Post: #1
Title: احترت وين أصيِِف .....!!!!!!!!
Author: عمران حسن صالح
Date: 05-16-2007, 09:47 PM
والعنوان استفزازي لكثيرين من قومي ... ربما ؟؟؟!!!! ... بل هو كذلك
ولكني أود أن آخذ ( تاري ) فيكم من الذي حدثني ...
سألني جاداً ... مكتئباً قليلاً ... وهو وينفث دخان تبغه الردي
محتار وين أصيٍف ؟؟؟؟؟؟؟؟
.................
ثقافة الإجازة الصيفية (أو التصييف) بالنسبة له خارج إطار دائرة (حميم نجد) .... شي عايدي ...
يجمع الدراهم في كل فصول السنة ...
عدا فصل الهجير ...
كلهم هكذا ..
يفرون من شمس الأربعة أشهر القادمة ...
ونستمتع نحن بهدوء يلف المدينة ....
وطرق واسعة ...
هذه الخمسة وعشرون كيلو ذهاباً ومثلها إياباً من وإلى العمل نستمتع بتوفير زمن قطعها في الصيف ...
ومن لنا غير الهجير ...
............................
نظرت إلى صاحبي مبتسماً وسعيداً لأريحيته .. وثقته في أن العبد لله لا بد ومعطيه ما يريد ...
وملأت وجهي باهتمام واضح وأنا عيناي نصف مغمضة .. ومقطب الجبين قليلاً دلالة التفكير العميق ...
محاولاً فك طلاسم هذه المشكلة لصاحبي هذا ...
قائلاً ........
ويحك ماذا جرى لك ...؟؟؟؟
كل الشقق الفاخرة والعادية ... والاستراحات ... والمقاهي ... (وبُضاعات ) .. ومتاهات الليل .......
كل خطوط السفر البري والبحري والسماوي قد تم حجزها ...
وشُريت الــ T. Shirts ... والميني جوب ... والــــ...... قد تم شراؤها ...
وتجيني الآن حاملاً أذيال خيبتك تسألني ...
مدري(ما أدري) وين أصيِف ... ؟؟؟
يا لك من مستهتر وغير منظم ....
..............
وعاد بي الزمن إلى الوراء قليلاً ...
(سأحكي عن ذلك لاحقاً )
فقط ...
سأعود الآن إلى صديق الصدفة هذا
صاحب محتار وين أصيف ...
قلت له : كيف يمكنني أن أخدمك يا (طويل العمر ) ...
أجاب : يقولون بأن الكمبيوتر به صور كل العالم (ليش ) ما تشوف لي صور (زينه )...؟؟
أجبت : أبشر طال عمرك !!
وبدأت أبحث له مع المسميات لكل منطقة ...
يكفي اسم الدولة فقط ...
ويجول في خاطري أجمل سنوات عمري في (ريف وطني ) ..
ويجول في خاطري فاتورة الكهرباء التي سترتفع أضعافاً مضاعفة ...
كأننا نوفر فرق فاتورة الشتاء لصيف الرياض
ويجول في خاطري بعض فرح بقرب خلو هذه المدينة من ساكنيها ..
فنستمتع بدقائق سنوفرها في المشوار ...
وترتاح آذاننا من ( طاط طاط طاط ) التي ثقبت خشومنا ناهيك عن آذاننا .....
( عفواً الخشم قد يعني الخشم (الفم ) وقد يعني الأنف !!!... كيفما طابت لك ...
وها أنا أحبتي أهل الصيف هنا ... والصيف هناك ...
هذا بعض جهد لجمال هذه الدنيا التي أتاح الله لنا الفضائيات والكمبيوتر لنراها ...
وسط صيفنا القادم (هنا) مكشراً عن أنيابه ...
وليختر كل ضيف الصورة التي يحبها ...ويحدد كيف سيكون صيفه هذا العام ...
أو القادم ..
أو .....
ولكم مطلق الحرية في اختيار المنطقة التي أرادها صاحبي أن يذهب إليها .........
فتكم بعافية ...
بدون أحلام الله يخليكم ...
يكفي قليل من السخرية ...
.......................
الصور هدية لكل من سيقضي الأربعة شهور القادمة في درجة حرارة تصل في النهار إلي 55 درجة .
|
Post: #2
Title: Re: احترت وين أصيِِف .....!!!!!!!!
Author: DKEEN
Date: 05-17-2007, 08:21 AM
Parent: #1
ابو حمودي اسعد الله نهارك الغائظ ..
تعرف الجميل في الموضوع ده كلو انو الصيفية دي موسم رجعة الطيور المهاجرة الى سودان العزة والكرامة..
برجعو السودان في الصيف
تخيل؟؟
نوع من انواع المشاركات الوجدانية للاهل بالداخل ..مشاركات الحايرة وكدة
نوع كده من جلد الذات وجلد الاولاد..
|
Post: #3
Title: Re: احترت وين أصيِِف .....!!!!!!!!
Author: ابو جهينة
Date: 05-17-2007, 08:51 AM
Parent: #2
أبو محمد العمران
نحن لا نصيف ... بل نروح للصيف برجلينا و نهرول طول الإجازة و نعود منهكين.
التصييف عند خلق الله هو قضاء صيف بإسترخاء و هدوء و دون أن يعكر صفو أيامك أي نوع من الكدر أو التعب ..
تجعل عقلك في إجازة قصيرة مع جسدك ..
ترمي همومك جانبا
و لكن لا أذكر أن قضيت الصيف في السودان دون أن أخرج باكرا كأنني موظف هناك .. و أعود مع المغارب أجرجر رجلي.
سفرنا للسودان في الصيف هو أداء لواجباتنا التي لم نقم بها خلال 11 شهر عمل في الغربة ..
تتدافع أم شبابيك الدفع و التختيم و التصديق و البحث عن واسطة ..
ثم فاتحة في أمدرمان ..
و مريض في ساهرون
و حاجة كلتوم طريحة الملاريا في صنقعت
و عقد ناس الصديق في الحصاحيصا
و ... و ...
تصييفة :
تعرف يا أبو محمد ..
آخر صيفية قضيتها بمزاج .. كانت لمدة ثلاثة أسابيع في جمصة .. بمصر
شبعت فيها سباحة و أكل ( طواجن السمك ) و صواني الحمام
كان ذلك عام 1999م
بعدها .. حدث ما أخبرتك به أعلاه كل سنة .. سنة تنطح سنة
مصيف جمصة ... على بعد فركة بيجو من المنصورة.
***
قال نصيف قال
|
Post: #4
Title: Re: احترت وين أصيِِف .....!!!!!!!!
Author: Sidig Rahama Elnour
Date: 05-17-2007, 10:23 AM
Parent: #3
العزيز عمران
نحن السودانيين لا تنتشر عندنا ثقافة الإجازات والترويح عن النفس ، بل ناخذ ذلك ماخذ السخرية والفلقصة    ، ونعتبر مجرد التفكير والشروع فيها ضرباً من ضروب الترف وحقيقة في ظل ظروفنا السياسية والإجتماعية والماساوية هي تعتبر كذلك ...
في الوقت الذي تفضى فيه الرياض من سكانها في الصيف ، تمتلي علينا جدة بكل ماهو مزعج فأستغرب واقول الناس دي عاجباها في الحراية دي شنو ما يمشو يشوفو ليهم سواحل بحرية أخرى ، لكن لله في خلقة شئون
أها ما قلت لي غسلت مكيف الموية وللا لسع   
|
Post: #13
Title: Re: Sidig Rahama Elnour
Author: عمران حسن صالح
Date: 05-17-2007, 05:43 PM
Parent: #4
العزيز : صديق
حبابكــ يا جمل الشيل
(المكملن وجالس ......
...............
دعنا يا صديقي ...
فإن لم نجد هذه : | Quote: لا تنتشر عندنا ثقافة الإجازات والترويح عن النفس |
فلنـــا هذه : | Quote: بل ناخذ ذلك ماخذ السخرية والفلقصة |
|
Post: #12
Title: Re: ابو جهينة
Author: عمران حسن صالح
Date: 05-17-2007, 05:36 PM
Parent: #3
أستاذنـــا الفاضل : جلال
مرحبــابكـ
Quote: سفرنا للسودان في الصيف هو أداء لواجباتنا التي لم نقم بها خلال 11 شهر عمل في الغربة ..
تتدافع أم شبابيك الدفع و التختيم و التصديق و البحث عن واسطة ..
ثم فاتحة في أمدرمان ..
و مريض في ساهرون
و حاجة كلتوم طريحة الملاريا في صنقعت
و عقد ناس الصديق في الحصاحيصا
|
هذا إذا ذهبنـــا أصلاً ... ناهيـكـ أن تكون فرصة للراحة والهدوء ...
هي دوام مختلف ... وبجهد إن لم يكن أكبر فقد عُدت (متلوماً) في مكان ما ...!!!
Quote: آخر صيفية قضيتها بمزاج .. كانت لمدة ثلاثة أسابيع في جمصة .. بمصر
شبعت فيها سباحة و أكل ( طواجن السمك ) و صواني الحمام
كان ذلك عام 1999م
|
أنت يا عزيزي جلال ممن سنحت لهم الفرص ونالوا كفايتهم بفضل الله ...
دعني (أصيًف) مرة واحدة وبعد ذلك سأنتظر يومي ...... !!!!
في مكان مثل هذا مثلاً :
|
Post: #11
Title: Re: DKEEN
Author: عمران حسن صالح
Date: 05-17-2007, 05:21 PM
Parent: #2
الــــ DKEEN
حبابكـ
| Quote: نوع كده من جلد الذات وجلد الاولاد.. |
دعني يا دكين (أجرجرك) شوية :
لكـَ من الشيخ فلان (شياخة قروش كتار ما شيوخة حاجة تانية!!) ...
لكـَ منه ؟؟؟؟؟ دينار أو ريالـ أو ما شاء لها أن تكون ّّ
هل ستكون وجهتكـ إلى دنيا ( غير ) ...
أم إلى جلد ذات برضو ... بس ماشي وإيدكـ مليانة ...؟؟
|
Post: #5
Title: Re: احترت وين أصيِِف .....!!!!!!!!
Author: طارق عبد اللطيف نقد
Date: 05-17-2007, 12:16 PM
Parent: #1
عمران سلامات
تعرف يا حنين في واحد قال لي
الرياض دي بقت زحمه ما بتشيلنا كلنا
عشان كده اجمل ايام في الرياض هي في الصيف
بعدين ملاحظ الشغل ببقي خفيف
واسواء اجازه للسودان في الصيف
علي الاقل انت ماشي اجازه لي ناس السودان تمشي تلقي المغتربين كلهم هناك
يبقي عملنا شنو
لكن النصيحه ليك يا الله حر الرياض صعب
وعموماالاجازه الجايه في منتجع جناح البعوضه
ما تقول لي دي وين لأني ما عارفه
لكن بكتشفه ليك الصيف القادم
ودمت
|
Post: #15
Title: Re: طارق عبد اللطيف نقد
Author: عمران حسن صالح
Date: 05-17-2007, 05:48 PM
Parent: #5
الحبيب طارق ...
حبابكـ ...
Quote: وعموماالاجازه الجايه في منتجع جناح البعوضه
ما تقول لي دي وين لأني ما عارفه
لكن بكتشفه ليك الصيف القادم |
شكلكـ كدة عارف أنا ماشي الحتة دي !!!!!!!!
|
Post: #6
Title: Re: احترت وين أصيِِف .....!!!!!!!!
Author: صديق الموج
Date: 05-17-2007, 12:40 PM
Parent: #1
يارجال...حنا نبى نصيف فى ده..البر من عند خور ذئابه الين حفر العتش
ظبان وجراد...ولو تبى بعارين اجل اتصل على..عندنا مجاهيم ومغاتير
على كيف كيفك...وتيوس وطليان وهرافى... حد يخاوينى يا عيال
فى امان الله اجل خدمات شىْ،،،
صيف راسك المدوقس ده ياعمران..والله السودانيين ديل الواحد
يقول ليك يا عبد دافع ضرائبى والزكاة ..التقول موفرهم
يسافرو وين،،،
|
Post: #16
Title: Re: صديق الموج
Author: عمران حسن صالح
Date: 05-17-2007, 05:53 PM
Parent: #6
العزيز : ود المــــــوج :
حبابكــ ...
Quote: ولو تبى بعارين اجل اتصل على..عندنا مجاهيم ومغاتير
على كيف كيفك...وتيوس وطليان وهرافى... |
نسيت التحت ده ...
الفقــــــــــــــع
|
Post: #7
Title: Re: احترت وين أصيِِف .....!!!!!!!!
Author: DKEEN
Date: 05-17-2007, 12:44 PM
Parent: #1
عمران
كدي ياحبيب اتخيل في شنو تحت الشمسيات حقت ابو جهينة المرصوصة دي..
|
Post: #17
Title: Re: DKEEN
Author: عمران حسن صالح
Date: 05-17-2007, 05:57 PM
Parent: #7
| Quote: كدي ياحبيب اتخيل في شنو تحت الشمسيات حقت ابو جهينة المرصوصة دي.. |
دكين إنشاء الله التحت دي براها ...
كفاية نصيِف معاهـــا ...
إنت ناسي إنو نحن محصنين .......
|
Post: #8
Title: Re: احترت وين أصيِِف .....!!!!!!!!
Author: صديق الموج
Date: 05-17-2007, 12:51 PM
Parent: #1
يارجال...حنا نبى نصيف فى ده..البر من عند خور ذئابه الين حفر العتش
ظبان وجراد...ولو تبى بعارين اجل اتصل على..عندنا مجاهيم ومغاتير
على كيف كيفك...وتيوس وطليان وهرافى... حد يخاوينى يا عيال
فى امان الله اجل خدمات شىْ،،،
صيف راسك المدوقس ده ياعمران..والله السودانيين ديل الواحد
يقول ليك يا عبد دافع ضرائبى والزكاة ..التقول موفرهم
يسافرو وين،،،
|
Post: #9
Title: Re: احترت وين أصيِِف .....!!!!!!!!
Author: عمران حسن صالح
Date: 05-17-2007, 01:23 PM
Parent: #1
|
Post: #10
Title: صور من الدنيا الواسعة .................
Author: عمران حسن صالح
Date: 05-17-2007, 03:17 PM
Parent: #1
|
Post: #14
Title: Re: صور من الدنيا الواسعة .................
Author: Gafar Bashir
Date: 05-17-2007, 05:47 PM
Parent: #10
محتار وين أصيٍف ؟؟؟؟؟؟؟؟
عيب لي مكة
|
Post: #18
Title: Re: Gafar Bashir
Author: عمران حسن صالح
Date: 05-17-2007, 06:05 PM
Parent: #14
الأخ : جعفر
حبابكــ يا زول ...
Quote: محتار وين أصيٍف ؟؟؟؟؟؟؟؟
عيب لي مكة |
هل الإجابة عن العنوان فقط ...؟؟
أعني لمن سألني هذا اسؤال ...؟؟
أم لي بأن تكون وجهتي لمكة في هذا الصيف ..
شكلك يا جعفر بتجاملني بالمداخلة وما قريت المكتوب ...
عموماً أنا ممن يسألون الله في كل حين أن تكون حياتهم ومعاشهم ومماتهم قرب بيت الله الحرام
جعلنا الله من زواره في كل حين
|
Post: #19
Title: Re: Gafar Bashir
Author: عمران حسن صالح
Date: 05-18-2007, 11:27 AM
Parent: #18
>
|
Post: #20
Title: Re: Gafar Bashir
Author: doma
Date: 05-18-2007, 11:53 AM
Parent: #19
يا زول لو جيبك نص نص امش كندا برتش كلومبيا حلوه والله وارخص من سويسراا ولو علي قدر حالك تعال تايلند او ماليزيا ولو بقيت مقرش شدييييييييد امش السودان
|
Post: #23
Title: Re: manubia
Author: عمران حسن صالح
Date: 05-19-2007, 06:47 AM
Parent: #21
تسلم يــا manubia على المرور
www.alsudanitravel.com
؟؟؟؟؟؟؟
|
Post: #22
Title: Re: doma
Author: عمران حسن صالح
Date: 05-19-2007, 06:45 AM
Parent: #20
doma
| Quote: يا زول لو جيبك نص نص امش كندا برتش كلومبيا حلوه والله وارخص من سويسراا ولو علي قدر حالك تعال تايلند او ماليزيا ولو بقيت مقرش شدييييييييد امش السودان |
تسلمي يا ستي لحُسن ظنك بجيبي ......
حين سألني صديق الصدفة هذا عن همه بإختيار مكان (صيفه)..
كانت الوالدة تسألني متي سترسل مصاريف تصليح
المراتب .... الإتقطعن ديل ...
عرس أختك قرب ّّّّّّّّّّّّ!!!!!!!!
|
Post: #24
Title: Re: احترت وين أصيِِف .....!!!!!!!!
Author: معتصم دفع الله
Date: 05-19-2007, 08:51 AM
Parent: #1
أبو محمد سلاااام ..
زي ما قال ليك صديق أخوي نحن الثقافة دي ما مرت علينا حتى ولو مرت بكون جيبنا مقدود ..
صاحبك دا قول ليهو الحاجة دي ما أدونا ليها ولا زاكرناها ..
هسي نحن الصيف دا ناوين على (قراريص) أم ومحمد جهزوا حالكم بس ..
كل صيف وأنت بخير ..
|
Post: #27
Title: Re: احترت وين أصيِِف .....!!!!!!!!
Author: عمران حسن صالح
Date: 05-20-2007, 08:17 AM
Parent: #24
Quote: هسي نحن الصيف دا ناوين على (قراريص) أم ومحمد جهزوا حالكم بس ..
|
هو نحن يا معتصم عندنا فرح ( أو صيف ) ..
غير لمتنا ...
وونستنا ...
وقراصتنا ....
|
Post: #26
Title: Re: احترت وين أصيِِف .....!!!!!!!!
Author: سلمى الشيخ سلامة
Date: 05-19-2007, 11:02 PM
Parent: #1
الصيف وين ؟ اوريك ؟
فى حته اسمها (رشاد) فى جبال النوبة ، اجمل منتجع فى العالم
او ابو جبيهة ، برضو فى الجبال الشرقية للنوبة
او لو الحال انصلح اجمل حته فى العالم جبل مرة
بس يا خسارة دى كلها مناطق حرب هسى
عليك الله البلد دى مش حرام البعملوه فيها الناس ديل ؟
ولو مريت على واحة البشيرى بالقرب من بارا
او حتى بارا نفسها
او تمشى اركويت البلد مش الفى الخرطوم ،
او تمشى القضارف
ويا ريت تشوف معاك الدمازين
وتمر على الروصيرص والكرمك فى الصباح والعشية
( صباحى ومساى )،
كلها دى مناطق سياحية درجة اولى ، اولى شنو ممتازة لكن ......
وااااا مغستى بلد زى سلمى الشيخ ( منحوسة )
|
Post: #28
Title: Re: احترت وين أصيِِف .....!!!!!!!!
Author: نجوان
Date: 05-20-2007, 11:15 AM
Parent: #26
إزيك يا عمران..
شخصيا أفضّل أن أصّيف.. على توفير المبلغ..
أشوف ناس مختلفين.. سبل حياة مختلفة.. وواقع أتعلّم منه..
وأستمتع بأن أكون جزء منه.. ولو لأيام قليلة..
فالحياة قصيرة جدا..
ثقافتنا تمجّد اليوم الأسود.. وتعبده..
تجعلك تهب مالك.. أنفاسك..
وأنفاس وتجربة أسرة بأكملها لقطعة الأرض.. والمونة..
أو دهب لليوم الأسود..
وتنسى اليوم تماما..
وحقيقة ما في أسود من أن يعيش الواحد في خوف من اليوم الأسود..
لأن هذا يجعل العمر كله سواد في سواد..
___
وإستخدام اللون هنا فقط لتوصيل الفكرة
حسب المثل المتداول..
وكنت محتارة وين أصيّف..
|
Post: #30
Title: Re: نجوان
Author: عمران حسن صالح
Date: 05-20-2007, 07:27 PM
Parent: #28
أهلاً نجوان ..
Quote: شخصيا أفضّل أن أصّيف.. على توفير المبلغ..
أشوف ناس مختلفين.. سبل حياة مختلفة.. وواقع أتعلّم منه..
وأستمتع بأن أكون جزء منه.. ولو لأيام قليلة..
فالحياة قصيرة جدا.. |
لنتفق بأن السؤال استفزني .....
استفزني لأن ثقافة الإجازة عندنا معدومة ...
لا لسبب ... عدى شكل حياتنا ... وشكل من (وما) حولنا
رغم أنفنا ..
وإلا فما المانع أن نرتاح أسبوعاً
في مكان ننسى فيه تعب سنة ( أو حتى سنتين مضت ) كنا نصطاد فيها يوم الجمعة كي ننال ساعات نوم إضافية ...
هذا لمن هم خارج السودان ...
أما من داخله فقد لخصه الحبيب أبو جهينة أعلاه ... وبالتالي فالجمعة نفسها صارت هاجساً ( بعيداً عن العبادة ) ..
Quote: ثقافتنا تمجّد اليوم الأسود.. وتعبده..
تجعلك تهب مالك.. أنفاسك..
وأنفاس وتجربة أسرة بأكملها لقطعة الأرض.. والمونة..
أو دهب لليوم الأسود..
وتنسى اليوم تماما.. |
أي يوم أسود هذا الذي فرض نفسه علينا كأنه واقع لا محالة ...
لقد صار قناعة دون أن ندري ...
وصار الطين وكل ما يلمع هاجساً ..
فلا يومنا عشناه ...
ولا طيناً بنيناه ...
.
.
.
تسلمي نجوان
|
Post: #29
Title: Re: سلمى الشيخ سلامة
Author: عمران حسن صالح
Date: 05-20-2007, 06:51 PM
Parent: #26
الأستاذة / سلمى الشيخ سلامة
سعيد سيدتي بمرورك من هنا ...
لولا خوفي من تفاصيل التفاصيل لكنت
قد كتبت عن هذا ...
قضيت في جنوب القضارف قرابة العامين وأنا أعمل في منظمات اللاجئين ....
بإختصار كان همبريب تلك المناطق يفعل فينا العجب ...
صدقيني كنا نبتعد ما أمكن عن أسرتنا خوفاً من النوم قبل صلاة العشاء ...
منطقة تقع في نقطة التقاء نهري باسلام وسيتيت ....
مساحات ممتدة من الخضرة ... والجمال
كل ما تشتهية نفسك متوفر بأبخص الأثمان ...
Quote: كلها دى مناطق سياحية درجة اولى ، اولى شنو ممتازة لكن ......
وااااا مغستى بلد زى سلمى الشيخ ( منحوسة ) |
هي نعم بلد منحوسة ... وليس لك نحس سيدتي .....
يدخر لك الخالق الأجمل فقط كوني على ثقة وحُسن ظن ...
يكفيك شهادة بشري الفاضل سيدتي
|
|
