Post: #1
Title: حضر إعتذارك التمام .... واضرب تحت الحزام
Author: دورنقاس
Date: 05-07-2007, 12:22 PM
حالة سائدة فى المنبر
خوفى
تكون حالة مزمنة
|
Post: #2
Title: Re: حضر إعتذارك التمام .... واضرب تحت الحزام
Author: الطيب بشير
Date: 05-07-2007, 01:42 PM
Parent: #1
.
سـلام يا حبيبنا دورنقاس
| Quote: حضر إعتذارك التمام .... واضرب تحت الحزام |
لا ينفع..
القوانين تغـفـو و تصحـو، في الواقع و السايبر، لكن الرأي العام "الديجيتال" لا يُسـقط شيئآ
التحـيـة لـك
.
|
Post: #3
Title: Re: حضر إعتذارك التمام .... واضرب تحت الحزام
Author: دورنقاس
Date: 05-08-2007, 08:39 AM
Parent: #2
أخوى الطيب
طابت أيامك
Quote: لا ينفع..
القوانين تغـفـو و تصحـو، في الواقع و السايبر، لكن الرأي العام "الديجيتال" لا يُسـقط شيئآ
|
قطعاً إساءة الاخرين مع سبق الاصرار والترصد امر مرفوض
فما بالك عندما تكون هذه اللاساءة منطلقة من قاعدة
الاعتذار المعد مسبقا ( إعتذار علاقات عامة )
|
Post: #4
Title: Re: حضر إعتذارك التمام .... واضرب تحت الحزام
Author: دورنقاس
Date: 05-08-2007, 11:08 AM
Parent: #3
الاعتذار المعد مسبقاً لا يطيب خاطر المعتذر له
كما انه لايطهر المعتذر
|
Post: #5
Title: Re: حضر إعتذارك التمام .... واضرب تحت الحزام
Author: Raja
Date: 05-08-2007, 11:23 AM
Parent: #4
العزيز دور نقاس..
سلامات ومودة..
المشكلة الإعتذار زاااتو فقد معناه. لأن المعتذر بيقوم بيه زي تفضل ومن، وليس دليل ندم.. شفتا كيف؟
عندي صاحبتي عندها بنوتة صغنتوتة عمرها 4 سنوات. البت شيطان صغير.. تغيب من عينك تلاقيها دخلت الأوضة وقامت بمسح السجادة بكل أنواع الكريمات الموجودة في التواليت، ولو بتتفرج في التلفزيون وشايلها في رجلينك فجاة تقوم تختفي وترجع. تلاقيها شالت الريموت وجدعته بالبلكونة.. عاااادي.. وكل الأمشاط والرفايع الصغيرة في البيت ممكن براحة تلاقيها في الشارع لأن هوايتها رمي الحاجات.. وهي ما بتطول سور البلكونة لكنها بترمي الحاجات بين الدرابزين.. وما عارفة لو بتقع في عربية أو راس زول.. ولو قاعدة تاكل ممكن ببساطة تشيل طبقها وتقلبو في الأرض.. بي طبيخو ورزو.. أو تقوم تكب اللبن وهي بتعاين ليك بنظرة تحدي!!
المهم..
صاحبتي دي عاملة بتربي بالطرق الحديثة. عمرها ما ضربت الشافعة دي. ولا حتى نهرتها.. كل البيقدرها عليها الله تقوله لما البت تعمل مصيبة تقول ليها: رنا إعتذري.. رنا بميكانيكية تحسد عليها طوالي ترد: أنا آسفة..
وتواصل في البتسوي فيهو..
سألت صاحبتي: هل رنا عارفة معنى الإعتذار؟ قالت لي ايوة شوفيها طوالي بتعتذر..
..
ولا تعليق..
عدلت حرف الكاف في البلكونة..
|
Post: #6
Title: Re: حضر إعتذارك التمام .... واضرب تحت الحزام
Author: دورنقاس
Date: 05-08-2007, 12:54 PM
Parent: #5
العزيزة أختنا رجاء
سلام .... جبة درويش
| Quote: المشكلة الإعتذار زاااتو فقد معناه. لأن المعتذر بيقوم بيه زي تفضل ومن، وليس دليل ندم.. شفتا كيف؟ |
مع انو الاعتذار وسيلة رائعة لتنقية النفوس من الضغائن
إلا ما يمارس من إعتذار( الفضل والمن ) ماهو إلا كلمة حق يراد بها باطل
ماذا لو سيطرناعلى انفسنا ساعة الغضب وتجنبنا الوقوع فى خطأ اللأساءة
لغيرنا.
كان اتكفينا الاعتذار بـ ( بليلة ) الرزانة
ولك الود
|
|