|
|
|
 Re: الرفيع أخوي الحكومة شالت قمحو وما صرفت ليه القروش (Re: نصرالدين بابكر بدرى)
|
ود أخوى نورالدين
كيفك وكل الناس عساكم بخير
انت نسيت ولا شنو؟
الكيزان قبل كده ما دسوك مني في مصر لغاية
ما عملوا حفل الجاتوه وقالوا ليكم
الحافظ سورة الأخلاص يرفع أصبعه فتم
اختيارك رغما عن أنك لم ترفع لهم الأصبع
المطلوب, وحتي أنك حاولت بدلا عن قراءة
الاخلاص قرأت لهم الفلق فما كان منهم الا
التصفيق الحار للأجابة الصحيحة وكانت
الجائزة مصحفا كبيرا يا( شيخنا)
فيا عزيزى الجماعة ديل دسوك من عمك
ما يدسوا قروش القمح كيف....؟
| |
 
|
|
|
|
|
|
|
|
Re: الرفيع أخوي الحكومة شالت قمحو وما صرفت ليه القروش (Re: Atif Makkawi)
|
عمي عاطف كيفك
وكيف أخبار العيال والأهل
أشكرك على المرور
والله إن جيت لي الصح الناس ديل يدسوا ناقة صالح
المهم يا عاطف إنوا كل واحد من أفراد الشعب الغلبان ليهو مشكلتو مع الناس ديل
و مع إختلاف أنواع المشاكل
لكن المهم إنو متضرر
ودا نموزج بسيط لي زول غلبان وعاناته التي يعانيها
خالص التحايا
نور الدين
| |
|
|
|
|
|
|
|
|
|
Re: الرفيع أخوي الحكومة شالت قمحو وما صرفت ليه القروش (Re: نصرالدين بابكر بدرى)
|
مشنقة المشروع
لن تسافر
لن ترضي ابدا ان تحيا
مثل الخفاش
لم تعتاد الظلام
وتعمي نواظرها عندما
تبدو الشموس وتظهر الانوار
هكذا
صفقت حياري
فوق القصور ينام جحود المدينة
وعلي الارض تنام الحياري
تفترش الاسي
وتفيق علي دموع الضائعين
ضريح الارض يلبس فوقه ثوب البوار
تقاوم وتقاوم
لن تستجدي السراب
وجنود الهدايه للمؤمنين
مامورة باحراق الكادحين
الجائعين
الحال
مكشوف
لن تحيا بهذا الخوف
تغردت بالسر المصون
بيت ابي لهب موعود
بالاحراق
| |
|
|
|
|
|
|
|
|
|
Re: الرفيع أخوي الحكومة شالت قمحو وما صرفت ليه القروش (Re: عمران بابكر بدري)
|
اصل الحاصل
عنمول عمك صديق
جاب عشرين شوال
فيها تمنتاشر كان دين المكتب
حق الدولة
وشوالين هن هيل الكارو
وصفق ايدو
ودودح راسو الغلبوا الهم
وبداء يتسال
وين حق المحرات
عمال اليومية الضحوية
الدقاقة بلاش
وين تيراب الموسم الجاي
وفي قبالو
رجال الامن وعربية المكتب
مقشطة ديزل
وناس الامن تدور وتفتش
تقول وتلطش
بس كايسة سبب
فوق ناس يابا وجدوا الاحدب
من الطورية الضحوية
القطن القمح المسروق
المسرة العيش . الكسرة
الكسوة العيد
الامن حديد
السجم الجاي يخم باسم
التيراب وموية الرب
وما هماهو العالم ينعل ويسب
ينعل ويسب
| |
|
|
|
|
|
|
|
|
|
Re: الرفيع أخوي الحكومة شالت قمحو وما صرفت ليه القروش (Re: Atif Makkawi)
|
الأعزاء عاطف
عمران
نحن أهل الوجعة وزينا كتار
أشكر إهتمامكم
لابد من رفع الصوت عالياً
لوقف نزيف المزارعين الدائم
وإضاعة عرقهم وجهدهم سدى
كلنا يعرف أنو هذا المشروع قام على أكتاف أجدادنا وآبائنا
بالكدنكة والملود والكوريق والسلوكة
ومسك موية القمح في زمهرير الشتاء
إنت أدري يا ود مكاوي
أفتح النيران خلي الحق يرجع لأهلو
جدي مكاوي فقدورفاقه هم أهل المشروع وهم الشالوا الهم
مش ناس الإدارة بالأقمار الصناعية
لكم تحياتي كل ضحوية وكل ضهرية
ود البدري
| |
|
|
|
|
|
|
| |
Atif Makkawi
عمران بابكر بدري
فيس بوك
تويتر
انستقرام
يوتيوب
بنتيريست