Post: #1
Title: آها يا جماعة قد حان وقت غيابي النهائي عن البورد العفو والعافية!
Author: Adrob abubakr
Date: 05-06-2007, 06:20 PM
Parent: #0
الأخ بكري أشكرك علي الضيافة الكريمة يا أب قلبا كبير
وما تقدمه من خدمة لأبناء وطنك سيسطرها لك التاريخ بلا شك
الإخوة والأخوات يصعب علي مفارقتكم ومفارقة هذا الصرح إلا أن للظروف أحكام
لا أريد أن إغادر قبل أن أستسمحكم وأطلب الصفح من كل غاضب مني لأي سبب كان
أرجو أن تسامحوني علي أي كلمة بدرت مني قلتها في حالة غضب أو إنفعال
ومن لم يستطع منكم الصفح فاليقتص أو يشتمني كما يحلو له
صدقوني رغم إختلافي مع الكثيرين منكم لكني لا أكن لكم إلا الحب
ودعوني أعتذر بصفة خاصة للأخ خالد كودي رغم إختلافي معه فقد أخجلني بمواقفه
ورغم إختلافي الجزري مع الأخ عبد العاطي أعتذر له أيضا عن العنف اللفظي من جانبي
والعتبي لكم كلكم حتي ترضو
والعفو والعافية
وأبقو عشرة علي الوطن يا أبطال السودان الجديد ويا ناس السودان القديم
فتكم بعافية
والسلام عليكم ورحمة الله
|
Post: #2
Title: Re: آها يا جماعة قد حان وقت غيابي النهائي عن البورد العفو والعافية!
Author: AMNA MUKHTAR
Date: 05-06-2007, 06:26 PM
ماهذا يا أدروب؟!
لماذا لم تخضع هذا القرار للتشاور مع أصدقاءك ؟
على أية حال أتفهم دوافعك .
وربما اتبعك قريبا.
|
Post: #3
Title: Re: آها يا جماعة قد حان وقت غيابي النهائي عن البورد العفو والعافية!
Author: jini
Date: 05-06-2007, 06:33 PM
Parent: #2
| Quote: آها يا جماعة قد حان وقت غيابي النهائي عن البورد العفو والعافية! |
اهو دا الكلام البزعل بالجد جد!
الهروب لا يليق بصاحب قضية وخاصة من يتوجب عليهم الدفاع عن اهلهم المهمشين!
نحن ايضا نحبك ونحب السودان وكل ما يجرى فى المنبر هو تلاسن اسفيرى لا يفسد للود قضية!
عد يا صديقى الوطن والمنبر يحتاجونك بشدة
جنى
|
Post: #4
Title: Re: آها يا جماعة قد حان وقت غيابي النهائي عن البورد العفو والعافية!
Author: Abdel Aati
Date: 05-06-2007, 06:43 PM
Parent: #3
الاخ ادروب ابو بكر
وانا ايضا اعتذر ممارسة العنف اللفظي تجاهك
وفي ظني اننا كان يمكن ان نمارس اختلافاتنا بشكل افضل كثيرا
واكثر حضارية ..
فلك مني العتبى حتى ترضي ..
ملاحظة:
قرار غيابك النهائي مرفوض بتاتا
مهما كانت المبررات والظروف .
|
Post: #5
Title: Re: آها يا جماعة قد حان وقت غيابي النهائي عن البورد العفو والعافية!
Author: Gafar Bashir
Date: 05-06-2007, 06:45 PM
Parent: #2
النهائي مرة واحدة
يا سيدي ... لا نعرف ظروفك
ولكن بانتظارك
|
Post: #6
Title: Re: آها يا جماعة قد حان وقت غيابي النهائي عن البورد العفو والعافية!
Author: خالد الطيب أحمد
Date: 05-06-2007, 07:04 PM
Parent: #5
الأخ د.أدروب
لماذا..
مهما كانت الظروف
فغيابك النهائي مرفوض تماما..
راجع قرارك ..
وسنظل بإنتظارك ..
|
Post: #7
Title: Re: آها يا جماعة قد حان وقت غيابي النهائي عن البورد العفو والعافية!
Author: Tragie Mustafa
Date: 05-06-2007, 07:12 PM
Parent: #6
ابوبكر ادروب
انا حزينه جدا....
ترديني ان اتيتم اكثر من مره ليه؟؟؟؟
بوجودك كنت احس ان لي اخوة حقيقين هنا الآن ...تتركني وحيده..مرة آخرى؟؟؟؟
|
Post: #9
Title: Re: آها يا جماعة قد حان وقت غيابي النهائي عن البورد العفو والعافية!
Author: النذير حجازي
Date: 05-06-2007, 07:29 PM
Parent: #7
الحبيب أدروب، أرجوك ألا تغادر من أجل قضايا أهل الهامش، وأحييك أنت وعادل على إتباع هذا الإسلوب الراقي من إختلاف الآراء لا يفسد للود قضية، وأيضاً أحيي فيك فضيلة الإعتذار فهي من شيم النبلاء، يلا أرقد عافية ياملك وفإنتظار تراجعك عن هذا القرار المرفوض من جانبنا
|
Post: #12
Title: Re: آها يا جماعة قد حان وقت غيابي النهائي عن البورد العفو والعافية!
Author: عبدالكريم الامين احمد
Date: 05-06-2007, 07:38 PM
Parent: #7
ليه يااخي ادروب
فنحن نحتاجك تماما اخي العزيز...
ارجوك ابقي معنا..
|
Post: #8
Title: Re: آها يا جماعة قد حان وقت غيابي النهائي عن البورد العفو والعافية!
Author: BAKTASH
Date: 05-06-2007, 07:24 PM
يا راجل دا كلام شنو؟
انت صاحب قضية... قضية لا تحتمل الهروب وبهذه السرعة!!
ابق معنا... وعافر ناس عادل ديل وما تحردو ليهم.
الهروب مرفوض...مهما كانت المبررات.
|
Post: #10
Title: Re: آها يا جماعة قد حان وقت غيابي النهائي عن البورد العفو والعافية!
Author: kamalabas
Date: 05-06-2007, 07:31 PM
قرار مرفوض يا أدروب...أبقي معنا...الخلاف.سنة الحياة... ليس بيننا
أنسان..نتعلم من أخطائينا ومن مواقفنا ومن بعضنا ..أبقي ودافع عن ماتري
أنه.صحيح
كمال
|
Post: #11
Title: Re: آها يا جماعة قد حان وقت غيابي النهائي عن البورد العفو والعافية!
Author: Frankly
Date: 05-06-2007, 07:33 PM
الاخ ادروب أبوبكر
كل منا يحتاج من وقت لأخر لراحة واستجمام يراجع فيها حساباته ويستجمع قواته
فخذ قسطاً من الراحة ونراك في أقرب القريب
تحياتي كمال
|
Post: #13
Title: Re: آها يا جماعة قد حان وقت غيابي النهائي عن البورد العفو والعافية!
Author: معتز القريش
Date: 05-06-2007, 07:51 PM
Parent: #11
مـــــــــــــــرفـــــــــــــــــــــــــــــوض
جــــــــــــــمـــــــــــــــــــــــــــــلــة
وتـــــــفـــــــــصـــــــــــــــــــــيــــــلا
|
Post: #15
Title: Re: آها يا جماعة قد حان وقت غيابي النهائي عن البورد العفو والعافية!
Author: AMNA MUKHTAR
Date: 05-06-2007, 08:06 PM
| Quote: ياخى ماتشوفى ليك مأذون أحسن ،، فراقو صعب للدرجة دى |
!!!!!!
الذين يتسترون خلف الأسماءالوهمية..
ومداخلاتهم الفجة!
غلطان الأدالك باسويرد.
تراجى زوجة وأم وامرأة تستحق الاحترام..
وهى تساوى مليون مثلك.
|
Post: #30
Title: Re: آها يا جماعة قد حان وقت غيابي النهائي عن البورد العفو والعافية!
Author: Tragie Mustafa
Date: 05-07-2007, 04:08 AM
Parent: #15
بالله يا آمونه من هو هذا السفيه الذي كتب هذا الكلام؟؟؟؟
| Quote: ياخى ماتشوفى ليك مأذون أحسن ،، فراقو صعب للدرجة دى |
والذي كتبه تعليقا على مداخلتي هذه
Quote:
ابوبكر ادروب
انا حزينه جدا....
ترديني ان اتيتم اكثر من مره ليه؟؟؟؟
بوجودك كنت احس ان لي اخوة حقيقين هنا الآن ...تتركني وحيده..مرة آخرى؟؟؟؟ |
نتحدث عن اخوة ويتحدث هذا الصفيق عن مأذون!!!
بالله دي فعلا ما شاكال حرام نتواجد معها في مكان واحد؟؟؟
والله لك حق يا ابوبكر.
ويا هذا المعتوه الصفيق
هل تعلم بعد لحظات زجدت بوست لحامد برقو وهو يتحدث عن مغادرته وكتبت له كلمات مشابهه؟؟؟
يا عالم وبعدين مع هؤلاء الحيوانات؟؟؟؟
يعلم الله ان الحيوانات قد تكون اكثر آدميه من البعض هنا.
|
Post: #16
Title: Re: آها يا جماعة قد حان وقت غيابي النهائي عن البورد العفو والعافية!
Author: ماجدة عوض خوجلى
Date: 05-06-2007, 08:08 PM
اخى ادروب تحياتى لك
بالرغم من كل مايحدث هنا فى اختلاف وجهات النظر وبالرغم من ان هذا الاختلاف ياخذ منحى لفظى عنيف فى بعض الاحيان الااننا فى النهايه نواجه عدو واحد ثق اخى انه لا شى خاص فى خلافاتنا وانه شى طبيعى جدا ان تحدث اختلافات فى وجهات النظر فكل منا ينظر بمنظاره وله منطلقاته ولايجب ان يقود هذا الى صراع شخصى ويجب ان يحترم كل منا خيار الاخر حتى نستطيع تاسيس وضع ديمقراطى ليحق لنا بعد هذا ان ندعو الاخرين لاتباع نهج ديمقراطى اخى تاكد اننى احمل لكل العضويه هنا مشاعر اخوية صادقه وانت من ضمنهم ومن هذا المنطلق ارجومنك ان تعيد التفكير فيماقلته فكلنا بخلافاتنا وتوجهاتنا ومنطلقاتنا يجب ان نكون معا من اجل كشف وفضح والتضيق على هذا النظام ولك تحياتى
|
Post: #17
Title: Re: آها يا جماعة قد حان وقت غيابي النهائي عن البورد العفو والعافية!
Author: معتز القريش
Date: 05-06-2007, 08:16 PM
Parent: #16
| Quote: ياخى ماتشوفى ليك مأذون أحسن ،، فراقو صعب للدرجة دى |
أسلوب بذئ ومرفوض تماما
ولا أظنك ترضاه لأي من نسائك
كما لا نرضاه منك ولا عليك
أرجو سحبه والاعتذار عنه لو تكرمت
|
Post: #18
Title: Re: آها يا جماعة قد حان وقت غيابي النهائي عن البورد العفو والعافية!
Author: Atif Makkawi
Date: 05-06-2007, 08:17 PM
لا يا أخي أدروب فأنت رجلا محترماونشط
وبغيابك سنفقد كثيرا كما فقد هذا المنبر من قبل
تراجع... ولأنك من الأعضاء النشطين فقد اقترحنا
أن تكتب لناديباجة لتوقيعاتنا التي سوف نرسلها
لنواب المعارضةبالمجلس اللاوطني فاذا بك تقرر المغادرة
لا يا أدروب
خارج النص:
أرجو من الزميل الذى عقب علي الزميلة تراجي
سحب ما كتبه فهي أخت محترمة واجب علينا احترامها.
|
Post: #19
Title: Re: آها يا جماعة قد حان وقت غيابي النهائي عن البورد العفو والعافية!
Author: عبدالكريم الامين احمد
Date: 05-06-2007, 09:11 PM
Parent: #18
| Quote: ياخى ماتشوفى ليك مأذون أحسن ،، فراقو صعب للدرجة دى |
ونحن نناشد الاخ ادروب بالبقاء بيننا
نستنكر تماما مثل هذه اللغة
ونتمني من الاخ المحترم التعبير عن اختلافه مع الاخت المحترمة تراجي
بلغة تليق بوجوده ووجودنا جميعا هنا واتمني ان يسحب هذا المداخلة المشوه لروح البوست
الملي بالمناشدات الاخوية من اجل الاخ ادروب ابوبكر.. فهل تكرمت اخي
|
Post: #31
Title: Re: آها يا جماعة قد حان وقت غيابي النهائي عن البورد العفو والعافية!
Author: Tragie Mustafa
Date: 05-07-2007, 04:11 AM
Parent: #19
شكرا لك اهي عبد الكريم لهذه الكلمات لكن بعضهم لا يفقهون
Quote: ونتمني من الاخ المحترم التعبير عن اختلافه مع الاخت المحترمة تراجي
بلغة تليق بوجوده ووجودنا جميعا هنا واتمني ان يسحب هذا المداخلة المشوه لروح البوست |
هذه مش اشكال تعرف معنى للاختلاف الفكري هؤلاء فاقد تربوي ولو معهم دكتوراه.
|
Post: #20
Title: تغيب مؤقت.. نعم.. غياب نهائي لأ..
Author: Raja
Date: 05-06-2007, 09:25 PM
الفاضل الكريم أدروب..
سلامات ومحبات وتقدير..
قد نقبل غيابا مؤقتا تفرضه ظروف العمل أو الحياة.. ولكننا نرفض الغياب النهائي.. فلا زال هناك الكثير والكثير لنكتب عنه ونتشارك به مع بعضنا..
أعجبني الإعتذار الذي صدر من الصديق عادل.. فقد كنت على يقين أن ما نتبادله من لغة حادة لا تعكس حقيقة أفكارنا أو دواخلنا.. له التحية ولك أيضا في إعتذارك..
أتمنى أن تقرأ كل ما كتبه الزملاء أعلاه وتبقى..
ولك التحية والإحترام أينما كنت..
رجا
|
Post: #21
Title: Re: تغيب مؤقت.. نعم.. غياب نهائي لأ..
Author: وليد محمد المبارك
Date: 05-06-2007, 10:04 PM
Parent: #20
تجري ياراجل 
_________
معقوله يا مان
وكت ما ينفتح بينا خط حوار عاوز تشتت
هسع انا عاوز رايك بي صراحة في مواضيع الخلاوي المفتوحة دي
واظن ده السبب الطفشك من البورد
حي انا ما قلتو نوبه
راجع قرارك يا زول وبطل جرسة
|
Post: #22
Title: Re: تغيب مؤقت.. نعم.. غياب نهائي لأ..
Author: مامون أحمد إبراهيم
Date: 05-06-2007, 10:11 PM
Parent: #20
ياأدروب حرام عليك !
هسى إسمك ده براهو ما بالدنيا!
وزى إسمك ده وين نلقاهو تانى ؟!
عليك الله هسى لو فتشنا الدنيا دى
كلها, حنلقى إسم زى إسمك ده ؟!!
يازول ماعندك غيرالسودان ده وإنت
قاعد هنا فى قلبنا !
|
Post: #23
Title: Re: تغيب مؤقت.. نعم.. غياب نهائي لأ..
Author: Salah Abdulla
Date: 05-06-2007, 10:27 PM
Parent: #22
العزيز أدروب ..
كنت أتمنى أن تكون مداخلتي الاولى معك ، غير هذه ..
اذهب يا صديقي ، وأقض حوائجك جميعها ، وعد ..
أما غياب نهائي !! فهذا ما لا نرضاه .
في البيت أو في المكتب عندك كومبيوتر ، او لاب توب ، على اقل في أثناء
انشغالك ستجد فرصة نصف ساعة ، تطل على هنا وتعرف الحاصل شنو ..
ومرة مرة كده خليك (أون لاين) عشان نطمئن على وجودك ، ومتابعتك ..
كن بخير ، ومنتظرينك ..
|
Post: #24
Title: Re: تغيب مؤقت.. نعم.. غياب نهائي لأ..
Author: تاج السر حسن
Date: 05-06-2007, 11:15 PM
Parent: #23
يا ادروب
مع انى ما عارف انك شايت على اى اتجاه، لكنى بعتبرك " هلالابى" وبقول ليك ما تعتزل، ما اهو "العجب" لسه بلعب ، وكمان بجيب اقوان !!
|
Post: #25
Title: Re: تغيب مؤقت.. نعم.. غياب نهائي لأ..
Author: Mohamed Suleiman
Date: 05-06-2007, 11:31 PM
Parent: #24
عزيزي أدروب
اليوم أنت حطمت ما بنيته سنينا ...
كنت و لازلت أنت صوت إنسان الشرق في هذا المنبر ...
و لنفرض أن الظروف دعتك للإحتجاب نهائيا من هذا البورد ... لكن إعلانك لمغادرتك بهذه الصورة قد وهبت لأعداء الشرفاء بالسودان هدية لا تقدر بثمن ..
نعم .. يمكنك أن تغيب عن المنبر و لأجل غير مسمي ... لكن لا تجعل غيابك نهائيا و أنت حي ترزق ..
المنبر و الفضاء الإلكتروني هي الساحات الجديدة لمنازلة العدو ... عدو إنسان السودان .
نريدك هنا في خندق واحد نحمي ظهور بعضنا البعض ..
.
.
|
Post: #26
Title: Re: تغيب مؤقت.. نعم.. غياب نهائي لأ..
Author: محمدين محمد اسحق
Date: 05-06-2007, 11:34 PM
Parent: #24
| Quote: الحبيب أدروب، أرجوك ألا تغادر من أجل قضايا أهل الهامش، |
|
Post: #27
Title: Re: تغيب مؤقت.. نعم.. غياب نهائي لأ..
Author: Muna Khugali
Date: 05-06-2007, 11:43 PM
Parent: #26
اخي أدروب..
لا أحب حديث الوداع..ولا احب التفكير فيه..
أتمني أن تستمر..
أو تذهب وترجع..
وفي كل الخالات أتمني لم كل التوفيق..
|
Post: #28
Title: Re: تغيب مؤقت.. نعم.. غياب نهائي لأ..
Author: Yassir Tayfour
Date: 05-07-2007, 03:20 AM
Parent: #27
يا أدروب يعني أنا تاني أكاوي منو؟؟؟
وأقرقش منو؟؟؟
وأمِز بي منو؟؟؟
يا زول أنا خليتك وتاني أصلو ما بقول ليك تلت التلاتة كم!
بس تعال راجع..
______
وكمان أقول ليك حاجة، خليت تراجي وآمنة ذاتهن، بس إنت تعال راجع..
|
Post: #29
Title: Re: آها يا جماعة قد حان وقت غيابي النهائي عن البورد العفو والعافية!
Author: Deng
Date: 05-07-2007, 03:42 AM
العزيز أدروب.
من الممكن أن أتفهم غياب مؤقت لقضاء بعضض الحوائج والمشغوليات ولكن غياب نهائي فهوا مروفض جملة وتفصيلا.
أنت صاحب قلم ورأي مميز وتدافع عن قضايا عادلة. فكر بهذا الموضوع جيدا.
دينق.
|
Post: #32
Title: Re: آها يا جماعة قد حان وقت غيابي النهائي عن البورد العفو والعافية!
Author: omar ali
Date: 05-07-2007, 04:17 AM
الاخ العزيز
ادروب
عوجــات كيــه
بلغة الدين الاسلامي دا بيعتبر من الموبقات
السبع ..واحداهن: التولي يوم الزحف.
|
Post: #33
Title: Re: آها يا جماعة قد حان وقت غيابي النهائي عن البورد العفو والعافية!
Author: Firdouse
Date: 05-07-2007, 05:02 AM
Parent: #32
العزيز أدروب
غيابك النهائي مرفوض تماما.
كثيرون مثلي يقرؤنك في صمت و ينهلون من غزير علمك.
عد بين الفينة و الأخرى لترضي مطالعتنا لك و لتثري ساحة الحوار بالثمين المفيد في زمن طفو الغث لاستسلام أمثالك.
شكرا على عطائك السابق و المرتقب.
والسلام
فردوس
|
Post: #34
Title: Re: آها يا جماعة قد حان وقت غيابي النهائي عن البورد العفو والعافية!
Author: Elmosley
Date: 05-07-2007, 01:07 PM
آخي الحبيب ادروب انت
رجل جدير باحترامنا لانك اتحت لنا فرصة بديعة
لحوار وطني خالص وحينها حسدتك علي صبرك
والان زاد اعجابي واحترامي لاعتذارك علي من تظن انك
ربما اسآت اليهم وفي هذا يكمن مضمون غفرانك لمن اعتدوا عليك بالقول
خذها استراحة محارب ونحن في انتظارك لنكمل مشوار الوطن الحر
وطن السودان الواحد والسوداني الواحد
لك الحب
|
Post: #35
Title: Re: آها يا جماعة قد حان وقت غيابي النهائي عن البورد العفو والعافية!
Author: Mohamed E. Seliaman
Date: 05-07-2007, 01:18 PM
Parent: #34
الاخ ادروب أبوبكر
كما قال الأخ كمال نقول:
Quote: كل منا يحتاج من وقت لأخر لراحة واستجمام يراجع فيها حساباته ويستجمع قواته
فخذ قسطاً من الراحة ونراك في أقرب القريب |
وسامحنا ونحن مسامحنك
|
Post: #36
Title: Re: آها يا جماعة قد حان وقت غيابي النهائي عن البورد العفو والعافية!
Author: Mohamed E. Seliaman
Date: 05-07-2007, 01:49 PM
Parent: #35
Quote: الأخ بكري أشكرك علي الضيافة الكريمة يا أب قلبا كبير
وما تقدمه من خدمة لأبناء وطنك سيسطرها لك التاريخ بلا شك
الإخوة والأخوات يصعب علي مفارقتكم ومفارقة هذا الصرح إلا أن للظروف أحكام
لا أريد أن إغادر قبل أن أستسمحكم وأطلب الصفح من كل غاضب مني لأي سبب كان
أرجو أن تسامحوني علي أي كلمة بدرت مني قلتها في حالة غضب أو إنفعال
ومن لم يستطع منكم الصفح فاليقتص أو يشتمني كما يحلو له |
العفو والعافية يا أدروب
بس خذ لك راحة واستجمام وعد إلينا
وبارك الله لك في وقتك
|
Post: #37
Title: Re: آها يا جماعة قد حان وقت غيابي النهائي عن البورد العفو والعافية!
Author: Mohammed Elhaj
Date: 05-07-2007, 02:21 PM
بالضرورة يا أخ ادروب انو غياب أي شخص ممكن يقدم "معرفة" أو يثري نقاش بي "أفكارو" بيكون خسارة كبيرة للبورد
سؤال خبيث
* لماذا يفتح الاخوان الذين يودون مغادرة البورد بوستات يعلنون فيها عن رحيلهم من البورد ان لم تكن مناورة لغرض ما
|
Post: #39
Title: Re: آها يا جماعة قد حان وقت غيابي النهائي عن البورد العفو والعافية!
Author: يازولyazoalيازول
Date: 05-07-2007, 02:40 PM
Parent: #37
الأخ أدروب أرجوك أن تبقى بيننا فأنت أخ كريم
|
Post: #38
Title: Re: آها يا جماعة قد حان وقت غيابي النهائي عن البورد العفو والعافية!
Author: essam&amal
Date: 05-07-2007, 02:39 PM
قد نقبل غيابا مؤقتا تفرضه ظروف العمل أو الحياة.. ولكننا نرفض الغياب النهائي.. فلا زال هناك الكثير والكثير لنكتب عنه ونتشارك به مع بعضنا..
عد فالعود احمد
لك التحايا
ام وضاح
|
Post: #40
Title: Re: آها يا جماعة قد حان وقت غيابي النهائي عن البورد العفو والعافية!
Author: بدرالدين كاجوري
Date: 05-07-2007, 02:50 PM
آخي الحبيب ادروب انت
رجل جدير باحترامنا لانك اتحت لنا فرصة بديعة
لحوار وطني خالص وحينها حسدتك علي صبرك
والان زاد اعجابي واحترامي لاعتذارك علي من تظن انك
ربما اسآت اليهم وفي هذا يكمن مضمون غفرانك لمن اعتدوا عليك بالقول
خذها استراحة محارب ونحن في انتظارك لنكمل مشوار الوطن الحر
وطن السودان الواحد والسوداني الواحد
لك الحب
|
|