ود بانديا .. وخرستو .. والحناكيش !!!!!

نبتدي بجيل اعمامنا الضايع وحيران بين الكيمان ... احيانا عايز ينتمي لجيلنا ... واحيانا عايز ينتمي لجيل الحناكيش ... واحيانا اعمامنا ضايعيين بين الكومين .......

تخريمة ... في العالم الاسفيري قصيدة لعم من اعمامنا ومصر انو يكون من جيل الحناكيش .... ووقع لي في حب لبنانية افتكرها سودانية

النت ده حاجه عجيبة خالص
تعرفت فيها على بنت
راسلتها في الاي ميل .. وعايز قلبي ليها يميل
غابت عني أيام وليالي .. دورت عليها في كل مكان
(google )وكوركت يا (yahoo) وكتبت ياناس ياهو
حبيبي تايه وين ألقاهو؟ .. ولا حد رد عليا!
نصحوني ناس الخبرات .. قالو لي دور عليها في الشات ......


الشات ده مليان بنات من كل الألوان والجنسيات
دخلت الشات .. ودورت من بين القنوات
ما لقيت نكها من بين النكـــــات
كلمت لي زول من اليابان خبير في الكمبيوتر فنان
قلت ليهو هاو آر يو قال لي شنق ينق (فاين ثانكيو)
قلت ليهو أنا من السودان .. مشتاق لحبيبتي ولهان
و ده النك نيم ليها دلني عليهــا يا زول
أخد مني الزول النك وقعد يتكتك تك تك تك
لحد ما لقاها !..
قالي ( شونق يق يق يو ) تلاقيها في الآيسيكو
دخلت ليها في (الآيسيكيو)
ولقيت حبيبي اللي ضيعتو
و بكل لهفة وشوق كلمتو..
قالت لي : عايز شنــو؟!
قلت ليها انتي البنت اللي أدور عليها من زمان
قالت لي : أنتا من أيا مكان ؟
قلت ليها أنا من السودان
وراسي مثل الرمــان
وكرشي شوي مليان
ولوني أفتح من الخنفسان
قالت لي : شو أفتح من الخنفسان !
مامعئوله هيك انسان !..
أنا بدي راجل فهمان أبظاي متل السوبر مان
ولونه أبيض فتحان .. مافي منو في البلدان
ولأني حلوه ومن لبنان
وبمشي متل الغزلان
وطرفي حلو ونعســـــــان
و وجي ينور متل الشمــــــع دان
ما بأبل أتجوز من السودان !
والا أفريقيا ولابلوشتنا!
بدي ويحد فتحان أبيض مثل الأسنان !
ممكن يكون من لبنان
وإلا من شرق أوروبا
والا حتى من كردستان
لأني حلوي وبيضه من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبـــــان
كره حياته وصار ندمــــان
ترك النت وهو غضبــــــان
وراح يدور على عروسة. سمرة
من كسلا و أم درمان

اعمامنا وخالتنا .. قدونا بسيرة جيلهم ... يا ربي زمنهم ده كان مشهور بي شنو ؟؟؟

انا بتذكر ايام اعمامنا ... كانت البيرة ابو جمل شراب مشهور ومتداول ومتواجد اكثر من علب الصلصة في البقالات ... وكانت في دكاكين في كل الاحياء السكنية بيسموها دكان العم خرستو .. وكمان كانت في بيوت في كل الاحياء بتبيع عرقي العيش .. والبلح ... وفي الاحياء السكنية تلقي ثلاثه بيوت متجاورات ... في البيت الاول تلقي مكتوب بالبنط العريض ... يا داخل هذا الدار صلي علي النبي المختار منزل العم فلان الفلاني ... وفي البيت الثاني مكتوب منزل احرار ... والبيت الثالث بدون يافطه .. وما ننسي ليهم كمان .. صالة جيمس .. وترابيز النوادي ... وهيئة المراهنات السودانية توتو كورة ...

يعني بالسوداني البسيط ... جيل اعمامنا .. كان جيل البيرة ابو جمل .. والرزيلة .. والقمار العلني .

تخريمة ... وما حا نتكلم عن ود باندية وعربيته الشهيره ايام جيل اعمامنا الان ...

جيل الحناكيش .... وده الجيل الحالي .. انتاح .. وحيوية وتكنلوجيا ... البلد عمرانة ... والبنيه التحتيه كل يوم في تحسن ... وجيل الحناكيش ولدت علي يده النهضه الصناعيه .. والهندسية ... والبنية التحتيه للسودان ...

تخريمة : جيلنا الوسطاني ... استكان علي كومين .. كوم مناضلين ... وكوم مناتلين .. والغالبية لا شغل ولا مشغله .. والملايين اصبحوا في حالة ضياع ... وخارج السودان .. ومعظم ابناء جيل الوسط سواءا مناضلين او مناتلين ادمنوا اللجوء السياسي ... واللوتري .. والاغتراب ... والهروب خارج السودان ..

يا سمير
يجازى محنك خرستو والحناكيش ديل عرفناهم ، ود بنديه ده منو؟؟