|
|
|
 Re: بعض رسوماتي .. رايكم مهم (Re: ابو تميم)
|
سلامات يا أبو تميم ..
طبعاً مشتاقين شديد ، ومبسوط شديد كمان إنو نشوفك
هنا بترسم تاني وتكتب وده المهم ..
أنا رأيي إن بتعمل حاجة حلوة جداً وإنو خطوطك قوية
ويدك ثابتة ، وده جميل مع إنو ممكن يخل إنطباع زي
إنو الزول بيشوف نحت على حجر من فرط صرامة الخطوط .
أنا فكرت ليه ما تفكها شويه ، تفك يدك شويه وتخليها
تعمل دوشة وتصيع على الورقة أكتر ؛
يعني ليه الموضوع مليان خيال ومجنون ، في حين إنو
التنفيذ محافظ كده ونضيف ولابس بدلة وبنطلون ..
غمض عيونك وشوف رسمتك دي بروح حره أكتر ، ومنطلقة
أكتر ؛ حرية وإنطلاق بيشبهوا أفكارك دي ذاتا ..
لكن فنان ؟
دي ما فيها كلام ..
طبعاً ده رأي جربندي ساكت وأنا بقدر ما حاولت أرسم ،
فشلت ؛ فعشان كده ، ولذلك بأتمنى يجينا عماد عبدالله
واستاذ الباقر ومحمد السني كزول بيفهم في الStage
وعصام وفاضلابي ، ويقولوا لينا الرأي المفيد ، ومنهم
نستفيد ..
أشواقي الشديدة (تاني)
| |
 
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
طلال يا أمير
حضورك لا يساويه سوى حضورك مرة اخرى
والشوق مقطعنا عدييييييل كدة
Quote: أنا فكرت ليه ما تفكها شويه ، تفك يدك شويه وتخليها
تعمل دوشة وتصيع على الورقة أكتر ؛ |
والله يا طلال كلامك عين الحقيقة .. وانا كمان كنت بفكر في نفس الموضوع وعندي نفس الاحساس
وبخصوص صياعة اليد على الورق اتمنى الرسومات الجاية يكون فيها شوية صياعة
وشكرا كثير على اهتمامك وحضورك الكرنفالي
كن كما أنت ........ شاهق
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
سلام يا أبوتميم ..
أنا ماشايف ..
الظاهر مشكلة في الجهاز عندي ..
لكن عموما ح ألقى طريقة أشوف الرسم القال عليهو طلال الكلام الفوق داك ..
و هو الكلام الصاح ..
فِك يدك للآخر يا صاحبي .. و روحك قبلها .
خليها منفلتة من قيد المحفوظ و مرصوص و مفروض ..
خليها هي التسوقك .. و هي براها ح تعرف السكة .
طلال ده أجمل الصديقين الحايمين في سهلة ربنا دي ..
و ما أظن الذكرهم ديل ح يقولو كلام أنفع من القالو هو ..
لكن تقول شنو ..
الزول ده البيريدو بيسميهو بخيت ..
و البياباهو .. برضو بيسميهو بخيت .
تسلم يا أبوتميم .
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
ابو تميم،،
مساء الخير،،
حاولت عدة محاولات عشان اشوف الرسم و ابا لي،،
حاولت اخذ رابط الصورة برضو و بيست إت في ال براوزر،،
فبتجيني المسج التالية،،
Sorry, this GeoCities site is currently unavailable.
The GeoCities web site you were trying to view has temporarily exceeded its data transfer limit. Please try again later.
إذا في أي إمكانية لإعادة رفع الاعمال في سايت
مختلف يكون ممتاز،،
مودتي،،
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
Quote: سلام يا أبوتميم ..
أنا ماشايف ..
الظاهر مشكلة في الجهاز عندي ..
لكن عموما ح ألقى طريقة أشوف الرسم القال عليهو طلال الكلام الفوق داك ..
و هو الكلام الصاح ..
فِك يدك للآخر يا صاحبي .. و روحك قبلها .
خليها منفلتة من قيد المحفوظ و مرصوص و مفروض ..
خليها هي التسوقك .. و هي براها ح تعرف السكة .
طلال ده أجمل الصديقين الحايمين في سهلة ربنا دي ..
و ما أظن الذكرهم ديل ح يقولو كلام أنفع من القالو هو ..
لكن تقول شنو ..
الزول ده البيريدو بيسميهو بخيت ..
و البياباهو .. برضو بيسميهو بخيت .
تسلم يا أبوتميم .
|
الاخ Emad Abdulla
طبعا الامير طلال ده مكانو في القلب
واتمنى تكون شايف الصور حاليا بعد تعديل مضني جدا جدا
وشكرا لاهتمامك يا جميل
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
الاخت Soumeta
Quote: ابو تميم،،
مساء الخير،،
حاولت عدة محاولات عشان اشوف الرسم و ابا لي،،
حاولت اخذ رابط الصورة برضو و بيست إت في ال براوزر،،
فبتجيني المسج التالية،،
Sorry, this GeoCities site is currently unavailable.
The GeoCities web site you were trying to view has temporarily exceeded its data transfer limit. Please try again later.
إذا في أي إمكانية لإعادة رفع الاعمال في سايت
مختلف يكون ممتاز،،
مودتي،، |
اتحلت المشكلة والحمدلله
انتظر مرورك الكريم
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
الاخ ابو تميم تحياتى يا هندسة..
بعد مجهودك المضنى والواضح من كمية التعديلات ..الا
انه الصور( لســـــــــــع) ما ظاهرة ... والمشكلة كلها فى محل "الابلود" بتاعك
وزى ما وصفت ليك السوميتة لسه بجى نفس "المسج"
Sorry, this GeoCities site is currently unavailable
يعنى حاول ارفع رسوماتك فى حتة تانية الناس كلها تشوفها ...
ودم فى سلام
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
الفنان ابو تميم
أعمال مدهشه و عالية الدقه ،
و قد إنطلقت يدك فى بقية اللوحات بروعه مدهشه ..
( يظهر إنو كلام الأخ طلال الفنان جاب نتيجه  )
ننتظر رؤية أعمال أخرى ،
تمنياتى الطيبات لك .
| |
|
|
|
|
|
|
|
|
 Re: بعض رسوماتي .. رايكم مهم (Re: ابو تميم)
|
بعد عملية 8 رفريش وقرآءة كم بوست بدل الإنتظار ظهرت الرسومات.
ولم يتبق وقت للرد.شكرا لأبي تميم.والرسم بخطوط قوية متواصلة,لم تضيع معه ملامح الشخصيات,في ريشتك كركاتيرست قوى,ذو شخصية,رأيت ذلك رغم أن الرسومات المقدمة عبارة عن تدوين خواطر,وأفكار,فكل رسم يكون بوستا يمكن التعليق علي فكرته.ولكن ..الوقت ليته يتوفر للعودة.
تحياتي
.................................................................................
أتمنى أن يحذو حذوك اليقية في تدوين أفكارهم مرة كتابة ومرة رسم دون خوف.فقد تنكشف الخبايا عن مدونين بالرسم,تبين في رسماتهم مدونات أفكارهم.فلكل بصمته,ولكل إمضائه.
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
معليش يا ابو تميم،،
ما كان قاصدين نزهجك،،
لكن كمان دايرييييييين نشوف،،
و كان ما شفنا،،
كان بكون حرام عليك عديل،،
و ما انا إلا مستمتعة الآن،،
اعمال Very interesting!
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
الاخ مصدق
Quote: الفنان ابو تميم
أعمال مدهشه و عالية الدقه ،
و قد إنطلقت يدك فى بقية اللوحات بروعه مدهشه ..
( يظهر إنو كلام الأخ طلال الفنان جاب نتيجه )
ننتظر رؤية أعمال أخرى ،
تمنياتى الطيبات لك . |
فنان عديل كده ؟؟؟
والله بجد اشكرك على التشجيع ورفع الروح المعنوية
واهديك المدى أخضر
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
باشمهندس محمد
| Quote: والرسم بخطوط قوية متواصلة,لم تضيع معه ملامح الشخصيات,في ريشتك كركاتيرست قوى,ذو شخصية,رأيت ذلك رغم أن الرسومات المقدمة عبارة عن تدوين خواطر,وأفكار |
لك عين لا تخطئ ( ماشالله ) .. بالفعل انا بالاساس ارسم الكاريكاتير
وسأضع هنا قريبا بعض المحاولات
ويهمني رأيك يا خبير
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
Quote: معليش يا ابو تميم،،
ما كان قاصدين نزهجك،،
لكن كمان دايرييييييين نشوف،،
و كان ما شفنا،،
كان بكون حرام عليك عديل،،
و ما انا إلا مستمتعة الآن،،
اعمال Very interesting! |
سوميته
بصراحة زهجكم راحة
وانا التعبتكم معاي بكثرة التعديلات
ولكن اهتمامك تأكدي انه بيدفعني مشوار للأمام
كوني بخير
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
يحزننى ذاك المتسول ..
لا يأخذ من الناس أموالهم ..
بل يعطيهم ..
يا لحماقتهم ...!!
يالروعة التعبير المكتوب والمجسد ..!!
تأخرت في اظهار هذا الجمال الناطق ياحبيبنا ..
راينا مامهم .. المهم مشاعرك وأفكارك الصادقة تحتمل تلهف مشاعرنا ومسارعتها للخطى تجاهها ..
شكرأ ...
وشكرأ ..
ثم شكرا ...
ومبروك للانسانيةو للأفئدة و .. للبلد
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
Quote: يالروعة التعبير المكتوب والمجسد ..!!
تأخرت في اظهار هذا الجمال الناطق ياحبيبنا ..
راينا مامهم .. المهم مشاعرك وأفكارك الصادقة تحتمل تلهف مشاعرنا ومسارعتها للخطى تجاهها ..
شكرأ ...
وشكرأ ..
ثم شكرا ...
ومبروك للانسانيةو للأفئدة و .. للبلد |
الطاهر ساتي
ياخي ما تتخيل عملت فيني شنو !!!
وما بقدر اجازيك على الحالة الطاووسية العيشتني فيها دي الا أقتلك
اطراء كما المطر
اشكرك كثيرا عليه يا راقي
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
Quote: thank you
very nice
wonderful
keep it up
it is areal pleasure to watch these elegant pictures
thank you again
good luck
dr mustafa |
دكتور مصطفى
حضورك مشرف
والشرف لي لاعجابك بالرسم
دمت بخير وعافية
| |
|
|
|
|
|
|
|
|
|
Re: بعض رسوماتي .. رايكم مهم (Re: ابو تميم)
|
Quote: ابو تميم
ياخي انت مدهش جدا
اول مرة استمتع بي الرسم بالطريقة الانا فيها دي والما بقدر اعبر عنها كيف
بس حاسي انه بشوف لي في حاجات ليها وقع جواي وقع محسوس |
اساسي يا أمير
وما تتخيل مدى استمتاعي بقراءة تعليقك واعجابك
دمت سعيدا يا ملك
| |
|
|
|
|
|
|
| |
ابو تميم
طلال عفيفي
Emad Abdulla
Soumeta
Kostawi
mulhim
ناذر محمد الخليفة
الطاهر ساتي
Mustafa Mahmoud
اساسي
فيس بوك
تويتر
انستقرام
يوتيوب
بنتيريست