً عن الشاشة لأداء فريضة الصلاة فرادى على أسوأ تقدير

احسن انا

كمان انت سكيتو شديد

Post: #20
Title: Re: قائمة الاعضاء العايشين في البورد
Author: صديق الموج
Date: 05-18-2007, 07:58 PM
Parent: #1

Quote: قائمة الاعضاء العايشين في البورد

طيب يا اساسى نحن الما عايشين فى البورد ماتعمل مناشدة لبكرى يدينا بدل سكن،،،،

Post: #22
Title: Re: قائمة الاعضاء العايشين في البورد
Author: Raja
Date: 05-18-2007, 08:03 PM
Parent: #1

شوفو أساسي قال لسوميتا شنو:

Quote: هاهاها انا ما قاعد ادخل صفحة المتواجدين الان بس في صفحة المنتدي العام دي تلقي الناس بتجدع في الردود زي اللقيمات رد ورا التاني
تكون اول واحد دخلت البوست ولما انتهيت من قرايته وقررت انك ممكن ترد عليهو تلقي ردك نمرة كم وعشرين بعد اللستة دي

فهرتك بي الله

Post: #24
Title: Re: قائمة الاعضاء العايشين في البورد
Author: Kostawi
Date: 05-18-2007, 08:23 PM
Parent: #22

Quote: بعد كم يوم كده الشافك عملت بوست بتسال فيهو عني ما كضًب..

Quote: بعد كم يوم كده الشافك عملت بوست بتسال فيهو عني ما كضًب..

ya
الماشي لكسلا جيب لي معاك بصلة
و سافر

نحن الشمار بجينا في محلنا بالقمر الإكتروني
و سافر

ويك end
و ألعب به

Post: #25
Title: Re: قائمة الاعضاء العايشين في البورد
Author: Raja
Date: 05-18-2007, 08:30 PM
Parent: #24

Quote: ya
الماشي لكسلا جيب لي معاك بصلة
و سافر

نحن الشمار بجينا في محلنا بالقمر الإكتروني
و سافر

Alkarambaaaa

يا كوستاوي بجد يتخاف منك..

وحاااضر حاجيب ليك معاي تفاح من كسلا ..

Post: #26
Title: Re: قائمة الاعضاء العايشين في البورد
Author: اساسي
Date: 05-18-2007, 08:57 PM
Parent: #25

راجع

Post: #27
Title: Re: قائمة الاعضاء العايشين في البورد
Author: وليد محمد المبارك
Date: 05-18-2007, 09:00 PM
Parent: #25

نحن ده مجال اكل عيشنا

انت المقعدك اليوم كله قدامو شنو ؟

او كما قال عمر علي ابو جهل

Post: #36
Title: Re: قائمة الاعضاء العايشين في البورد
Author: اساسي
Date: 05-18-2007, 11:04 PM
Parent: #27

مجال عملك يا كبير

بتاخد راتب علي مقيلتك ومبيتك في بورد بكري ...
ما تقول لي مجال عملك النت وما عارف شنو ..
انا شغال في isp
ودا مبرر كافي في ذاته يقنع ابو جهل
لكن اول مرة اعرفك موظف عند ابصلعة
اها وشغال ياي ولا مساعد ياي

Post: #29
Title: Re: قائمة الاعضاء العايشين في البورد
Author: نوسة
Date: 05-18-2007, 09:08 PM
Parent: #25

صديق الموج إزيك !!

Quote: طيب يا اساسى نحن الما عايشين فى البورد ماتعمل مناشدة لبكرى يدينا بدل سكن،،،،

يا ريييييييييييييييت ياخي

Post: #43
Title: Re: قائمة الاعضاء العايشين في البورد
Author: اساسي
Date: 05-18-2007, 11:30 PM
Parent: #29

نوسة عشان ما جبتي اسمي خلي صديق الموج يرد ليك

Post: #28
Title: Re: قائمة الاعضاء العايشين في البورد
Author: Deng
Date: 05-18-2007, 09:02 PM
Parent: #1

أساسي.

أنتو الواحد فيكم لمن يتزوج وزوجتوا تبقى تهرشوا من القعدة الطويلة في البورد بجي بقول زي كلامك ده.
دي حسادة منك ولا أكتر.

دينق.

Post: #37
Title: Re: قائمة الاعضاء العايشين في البورد
Author: اساسي
Date: 05-18-2007, 11:06 PM
Parent: #28

Quote: أنتو الواحد فيكم لمن يتزوج وزوجتوا تبقى تهرشوا من القعدة الطويلة في البورد بجي بقول زي كلامك ده.
دي حسادة منك ولا أكتر.

ايوة هارشاني وقاطعة قلبي انت منو البهرشك يا عذابي

والله لو عرفت هرش العرس دا لذيذ كيف .. كل يوم تغلط عشان يهرشوك

Post: #30
Title: Re: قائمة الاعضاء العايشين في البورد
Author: Tabaldina
Date: 05-18-2007, 09:37 PM
Parent: #1

..
.
يبقي اما انتو فاضيين
ولا بتقبضوا رواتب من غير وجه حق ..

ناس المنبر اصبح عالمها

______________________

الى متى ستظلون تكتبون هاهنا !!؟

Post: #32
Title: Re: قائمة الاعضاء العايشين في البورد
Author: Elawad Eltayeb
Date: 05-18-2007, 10:11 PM
Parent: #30

Quote: Re: قائمة الاعضاء العايشين في البورد

أساسي نحن غايتو ما عايشين في البورد
لكن
البورد عايش فينا

Post: #39
Title: Re: قائمة الاعضاء العايشين في البورد
Author: اساسي
Date: 05-18-2007, 11:10 PM
Parent: #32

والله يا العوض دي قصة واخرها لسة ... عايش فيكم البورد كيف؟
ما هو شوف انت اما يا بتحب ليك واحدة من البورد
ولا مدين بكري قروش ..

Post: #38
Title: Re: قائمة الاعضاء العايشين في البورد
Author: اساسي
Date: 05-18-2007, 11:08 PM
Parent: #30

والله يا تبلدينا النصيحة لله فاضين وما عندنا شغلة

عليك الله كان عندنا شغلة من صباح الرحمن لمن تمسى من تراجي لي دينق لي بشاشا كوستاوي؟

في ضياع زمن اكتر من كدا عليك الله

Post: #31
Title: Re: قائمة الاعضاء العايشين في البورد
Author: فيصل نوبي
Date: 05-18-2007, 10:08 PM
Parent: #1

الحمدلله اللي بقينا نمرة 20.
لكن يا عمكـ بيني و بينكـ مش منبر بكري ده اخير من حاجات تاني في الغربة القاسية دي

Post: #33
Title: Re: قائمة الاعضاء العايشين في البورد
Author: Tabaldina
Date: 05-18-2007, 10:42 PM
Parent: #31

..
.
الحاجات القاسية دى فى دبي بس ..
ناس نجد والحجاز ديل الا يكونوا حرفوا ..

________________

واثبت بتواجدك الساعة الثانية صباحاً
بتوقيتكم المحلى بانك تستحق قائمة الشرف..
للمقيمن هنا وهناك

Post: #41
Title: Re: قائمة الاعضاء العايشين في البورد
Author: اساسي
Date: 05-18-2007, 11:26 PM
Parent: #33

Quote: الحاجات القاسية دى فى دبي بس ..
ناس نجد والحجاز ديل الا يكونوا حرفوا ..

يا حليلك يا تبلدينا

الحجاز يا صديقي بقي اسمها لاس فيغاس الخليج

بس انتو ما عارفين ساي

Post: #34
Title: Re: قائمة الاعضاء العايشين في البورد
Author: Abdel Aati
Date: 05-18-2007, 10:51 PM
Parent: #31

سلام اساسي

والله البورد بخشو دائما بالمساء بعد امال وامها ما ينوموا
مرات بالنهار في الشغل بفتحوا لكن قليل ..

ولو تلاحظ في مواضيع كتيرة ما بقدر اتابعا رغم اهتمامي بها

عموما ما في الوقت اليخلينا نعيش في البورد او غيره
7-8 ساعات عمل + 6 ساعات للاسرة + 2-4 عمل عام واتصالات وردود ايميلات وتطوير مواقع وقراءة وكتابة + 4-5 ساعات نوم
الفضل اديهو للبوردات ( س. اونلاين وسودانات وغيرها)

يوم السبت والاحد الوضع افضل حيث لا عمل ولكن وقت اكثر للاسرة والواجبات الاجتماعية - زيارات وحضور مناسبات وتنظيم لقاءات وسفر الخ

اما كونوا الموقع يكون فاتح على واحد من الكومبيوترات طول اليوم وانا بعيد فأمر عادي ..

Post: #42
Title: Re: قائمة الاعضاء العايشين في البورد
Author: اساسي
Date: 05-18-2007, 11:28 PM
Parent: #34

عادل عبد العاطي

والله بعد حسبتك دي كلها انت الاول بجدارة انا بصراحة بتكلم علي المشاركات
ياخي انت زي الموصل كيبوردك دا بي خرطوش وواقف قدام الباب ترش في الشارع
ولا كمان يكون كيبوردك دا سبحة

Post: #40
Title: Re: قائمة الاعضاء العايشين في البورد
Author: اساسي
Date: 05-18-2007, 11:25 PM
Parent: #31

Quote: لكن يا عمكـ بيني و بينكـ مش منبر بكري ده اخير من حاجات تاني في الغربة القاسية دي

ليه.؟؟

منبر ولا هيئة الامر بالمعروف والنهي عن المنكر

Post: #45
Title: Re: قائمة الاعضاء العايشين في البورد
Author: صديق الموج
Date: 05-19-2007, 00:21 AM
Parent: #1

Quote: نوسة عشان ما جبتي اسمي خلي صديق الموج يرد ليك

اساسى والله ارد ليها رد...انت موت بغيظك

قلتى لى كيف يا نوسة مش بنستحق بدل سكن ..واقتراح اخر يدونا بدل
ثقالة برضو... ودى عشان بنرد على الظلامى اساسى ده مش يا نوسه..
كيتا على اساسى...نشوفك يا نوسه باى،،،،

Post: #47
Title: Re: قائمة الاعضاء العايشين في البورد
Author: بدرالدين كاجوري
Date: 05-19-2007, 05:30 AM
Parent: #1

الله اجازيك يا اساسي
خليت الناس دي تبرر وتستريح ودافع عن سبب وجودهم 24 hours
في البورد.
وناس كمان دخلوا يهاجموهم بانهم ارزقيه
وناس ساقوا مبررات مامقنعة
وناس حردوا المنبر بسبب بوستك ده

وناس بدا عليهم انهم حيشتبكوا قريبا

مع انوا البوست لا سياسي ولا عن دارفور ولاعن السرقه الادبيه ولا عن الخلاوي ولا عن ياسر طيفور ولا نازر ولا تمبس .

ومن هذا المنطلق اتضح بما لايدع مجالا للشك ان السودانين ديل كملوا الونسه في اماكنهم وبدوا يفتشوليها دوليا عبر المواقع الاسفيرية
ولك الود اضعاف

Post: #48
Title: Re: قائمة الاعضاء العايشين في البورد
Author: abuguta
Date: 05-19-2007, 09:05 AM
Parent: #47

ياخى

حرام عليك

حتى قائمة الشرف دى ما عاوز تختنى فيها

انا بدخل يوميا عدا الخميس والجمعة
من الساعة 7:30 الى 5:30
وبمشى البيت بدخل للمراقبة دايل اب زيك تماما يافردة
وتسلم...

Post: #50
Title: Re: قائمة الاعضاء العايشين في البورد
Author: اساسي
Date: 05-19-2007, 09:19 AM
Parent: #48

ابو قوتة قنبلة الضهب الموقوتة

كيفك يا صديقي وين مختفي انت الايام دي؟

يازول عشرة ساعاتك دي والله ما بتأهلك للماسنجرات فما بالك بقائمة الشرف دي
بعدين يا زول منو القال ليك انا بتاع ديل اب .؟ الدي اس ال 512 يقول يا غربتي في البيت
انت ناسي انه اخوك شغال في اثير ولا شنو؟

Post: #49
Title: Re: قائمة الاعضاء العايشين في البورد
Author: اساسي
Date: 05-19-2007, 09:10 AM
Parent: #47

والله يا بدر الدين كاجوري بعد كلامك دا اتكيفت من روحي جنس كييف .

يا ود الموج ردك ولا علي قدر كدا

Post: #51
Title: Re: قائمة الاعضاء العايشين في البورد
Author: نوسة
Date: 05-19-2007, 09:34 AM
Parent: #49

أساسى كيفك؟؟

Quote: نوسة عشان ما جبتي اسمي خلي صديق الموج يرد ليك

المعاملة بالمثل !!!

Quote: يا ود الموج ردك ولا علي قدر كدا

والله ردوا قدر كدة و زيادة يا أساسى

تحياتى

Post: #52
Title: Re: قائمة الاعضاء العايشين في البورد
Author: وليد محمد المبارك
Date: 05-19-2007, 10:41 AM
Parent: #51

اساسي يا فارة

انا قاصد الكلام القالو لي عمر علي ابوجهل
قال اني شغال في الجهاز شنو كده ما عارف
متخصص في الانترنت
وقالعد اليوم كله اراقب في البورد
او فيما معناه

فهمت يا زنخ

Post: #53
Title: Re: قائمة الاعضاء العايشين في البورد
Author: اساسي
Date: 05-19-2007, 10:44 AM
Parent: #52

Quote: انا قاصد الكلام القالو لي عمر علي ابوجهل
قال اني شغال في الجهاز شنو كده ما عارف
متخصص في الانترنت
وقالعد اليوم كله اراقب في البورد
او فيما معناه

اوع يكون كلامه صاح كمان؟

Post: #54
Title: Re: قائمة الاعضاء العايشين في البورد
Author: وليد محمد المبارك
Date: 05-19-2007, 11:25 AM
Parent: #53

Quote: اوع يكون كلامه صاح كمان؟

ما اصلو

عقيد اركان حرب انترنت
تخصص منتديات
فرع سودانيز اون لاين
وليد محمد المبارك

هييييييييييييييييييييييييع

Post: #55
Title: Re: قائمة الاعضاء العايشين في البورد
Author: Soumeta
Date: 05-20-2007, 01:32 AM
Parent: #1

كمان جابت ليها كضب،،:P

غاااااااااايتووو،،

عصر منو يا اساسي،،
عصركم ده انا في نص العصرة في الوورك،،

لكن علي العموم اتمني عصوركم معاي
و تواجدي يكتر،،

أقلو اختي لوم قلة الكُتب و قراية بعض ما يجود به الكُتّاب
الجيدين بهذا المنبر،،

Post: #56
Title: Re: قائمة الاعضاء العايشين في البورد
Author: Tragie Mustafa
Date: 05-20-2007, 05:03 AM
Parent: #55

Quote: قصدك تراجي وابراهيم بقال عاييشين علي البورد يعني

تخيل اليوم الاوفر تايم راح علي يا اساسي!!!

بالله من الصباح ما شفتكم؟؟؟ جنس شوق...بس ادروب وليف و الله....

Post: #57
Title: Re: قائمة الاعضاء العايشين في البورد
Author: ايوب عبدالرحيم
Date: 05-20-2007, 10:05 AM
Parent: #1

Post: #58
Title: Re: قائمة الاعضاء العايشين في البورد
Author: ولياب
Date: 05-20-2007, 03:14 PM
Parent: #57

اللهم يزيدك يا أساسي

ما شاء الله بدل سكن من جهتين .

مودتي

Post: #59
Title: Re: قائمة الاعضاء العايشين في البورد
Author: اساسي
Date: 05-20-2007, 03:43 PM
Parent: #58

يا احبابنا دقيقة نرد علي زميلنا ولياب دا لانه نادرا ما نشوفه في بوستاتنا ...

تعرف يا زميل بدل سكن عمنا مع جدة المولعا نار دي ما جايب همه لازم تديها دفرة من المواصلات والاساسي عشان بس تسكن وتجيهم كل يوم ودا بيأثر علي بدل سكنا مع ابصلعة هنا الهو برضو مخصوم من بدل سكن عمنا
هاهاهاهاه
ياخي القصة زاتها جاطت علي وبقيت انا زاتي ما فاهما

تحياتي يا غالي

Post: #60
Title: Re: قائمة الاعضاء العايشين في البورد
Author: ولياب
Date: 05-20-2007, 04:18 PM
Parent: #59

Quote: يا احبابنا دقيقة نرد علي زميلنا ولياب دا لانه نادرا ما نشوفه في بوستاتنا ...

أنت عارف الحال يا زميل ، والشوفة النادرة ما معناه ما متابعنك

لا شايفنك قايم تمام بتفج في الفجة ده لكمة في حنقو وداك بترميه بالقاضية

متابعك ،

يديك العافية .

وربنا يعينكم في السكن بجدة ، بعرف ناس شغالين في الأمارات والسكن في سلطنة عمان (منطقة البريمي)

أها على كده شوف لك مدينة قريبة