Post: #1
Title: كيف انضم للحزب الاتحادي الديموقراطي
Author: اساسي
Date: 05-16-2007, 06:31 PM
Parent: #0
الايام دي معجب بالحزب الاتحادي الديموقراطي بدون اسباب محددة وهافة لي في راسي الفكرة دي ..
الاسرة الكبيرة اتحادية ... الوالد عليه الرحمة كان عضوا فعالا في الحزب الاتحادي خاصة ونحن من سكان مدينة البراري
شهدت اكثر من ندوة للحزب امام دارنا وكان المقدم الرئيس فيها والذي يدير الحوار الوالد عليه الرحمة ( ندوة بي مكرفونات وصيوان ومتحدثين كامثال الشريف زين العابدين الهندي وغيره هذا ابان الديموقراطية الاخيرة )
لحدي ما اتخرجت من الجامعة كنت متخيل اني اتحادي ديموقراطي لكن لسبب ما اكتشفت فيما بعد اني ما ولا حاجة .
موخرا اكتشفت في المنبر دا اني كوز بي قدرة قادر ودباب ومجرم حرب كيف برضو ما عارف
الايام دي جاتني شجاعة ادبية وقلت اقرر عن نفسي بدلا من يقرر لي الاخرون كما ورد اعلاه
فانا محتار بين الحزب الاتحادي الديموقراطي وبين الحزب الليبرالي العادل عبد العاطي وبين اكون مستقل وباهت ما عندي لون ولا نكهة
بالمناسبة انا جادي في ما قلته اعلاه
بس المشكلة ما عارف من طرح الحزب الاتحادي التكتح ... وبعدين قصة سيدي محمد عثمان الميرغني دي ما اظن تمشي معاي لي قدام
عادل عبد العاطي ما قصر وحاورني في موضوع الحزب الليبرالي وقرب يقنعني بس متردد عشان كمان الزول مفروض يشوف خيارات بالاضافة لملاحظات كدا قلتها بس ما جاء رده مقنع فيها وملاحظات اكتمها في حفيظتي .
اها اسع اسوي شنو بالله في الحزب الاتحادي دا ما لاقيهو زاتو؟
|
Post: #2
Title: Re: كيف انضم للحزب الاتحادي الديموقراطي
Author: رشا سالم
Date: 05-16-2007, 06:53 PM
Parent: #1
ما إلك إلا...
انعام عبدالحفيظ..
هسه بتجيك..
|
Post: #3
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 07:00 PM
Parent: #2
Quote: ما إلك إلا...
انعام عبدالحفيظ.. |
او هي هيفاء الحزب الاتحادي؟
في الانتظار علي الهواء
وشكرا رشا سالم للافادة
|
Post: #9
Title: Re: كيف انضم للحزب الاتحادي الديموقراطي
Author: رشا سالم
Date: 05-16-2007, 07:20 PM
Parent: #3
انا سخسيا بريدها كدا لله فالله..
وهي زولة طيبانة جدا..واتحادية قديمة..
والاحزاب دي قبل ما تكون تنظير سياسي..بيكون فيها تنظير تربوي..
فأكيد الجماعة ديل كويسين ما دام طلعو الزولة دي...
|
Post: #4
Title: Re: كيف انضم للحزب الاتحادي الديموقراطي
Author: حسين يوسف احمد
Date: 05-16-2007, 07:00 PM
Parent: #2
Quote: ما إلك إلا...
انعام عبدالحفيظ.. |
أنـا بـرشـح ليك الصديق العزيز
الشقيق : جمـال الصـأدق !!!!
كسـرة أولـى :
عشـرة سـمسترات يا ساسي في جامعة
الجزيرة ، غير الجمع والعطلات الرسمية
وغير الرسمية ، بحاول معايا ...
كسـرة تانية :
مـا عـايز تنضم لحزب البعث العربي الاشتراكي ؟؟؟
كسـرة تالتـة :
ما تخليك في حزب المريخ أحسن .
|
Post: #5
Title: Re: كيف انضم للحزب الاتحادي الديموقراطي
Author: هاشم نوريت
Date: 05-16-2007, 07:03 PM
Parent: #4
اجب على هذه الاسئلة لنقرر هل تستحق ان تكون اتحاديا.
1/ هل تقبل تقبيل ايدى الاسياد
2/ هل تحب هفت الفتة
3/ هل لك مهارة الرقص على قرع الدفوف
وبعدها يمكننا ان نفصل فى طلبك
|
Post: #6
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 07:03 PM
Parent: #4
| Quote: مـا عـايز تنضم لحزب البعث العربي الاشتراكي ؟؟؟ |
هو في؟؟ بالجد
حزب المريخ هو حزب الصفوة والنقاوة ما لحم راس زي ناس قريعتي راحت
لذا نبحث عن الالتحام بالجماهير الكادحة
ياخي السودانين ديل زمان كلهم اتحادين الا من رحم
|
Post: #7
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 07:07 PM
Parent: #6
Quote: اجب على هذه الاسئلة لنقرر هل تستحق ان تكون اتحاديا.
1/ هل تقبل تقبيل ايدى الاسياد
2/ هل تحب هفت الفتة
3/ هل لك مهارة الرقص على قرع الدفوف
وبعدها يمكننا ان نفصل فى طلبك |
ياخي بصراحة انا عمري دا كله ابوي اتحادي ديموقراطي ما حصل شفتو في حولية بالغلط
اما الفتة فاظنها لا تخرج من طيبات ما رزقناكم ولا عندك اعتراض كمان؟
بالنسبة للرقص فدي حاجة نسبية حسب الموهلات  لكن اظنك بتتكلم عن حزب البهجة يا نوريت
شكلك يا عمك رقصت علي الدفوف وهفت الفتة وقبلت الايادي وبعد داك اتلطشت
|
Post: #8
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 07:08 PM
Parent: #7
باعتقادي ان الحزب الاتحادي هو حزب الوسطية المعقول والمقبول للجميع
لا يعادون الناس ولا يعاديهم الناس
وله في التاريخ السوداني القدم الراسخة
|
Post: #10
Title: Re: كيف انضم للحزب الاتحادي الديموقراطي
Author: ريهان الريح الشاذلي
Date: 05-16-2007, 07:29 PM
Parent: #8
السلام عليكم
Quote: 1/ هل تقبل تقبيل ايدى الاسياد
2/ هل تحب هفت الفتة
3/ هل لك مهارة الرقص على قرع الدفوف
وبعدها يمكننا ان نفصل فى طلبك
الاخ هاشم نوريت |
خالص الاحترام
انا اتحادية ديمقراطية من 8 سنين
ولا قبلت يد زول وما كان لي
ولا احب هفت الفتة بالكميات الكبيرة دي (لشئ في نفس يعقوب)
وللاسف لا اجيد الرقص (بتاتا)
والغريبة الناس ديل لمن قدمت ليهم طلب طلباتهم كانت بتختلف عن الحاجات الانت سالت منها...
لذا...
سيدي نوريت رجاءا اعمل refresh فليس كل الاتحاديون مراغنة....
|
Post: #11
Title: Re: كيف انضم للحزب الاتحادي الديموقراطي
Author: رشا سالم
Date: 05-16-2007, 07:37 PM
Parent: #10
اها يا اساسي..
ريهان شخصيا طلعت تبع الجماعة..
شكلي انا ذاتي حأقدم طلب..
|
Post: #12
Title: Re: كيف انضم للحزب الاتحادي الديموقراطي
Author: ريهان الريح الشاذلي
Date: 05-16-2007, 08:01 PM
Parent: #11
يا رشا ..ياكحيل
دايرة اقول ليكي اتفضلي طوالي لجوة لكن خايفة الجماعة يقولو بنستقطب اسفيريا..
حكمة اليوم:-
المشكلة ما في كيف اصبح اتحاديا ..المشكلة في كيف استمر اتحاديا..
|
Post: #17
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:06 PM
Parent: #12
| Quote: دايرة اقول ليكي اتفضلي طوالي لجوة لكن خايفة الجماعة يقولو بنستقطب اسفيريا.. |
وما به الاستقطاب الاسفيري اخت ريهان
كنت اتمني ان اجد من يفيدني حقيقة حول اطروحات الحزب الاتحادي الديموقراطي !
لدي بعض التساؤلات عن برنامج الحزب ان وجد برنامج حديث يواكب المرحلة التي نعيش فيها
كل ما اخشاه ان يكون برنامج الحزب الاتحادي ما يزال برنامج الاستقلال المجيد.
المنظرين للحزب الاتحادي من هم وما هي اطروحات الحزب للمرحلة الحالية والمقبلة
راي الحزب في الكثير من الاحداث الجارية في السودان
ابتداء من اتفاقية نيفشا مرورا بمشكلة دارفور الي القوات الدولية ؟
تساؤلات كثيرة تحتاج الي الاجابة
الاستقطاب الاسفيري المفروض يكون ارقي انواع الاستقطاب لانه يخاطب العقول مباشرة
يخاطب الفكر المجرد دون اي تاثيرات خارجية او ضغوط شخصية او ما شابه
تحياتي
|
Post: #13
Title: Re: كيف انضم للحزب الاتحادي الديموقراطي
Author: حاتم هاشم
Date: 05-16-2007, 08:06 PM
Parent: #11
بسم الله الرحمن الرحيم
الاخ اساسي
سلام...
Quote: ياخي بصراحة انا عمري دا كله ابوي اتحادي ديموقراطي ما حصل شفتو في حولية بالغلط
اما الفتة فاظنها لا تخرج من طيبات ما رزقناكم ولا عندك اعتراض كمان؟ |
هديه للسيد الوالد
|
Post: #14
Title: Re: كيف انضم للحزب الاتحادي الديموقراطي
Author: HOPEFUL
Date: 05-16-2007, 08:20 PM
Parent: #13
| Quote: كيف انضم للحزب الاتحادي الديموقراطي |
احفظ الراتب
واقبض الراتب
وعلي المراتب
ومبروك مقدماً
|
Post: #15
Title: Re: كيف انضم للحزب الاتحادي الديموقراطي
Author: Kostawi
Date: 05-16-2007, 08:28 PM
Parent: #14
دايرنصيحتي يا كوز يا ظلامي
ما تخش أي حزب
ركز جهودك لمساعدة أحد منظمات العمل المدني.
|
Post: #16
Title: Re: كيف انضم للحزب الاتحادي الديموقراطي
Author: محمد عبدالرحمن
Date: 05-16-2007, 09:27 PM
Parent: #15
Quote: دايرنصيحتي يا كوز يا ظلامي
ما تخش أي حزب
ركز جهودك لمساعدة أحد منظمات العمل المدني |
ياكستاوى ..
دا كلام ماصاح ياخى ..المفروض الناس كلها تتنظم ..
ولا انتو عايزين العملية الديمقراطية تكتمل كيف ؟!..
المابعجبهم الطرح المقدم من التنظيمات دى يطرحوا طرح
جديد ...واعتقد انوالعمل مع منظمات المجتمع المدنى لايتعارض مع
التنظيم ..وتنظيم الناس دا بريحنا شوية ..لانو العالمين دى
شغال فينا استجوابات ومساءلات ..خلى الناس كلها تتحمل مسؤوليتها
وتحدد خياراتها ..
اساسى تحياتى ...
|
Post: #20
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:20 PM
Parent: #15
| Quote: ركز جهودك لمساعدة أحد منظمات العمل المدني. |
لكن يا كوستاوي منظمات العمل المدني ما بتعارض عملها مع الانتماءات الحزبية كما اعتقد بل قد يكون الالتزام الحزبي دافعا لك ومحفزا اساسيا للعمل المدني المؤسس علي فكر ورؤي ..عموما المنظمات المدنية اغلبها الان مشبوه بانتماءات عسيرة الهضم عموما الفكرة واردة ايضا يا صديق
|
Post: #19
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:17 PM
Parent: #14
Quote: احفظ الراتب
واقبض الراتب
وعلي المراتب |
سمح
|
Post: #18
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:08 PM
Parent: #13
المحترم حاتم هاشم
تشكر علي الهدية وما لنا الا ان ندعوا بالمغفرة والرحمة للوالد في عليائه وهي اعظم هدية له نسالك والاخوة الاتحادين الدعاء له
واتمني ان اسمع قليلا منكم
هذا البوست من الجدية بمكان
|
Post: #21
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:21 PM
Parent: #18
التحية والتقدير يا محمد عبد الرحمن وما زلت افتقد الي رسائلك بالمناسبة جوالي اتغير وحارسل ليك الرقم بالماسنجر ان شاء الله
تقبل تحياتي
|
Post: #22
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:29 PM
Parent: #21
Quote: حكمة اليوم:-
المشكلة ما في كيف اصبح اتحاديا ..المشكلة في كيف استمر اتحاديا.. |
تساؤل يفتح شراعا للتأويلات غير المبشرة ؟
|
Post: #23
Title: Re: كيف انضم للحزب الاتحادي الديموقراطي
Author: محمد عبدالرحمن
Date: 05-16-2007, 10:35 PM
Parent: #21
على نفس المنوال بتاع اساسى الخلفيتو اتحادية ..وجاى يبحث
عن الخلفية دى بعد (شوتو) المصرج داك ..على نفس المنوال
دا نحن بنرحب بعمر الفاروق باحثا عن (جذوره ) ..وسنقبل
به بعد التحسينات المطلوبة ..
شكرا يااساسى وفى انتظار الرقم ..
وليبقى مابيننا ( العبارة دى شاديها من رباح الصادق ) ...
|
Post: #24
Title: Re: كيف انضم للحزب الاتحادي الديموقراطي
Author: اساسي
Date: 05-16-2007, 10:37 PM
Parent: #23
يعني افهم من كدا يا محمد عبد الرحمن انكم قنعانين من خير فيني في حزب الامة؟
|
Post: #26
Title: Re: اساسي محمد عثمان الميرغني
Author: waleed500
Date: 05-16-2007, 11:30 PM
Parent: #25
Quote: لحدي ما اتخرجت من الجامعة كنت متخيل اني اتحادي ديموقراطي لكن لسبب ما اكتشفت فيما بعد اني ما ولا حاجة .
|
انت مؤتمر وطنى بالفطره
|
Post: #28
Title: Re: اساسي محمد عثمان الميرغني
Author: اساسي
Date: 05-17-2007, 08:10 AM
Parent: #25
طبعا يا رجا لازم نقول ظروف البوست اعلاه
البوست اساسي محمد عثمان الميرغني تزامن مع تسجيل الاخت رباح الصادق المهدي في المنبر وطبعا ناس المنبر ما صدقوا انه بت السيد حتكتب معاهم في نفس البورد طبعا اكبر كمية من التلج في تاريخ المنابر السودانية اتكسرت يوم تسجيل رباح الصادق .. طبعا انا زول خلفيتي اتحادية زي ما اقنعني محمد عبد الرحمن هنا فما كان مني الا وفتحت بوست موازي مقصده العام التهكم من عضوية المنبر التي انبرشت تحت اقدام الحبيبة بالرغم من اني كنت طول الوقت بفتكر انه العضوية دي من التقدمين البسبوا الدين وبيغالطوك في ربنا او كما كان حاصل .. الحاجة الانتفت لما جات بت سيدي .
لكن عليكم الله ما عندي غيرة يعني ما حاولت الانتساب لاي كان الا ابوهاشم
|
Post: #27
Title: Re: كيف انضم للحزب الاتحادي الديموقراطي
Author: ناذر محمد الخليفة
Date: 05-16-2007, 11:41 PM
Parent: #1
أساسي ..
| Quote: Re: كيف انضم للحزب الاتحادي الديموقراطي (Re: اساسي) |
ساهلة جدا الشغلانية دي ..
ما عليك إلا تملا الفورم دا :
!!
|
Post: #32
Title: Re: كيف انضم للحزب الاتحادي الديموقراطي
Author: اساسي
Date: 05-17-2007, 09:11 AM
Parent: #27
يا ناذر يا الحالة بقت واحدة بين الموتمر والاتحادي؟؟؟
كان كدا ما رزنا حرق
|
Post: #38
Title: Re: كيف انضم للحزب الاتحادي الديموقراطي
Author: اساسي
Date: 05-18-2007, 02:02 PM
الفورمات دي عبيتها انت يا ناذر؟
|
Post: #29
Title: Re: كيف انضم للحزب الاتحادي الديموقراطي
Author: adil amin
Date: 05-17-2007, 08:49 AM
Parent: #1
Quote: موخرا اكتشفت في المنبر دا اني كوز بي قدرة قادر ودباب ومجرم حرب كيف برضو ما عارف
|
العزيز اساسى محمد عثمان الميرغني
تحية طيبة
طبعا بقيت رب عائلة ما من حقنا نستعمل معك اسلحة الشمار الشامل...لكن براك جيت تلعب في بيت اللعب
اولا الكيزان ثلاث انواع..زمان في جامعة الخرطوم(1980-1986)
1-كوز مسجد(ديل من المسجد-اللكشر-البركس) وديل ماتو في الجنوب بفضل فتاوي الشيخ
2-كوز صفرة(المسجد-الصفرة-اللكشر-البركس) وديل ناس الفساد لعظيم من نهب اراضي وعرس عشوائي وجماعي وشهوتي البطن والفرج
3-كوز بنات(بيت القزاز-النشاط- داخلية البنات-دوان تاون) ديل كملو النيفيا في زمنا في شارع الجمهورية وبناطلين الجينز والون مان شنو ويدعون انهم مثقفين ولكنهم متحزلقين ايام لها ايقاع.. وجنهم قعاد مع البنات زمن الانتخابات
...
نرجع لموسم الهجرة للحزب الاتحادي الديموقراطي
عشان اي مواطن ولغت فيه الجبهة يرجع يبقى اتحادي يحتاج لسبعة غسلاات والسابعة بالكلوركس
واي بوست مارس فيه جاهلية يعود ليمارس فيها اسلام كما فعل سهيل بن عمرو والاقتداء بالصحابة واجب
.........
بعدين برنامج شنو وضجو شنو
برنامج الاتحادي الديموقراطي هو برنامج قوى التجمع/الدولة المدنية/الفدرالية/الديموقراطية
ان يلتزم المؤتمر الوطني بالتفيذ الحرفي لكل ما وقع علبه مع الحركة/التجمع/جبهة لشرق/حركات دارفور
عشان كده ذاكر كويس في الدستور الانتقالي +اتفاقية نيفاشا
حتى يكون لك وعي /نور تمشي به بين الناس
والسودان قفل من 2005-2011
والقاعد في لجير يقعد
لعب دار الرياضة ام ردمان ده بقى ما بنفع
السودان فيه اربعة نجوم فقط(مربع ذهبي)
السيد محمد عثمان الميرغني
والسيد محمد عثمان وردي
والمريخ
والسكة حديد
والباقين سياقية ساكت.........
..........
وكا جينا للبوبار
نلقى ناسو كتار
.........
اوعك تزعل مني يا اساسى
وانت عارف
الاصلو في الجوف اندفن
لا بتمحي ولا بتنسي ولا بنتهي منو الحريق
|
Post: #30
Title: Re: كيف انضم للحزب الاتحادي الديموقراطي
Author: محمد فرح
Date: 05-17-2007, 08:59 AM
Parent: #29
أساسي الأساسي
أول البوست شايف عندك فكره إنك تنضم للحزب الليبرالي (دي شيلها من دماغك خالص)
قدامك واحد من إتنين
مؤتمر وطني
إتحادي ديمقراطي
أيهما إخترت فهو صواب
مؤونة عام من الود
|
Post: #31
Title: Re: كيف انضم للحزب الاتحادي الديموقراطي
Author: اساسي
Date: 05-17-2007, 09:06 AM
Parent: #30
وليد
| Quote: انت مؤتمر وطنى بالفطره |
محمد فرح
Quote: قدامك واحد من إتنين
مؤتمر وطني |
بصراحة سنة ثمانية وتسعين وتسعمائة والف اكتشفت انه المؤتمر الوطني دا اكبر كذبة في التاريخ السياسة السودانية وانه الناس ديل ناس دنيا ما زي كانوا بيقولوا انهم صحابة القرن العشرين .
|
Post: #34
Title: Re: كيف انضم للحزب الاتحادي الديموقراطي
Author: اساسي
Date: 05-17-2007, 09:17 AM
Parent: #31
عادل امين
ياخي والله ليك وحشة ولمناكفاتك الصادقة .. قلت:
Quote: السودان فيه اربعة نجوم فقط(مربع ذهبي)
السيد محمد عثمان الميرغني
والسيد محمد عثمان وردي
والمريخ
والسكة حديد |
تعرف دي الخلاصة انا بتفق الان معاك في اتنين وبختلف (كالعادة ) في اتنين وعلي نجومي الاربعة السودانية بقول ليك
الوالد محمد عثمان الميرغني
والولا محمود عبد العزيز
والمريخ
معرض الخرطوم الدولي
طبعا معرض الخرطوم الدولي دا بمثابة سكة حديد عطبر حق البراري ما كل زول كمان بيحن لمدينته
لكن حمدت الله انه الغسلة السابعة بالكلوركس ما بالتراب
تقبل تحياتي اخوك المسلم الاسفيري
|
Post: #39
Title: Re: كيف انضم للحزب الاتحادي الديموقراطي
Author: adil amin
Date: 05-20-2007, 01:03 PM
Parent: #34
| Quote: طبعا معرض الخرطوم الدولي دا بمثابة سكة حديد عطبر حق البراري ما كل زول كمان بيحن لمدينته |
العزيز اساسي
بمناسبة معرض الخرطوم الدولي(انجازات نميري) كان لينا فيه زكريات ايام البركس
وبتذكر مرة كان في غلطة مطبعية بالدنيا تتعلق بالامر
جابو مين شيت لجريدة الايام ولي الصحافة ما بتذكر
يفتتح فلان الفلاني معرض الخرطوم الدولي غدا
ونسو نقطة الضاد في معرض
اما بالنسبة للكلوركس
الحلوين بالكلوركس
والشينين بالتراب 
يعني ناذر بالتراب
|
Post: #33
Title: Re: كيف انضم للحزب الاتحادي الديموقراطي
Author: gamal elsadig
Date: 05-17-2007, 09:14 AM
Parent: #29
...
(الشقيق) : اساسي
لك التحية
الحزب الاتحادي الديمقراطي هو احد احزاب السودان العريقة ، وقد ساهم الحزب بجماهيره العريضة في صناعة جزء من تاريخ السودان الحديث وكان له الاسهام الاكبر في كثير من الاحداث الوطنية في البلاد ومازال الحزب الاتحادي الديمقراطي يواصل مسيرته الوطنية عبر قياداته وجماهيره .
ان الانضمام للحزب الاتحادي الديمقراطي في إعتقادي شرف عظيم ومسؤلية كبرى لارتباط الحزب بهذه الوطن العزيز عبر علاقة عضوية لا انفصام فيها ولا انقسام بينها وبين الارض الحبيبة و التاريخ .......
و الانتماء اليه يكون بحرية الشخص في الاختيار و الاقتناع (بمرتكزات) الحزب (الفكرية ) وبرامجه (السياسية) و (الثقافية ) و( الاجتماعية ) ... الخ ولابد ان تتوفر في الفرد الرغبة و المقدرة على المشاركة والاسهام في تطوير هذهالبرامج و المرتكزات الفكرية و الحرص على تنفيذها .
بهذا المنبر الكثير من الاشقاء و الشقيقات من هم افضل مني بالحديث عن الحزب الاتحادي الديمقراطي .....
الشقيق الصديق حسين يوسف (الهندي ) لك التحية مازال للحديث بقية ..... و الاصل الطيب والفطرة السليمة لابد ان تنتصر لصاحبها وان طال الاغتراب ........
>>>>
..
|
Post: #35
Title: Re: كيف انضم للحزب الاتحادي الديموقراطي
Author: اساسي
Date: 05-17-2007, 09:30 AM
Parent: #33
الاخ جمال
| Quote: و الانتماء اليه يكون بحرية الشخص في الاختيار و الاقتناع (بمرتكزات) الحزب (الفكرية ) وبرامجه (السياسية) و (الثقافية ) و( الاجتماعية ) ... |
هذا بيت القصيد اتمني منكم ان تفتحوا حوارا جادا لاطروحات الحزب الفكرية والسياسية والثقافية والاجتماعية .
انا في انتظار سماع الكثير منكم
|
Post: #36
Title: Re: كيف انضم للحزب الاتحادي الديموقراطي
Author: Ahmed Yousif Abu Harira
Date: 05-17-2007, 10:22 AM
Parent: #35
الأخ/أساسي
شايف اليومين ديل المنبر فيه استقطابات لصالح الاحزاب ، خاصة وقد شرع البعض في وضع استمارات وطالب بتعبيئها..يعني استقطاب اونلاين دوت كوم...ويحمد لك انك تطوعت من تلقاء نفسك لتبحث عن حزب تنضم إليه ..
المهم ، الحزب الاتحادي الديمقراطي يا سيدي هو حزب الوسط الكبير ولديه مرتكزات فكرية (قديمة) ومواقف سياسية وشخصيات أثرت نضاله وتاريخه وكانت تؤثر بمواقفها في عضويته بالمثال والقدوة الحسنة ، لكن معظمها للأسف تحت التراب والقليل منهم لا زال فوقه..
وفي تقديري ، ان الحزب في وقته الحالي غائب/مغيب وغير مواكب للمتغيرات من ناحية برامج سياسة ورؤى مستقبلية ويغط في سبات عميق "مع حسن الظن" بينما المتشائمون يقولون انه قد اغتيل وتفرق دمه بين قياداته وجماهيريه تائهة كالايتام على موائد اللئام..
اخشى ان الوقت غير مناسب لاي اتحادي لكي يقنعك ببرنامج او خطة أو رؤية و قيادة موحدة للحزب لذلك يصعب استقطابك في الوقت الحالي إن كنت تبحث في سعيك هذا عن برامج ورؤى الخ..وتنظيم (بيرفيكت).....
لكن لو ما مستعجل وبالك طويل ربما ياتي وقت تزول فيه هذه الموانع وينهض العملاق من سباته العميق ليملأ الارض عدلا..
وفي راي "فور ناو" خليك اتحادي بالنية أملا في المستقبل...
والنية زي ما بقولوا زاملة سيدها..
-----------
وليرحم الله والدك ويغفر له ولموتانا اجمعين
|
Post: #37
Title: Re: كيف انضم للحزب الاتحادي الديموقراطي
Author: اساسي
Date: 05-17-2007, 10:30 AM
Parent: #36
اولا شكرا للرد الضافي استاذ ابو حريرة والحقيقة دا الكلام الكنت متمني اسمه كلام واضح وعديل وبتجرد مافيهو غتغتة ولا خمج عشان مخاوفي اعلاها والذكرتها بالاشارة الي برنامج الحزب هو برنامج الاستقلال .. عموما النية الزمن دا براها ما كافية لتزمل سيدها مع احزاب ناشطة ومتحركة في الاتجاهات كلها وبرامج مطروحة برامج مواكبة لكل قضية لكل حدث بيانات واطروحات ومواقف . لا اضمن لك اني قد استمر متحجرا في انتظار ان يستيقظ المارد من ثباته العميق . علي العموم ما زلت في طور البحث والتدقيق مع العلم ان الحزب الاتحادي هو الاقرب الي فؤادي .
|
Post: #40
Title: Re: كيف انضم للحزب الاتحادي الديموقراطي
Author: اساسي
Date: 05-28-2007, 10:05 PM
Parent: #37
هل يعني هذا ان الحزب الاتحادي غير مؤهل لخوض اقرب انتخابات؟؟؟
جديا افكر في الاتحادي لكن لا امل يلوح في الافق القريب؟
|
Post: #41
Title: Re: كيف انضم للحزب الاتحادي الديموقراطي
Author: القلب النابض
Date: 05-28-2007, 10:45 PM
Parent: #40
الشقيق أساسي ..
الظاهر لستة وسام.... خلتك تفكر في انتماء جد جد بدل تهم الرفاق ..
اعمل ساتر يا زول
|
Post: #42
Title: Re: كيف انضم للحزب الاتحادي الديموقراطي
Author: اساسي
Date: 05-28-2007, 10:54 PM
Parent: #41
القلب النابض
تحياتي
والله البوست دا قديم قبل ما ينزل الوحي علي وسام
|
Post: #43
Title: Re: كيف انضم للحزب الاتحادي الديموقراطي
Author: محمد حسن العمدة
Date: 05-28-2007, 11:21 PM
Parent: #42
اساسي الاساسي
قلت لي عادل عبد العاطي شغال استقطاب تحت تحت طييييييييب
صراحة قبل ما اكون حزب امة سالت الاشقاء عن كتب فكرية ونفس السؤال ده سالتو للشاعر الطيب برير قبل ما يسكن عضويتو بالحزب ما لقيت ليهم كتب غير كتاب الطريق الى البرلمان حق الزعيم الطيب برير عندو رد جميل الى حد ما بيقول انو الديمقراطية و نظام الحكم وحقوق الانسان وما الى ذلك لا تحتاج الى كتب بل الى برامج
المهم يا اساسي نصيحة اخوية اقرا اقرا كل ما تقرا كل ما بتكون قربت لاتخاذ القرار الصحيح بخصوص الانتماء لحزب
|
|