Post: #11 Title: Re: مى عمرمحمد ( فتاة اليوم والغد ) قولو ماشالله ،، Author: محمد حيدر Date: 05-16-2007, 01:54 AM Parent: #1
الاخ ودالعباسية ما شاء الله فتاة اليوم والغد مى عمر محمد ابداااااااااااااع بس عندي حاجة عايز اقولها وعلي حسب ما اذكر والذاكره اصبحت خربة ان كاتب هذه الانشودة هو الاستاذ/ صديق مدثر وليس الاستاذ/الكابلي علي حسب ما كتب في مقدمة الانشودة وهذا الراي ان غلط ام صاح فهو لا يقلل من قدر القمتين لهم الحب والتمنيات بالتوفيق للقمة الجاية دى مى عمرمحمد تحياتي لك يا ود العباسيه علي تجاوبك مع الابداع من اخوك محمد حيدر ود العباسية برضو وتحياتي للانيق ود العرضة / حاتم هاشم مع الود
... شى عجيب يا النور .. رب محمد شفنا الدنيا نور في نور .. ! قال احد خلفاء السيد علي الميرغنى : خمرة هواك (غُناك) يا مى صافية و جليّة .. ! تعرفى يا رجاء اصلا لم يكن متصورا ان تكون هذه البنت العذِبة المنتمية لفصائل السنونو الا على هذا النحو ! فالطرحة في السودان يوم ان ظهرت كانت خيارا للذوق و الجمال .. لا ادرى كيف تحولت الي مفردة في ايدلوجيا و برناممج سياسى كامل ! ؟ فقد قال الراحل محمد احمد عوض : لبست الطرحة وين غيرت بالتوب .. خلتنا في حيرة .. في هواها ندوب و من هواها نتوب !! .. وهى ذات البنت صاحبة الإسكيل العالي و المهر الغالي .. ! المجد لصديق مدثر و كابلى و كل بنات بلادى .. و الشكر لود العباسية ناس الكفر و الوتر ..
الاخ ود العباسية لك التحية و التقدير و الشكر لعرض هذه الموهبة مى عمرمحمد اتابع كل اسبوع حلقات نجوم الغد بشقف و شوق لانه برنامج هادف فيه بعض من مزاق الزمن الجميل معبق ببراءة هولاء النجوم الاتون زحفا لمستقبل جميل . مى عمرمحمد فى اعتقاد هى موهبة متفردة فهى وجدت تنشية اسرية وضعت فيها الثقة فى النفس و الشجاعة الادبية . اتمنى ان تجد مى عمر محمد الرعاية من قناه النيل الازرق اولا لانها بنت البيت الازرق فهى مقدمة لبرامج الاطفال
و لكم التحية وطاب مساءكم .
Post: #29 Title: Re: مى عمرمحمد ( فتاة اليوم والغد ) قولو ماشالله ،، Author: doma Date: 05-18-2007, 05:13 AM Parent: #28
يا شباب ما تشوفوا لي حكايه الصوت في اclipبتاع مي عمر ما سامعه اي شئ
لكين حرم النور الصوت تمام رجاء خاص يا ود العباسيه تم جميلك روحي قربت تمرق
الحبيب تمبس يديك العافية you made my day جرآه واقدام وثقة الله يحفظها ويحفظهن ويحفظهم شبابنا القادم السودان سيكون دوما بخير وشكرا لود العباسية الجميل تحتاج الي عناية خاصة وعدم استهلاك في هذا العمر المبكر محبتي
تسلم يا استاذ يوسف .. النيل الأزرق دي بقينــا نعتمد عليها كلياً في البجينــا منها .. وعينا بصيرة بس ايدنــا قصيرة .. مدو يدكم معانا يا استاذ للمواهب دي .. طلعو لينا الحاجات البتعملو فيها للجيل الجاي ده .. لانو محتاجين تنضيف شديد .. تنضيف بتاع تسعطاشر سنــة .. .. حاجة دومــة: بركة السمعتي .. والله لقيت كلامك بي هناك لمن شلت ليك هــم .. طرش الكمبيوتر كعب .. والبتغيظ كمان لما تشوف الناس مستمتعه .. وإنت بره الزمن انا جاهز كان الله هون اصلو ما عندك مشكلة
Post: #41 Title: Re: مى عمرمحمد ( فتاة اليوم والغد ) قولو ماشالله ،، Author: HAMZA SULIMAN Date: 05-20-2007, 00:31 AM Parent: #37
يالله على الموهبة والاحساس والروعة في الاداء وسلامة الصوت واللحن شكرا ود العباسية وما غريبه عليكم زيدان /عمر الشاعر/ التيجاني شكرا مي اتمنى ان تصحح رتابة الغنا الان شكرا بابكر صديق وانت تسمعنا المعتق .. وبعدين البرنامج دا بكمل دموع نحند سليمان ز الاخت رجاء بس عجبتك قصة الطرحة !!!! عجبي .. قص الطرحة من قص عاداتنا وتقاليدنا ويا حليل زمن الطرحة في راس البنوت .. عاجبك البنطلون ولبس البلوزة المقصرة اللا لامه فوق ولا تحت ... ولو يوم ركبت المواصلات وشكلك ما بتعرفيها بنعرفها نحن الغبش ديل ابان بنوتا بطرح تشوفي العجب ... من حق اي زولة تختار لبسها هذا حق بس يكون فوق عاداتنا وتقاليدنا . مو صح يا جماعة . معليش الكلام بتاع رجا زعلني ولكن ما مسخ علي روعة مي ولقدام بنيتي .
Post: #43 Title: Re: مى عمرمحمد ( فتاة اليوم والغد ) قولو ماشالله ،، Author: Dr Mahdi Mohammed Kheir Date: 05-20-2007, 09:21 AM Parent: #42
أملنا فى هذا الشعب الطيب والعنيد .. لا يخيب أبدا
ومع كل هذا الإصرار الغبى على تحجيمه وتغييبه من آفاق التطور والجمال والأبداع , يستطيع وببساطة شديدة , أرسال أقوى الرسال وأجملها .. بأنه سيظل منتجا ومبدعا وخلاقا غلى أبد الآبدين .
وفى الحقيقة , دى المقاومة الحقيقية والمباشرة للمحاولات المستميتة لجر السودان وشعبه فى مجاهل الهوس الدينى والإنقلاق والتطرف .
شكرا للجميلة مى ولكل من يقف خلفها دعما وتوجيها .
وشكرا جزيلا ود العباسية
Post: #44 Title: Re: مى عمرمحمد ( فتاة اليوم والغد ) قولو ماشالله ،، Author: مريم بنت الحسين Date: 05-20-2007, 09:37 AM Parent: #1
ود العباسية ازيك... غايته الشمار كتلني.. قاعده أنزل في الفيديو لكن شكله الموضوع حياخد وقت... هل دي مي البت الصغيرة البتقدم برنامج الأطفال ديك؟ هل هي بتغني؟ غايته انا البت دي عاجباني عجب.. ماشاء الله.. لزيزونه وحلوه.. وشخصية واثقة ومسؤولة.. وبتتعامل بطريقة أكبر من عمرها كتير... دي فخر كبير لينا... وانا اتمنى ربنا يرزقني بت زيها...
فاتني هذا البوست الجميل الذي يبدو أنه كان قبل إشتراكي في سودانيزأونلاين. فالتحية مجددة أيضاً لودالعباسية، تمبس، والصحافة 30 لإتحافنا بهذا الصوت الرائع. سعاد