يا بيع الدنيا

ياربيع الدنيا يا عنية
يا نور قلبي يا معنى الجمال
ياختى روحي و يا ماني هواي عشت في دنيا الخيال

انا فيك عشقت الروعة ما احلها ما .....(.تموها عليك الله)..............
و المعاني الراسمة نور اشراقة في عينك ظلال
وابتسامتك لما تاسر قلبي تحكي عن المحال
تحكي عن شوقك الي تحكي عن بعد الوصال

من قلبي من اجل المحبة وهبت ليك شعر الغزل
مع انو قدامي الطريق انا عارفو يالسمحة اتقفل
ما في قسمة و مافي يانور قلبي حتى بصيص امل
ما قدرت اقرب و من اراك و ما قدرت لفراقك اصل

ياحبيبة ليه يا حبيبة ليه ليه
قلبك قسى و كتمتي ما تخفيه عني
انا عشت في حبك مقيم و ما عرفت نكران او تجني
ما عرفت غير حبك غرام
وسرحت فيه سنين بغني
وهبت دمعاتي الغوالي و هبت روحي و وهبت فني

Quote: يا بيع الدنيا

والله فعلا يا بيع الدنيا علي قولك
وبيع تقيل كمان
يا حليلك يا أبوعفان
اتبعت في الدنيا وانت حي ترزق
ويا حليلك يا سعادتو عوض أحمد خليفة الباعو كلامك جهارا نهارا

Quote: ياربيع الدنيا يا عنية يا نور قلبي يا معنى الجمال ياختى روحي و يا ماني هواي عشت في دنيا الخيال انا فيك عشقت الروعة ما احلها ما .....(.تموها عليك الله).............. و المعاني الراسمة نور اشراقة في عينك ظلال وابتسامتك لما تاسر قلبي تحكي عن المحال تحكي عن شوقك الي تحكي عن بعد الوصال من قلبي من اجل المحبة وهبت ليك شعر الغزل مع انو قدامي الطريق انا عارفو يالسمحة اتقفل ما في قسمة و مافي يانور قلبي حتى بصيص امل ما قدرت اقرب و من اراك و ما قدرت لفراقك اصل ياحبيبة ليه يا حبيبة ليه ليه قلبك قسى و كتمتي ما تخفيه عني انا عشت في حبك مقيم و ما عرفت نكران او تجني ما عرفت غير حبك غرام وسرحت فيه سنين بغني وهبت دمعاتي الغوالي و هبت روحي و وهبت فني

الفاروق ياخي ما كان تدي الناس الفوق ديل حقهم الأدبي
وبعد داك جيب لينا الزول الشكوك ولكوك دا يغني
غايتو لو عاجباك الأغنية ممكن نجيبها ليك من خشم سيدها
لكن كان عاجبك الجني أب طاقية دا يكون معليش

ما تزعل من كلامي
لكن الناس الفوق ديل
أنا ومعاي ناس كتار هنا ما بنرضي فوقهم
تحياتي

معاوية كدي اول السلام عليكم و بعداك

الاغنية سمعتها من سيد مية الف مرة و ماحصل زهجت منها. ماطالني حليفة لكن كل مرة لستمع للاغنية دي, ما يهم يغنيها منو, اكتشف حاجة شئ جميل فيها من كلمات الى لحن للمضمون.


الشئ الاخير الاقول ليك يامعاوية الكيبورد بتاعي ساقط عربي و انا زاتي ساقط عربي ... عشان كدة بعض الكلمات كتبت خطاء ما من الوليد اب طاقية. اما حكاية بيع الدنيا ده خطاء غير مقصود.

معاوية بالمناسبة انا ما اول زول يجيب اغنية لعثمان حسين يغنيها الوليد اب طاقية و لا اخر زول فبالتالي ما تتشعبط فيني.

اما حكاية الحق الادبي للجماع الذكرتهم محفوظ.

و بالمناسبة ما احب ابرر لكن كلامك حارقني ... كلمات الاغنية كتبتها و انا اتسابق مع البغنيها عشان اعرف مدى حفظي (تقول قران, الله يسترنا) عشان كده في اخطاء بالكيمان. و على كل حال اغاني الاستاذ غثمان حسين ايتمتع بيها باي شكل, الا اذا كان مخل بمضمون الكلمات و اللحنو اللهما اهم شئ عندي.