إعتذار ...

بهذا أعلن إعتذاري لكل من مستهم حروفي وكلماتي بخصوص موضوع غادة نوري ..
وليعلم الجميع أن حرصي فقط على سلامة الامر برمته هو سبب فتحي لذاك البوست ..

وكلي ثقة بكم وبكل حملة قادة الأمل ..

لكم العتبى حتى ترضو ...

ومعاً نحو الأمام تجاوزاً للخلافات ...


ناذر ...

ناذر.. مثل هذه الأمور بالذات لا تحتمل ..

وإنت زول فنان..

والفنان إنسان في المقام الأول..

حقيقة كنت متابع الموضوع من بره..

حتي أعرف نهايته..

لمتابعتي للعمل الذي أحيا بداخلنا الأمل..

مثل هذه التصرفات توقف أعمال
إنسانية كبيرة جدا نتمني جميعا
-وأنت معنا- أن تستمر
حتي ولو بأدني عجلة دفع..



أتمني أن يقبل الجميع إعتذارك

Quote: ومعاً نحو الأمام تجاوزاً للخلافات ...

الأخ الفاضل ودالخليفه
حاشاك من الغلط ياأمير والجميع فى المنبر ده يعرف طيبة قلبك

ومعاً نحو الأمام تجاوزاً للخلافات ...

؟؟؟؟؟؟؟؟؟؟؟؟؟


معقوله بس ؟؟؟؟؟؟؟


والله لو يقبل كل اعضاء المنبر بهذا الاعتذار لن اقبل سوى الحقيقه كامله غير منقوصه .. اما ان تقولها يا ناذر الخليفة صراحة بانك قد كذبت بشان ما ذكرت وانك بهتهم وظلمتهم ثم بعد ذلك يكون الصفح منهم والسماح او لا يكون، واما ان تأتى بالحقيقة التى كنت تتحدث عنها بكل تلك الثقه المطلقة والتى زرعت بذرة الشك فينا تجاه اناس تعاملنا معهم بشفافية لا مثيل لهاواعتبرناهم نموذجا قل ان يوجد وبذرة خير نبتت فى جدب ايامنا....

انا اتحدث عن نفسى فقط "رندا حاتم" لقد كانت حالة غادة نورى اولى بداياتى فى هذا المنبر وحملت الهم معهم ليلة بليلة تجاوزت علاقتى بها وبهم حدود المنبر فصارت اختى وهم اخوتى .. ظللت اتابع ما حدث منذ البارحه فما قلته يا ناذر قد دمر كل تلك الرؤى الجميله التى لاحت فى الافق.

الامر لا يستوى على هذا الشكل يا ناذر ......ومافى "باركوها" زى ما انت قلت ...

الحقيقة فقط ولا شئ سواها .....

يعني المهرجان انتهي كدا بس؟
بي يا اخوانا اعذرونا؟؟
ناذر يا خي انا بحبك لله كدا
فاما انك اتقرصت .!!
او قسمت ..!!
او اتبليت زور علي العالم من البداية..!!
عارف يا ناذر الان كل البورداب الخارج السودان وما قريبين للحصل اصبحوا مشككين في شفافية موضوع حملة غادة .
معليش الكتبتها دي او اعتذر دي يا ناذر بعد الاتهامات الواضحة الاتكتبت في البوست المحذوف ما بتغطي
الموضوع محتاج شفافية اكتر من معليش يا اخوانا ..معليش سليقة كدا بدون اي توضيحات فيها شبهة يا ناذر
مالك وللشبهات يا صديقي

أخي النبيل ناذر


إشتياقي ومحبتي ، ، ،


الاعتذار شيمت الأكرمين وطبعك كريم وأصيل وعرفنا عنك طيبة القلب وصفاء السريرة وبياض النية . شكراً ناذر لاعتذار لإخوتك من الجنسين وأتمنى أن يقبلوا إعتذارك .

ومعاً نحو غدٍ زاهر ..... مع أمنياتي لغادة نوري بالعودة إلى ربوع الوطن تتلفح ثوب الصحة وتتوشح بكمال العافية . سلام يا صحبي.

السيد/ ناذر خليفة .. سحب البوست لا يعني التوقف عن سرد ما تبقي !!!!!

Quote: معليش الكتبتها دي او اعتذر دي يا ناذر بعد الاتهامات الواضحة الاتكتبت في البوست المحذوف ما بتغطي الموضوع محتاج شفافية اكتر من معليش يا اخوانا

اخي ناذر

ملء السنابل تنحني بتواضع

والفارغات شوامخ

للجميع

اتمنى تجاوز الموضوع ما دام الاخ ناذر قد اعتذر ، وكل ياخذ من اعتذاره على قد ما مسه من سوء.

والله يا ناذر يا خليفة
ده قلبته فيها الهوبة عديــــــــــــــــــــــــــل

ولا اجد اصدق من كلمات اساسي الاساسي

Quote: ناذر يا خي انا بحبك لله كدا فاما انك اتقرصت .!! او قسمت ..!! او اتبليت زور علي العالم من البداية..!! عارف يا ناذر الان كل البورداب الخارج السودان وما قريبين للحصل اصبحوا مشككين في شفافية موضوع حملة غادة . معليش الكتبتها دي او اعتذر دي يا ناذر بعد الاتهامات الواضحة الاتكتبت في البوست المحذوف ما بتغطي الموضوع محتاج شفافية اكتر من معليش يا اخوانا ..معليش سليقة كدا بدون اي توضيحات فيها شبهة يا ناذر مالك وللشبهات يا صديقي

ناصر موسى

سلام يا ناذر ..

Quote: والله لو يقبل كل اعضاء المنبر بهذا الاعتذار لن اقبل سوى الحقيقه كامله غير منقوصه .. اما ان تقولها يا ناذر الخليفة صراحة بانك قد كذبت بشان ما ذكرت وانك بهتهم وظلمتهم ثم بعد ذلك يكون الصفح منهم والسماح او لا يكون، واما ان تأتى بالحقيقة التى كنت تتحدث عنها بكل تلك الثقه المطلقة والتى زرعت بذرة الشك فينا تجاه اناس تعاملنا معهم بشفافية لا مثيل لهاواعتبرناهم نموذجا قل ان يوجد وبذرة خير نبتت فى جدب ايامنا....

أتفق مع الأخت رندا في كل حرف أعلاه .... إتق الله يا ناذر ... بس معقولة بعد الكتاحة العملتها ديك كلها : جاي بكل بساطة تقول : إعتذار !!!!!!!!

لا و الله العظيم : دايرين الحقيقة و بس ، ما قلتا مستعد تقولا حتى لو تخسر ناس كتار ، إحنا زاتنا مستعدين نسمع حتى لو نخسر أنفسنا و كل الناس الحلوين البتشككنا فيهم ..

البقرا الإعتذار ما يقول دا الزول الفاتح البوست المسحوب داك !!! سبحان الله ؛ بس عايز تقفل الموضوع على كدا !!!!!!!!!

صنفرة و شنكل :
و الله يا ناذر حتى لو الناس دي كلها قبلت إعتذارك ؛ أحب أقول ليك :
أسهمك عندنا نزلت كتير ....

Quote: ممكن توروني ما عزمتوني في إجتماع الليلة دا ليه ؟!!!

حدثوكـ دوغري..



بوستيكـ محفوظ عندي..!!

الاخ ناذر

لم يحن اوان الاعتذار بعد

Quote: وليعلم الجميع أن حرصي فقط على سلامة الامر برمته هو سبب فتحي لذاك البوست ..

لحرصنا على سلامة فكرة النفير مشروع او مروه وكل القيم التي اضمحلت في مجتمعاتنا

واحياها مشروع ( ويبقى الامل ) هذا المشروع الذي استطاع ان يجمع شتاتنا لاول مرة

امه واتحادي - شيوعي وكوز - شرقي وغربي - جنوبي وشمالي - بكل تنافراتنا اجتمعنا لاول مرة

مشروع استطاع ان يؤسس فينا الثقة التي تلاشت منذ زمان



اخي ناذر لكل ذلك

لم يحن اوان الاعتذار بعد

حتى يبقى الامل وتنمو شجرته لابد من تفرغ كل ما لديك

وحتى تلك اللحظة ارجو ان تسحب اعتذارك

ولنا عوده

البصاص

Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري .. وليعلم الجميع أن حرصي فقط على سلامة الامر برمته هو سبب فتحي لذاك البوست .. وكلي ثقة بكم وبكل حملة قادة الأمل .. لكم العتبى حتى ترضو ... ومعاً نحو الأمام تجاوزاً للخلافات ... ناذر ...

المحترم ناذر الخليفة ..


وانا مثل رندا لن اقبل تماما اي اعتذار منك مالم توضح لنا الاسباب التي دعتك لمثل هذا الاتهام ، واذا كان لديك اي ادلة وبراهين حول امانة شباب الامل وكل ما ساهم في مشروع غادة نوري ، فارجو ان يكون لديك الشجاعة الكافية لقول كل ما لديك ، واظنك شجاع بما يكفي للمواجهة وانا اعتبر اعتذارك هذا بمثابة هروب من مسؤولية البهتان الواقع علينا من قبلك ، يجب ان تعرف انك هناك اشياء لا يفيد فيها الاعتذار !!

فاتمنى انك تكون بقدر الشجاعة الخلتك تكتب البوست الاول وتجي تاني وتقول كل العندك .


ودايرة اصف ليك حاجة اسمها (النزعة الانسانية) واللهي كانت متوفرة بكثافة في شباب الامل الكانوا بتجمعوا كل اثنين لمدة اربعة شهور متتالية في مركز الخرطوم (مكتب علي عجب) ، الجاي من جامعتو والمخلي شغلو .. و ,, و
كانوا بدفعوا من وقتهم الخاص ومن صحتهم ومن جيبهم عشان يصلوا الاجتماع ويشاركوا في مشروع علاج غادة نوري ، اقول ليك شنو ولا شنو ؟؟

اقول ليك عن المشاكل التي واجهتنا اثناء عملنا في هذا المشروع ، مشاكل كانت كافية لتجعلنا نتنحى تماما عن المواصلة ولكن ايماننا بانفسنا كان اقوى مما واجهنا وايماننا بنجاح المشروع كان دافعنا ومحفزنا ، ياريتك لو كنت شاركتنا العمل دا كنت اكتشفت حاجات جديدة في نفسك ، كنت عرفت ماهي النزعة الانسانية والشعور بالرضا التام عن الذات ، كنت عرفت يا ناذر انو كنوز الدنيا كلها لا تعادل فرحتنا ونحن في نادي الضباط ونشاهد بأم اعيننا النجاح واقفا وسط الجمهور وفي عيون غادة نور وفي دموع خالد ماسا ، انعام حيمورة والخالة اسيا والدة ( غادة نوري ) كنت عرفت ليه نحن كنا بالحماس دا كلو ، وكنت عرفت اننا كسبنا في مشروع غادة نوري اكثر من 90.000دولار .. كسبنا انفسنا وثقتنا بها ، كسبنا الوثوق بقدرة الانسان ، وعرفنا انه الدنيا مازالت بخير ..

مازالت بخير يا ناذر رغم ما قلته عنا ، ورغم ما ستقوله مجددا ..!!


اتمنى ان تراجع نفسك وتحاسبها لاني اخشى عليك منها فيما بعد !!


هبة

Quote: ومعاً نحو الأمام تجاوزاً للخلافات ...

ياعمى التسجيل لسة محتفظين بيهو
تدفع كم ؟

يا عم ناذر إنت ما محتاج إعتزار يا أمير

كل الود

.


إعتزارك ما بيفيدك

و عزراً لي ( وردي ) إني أستلف مقطع منو

في الوضع ( المعفن ) دا .

يا نازر إتهاماتك ( الغبية ) طالتني و مجموعة من الشباب

أنا ما لاقيت أنبل منهم .

لكن السودانيين قالوا ( الما بتلحقو )

يا نازر بالرغم من إني بعرف نفسي كويس

و بالرغم من إني بصر إني أعرف كل البتعامل معاهم

و خصوصاً في العمل العام و السياسي

لكن البوست الكتبتو إنت دخلني في أجواء صعبة شديد

وزي ما قالت سناء جعفر أنا سعيت بي شدة إنو غادة نوري ما تقراهو .

لكن سعيت إني أماسك روحي بي إنو البوست دا هو

إنعكاس لي روحك ( الكعبة ) .

نصيحتي ليك

أقعد مع روحك و هذبها و صالحها .

أنا ما عافي منك لا دنيا و لا آخرة في حقي





ولا ود ولا أي حاجة بيناتنا
م.كرفس

معاوية..منعم..خالد..عاصم..هبه..انعام..ملكة سبأ..زينب..اشراقة..... وكل من فاتنى ذكر اسمه من شباب حماية الامل العام ... تظل اسهمكم فى اعلى معدلاتها .. وشفافيتكم لا تشوبها شائبة ... وصدق بذلكم لا يرتقى اليه بذل ...

ان كان لك اى دليل على عكس ما كتب اعلاه فى حق اى منهم انت ملزم بذكر الاسم والدليل....

ناذر الخليفه ... الادله والتوضيح لكل تلك الاتهامات التى ذكرتها "والادله قبل كل شئ" وهذه المره الامر لا خيار لك فيه انت من تطرق لهذا الامر وانت من شكك فى نزاهة الحمله وانت من قال على الجميع تبرئة ذممهم ... انت الان مطالب بتبرئة ذمتك وادانة المدانين ...

سلام يا شباب
هل تزكرون بوست عيون الحرية
وقتها لم يكن في اتصال بالامارات ولا السعوديةولا امريكا
كتب ناذر الاتي
عندي كلام كتييييييييير وحا افتح بوست بعد موضوع الحفل
يعني كان ناوي يغوض هذا العمل
عليه يتم الاتي من اعضاء حماية الامل العام
رفض اعتذار ناذر الخليفة
فتح بلاغ اشانة سمعة

كسرة
ما كنت قايلك جبان للدرجة دي
تسلموا

Quote: ناذر الخليفه ... الادله والتوضيح لكل تلك الاتهامات التى ذكرتها "والادله قبل كل شئ" وهذه المره الامر لا خيار لك فيه انت من تطرق لهذا الامر وانت من شكك فى نزاهة الحمله وانت من قال على الجميع تبرئة ذممهم ... انت الان مطالب بتبرئة ذمتك وادانة المدانين ...

Quote: بهذا أعلن إعتذاري

بمناسبة بهذا دى ممكن يا ناذز تورينى شنو الخلاك تعتذر عن امر انت نفسك امس و فى محادثتى التلفونية معاك كررت انك متأكد منو و احنا فى المجموعة كنا متسترين عليه ؟

تحياتي ياناذر
بصراحة ما حقول ليك زي رندا (الكلامه) صح 100%
ببساطة ياناذر انت مُش غلطته أبداً انت عندك كلام
بتقول انك متاكد منو والكلام ده مهم جداً وبديت
تقول فيهو فيبقي اوعه تغلط تقول اعذروني !!!
لا يا ناذر مُش ممكن تعمل الحاجة وتجي براحة كده
تطلب سحب البوست (داك) وكانك بتخش مع الناس في
مساؤمة كالاتي (أنا بسحب البوست وانتو انسوا الكلام)!!
معقول يعني !!! معقول تسوي كل شي وتتهم الناس ديل
كلهم وبدون اي دليل وفي النهاية لا دليل ولا حاجة
وكمان عايز تطلعهم هم غلطانين !!!
لا خيار لك يا ناذر سوي أن تقول حديثك وبالدليل
أو تجي تعتذر اعتذار شجعان بانك كذبته في الناس دي
ايوة واحد من الخيارين ديل ولو اخترته الخيار الاخير
الصعب ده وما مستحيل يبقي خت في بالك انو من حق الناس
تسامحك أو ما تسامحك .
عشان من هسي تعرف تختار اختيار شجاع للحل ده .
يعذروك بي طريقة كتابتك دي صدقني ما بتحلك ولو زول
عذرك فيهم يبقي غلطان لانو الاتهام البتتكلم عنو بينسف
شخصية إي زول شارك في العمل ده !
سلامي لك !

معقول يعني زول يشكك فيك وفي ذمتك المالية

وقبل ما يثبت ليك كلامو يقول ليك خلاص معليش

وانت تخليهو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا نقبل الإعتذار يا ناذر

في انتظار بقية الكلام



السيد/ ناذر خليفة .. سحب البوست لا يعني التوقف عن سرد ما تبقي !!!!!

تسوي بي ايدك يغلب اجاويدك

ناذر ..

لقد تعاملت مع الموضوع كله - ومنذ بدايته - بطريقة مريبة ،
وقد كانت الطريقة التي كتبت بها كلامك الأخير تحمل قدراً بالغاً
من الإساءة .. وكما قيل لك هنا فإنك جعلت الناس ينظرون
لنا بريبة وشك ، وعرضت بمصداقيتنا ..

هذا كثير جداً يا ناذر ، وغير مقبول ..

لقد ذكرت أن يدك موضوعة على حقائق حول " الإستغلال المالي " ،
وها أنت تعتذر الآن ..
هل تعتذر عن كلامك ، وتقول إنه لم يكن صحيحاً من الأصل ؟
أم إنك تعتذر لمن أصابتهم سهام طائشة ؟
أم تعتذر عن مواصلة الكلام من باب خلوها مستورة ..


ناذر ، كما ذكرت لك هبه ( سمرية ) ، فإن هذا العمل المحترم
إمتد لشهور ، لم تعرض فيها ولم نر وجهك ، وكان الأجدى والأجدر
بك أن تأتي لأي واحد فينا ، أو تداهم أي إجتماع وتقول لنا ما
خفي عنا وإستتر ..


لكنك كتبت بوستك في ليلك ذاك وبطريقة غير مسؤولة ونرجسية ،
وعملتها ظاهرة وفجة ، وبطريقة صفراء .

يبدو أن قلبك ليس على غادة ولا على العمل .

في كل الأحوال يا عزيزي إعتذارك في هذا الأمر وبهذه الطريقة
غير مقبول .

وتاني يا ناذر ما تسأل الناس ما عزموك ليه ، بل لو عزموك
حقو ما تمشي ..

طـــق خاااااص

- ولاني ما إضينة .. باخد دقتي ويعتذرو لي ...
ولانو فضيلة الاعتذار بنعرفا وبنحترما ..اقول ..


- شفت حق " انبل واشرف بنات " ماشين علي البسيطة دي سواء كانت " نادية السر , انعام حيمورة
انعام عبد الحفيظ , سمرية . زينب , اشراقة حيمورة, رندا حاتم , رشا سالم .. وحق دموع غاده نوري النزلت مخلوطة بي دم الرعاف امبارح بي سبب الكلام ده .. كان اقبل فيهو نوع اعتذارك ده اكون لا اخوهن
لا يدوني يدهم تاني ..
- وكان علي حقهم الانا متاكد انو اي واحده فيهن قادرة " وقدرة عدالت عوج " ذي العوج السويتو ده
انها تاخدو منك " اخذ عزيز مقتدر " ولانو قدرتن الخلتم يعملو عمل " اتزاوغو " منو الرجال وقت الناس شالت الشيلة وختت ايدا في ايد بعض ..

وتنقد الرهيفة انشالله ما تتلتق ..

Quote: طـــق خاااااص - ولاني ما إضينة .. باخد دقتي ويعتذرو لي ... ولانو فضيلة الاعتذار بنعرفا وبنحترما ..اقول .. - شفت حق " انبل واشرف بنات " ماشين علي البسيطة دي سواء كانت " نادية السر , انعام حيمورة انعام عبد الحفيظ , سمرية . زينب , اشراقة حيمورة, رندا حاتم , رشا سالم .. وحق دموع غاده نوري النزلت مخلوطة بي دم الرعاف امبارح بي سبب الكلام ده .. كان اقبل فيهو نوع اعتذارك ده اكون لا اخوهن لا يدوني يدهم تاني .. - وكان علي حقهم الانا متاكد انو اي واحده فيهن قادرة " وقدرة عدالت عوج " ذي العوج السويتو ده انها تاخدو منك " اخذ عزيز مقتدر " ولانو قدرتن الخلتم يعملو عمل " اتزاوغو " منو الرجال وقت الناس شالت الشيلة وختت ايدا في ايد بعض .. وتنقد الرهيفة انشالله ما تتلتق ..

ومعاك يا ماسا ....

بوست بى بوست ..
مداخلة بى مداخلة ..
كلمة بى كلمة ....

لغاية ما تطلع شمس الحق وتتضارى خفافيش الضلام ....

Quote: لا نقبل الإعتذار يا ناذر في انتظار بقية الكلام

إنعام عبد الحفيظ أول مرة أشوفك زعلانة
يا جماعة بقية اكلام ممكن تجيب كلام وأسماء و و و .....

وما أعتقد ده هدفكم
بل ده يتعارض مع الهدف النبيل بتاعكم

ناذر إعتذر
معناه تكشفت ليه حقاق ولقى نفسو على خطأ
ما هى الحقائق ؟

دى ممكن تكون أبواب جهنم جديدة

خلوها على إنفراد وعتاب أخوان

ويا كرفس باركا وجل من لا يخطأ

ممكن يجى زول يقول لى ده المضيعنا

نعم ولكن ده ما الموضع والمجهود إنسانى وأخوى

وزى ما قال نادر سويآ الى الأمام

أوكى يا ست رندا ؟ روقى المنقة

أخي رأفت ميلاد

سلام واحترام

Quote: إنعام عبد الحفيظ أول مرة أشوفك زعلانة يا جماعة بقية اكلام ممكن تجيب كلام وأسماء و و و .....

عارف يا رأفت الناس بتختلف في رد فعلها تجاه الأشياء والمواقف

التشكيك في الذمة والأخلاق ما شئ ساهل

لا عندي ولا عند الناس الإشتغلت في وسطهم ديل

وكونو الكلام يجيب كلام واسماء وووووو دا المطلوب

عشان لو في ذرة خطأ حصلت تتعرف ونعرف الأخطأ منو

اما انو ناذر يقول كلامو ويجي يعتذر قبل ما يثبتوا

دا ما بنقبلوا منو ومفروض الكلام يتقال كلو

وما ناذر ولا اي زول على شاكلتو ممكن ينهي جوانا

القيم السمحة الأحيت فينا الأمل من جديد

اطمئن ما ح نحبط وح نمشي لقدام في حماية أملنا العام دا

بس من حقنا نقيف ونقول عايزين اثبات للكلام دا

لأنها سمعة وشرف وأخلاق وديل ما مكتسبات

ديل تربية وديل سلوك وديل ديدن تعامل

عشان كدا ناذر مطالب بتوضيح كل الكلام بتاعو وللنهاية

Quote: وحق دموع غاده نوري النزلت مخلوطة بي دم الرعاف امبارح بي سبب الكلام ده ..

يا ناذر اصلا ما ممكن تتصور كمية الالم السببتوا للناس دي كلها ...

وما في حل غير مواصلة الموضوع حتى الآخر ...

وانا مع فتح بلاغ ضدك لآشانة سمعتنا... وما متنازلة عن حقى ابدا ...


انعام حيمورة

Quote: يا جماعة الحاصل شنو؟؟؟؟؟؟؟؟ انا ماقريت البوست الانتو بتتكلموا عنه دا..! لكن حسب ما فهمت. نازر بيطلق في اتهامات باطلة... وانا بقول باطلة لاني ما محتاجة اثبات لامانة وتفاني كل الناس الاشتركت في حملة الامل.. وللاسف نازر ما كان ضمنهم..لانه راجي يعزموهو! عايز يرسلو ليهو مرسال خاص كل اسبوع عشان يتكرم ويشارك.. وبعد دا كله جايي يشكك الناس في امانة المجموعة الكانت بتسعي ليل ونهار لمساعدة غادة.. ابتداء من زيارتها والتخفيف عنها.. مرورا بقراية القرآن في بيتها والدعاء ليها.. وختاما بالجهود الجبارة البزلوها عشان يجمعوا القروش ويعملوا الحفلة... مافي زول حيخلي البوست دا مالم نازر يعترف بكذبه وتلفيقه.. وانا شخصيا بطالبك يا نازر بالرد في البوست دا بوضوح تام .. ولو سمرية وخالد ماسا وعبد المنعم وانعام حيمورة وكرفس وكل الناس العرقها ساح في حر الخرطوم عشان يحصلو اجتماع او يلموا قرش لغادة سامحوك.. انا ما بسامحك..وربنا يوم الحق ما بيسامحك.. حسبي الله ونعم الوكيل..

دا ردي الانا كتبته في بوست الاخ حمدين....

عشان لو ما قريته هناك ..تقراهو هنا..وتورينا وتفسر لينا

يا نازر الخليفة..

Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري .. وليعلم الجميع أن حرصي فقط على سلامة الامر برمته هو سبب فتحي لذاك البوست .. وكلي ثقة بكم وبكل حملة قادة الأمل .. لكم العتبى حتى ترضو ... ومعاً نحو الأمام تجاوزاً للخلافات ...

اخي ناذر..

عندما قرأت كتابتك في ذلك البوست..أصابني الم واستياء..
ألم للموقف كله ومشروع النبل الذي أحياه أخواننا وأخواتنا في الخرطوم وكل اطراف العالم..
كنا زي الغريق الآتعلق بقشه..ظننا أن مبادرات مثل هذه قد ماتت!
أحيت فينا مبادرة غاده نوري الأمل ومعها اراده قويه..وحلم جميل..مازال الوطن بخير..وفي شبابنا جمال قوي..

الاستياء لم يكن فقط في نار الشك التي توزعت شراراتها علي الجميع ..بل كان أيضا في التوقيت..
كان توقيت بائس يا ناذر..هكذا وغاده فرحه وفخوره بكم وهي علي بعد ساعات من السفر..
اي مراره وحزن ويأس وضيق أصابها يا ناذر؟

أنا حزينه وغاضبه منك ياناذر..وأنت تعلم كم هي معزتي لك..
وأعتذارك لم يوضح لمن جرح بسبب اتهاماتك أي شيء..وفي نفس الوقت لم اشعر فيه [انك تري فعلا أنك أخطأت..وربما كانت هذه الجمله التي جاءت في اعتذارك هي السبب..
"وليعلم الجميع أن حرصي فقط على سلامة الامر برمته هو سبب فتحي لذاك البوست"


الأنطباع الذي خرجت به من حديثك أعلاه أنك تعتذر دون شرح كاف..و يمكننا دائما أن نعتذر وباقناع..هنا فقط يكون الأعتذار كرم أصل..

نحن هنا نتحدث عن شرف ..شرف كلمه وشرف تصرف..يعني شرف أنفس يا ناذر..
ولأننا معا نسعي لأن نكون خيرين..وعلي قدر أكبر بكثير من المسئوليه..ارجو أن تعتذر بشكل مقنع أكثر..وان تعتذر لغاده الرقيقه..فليس اقسي علي الأنسان من خيبته فيمن يحبهم..وأنه كان مشروع تجاري ..وأن الخير في داخله شر!

تحياتي لك وللجميع ..

ام آية

مع احترامى للمعزه البتكنيها لناذر لكن يبدو انه ما ح يفهم كلامك المنمق الرقيق دا ..
ناذر ما بيراعى لمشاعر الناس وما بيهموا جرح منو او اساء لى منو ...

والدليل انو مشى يفتح فى بوستات الاغانى وكانو ما عمل شئ ... والادهى وامر انو بيتعامل مع الناس بتجاهل مبالغ فيهو .. اذا اصلا الناس ما بيعنو عندك شئ وبتتجاهلهم بالصوره دى من البداية فاتح البوست الاول ليه؟؟ ماهم نفس الناس اللى هسى متجاهلهم هم نفسهم الفتحت ليهم البوست واتداخلو معاك وشتت اتهاماتك يمين وشمال على كيف كيفك ...

ازيك يا رندا..

لم أنمق اي حديث هنا..ومعزتي لكم جميعا كبيره كما هي مع ناذر..
حديثي واضح ومحدد وفيه لوم شديد له..بل استفضت فيه..وهذه خطوه بعد أعتذاره..
أنا لا أجامل في مثل هذه القضايا يارندا..
ولكن لكل انسان فينا طريقته في حديثه وفي كتابته!

شكرا.. وتحياتي

عذرا يا منى .. لم تفهمينى ...

لم اعنى انك نمقتى الحديث بمعنى زيفتيه .. ابدا يشهد الله ... فقط حسيت انو لغتك الجميله دى ما بتنفع فى الحاله دى .. ناذر خلى النار مولعا ومشى ينزل فى الاغانى كأنو ما عمل شئ..

دا كان قصدى ...
عذرا ان كان ما قلته اغضبك ..
لك العتبى حتى ترضي

شكرا رندا العزيزه..
ولك تقديري..

تحياتي

شكرا رندا العزيزه..
ولك تقديري..

تحياتي

كتب ناذر:

Quote: ومعاً نحو الأمام تجاوزاً للخلافات ...

وقد سبق السيف العزل في البوست المحذوف : Re: ممكن توروني ما عزمتوني في إجتماع الليلة دا ليه ؟!!! (Re: ناذر محمد الخليفة)

Quote: ما خفي كان أعظم ... والحاقولو أنا أكبر من أي فجيعة حا تتصورا .. وحتشوف ... البوست دا ما معروف بعمر ولا لا ..

عشان كده يا ناذر..

حيكون الإقتباس التالي:


"دافعي الضرائب مش من حقهم يعرفو مصير الدفعوهو ؟!!"

.

Quote: بما أني واحد من مجموعة شباب الأمل التي لا يمكن أن يطالها ناذر و بما أن المدعو ناذر الخليفة قدإتهم هذه المجموعة إجمالاً بعدم الأمانة و الخيانة المالية . و بما أنه لم يستطيع إثبات ذلك أو الإتيان بأي أدلة تؤيد كذبه فأنا أطالب بحقي من السيد ناذر و لن أعفو عن حقي أو أتنازل إلي يوم الدين م.كرفس

.

يا ناذر
أمس القريبة دي مش كنت في منتهى الشجاعة و "الرجالة" وطعنت في نزاهتنا كلنا وقلت عندك الإثبات على تجاوزات وتستر عليها؟؟؟؟ وسالتني لمن طالبتك بالإثبات (دا تهديد)؟
انا ما بهددك لكن أنا ثقتي في حراس الأمل العام لا ترقى لمستوى الشك مهما كان مصدره

الحصل شنو بين يوم وليلة؟؟

Quote: وكلي ثقة بكم وبكل حملة قادة الأمل

ياخي لا!!!!!

Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري .. وليعلم الجميع أن حرصي فقط على سلامة الامر برمته هو سبب فتحي لذاك البوست ..

بالبساطة دي؟؟؟؟ "مستهم حروفي وكلماتي" بس كدا ....
دا حالتو مس؟؟؟ لو كان ضرب كان الحصل شنو؟؟؟ كان شكلت لينا محكمة دولية؟؟

يا ناذر لو قعدت في ا تبكي وتعتذر من هنا للسنة الجاية أعتذارك ما بيغطي فعلتك... خليك من الاعتذار الهزيل دا

نحن وراك للنهاية حتى يستبين الحق والناس كلها تعرف من يستحق الاحترام والثقة ... ومن يستحق الشفقة.

سلام عليكم


ناس الامل

تسلمو ويسلم اصلكم فى زمن انعدام المروءة دة...........

ماتهتمو للايام ظروف بتعدى

او كما قال نازر؟؟؟؟؟؟
شنكل
كدة عيب يانازر

الجميع الأعزاء..

صباحكم زين..

أمبارح لما قريت بوست: ليه ما عزمتوني... الإتوجهت فيه الإتهامات (البلًوشي).. ما دخل ذمتي بي (نكلة) زي ما بيقول أهلنا المصريين.. للأسباب التالية:
1 - معرفتي بالشابات والشباب القايمين بالحملة والواضح تماما من تواجدهم في المنبر (للغاشي والماشي) إنهم ما ناس (شوفوني).
2 - بدأ البوست أو (تعنون) بشئ ولما جاءت الإجابة رد على سؤال عدم العزومة لإجتماع النادي الألماني، تحول (بقدرة قادر) لمناقشة الشئ التاني وهو الإتهامات في حملة الأمل.. حتى إني لأول مرة أشوف العزيز عصام عبدالحفيظ يفقد هدوءه وهو يلح على كاتب البوست بأن يحدد ويفصح (بالعربي).
3 - الإتهامات نفسها كانت (جخ ساكت) أو (في الهجايص) - برضو زي ما بيقول المصريين - ومافي أي جملة أو كلمة مفيدة تقول إنه في (عضم) للعربي البيتكتب ده..
..

تأكدت اليوم عندما قرأت مداخلة العزيز ماسا: (أنظر)

Quote: هامش ... - وهذا للقراء .. بالامس قمت انا والاخ عبد المنعم سليمان والاخ بكري ابوبكر بمقابلة المدعو ناذر بمنزلهم .. وبحضور المذكورين .." سالت سؤال واضح وصريح : ناذر اذا انت بتتكلم استنادا علي معلومة مؤكده تشير بالاتهام لشخص ما ذو علاقة بالعمل تصبح المعلومة ليست ملكا لك فقك فيبقي من حقنا ان نعرفها ليس من باب العلم بالشئ وانما لاجل الاتي : - المسائل المالية لا يحق لاي منا العفو او السكوت فيها لان المال له صاحب وحده الذي يحق له ان يعفو ويسامح ... - توجية الاتهام بهذا التعميم فية تجريح لنزاهة مجموع من الناس لا نقبل باي حال من الاحوال ان يطالها كائنا من كان . - قال ناذر : " بعد ان بحث شيء في "قوقل" لم اعرفة ولم يعرفة الحضور ايضا " : بانة لا يملك معلومة حتي الان يثبت بها دعواه وكل ما رد به هو يري ان هنالك " همس" في المدينة" وهذا بحضور المذكورين ايضا . Re: السيد/ ناذر خليفة .. سحب البوست لا يعني التوقف عن سرد ما تبقي !!!!!

يعني ببساطة الموضوع (قوالة) حايمة.. كان الأفضل إنه يتأكد منها قبل ما (يلفحها) ويخت الجميع في قفص الإتهام في جريمة تتعلق (بمد اليد) و(دناوة النفس).

النتيجة الخلصت ليها:
أصبح هذا المنبر خطر للغاية..
يمكن ببساطة زول يجي (يرمي بلاهو) عليك ويطلع منها زي (الشعرة من العجين).. حصلت لي شخصيا، وحصلت لبشاشة وبتحصل دلوقتي مع المشاركين في حملة الأمل..
ولا يمكن (زخرفة) الأمر وتصويره إنه (عادي في الزبادي).. لأ
ده شئ ما عادي..
ولازم الناس تقيف بجد لمرة واحدة (على باب التغيير) ويحاسبوا الزول البيبهت الناس بدون دليل.. ولا حتى لـ (روحو) هو ما إتأكد..

لا نقبل أنه يجينا أي زول بهلوسة أو قوالة أمبارح سمعها ويختها هنا ويتوقع إنه ما يتحمل مسئوليتها..

الأحباب في حملة الأمل ووليد دارفور..
أتمنى إنه (حفر) زي دي ما تعطًل المسيرة البدأت هنا.. والأستمرار هو الرد الأمثل على أي شخص قاعد يتفرج وينظًر..

ودمتم..

Quote: أتمنى إنه (حفر) زي دي ما تعطًل المسيرة البدأت هنا.. والأستمرار هو الرد الأمثل على أي شخص قاعد يتفرج وينظًر..

اطمئني يا رجاء الجوانا اكبر من حفر زي دي زي ما قلتي

بس عشان من حقنا نعرف الحقيقة كاملة ومن غير تستر (على قول ناذر)

مفروض ناذر يكمل كلامو وبلاش تلميحات منو

بوستات الإعتزار

لا تكفى لرد الإعتبار للذين قاموا وساهموا فى عمل طوعى ,,
وولن ترجع دموع غادة نورى ,,,والبنات يوم امس ,,,ولا شعور الخزئ الذى إمتلانا به ,,

ولا ذلك التشكيك الذى ساور كل من قرأ...









ثم ينجلى الامر "فى أنه قد سمع فلان عن فلان"

ويطالبك أحدهم بالعفو والعافية
!!
ــ
بى من الضيق ما يكفى لأناس كثيرين لمدى الحياة
حسبى الله ونعم الوكيل

الاخوة والاخوات الكرام.


أنا أتفهم جيدا غضب الجميع من تصرف الاخ نازر عندما فتح ذلك البوست وأنا واحد منكم, فأنا غضبان مثلكم, لقد كنت معكم في الخرطوم في فترة وجيزة وعرفتكم من قرب. أن العمل الذي قمتم به بتلك الحملة(غادة نوري) ومن قبلها حملة "البت الجريدة" والان حملة "أنقذوا وليد دارفور" عمل عظيم ولا يمكن لنا أن نستحقككم أجره في يوم من الايام. بما أنني أعرفكم جميعا معرفة شخصية وبما أنني لا أتشكك في ذمة أي واحد ولا واحدة منكم ولا حتى للحظة, أنا أطلب منكم طلب عزيز وخاص جدا. أرجوا منكم قفل هذا الموضوع بصورة نهائية كما أرجوا منكم جميعا قبول إعتزار الاخ نازر. مهما كان نوع إعتزار الاخ نازر فهوا في النهاية إعتزار لنا جميعا ولازم نقبله ولازم نواصل العمل. أدري أن هناك الكثير الذي يجب أن تقومون به ومثل هذا الامور سوف تعطلكم كثيرا, خصوصا عندما نتحدث عن مساعدة الغلابة وإنقاذ حياة بشر.
شكرا لكم جميعا يا بورداب الخرطوم وأنا فخور جدا بمعرفتكم من قرب ومعرفتكم فردا فردا.

زي ما قالت رجاء

لا نقبل أنه يجينا أي زول بهلوسة أو قوالة أمبارح سمعها ويختها هنا ويتوقع إنه ما يتحمل مسئوليتها..


إعتذارك يا ناذر ما مقبول
لن نقبل بتشهيرك بناس بيابوا الحق هدية
لن نقبل بجرحك لمشاعرنا بقذفك ليهم
فهم كل الخير لدينا وبابنالأمل ببكرة صباحه جميل

يا ناس حملة الامل... انتو ما سمعتوا بالمثل البيقول ( الما بتلحقوا ..جدعوا ) ؟؟؟!!!
والمثل التاني البيقول ( لمن الطعنة تجيك من ورا معناها انت في المقدمة ) ؟؟!!
والمثل التالت البيقول ( الاشجار المثمرة فقط هي التي تتعرض لرمي الاحجار ) ؟؟؟!!!

وممكن اقعد من هنا لبكرة اكتب امثال بتدور حوالين الشئ الحصل ليكم ...

بحكم اني بعيدة من البلد ... كنت دائما باحاول اعرف اخبارها من كل مكان ...
وكل خبر باسمعه كان بيعمل لي طمام بطن ...
انحلال ... فساد ... سرقة ... رشاوي ... اختلاسات ..
مباني جديدة بتقع ... ناس محترمة بتقع ...
في النهاية قررت وحفاظا على معنوياتي وحالتي النفسية وانا في الغربة ما اسال تاني عن اخبار السودان ...

فجاة وقعت عيني على خبر حملة الامل ...
شلت نفسي وقلت اخيرا خبر يسر البال ويرد الروح ...
خبر يذكرنا بالسودانيين زمان قبل التسونامي القلب كيانهم ...
قريت ليكم وعنكم ..
لقيتكم ...
شباب من نور ...
شايل هم الدنيا وداير يجبر خاطر الفرح المكسور ...
بنات سمحااااااااات ... بدون بودرة ولا مكياج ...
سمحات بنفوسهم الطيبة ونيتهم الصافية ... رغبتهم القوية في مساعدة الناس ...
اولاد شباب ... كرسوا نفسهم لعمل الخير في زمن الشر ...
ما جروا ورا البنات ولا ظللوا العربات ولا شربوا البتاعات ...

كنت قايلة الموضوع مبالغ فيهو .. لكن قلت مالو ؟؟؟
خلينا نبالغ في تضخيم فعل الخير عشان يكبر ويكتر والناس تتشجع وتشارك ...
لغاية ما مشيت وقابلتهم ...
والله لقيتهم اجمل واروع وانضف من اي خيال او تصور ...
والله حسيت بالفخر لاني سودانية وديل اهلي ...
وقلت ما دام السودان فيهو اولاد وبنات زي ديل ... حيجيهو يوم ويبقى احسن بلد في الدنيا ...

ماسا ... سمرية .. نادية .. انعام عبد الحفيظ وانعام حيمورة .. ديل اللاقيتهم ... كانوا نموذج لكل المعاهم ...
نكران ذات .. ادب واخلاق .. ذوق ومجدعة ...استعداد للتضحية بالوقت والراحة والقروش ...
شجاعة غريبة ومقدرة استثنائية لتطويع الظروف...

وتاني بسال :
شنو مشكلة ( بعض ) السودانيين مع النضافة ؟؟!!!
وليه بيحبوا ينثرو الطين على القطع البيضا ؟؟

يا جماعة الامل ... بيكم ومعاكم حيعيش الامل ...
اعتبروا نفسكم قطعة بيضا .. او شجرة مثمرة ...
اعتبروا نفسكم في المقدمة .. واتاكدوا انو اي زول جدعكم ... معناها ما قادر يلحقكم ...


يا غادة ... لك العتبى حتى ترضي .... دموعك المخلوطة بالدم احرقت قلوبنا ...
من سرق فرحتك قبل سفرك يجب ان يساءل ...
من سرق فرحتنا بحملة الامل يجب ان يساءل ...

ودام الجميع بخير ...

..
.

Quote: ماسا ... سمرية .. نادية .. انعام عبد الحفيظ وانعام حيمورة .. ديل اللاقيتهم

أنا اسمى مكتوب ..!!؟

__________________

طيب ..

..
.
ناذر
ياخى ما يعزموكــ

انا زاتى ما عزمونى .. دى مشكلة يعنى ..!!
الاعمال الزى دى ما دايره عزومه .. ولا غيرو
سمعت تعال .. شدو ليك سلك تعال
ما كلموك .. خلاص .. عادى
يمكن سهو ...
يمكن نسو ..
يمكن .. الوصوهو ليك مكجنك .. قام طنشك
المشروع فرض كفاية ان قام به البعض سقط عن الباقيين
واعمل عمل الخير وثوابك عند الله
مالك ومال .. الكتبتو والهببتو
بالجد انت كتبت شنو!!
وتعليقك خاص بناس الخرطوم .. ولا كل بورداب العالم
لانو بالجد محتار فى بعضهم واخص .. رندا حاتم .. شايفها شايلاها معاك ..
وبعضهم حالف طلاق .. الظاهر ..
فهمنى ..
حاول وضح لي ..

_________________

وحتى عودة

.

لكل الذين يبررون فعلة هذا السخيف

هو عمل العملو دا مع سبق الإصرار و الترصد

و الأدلة علي كدا كتيرة

1/ إذا كان فعلاً هو حريص علي المال العام

و علي مصلحة وعلاج عزيزتنا غادة نوري

ليه صبر الوكت دا كلو ؟؟

2/ لماذا اختار تحديداً ان يورد هرطقاته هذه في

هذا التوقيت - قبل يوم من مواعيد سفر غادة ؟؟

3/ ما علاقة هذا كله بعدم دعوته للإجتماع الذي ذكره

وهو أصلاً معمول لي موضوع تاني ( وليد دارفور ) و الذي

إبتدر به بوسته الذي إنقلب عليه ؟؟؟

و عشان ازيدكم انو هو كان مترصد حملة باب الأمل

هاكم أقروا الكلام الكتبو هو بي يدو و خلوهوا يجي ينكرو كمان


إلي المدعو " eyes of liberty " .. والســــاقطون لا يسقــطون ....





أهو دا بوستيهو المنفصل

لكن كان هو سيد الجوبيك

عالم مقرف

سامحينا يا غاده ......


فوق .... الى ان ينجلى الضباب وتشرق الشمس ....

..
.
الشمس لو اشرقت .. الواطه بتصبح
احسن خلوها مغربه كدا

____________________

شايف يا ناذر نتيجة التسرع
اها طلع زولاً سخيف ماليهو قيمة

Quote: واخص .. رندا حاتم .. شايفها شايلاها معاك ..

عارف يا تبلدينا ببساطه ليه؟؟؟؟
لانى جربت الاحباط الزى دا ...رغم انو كان اخف بمليون الف مره من الحاصل هسى ...

Quote: الشمس لو اشرقت .. الواطه بتصبح احسن خلوها مغربه كدا

فى زول فى الدنيا دى يا تبلدينا ما بحب شروق الشمس .. وبغض النظر عن اى شئ حكم ضميرك وبس .. ناذر موش غلط فى التعميم والضبابية الاتعامل بيها فى طرح الموضوع دا ..

تحياتى ....

سلام يا ناذر
انت البوست ده مُش حقك !؟
طيب ماتجي تقول للشبات والشباب ديل
انشاء الله :- الله يجيركم ساي !
من متين قاعد تخلي بوست حقك!!!
ما اي زول كاتب هنا من زمان انت بتداخلو
وتقالعو في بوستيهو ! الزمن ده مالك يا زول؟!
علك طيب!!

الإخوة الأعزاء
سلام واحترام ،،،،
حقيقة انا ما قريت البوست المكتوب لكن مهما كان الكلام المكتوب
يظل شباب حملة قادة الأمل لعلاج أختنا الغالية غادة نوري فوق كل الشبهات
لان الموضوع في النهاية موضوع انساني ما محتاج بل محتاج لشباب يقدروا المسئولية
والشباب ما قصروا ربنا يديهم العافية وترجع لينا الغالية غادة بالسلامة .
لذلك انتو يا شباب وجه سودانيز أون لاين المشرق بالخرطوم وانتو الأمل
ونحن نفتخر بكم سيروا فوليد دارفور ينتظركم والسودان به الكثير ينتظرناً جميعاً
ونحن من على البعد معكم وندعو لكم بالتوفيق .
بخصوص أخونا ناذر ممكن يكون الأخ ناذر تسرع لكن برضو هو أخونا ولو هو غلطان يجب أن
نجلس معه ونخبره بغلطه لان العمل الذي تم عمل كبير وما ساهل لذلك أقترح من الشباب
يمشوا للأخ ناذر ويجلسوا معه عشان ما نفقد واحد من الأخوان .
وادعو معاي ربنا يجيبك بالسلامة يا غادة نوري
تقبلوا تحياتي واحترامي ،،،،
أبو كريم

و قال شابكنا شنو ، انا لا اقبل ان اكون شيطان اخرس !!!

شايفك خرست و باعتذارك كمان !

Quote: إعتذارك في هذا الأمر وبهذه الطريقة غير مقبول . وتاني يا ناذر ما تسأل الناس ما عزموك ليه ، بل لو عزموك حقو ما تمشي ..

من القصص نأخذ المضمون

والرواية تقول أعرابي مسافر في صحراء وجد آخر في وسط الصحراء ماتت
راحلته ونفد طعامه وشرابه وأصابه الإعياء حتى كاد أن يهلك.

فقام بإنقاذه وقاسمه الطعام والشراب والراحلة إلى أن صلب عوده
وبينما هم في استراحتهم غفّل المعان المعين وشرد بالراحلة والطعام
والشراب.

وعندما حس المعين بالأمر صرخ فيه منادياً بالله عليك أسمعني قبل ذهابك،
فأغفل عائداً بحيث يسمعه ولا يصل إليه،
فقال له خذ راحلتي والطعام والشراب هدية مني مقابل أن لا تحكى ما حدث
لأحد من الناس.
فسأله والحيرة تعلو وجهه لماذا تفعل هذا؟؟
فأجابه:
حتى لا تموت المروءة بين الناس !!!!


لِما فعلت هذا يا ناذر

حسبي الله ونعم الوكيل فيك


إسماعيل حميم



ِشكراً للأخ ناذر على التصحيح في الخاص لجملة حتى لا تموت

فقد كتبت ناقصة (لا) وبذلك تفيد العكس

فها أنا قد فعلت

فالرجاء منك أن تفعل ما عليك من تصحيح فيما إغترفت

في حق الغير


إسماعيل حميم

.





.

شباب الامل ظلوا الامل رجاء

ولا تلفتفوا لمن هو مثل نازر

Quote: من القصص نأخذ المضمون والرواية تقول أعرابي مسافر في صحراء وجد آخر في وسط الصحراء ماتت راحلته ونفد طعامه وشرابه وأصابه الإعياء حتى كاد أن يهلك. فقام بإنقاذه وقاسمه الطعام والشراب والراحلة إلى أن صلب عوده وبينما هم في استراحتهم غفّل المعان المعين وشرد بالراحلة والطعام والشراب. وعندما حس المعين بالأمر صرخ فيه منادياً بالله عليك أسمعني قبل ذهابك، فأغفل عائداً بحيث يسمعه ولا يصل إليه، فقال له خذ راحلتي والطعام والشراب هدية مني مقابل أن لا تحكى ما حدث لأحد من الناس. فسأله والحيرة تعلو وجهه لماذا تفعل هذا؟؟ فأجابه: حتى تموت المروءة بين الناس !!!! لِما فعلت هذا يا ناذر حسبي الله ونعم الوكيل فيك إسماعيل حميم

شكرا اسماعيل حميم

وحملة الامل حسبهم الله ونعم الوكيل.

Quote: حتى تموت المروءة بين الناس

في ـ لا ـ هنا , غيابها ضيع المعني كله big time
حتى لا تموت المروءة بين الناس

أخي محمد عثمان

لك الشكر على التصحيح

فقد قمت بالتعديل حيث الخطأ

تقديري وإمتناني


إسماعيل حميم


.

مازالنا ننتظر التوضيح ....



عندما يشكك احد فى امانتك تبقى كارثة ...