لاحظت من خلال قراءاتي ومشاركاتي في هذا المصرح الشاهق ان الاخ بشاشا له من الاعداء الكثير .... وما لاحظته اكثر ... هو انني لم أقرأ له ولا مشاركة أو موضوع يخلو من المناكفات أو الحساسيات
وهنا لا اقصد اتهام بشاشا بافتعال هذه الافعال ... ولكن اقول ان الطرفين ( بشاشا ومشاركه في الحوار ) ينتهجون ربما نفس النهج في التحفز الذي يؤدي للاستعداء
لذلك اتمنى ان يحضر الاخ بشاشا ونتحاور حو موضوع الجلابة ـ لأن بشاشا أكثر من يستخدمها في هذا المنبر ـ والعنصرية في السودان بهدوء لكي نفهم الاخ بشاشا أقرب .
ولانني اعتقد ان لا مشكلة بيني وبينه فلابد ان يكون الحوار هادئا وهادفا .. واتمنى أن يوافقني الرأي ويحضر
غيرك كان اشطر ياحبيبنا .. بشبش ده زى تور الساقية البيلف في الساقية ولامن يودوه المراح برضو بيكون لافي طول الليل .. متعود على اللف .. ده زول فريد من نوعو بيؤمن بالحرية والديمقراطية والعدالة الاجتماعية والعدل والمساواة .. اها زول زى مش المفروض يكون ملك البورد ومحبوب الجماهير ..؟؟ لكن هو لا .. له من الاعداء مالايعد ولايحصى .. لانو بيبدا معاك الحوار بالضربة القاضية .. ياجلابي .. ياعنصرى .. ياكوز .. يا... يا .... مستحيل تلقى منو اسمك حاف كدة او مصحوبا بمايرضيك .. ده طبعا قبل مايعرفك .... عشان كدة العايز يتفاهم معاهو بيقلب عليهو من المداخلة التانية مباشرة .. والمتعاطف معاهو بيلتزم الصمت وبيخليهو يتهرس براهو ...
غايتو الله يكون في عونك في البوست ده .. حتفهمو لكن بعدما يسمعك ستين فارغة .. لو عندك ضغط في المداخلة التالتة ودى كمبيوترك جنب صندوق اسعافاتك او خلى اولادك جنبك صدقنى حتحتاج ليهم ... مودتى
Quote: وهنا لا اقصد اتهام بشاشا بافتعال هذه الافعال ... ولكن اقول ان الطرفين ( بشاشا ومشاركه في الحوار ) ينتهجون ربما نفس النهج في التحفز الذي يؤدي للاستعداء
ابوتميم تحياتي،
بشاشا في المنبر لي سبب واحد احد!
يلهب ظهور الجلابة، هري، بي سياط قلمو، باعتبارم مسؤولين من الدمار والموت الفي بلدنا!
احنا كشماليين احساسنا متبلد تماما، واذا العالم ماحصلنا، السودان ماحيفضل فيهو نفاخ النار!
ليه؟
لاننا كشماليين ما شايفين روحنا بنعمل ش غلط من اساسو، او مهمة بشاشا في الوجود، يقول لي اههلو، مشيكم في ا
غلط!
الجلابة هي شريحة اجتماعية نشأت في سنار نتيجة لتحالف التاجر ورجل الدين والسلطان وهي شريحة بدأت منذ أيام السلطنة الزرقاء في دولة الفونج وكانت تُعنى بالتجارة وبسط سلطتها لذلك جاءت حتى الشمال وهدمت علوة ودنقلا العجوز وهي تشكلت تاريخياً وعندما جاء المستعمر التركي وجدهم وتعاونوا معه بعد أن هزمهم وبعد ذلك انتقلوا الى مدني ومنها الى الخرطوم وعندما جاءت المهدية واصلوا العمل معها.
الأستاذ ضياء الدين بلال:
كأنكم تقولون هذه الكلمة على سبيل الإساءة؟!
القائد عبد العزيز آدم الحلو:
هي ليست إساءة فهي شريحة اجتماعية لها مصالح سياسية واقتصادية محددة وتتبنى العروبة والإسلام كآيدولوجية لبسط هيمنتها واستمراريتها في السلطة وتحقيق مصالحها كمجموعة ذات اجندة مشتركة وبالتالي هذه المجموعة هي التي همشت السودانيين وهذه المجموعة ليست بالضرورة كلها عرب أو مسلمون ولكنها تبنت الإسلام والعروبة كآيدولوجية لتحقيق مصالحها، لذلك ليس هناك سبب ليصف مواطن عادي نفسه بأنه «جلابي» لأنه ليس لديه مصلحة في الوضعية التاريخية القائمة، وبالعكس هو أيضاً يتم تهميشه رغم أنه «عربي»، ولو خرجنا الآن خمسين كيلومتراً فقط نحو (السبلوقة) سوف نرى أسوأ صور الفقر والفاقة والحاجة وهم عرب.. ولكن عروبتهم وإسلامهم لم يخدمانهم، وفي داخل الخرطوم هناك عرب وغير عرب بالملايين متضررون من هذا الوضع، لذلك يجب أن نفرق بين مصطلح الجلابة وبين العرق والدين.
الأستاذ ضياء الدين بلال:
ولكن من الطبيعي أن يكون داخل المجتمعات نخب اقتصادية ونخب اجتماعية تراكمت لها مصالح وحققت بها وجوداً، وهذا وضع طبيعي والسودان ليس استثناء؟!
القائد عبد العزيز آدم الحلو:
اتفق معك.. ولكن تلك النخب استخدمت جهاز الدولة لخدمة مجتمعها، واستخدمت جهاز الدولة لتحقيق العدالة الاجتماعية وتحقيق الرفاهية لشعوبها عن طريق القوانين العادلة وتحديد الشروط المسبقة التي تستطيع أن تخلق التنمية المتوازنة وتقدم الخدمات، وهكذا يستفيد المواطن، ولكن النخب في السودان استخدمت جهاز الدولة لخدمة مصالحها هي وإفقار الأغلبية بمعنى أنه تم تهميش 96% من السودانيين بواسطة جهاز الدولة عبر آليات المحسوبية وآليات التمركز والتهميش التي تحدثنا عنها سابقاً
بالنسبة ليهو أى زول يختلف معاهو فى اى قضية .. ولو هلال مريخ ...!! مش قلت ليك تور ساقية .. هسع شوف الهردبيس الكباهو ليك فوق ده ... لو حذفت من مظهرو الحشو والفارغ بتلقى جوهر الكلام كويس ..!! هو باختصار داير السودانيين يكونوا سواسية كاسنان المشط فى الحقوق والواجبات .. وده مبدأ كويس ... لكن عندو مشكلة في طرح المبدأ ... عشان كدة بيشاف ليك زى السكران الطالع المنبر بيعظ في الناس ... الخطبة ممتازة لكن الحلقوم بيشهق ..!!
ماتضيع زمنك في نصيحتو باصلاح مظهر طرحو لافكارو .. الممعوط مابيطير حتى لو ركبو ليهو اجنحة صناعية.. واحمد الله انو دخل ومرق .. وانت كما انت بلا لقب ..!! مودتى