من هو " قلق" الذى يسعى الهلال لضمه .. ولا للترويج لثقافة "صحاف" المريخ الهدامه !!

مقدمة لابد منها:-
نعم نحن هلالاب والحمد لله نحبه ونعشقه حد الجنون ونغنى له ونكتب الأناشيد ونتمنى له الأنتصارات على الدوام .. لكننا فى ذات الوقت ضد كل فكر دخيل على كرة القدم السودانيه، وهى الأمل والمجال الأنسانى الوحيد الذى تبقى محتفظا بالقليل من سماته التى تذكرنا بالسودان " القديم"!!
ولهذا غضبنا وتألمنا وشجبنا تصرف جماهير أمل عطبره ضد المريخ، واذا تأكد فعلا أن حد مشجعى الهلال قد قذف حجرا فى اتجاه لاعب المريخ "العجب" اصابه او لم يصبه فسوف ندين ذلك الفعل ونشجبه ونرفضه، ولو كان ذلك المشجع بجانبى لسلمته الى قوات الشرطه، هذا رغم وجهة نظرى الواضحه المبنيه على علم ودراية بمجال كرة القدم أن "العجب" قد سلم الراية وأدى ما عليه من واجب، وسوف يواصل التحائل والسعى لكسب ود وعطف جماهير المريخ لأطول فترة ممكنه كى يواصل الأشتراك فى المباريات وأن لم يشارك فى العطاء!!

الموضوع:-
سرت اشاعات وهمسات تتحدث عن انتقال لاعب المريخ "قلق" الذى لم يلعب كرة قدم حقيقيه منذ أن تسجل فى المريخ وبعد أن حصل على اموال من الهلال، وحشر فى عربة مثلما تحشر الخراف الحية، لم يلعب الا فى مخيلة "صحاف" المريخ ود ابو القاسم أحد العوامل المريحه لنا كهلالاب، كونه مستشارا تنفذ اوامره ويشطب اللاعبين ويسجلوا بتعليمات منه وكونه يحدد بقاء المدربين او ذهابهم، وكونه يساهم فى جلب محترفين "مضروبين" للمريخ واشادته من قبل "بديوب" المضروب وما دار من همس حول تسجيله، لا زال يذكره الشرفاء فى الهلال والمريخ، اضافة الى ما دار بخصوص البرازيلى التائه "باولينو" واصراره على الحاقه بالكشف الأفريقى ليست بعيدة عن الأذهان!!

كونه يفعل كل هذا بالمريخ دون علاقة له بنشط كرة القدم، فهو لاعب كرة طائرة مغمور فى ادنى مستوى، ولو انشغل بالقوانين واللوائح ومناكفة "شداد" وتطاوله عليه، لما همنا كثيرا لكن أن يفتى عن كرة القدم وعن اداء اللاعبين وقد وصف من قبل "عصبة" لاعب المورده المعروف بالعنف و"القلع" انه حريفا!! فترحمت على ايام "ترنه" و "عمر عثمان" و"أحمد سالم" بل ترحمت على "بشير عباس".
وبالأمس حينما حكيت لأحد اقطاب المورده الكبار الذى جاء فى زيارة لمصر عن أن "صحاف المريخ" وصف "عصبة" بانه لاعب "حريف" ضحك الرجل حتى كاد أن يقع من طوله، وقال لى:-
ربما "الصحاف" يقصد "عصبة" آخر يلعب فى نيل شندى أو الأهلى !!

أذكر مرة أخرى لو اكتفى "الصحاف" بما فعله ولا زال يفعله بالمريخ لتركناه فى حاله ولولا فطنة البعض لواصل اللعب بناء على تعليمات "المستشار" الصحاف فى المريخ وحتى اليوم الى جانب "العجب" جميع الرواكيب التى اوقفت مثل " جبره" و"ابراهومه" و"خالد أحمد المصطفى" و"ابوحشيش"!!

لكن أن يكتب ما يحدث تدهورا فى مجال كرة القدم وأن يتسبب فى اخفاقات المنتخب القومى وأن يروج لثقافة كريهة وقبيحة وتصبح تلك الثقافة فعلا عاما يمارس دون حياء، فهذا هو الشئ الذى نرفضه وننتقده بعنف.
وحتى نعود ونتحدث عن تلك الثقافة التدميريه الهدامة التى ليس لها علاقة بمجال كرة القدم التى نعرفها!!!
نتساءل:-
من هو "قلق" هذا الذى يسعى الهلال لضمه اذا كانت تلك الأشاعة صحيحه ومؤكده؟
وهل يمكن أن يحدث اى اثر ايجابى فى الهلال ؟؟ وهل كان مشاركا "قلق" فى مباراة اول الأمس؟؟

قبل أن اواصل:-
هل ما كتبه "صحاف" المريخ فى عموده يوم أمس، له اى علاقة بمباراة اول أمس؟؟

الهلال ما محتاج لي قلق

ولا حتى المريخ محتاج ليه


الزول ده دايش

لاعب المريخ "قلق" .. رغم رائى الواضح فيه ومن انه لاعب أكثر من عادى لا يستطيع تغيير نتيجة مباراة مهمة حتى يتلهف عليه الهلال، ومن العيب .. والمخجل بل من المحبط أن "يقلد" بعض الهلالاب ويروجون لثقافة "صحاف" المريخ الجاهل باخلاقيات كرة القدم السودانيه، التى ما كانت تعرف ذلك الأسلوب الدخيل من قبل اى التغنى والتغزل فى لاعب لا زال يرتدى شعار الفريق النديد مثلما فعل "الصحاف" على نحو فاحش مع "طمبل" ومع "الحارس" المعز، ولا زال يمارس ذلك الفحش وقد كتب قبل المباراة الأخيره:-

Quote: هل يلعب حارسا ابوبكر الشريف أم "المعز" ولدنا ؟؟

اليس هذا ايحاء بان "المريخ" قد أشترى ذمة "المعز" ؟؟ بالكاش الذى يقلل النقاش؟؟
وهب أن ذلك لم يحدث الا يعنى هذا الكلام الذى كتبه "الصحاف" الجاهل باخلاقيات كرة القدم السودانيه انه يريد أن يحطم لاعبا للهلال والمنتخب القومى باثارة الشكوك حوله؟؟
وهل الأنتصار على الخصم فى مجال رياضى بهذا الأسلوب يفرح الشرفاء فى الهلال أو المريخ ؟؟
لقد وصفت من قبل سلوك "صحاف" المريخ، الجاهل بأخلاقيات كرة القدم السودانيه وتغزله بلاعب لا زال يرتدى شعار ناديه بأنه سلوك "مومس" تتغزل فى زوج صديقتها امام اعين تلك الصديقه لأنه أكثر وسامة من زوجها !! حيث لا يوجد تشبيه افضل من هذا التشبيه!!
خاطره اولى:-
لم اعجب من قبل او بعد بلاعب فى المريخ مثل اعجابى بكمال عبدالوهاب، لكنى ما تمنيته لاعبا فى الهلال، بل تمنيت ان يلعب بكامل قواه وأن ينتصر عليه "الدحيش" ورفاقه، وتلك هى كرة القدم التى عرفناها اخلاق وقيم ورجوله.
خاطره ثانيه:-
حكى لى نفس القطب "المردابى" الذى ذكرته حينما تحدثت عن اللاعب "عصبه" أن لاعب المورده المشهور "المحينه" اختلف مع نجم الموردة فى زمن جميل "ترنه"، فذهب الى نادى الهلال وأفصح لهم عن رغبته للعب للهلال، فاخذه سكرتير الهلال السابق المرحوم "عبدالله رابح" فى سيارته وذهب به الى نادى المورده وصالحه مع "ترنه" وعاد "المحينه" لناديه ولم يتركه حتى ترك "الكرة"!!
نكته:-
"تقول لى "الصحاف" قال "الحكم" ظلم المريخ" ؟؟

يا ربي الهلال ده حيترشا متين, علشان نشوف تاني تاج السر ده حيكتب في شنو؟


دينق.

يادنق

انت بتشجع الملكية جوبا...ولا فريق نيو اورليانز

طيعا ما ممكن تشجع المريخ عارف ليه

لان البشير مريخابى وجمال الوالى الكوز مريخابى,,غلمان الكيزان على البورد ايضا مريخاب
اها,,,,احسن ليك الهلال دا,,

لكن مسعول من الخير انت ياخوى دى صورتك,,,لو هى ,معنى كدا انت ممثل فى هوليود
دائما بشوفك فى افلام 2 ,,والله شرفتنا
اها ابقى عافية

شكرا وليد

Quote: الهلال ما محتاج لي قلق ولا حتى المريخ محتاج ليه الزول ده دايش

ده كلام زول ام درمانى ومريخابى .. ما من منازلهم!!

كتب دينق
يا ربي الهلال ده حيترشا متين, علشان نشوف تاني تاج السر ده حيكتب في شنو؟
دينق.

ح اكتب يا دينق عن "علاء الدين" !!
اقصد "علاء الدين" الحول من "المريخ" للهلال.

تخريمه يا دينق:-
انت مسوؤل من الخير وخارج نطاق هذا الموضوع، شنو السبب فى العلاقة القويه والحميمه بين "الحركة الشعبيه" و"الكيزان" ؟؟
- هل "الكيزان" اقل السودانيين "جلابية" ؟؟ من جلابه !!
- والا زى ما قال واحد اخونا لكى تكون الوحده أكثر جذابيه ؟؟
- تعرف يا قرنق الشئ النافعكم فى البورد ده، انكم مرات بتردوا كمعارضة، ومرات بتردوا على الشماليين كلهم كجلابه ومن حقكم أن تنحازوا وتصالحوا وتاتلفوا مع من يحقق لكم اهدافكم، ليس كسودان واحد جديد كان يدعو له "قرنق" وانما كجنوبيين اخطأء الشمال كله فى حقهم بدون فرز!!
- عرفت ليه "قرفانين" من السياسة ونلجأ "للكورة" بادمان ؟؟
لأنها لسه فيها شئ من طعم "السودان القديم"!!

Quote: ح اكتب يا دينق عن "علاء الدين" !!

والله يا تاج السر دى بينيه
زى باص هيثم مصطفى لقودوين
الباص البشتن الجماعة,,,

زى واحد اخونا ملصق ليه بطاقة فى البروفى فايل وقادنا بيها
وشابكنا موقع موقع,,,,وهو مستجد نعمة مو عارف نحن شغلتنا تصميم مواقع
ونطاقات,,,,

بوستك دا شكلو حيمشى كويس ,,سياسة وكورة,,,يس ما دايرين عنصرية

الحبيب ابو قوته
دى ما بينينه ، دى من السنتر زى شوتة ريتشارد فى الرد كسر!!
ذكرتنى طرفه ظريفه.
درسنا فى المرحله الثانويه أستاذ رياضيات كان يسكن بالقرب منا، ومعروف انه لا يحب السلام الكتير، وكان دائما يجلس على كرسى امام منزله وكان ساكن فى المنزل المقابل له سمسار اراضى ، طبعا السماسرة بحبو السلام الكتير والتعرف على الآخرين.
فحينما يخرج السمسار من الباب الأول يدير الأستاذ وجهه لجهة لا تسمح للسمسار أن يراه حتى لا يسلم عليه، واذا خرج من الباب الآخر اتجه كذلك الأستاذ للناحية الأخرى، وهكذا.
فحينما غلب السمسار معه حيله ، فكر فى وسيلة افضل وكان لدى السمسار صالون تفتح نافذته فى اتجاه الأستاذ مباشرة ، ففتح السمسار النافذة بكل هدوء وفاجأ الأستاذ وجها لوجه محييا:-
السلاااااااام علكيم
فرد عليه الأستاذ:-
وعليكم السلام (ثم اضاف قائلا لنفسه) :-
ده قون من السنتر لكن تانى ما بتكرر !!

تاج السر
سلامات
اولا احي موقفك من الاعتداء علي العجب
اؤكد لك بان العجب لاعب خلوق من الدرجة الاولي
يعني اخلاق وكورة
اما عبارة زولنا في عمود مزمل اقتبسها من عمود الرشيد علي عمر
عندماكان المعز يساوم في الهلال
كتب الرشيد الاتي
خلوهو يمشي المريخ ما اصلوا زولنا من زمان
قاصد من زمن الموردة
كتابات مزمل تأتي في باب المناكفة المعروفة بين المريخاب والهلالاب
لك التحية
سموءل

أبو قوتة.

أنا بشجع فريق النيل. طبعا أنتوا ما بتعرفوا فريق النيل ولا بتعرفوا مدرسة يوسف مرحوم.

تاج السر.

أنا بس داير أرد عليك بأغنية سنتر الخرطوم بتاعت الفنان طه سليمان.
"شينة كورتنا والخمسة ماركتنا"
يعني المبارة الجاية الهلال مرشوش مرشوش وخمسة كمان.

دينق.

أنا بس داير أرد عليك بأغنية سنتر الخرطوم بتاعت الفنان طه سليمان.
"شينة كورتنا والخمسة ماركتنا"
يعني المبارة الجاية الهلال مرشوش مرشوش وخمسة كمان.

دينق.

Quote: يعني المبارة الجاية الهلال مرشوش مرشوش وخمسة كمان.

خمسة بسسسسسسسسسسسسسسسس .. ياخي قول تسعة ولا عشرة
قلق قال .. خليك من قلق واعمل ساتر كويس لعمر بخيت ..

ــــ

لاعب السهر والحمى

الأخ/ السمؤال
تحية طيبة
نعم "العجب" لاعب خلوق وفنان، اكل عليه الدهر وشرب!!
طبعا شفت الصورة والشريط الأبيض دون بقعة دم، وهل يعقل لاعب أصيب مثل تلك الأصابه يلعب بعد يومين؟؟
على اى حال لو قذف بكاس "زبادى" برضو بنشجب وندين هذا التصرف، مثلما ندين ما تعرض له حارس مرمى هلال بورتسودان فى بورتسودان لو تعرض فعلا لرشق بالحجارة من جماهير المريخ، بألامس !! وهذه ثملر ثقافة "الكاش الذى يقلل النقاش" والسعى لتحقيق الأنتصارات بأى ثمن!
اما بخصوص "الصحاف" فالموضوع ابعد من مناكفات بين الهلالاب والمريخاب وانما هى ثقافة جديده ودخيله على مجال كرة القدم الذى نعرفه لا يمكن أن يمارسها من سكب نقطة عرق داخل الملعب أو سالت منه قطرة دم، ونحكى عن ايه ونخلى أيه!!
لا يمكن للاعب مقاتل مثل "بشاره" لو اصبح صحفيا "افتراضا" أن يتغزل فى جكسا حتى لو كان بنقطها طالما لازال جكسا يرتدى شعار الهلال، فذلك التغزل اساءة لمن يرتدى شعار المريخ ويلعب فى نفس خانة جكسا "اسامه اغا" كمثال !!
دع اللاعب اولا ان يوقع للمريخ وأن يرتدى شعاره ثم تغزل فيه كما تشاء.
والفهم قسم .. كما يقولون !! وهذا عصر المريخاب الجدد !!

وشوف الفرق بين الكابتن والكابتن يافيلسوف زمانك ..



في 2015 انشاء الله العجب حيكون اساسي في المريخ وفي المنتخب ياحاقد

دينق / عبدالله أدريس/ ود المايقوما
انتو بتشجعو الكوره من منازلهم كده فى الأول نبدا ليكم بموضوع الخمسات.
كتب مامون شيبه المريخابى:-

Quote: الغريب فى الأمر أن هزائم الهلال تماثل هزائم المريخ، حيث انهزم انهزم المريخ من كانون ياوندى صفر/ 5 ، وهزم المريخ من الأهلى المصرى صفر/ 5 !!

تفتكر لمن فريق يشعر المشجعين بتاعنو انه هزائمهم عادية وهزائم الفريق الآخر غير عاديه، اليس هذا شعور بالدونيه والنقص؟

وهاكم زياده:-

Quote: الهلال سبق وانتصر على الأهلى المصرى 5/ 4 بدار الرياضة بام درمان وكان وقتها ابو العائله لاعبا للهلال وقبل أن يزعل ويلعب للمريخ، ليصبح اسم المريخاب "الهلالاب الزعلانين"!!

وهاكم زيادة:-

Quote: انهزم المريخ من سانت جورج الأثيوبى 1/ 9 ، على عهد بشرى وبشاره وعبدالعزيز عبدالله، ومحسن العطا، وكان السبب أن المريخ لا يرتدى احذية مطر!!